oq yoki deyarli oq rangli granulalangan kukun, suv qo‘shilganida oq yoki deyarli oq rangli suspenziya hosil bo‘ladi.

Beta-laktamazalar ingibitori bilan keng ta’sir doirasiga ega bo‘lgan penitsillinlar guruhiga mansub antibiotik.

J01CR02

Preparatning ikkala komponenti xam ichga qabul qilingandan keyin tez va yaxshi so‘riladi. Agar preparatni bevosita ovqatdan oldin qabul qilinsa, ularni so‘rilishi yaxshilanadi. Ichga qabul qilinganda amoksitsillin va klavulanat kislotasining biokiraolishligi taxminan 70% ga yetadi. Ikkala komponentning xam plazmadagi kontsentratsiyasining profili bir xil bo‘lib, har bir modda uchun cho‘qqi kontsentratsiyasiga (Tmax) erishish vaqti taxminan bir soatni tashkil qiladi. Ichga qabul qilingandan keyin zardobda erishiladigan amoksitsillin va klavulanat kislotasining kontsentratsiyalari, amoksitsillin yoki klavulanat kislotasining ekvivalent dozalarini alohida ichga qabul qilish natijasida olinadigan kontsentratsiyalari bilan bir xil. Plazmadagi klavulanat kislotasining umumiy miqdorini taxminan 25% va amoksitsillinning umumiy miqdorini taxminan 18% oqsillar bilan bog‘langan holda bo‘ladi. Taxminiy taqsimlanish hajmi amoksitsillin uchun taxminan 0,3-0,4 l/kg va klavulanat kislotasi uchun taxminan 0,2 l/kg ni tashkil qiladi. Amoksitsillin va klavulanat kislotasi qovuq, qorin devori to‘qimalari, teri, yog‘ to‘qimasi, mushak to‘qimalari, sinovial va peritoneal suyuqliklarda, safro va yiringda aniqlanadi. Amoksitsillin orqa miya suyuqligiga juda oz miqdorda kiradi xolos. Amoksitsillin dastlabki dozasining ko‘pi bilan 10-25% ga ekvivalent bo‘lgan hajmlarda nofaol penitsil kislotasi shaklida siydik bilan qisman chiqariladi. Klavulanat kislotasi odam organizmida jadal metabolizmga uchraydi, siydik va ahlat bilan, shuningdek nafas yo‘llari orqali karbonat angidridi holida chiqariladi. Amoksitsillinni asosiy chiqarilish yo‘li buyraklar orqali bo‘lsa, ayni paytda klavulanat kislotasi organizmdan buyrak va buyrakdan tashqari mexanizmlar yordamida chiqariladi.

Djoyklav-228,5 ning kuniga ikki marta dozali suspenziyasi, amoksitsillinga chidamli shtammlar chaqirgan, beta-laktamazalarni ishlab chiqaruvchi quyidagi bakterial infektsiyalarni qisqa muddatli davolash uchun ko‘rsatilgan (amoksitsillin bilan monoterapiya samarasizligida): Yuqori nafas yo‘llarining (shu jumladan LOR-a’zolarining) infektsiyalari, masalan, qaytalanuvchi tonzillit, sinusit, o‘rta otit.Quyi nafas yo‘llarining infektsiyalari, masalan, surunkali bronxitni zo‘rayishi, bo‘lakli pnevmoniya va bronxopnevmoniya.Siydik jinsiy yo‘llarining infektsiyalari, masalan, tsistit, uretrit, piyelonefrit.Teri va yumshoq to‘qimalarning infektsiyalari, masalan, tsellyulit, hayvonlarni tishlashi.Dental infektsiyalar, masalan, tarqalayotgan tsellyulit bilan og‘ir tishli abstsess. Amoksitsillinga sezgir mikroorganizmlar, Djoyklav-228,5 ga sezgir beta-laktamazalarni ishlab chiqaruvchi mikroorganizmlar bilan birga chaqirgan aralash infektsiyalarni, beta-laktam antibiotiklarni qo‘shimcha qabul qilishning zaruratisiz, Djoyklav-228,5 suspenziyasi bilan davolash mumkin.

Optimal so‘rilishi va me’da-ichak yo‘llari tomonidan mumkin bo‘lgan nojo‘ya samaralarini kamaytirish uchun, Djoyklav-228,5 ni ovqat qabul qilishning boshida qabul qilish tavsiya etiladi. Davolash davomiyligi ko‘rsatmalarga bog‘liq va klinik vaziyatni qayta ko‘rishsiz 14 kundan oshmasligi kerak. Suspenziya bevosita birinchi qo‘llash oldidan, quruq kukunga muvofiq miqdordagi suvni qo‘shish yordamida tayyorlanadi. Ishlatish oldidan qopqog‘ining butunligini tekshirish kerak. Quruq kukunni oldin yumshatish, so‘ngra yuqorida ko‘rsatilgan miqdorda suv qo‘shish va yaxshilab chayqatish kerak. Yoki flakon etiketkasidagi belgidan pastroq darajada biroz miqdorda suv qo‘shish, yaxshilab chayqatish, so‘ngra suv bilan hajmni belgigacha yetkazish va yana yaxshilab chayqatish kerak. Odatdagi tavsiya qilingan sutkalik doza: o‘rtacha og‘irlikdagi infektsiyalarda (yuqori nafas yo‘llarining infektsiyalari, masalan, qaytalanuvchi tonzillit; quyi nafas yo‘llarining infektsiyalari, teri va yumshoq to‘qimalarning infektsiyalari) kuniga 25/3,6 mg/kg 2-6 yoshdagi (13-21 kg) bolalarga – sutkada 5,0 ml ikki marta; 7-12 yoshdagi (22-40 kg) bolalarga – sutkada 10,0 ml ikki marta; jiddiyroq infektsiyalarda (yuqori nafas yo‘llarining infektsiyalari, masalan sinusit, o‘rta otit; quyi nafas yo‘llarining infektsiyalari, masalan, bronxopnevmoniya; siydik jinsiy yo‘llarining infektsiyalari) kuniga 45/6,4 mg 2-6 yoshdagi (13-21 kg) bolalarga – sutkada 10,0 ml ikki marta; 7-12 yoshdagi (22-40 kg) bolalarga – sutkada 20,0 ml ikki marta buyuriladi. 2 oylikdan 2 yoshgacha bo‘lgan bolalar Dozani hisoblash vaznga qarab o‘tkaziladi. 2 oylikkacha bo‘lgan bolalar Hozirgi vaqtgacha 2 oylikdan kichik bolalarda Djoyklav-228,5 suspenziyasini qo‘llash uchun klinik ma’lumotlar yetarli emas. Shunday qilib, 228 mg/5 ml suspenziyasini ushbu guruhda qo‘llash tavsiya qilinmaydi. Buyrak faoliyatini buzilishi bo‘lgan patsiyentlar Kreatinin klirensining qiymati >30 ml/minut bo‘lgan bolalarda dozaga tuzatish kiritish talab qilinmaydi. Kreatinin klirensi <30 ml/minut bo‘lgan bolalarga Djoyklav-228,5 suspenziyasi tavsiya qilinmaydi. Buyrak faoliyati yetarlicha rivojlanmagan chaqaloqlar Buyrak faoliyati yetarlicha rivojlanmagan chaqaloqlar uchun Djoyklav-228,5 suspenziyasi tavsiya qilinmaydi. Jigar faoliyatini buzilishi patsiyentlar Davolash ehtiyotkorlik bilan o‘tkaziladi; jigar faoliyati muntazam ravishda monitoring qilinadi. Bunday patsiyentlarda tavsiya qilingan dozalarni o‘zgartirish uchun ma’lumotlar yetarli emas.

Nojo‘ya reaktsiyalarining tez-tezligi quyidagicha aniqlangan: juda tez-tez (>1/10), tez-tez (>1/100 va <1/10), ba’zida (>1/1000 va <1/100), kam xollarda (>1/10000 va <1/1000), juda kam xollarda (<1/10000). Infektsiyalar va invaziyalar Tez-tez – shilliq qavatlar kandidozi; Qon yaratish tizimi va limfa tizimi tomonidan Kam hollarda – qaytuvchan leykopeniya (shu jumladan neytropeniya) va trombotsitopeniya; Juda kam hollarda – qaytuvchan agranulotsitoz va gemolitik anemiya, protrombin vaqti va qon ketishi vaqtini uzayishi Immun tizimi tomonidan Juda kam hollarda – angionevrotik shish, anafilaktik reaktsiyalar, zardob kasalligiga o‘xshash sindrom, allergik vaskulit; Nerv tizimi tomonidan: Ba’zida – bosh aylanishi, bosh og‘rig‘i Juda kam hollarda – qaytuvchan o‘ta yuqori faollik va tirishishlar. Tirishishlar buyrak faoliyati buzilishi bo‘lgan patsiyentlarda yoki preparat yuqori dozalarda qabul qilinganida namoyon bo‘lish mumkin. Me’da-ichak yo‘llari tomonidan: Kattalar: juda kam hollarda – diareya; tez-tez – ko‘ngil aynishi, qusish; Bolalar: tez-tez – diareya, ko‘ngil aynishi, qusish; Barcha guruh patsiyentlari Ko‘ngil aynishi, asosan preparat yuqori dozalarda qabul qilinishi bilan bog‘liq. Me’da-ichak yo‘llari tomonidan nojo‘ya samaralari ehtimolini kamaytirish uchun, Djoyklav-228,5 ni ovqatlanishni boshida qabul qilish tavsiya etiladi. Ba’zida – ovqat hazm qilishni buzilishi; Juda kam hollarda – antibiotiklarni qabul qilish bilan bog‘liq bo‘lgan kolit (shu jumladan, soxtamembranoz va gemorragik kolit), Qora “tukli” til. Gepatobiliar tizimi tomonidan Ba’zida – AST va ALT larning darajasini o‘rtacha oshishi beta-laktam antibiotiklarini qabul qilgan patsiyentlarda kuzatilgan, biroq ushbu ko‘rinishlarning klinik ahamiyati noma’lum. Juda kam hollarda – gepatit va xolestatik sariqlik (boshqa penitsillinlar va tsefalosporinlar bilan yo‘ldosh davolanganda kuzatilgan). Teri va teri osti yog‘ qavati tomonidan Ba’zida – teri toshmasi, qichishish, eshakemi. Kam hollarda – ko‘p shaklli eritema; Juda kam hollarda – Stivens-Djonson sindromi, toksik epidermal nekroliz, o‘tkir yoyilgan ekzantematoz pustullez. Har qanday yuqori sezuvchanlik simptomlari rivojlanganida Djoyklav-228,5 bilan davolashni to‘xtatish kerak. Buyraklar va siydik chiqarish tizimi tomonidan Juda kam – interstitsial nefrit, kristalluriya (“Dozani oshirib yuborilishi” bo‘limiga qarang).

beta-laktam antibiotiklarga, masalan, penitsillinlar, tsefalosporinlarga o‘ta yuqori sezuvchanlik.anamnezdagi Djoyklav-228,5 ni qo‘llash fonida jigar faoliyatini buzilishi yoki sariqlikda qo‘llash mumkin emas.

Djoyklav-228,5 ni probenetsid bilan bir vaqtda qo‘llash tavsiya qilinmaydi. Probenetsid amoksitsillinning naychalar orqali sekretsiyasini pasaytiradi va shuning uchun Djoyklav-228,5 va probenetsidni birga qo‘llash amoksitsillinning qondagi darajasini oshishiga va persisteniyasiga olib kelishi mumkin, lekin klavulanat kislotasini emas. Allopurinol va amoksitsillin bir vaqtda qo‘llanganida teri allergik reaktsiyalarini rivojlanish xavfi oshishi mumkin. Hozirgi vaqtda Djoyklav-228,5 va allopurinolni bir vaqtda qo‘llash bo‘yicha ma’lumotlar yo‘q. Boshqa antibiotiklar kabi, Djoyklav-228,5 ichak mikroflorasiga ta’sir ko‘rsatishi mumkin, bu estrogenlarning qayta so‘rilishini pasayishiga va muvofiq majmuaviy peroral kontratseptivlarning samaradorligini pasayishiga olib kelishi mumkin. Adabiyotda atsenokumarol yoki varfarin va amoksitsillinni buyurilgan kursini qabul qilayotgan patsiyentlarda xalqaro me’yorlashgan nisbatni (XMN) oshishining kam hollari ta’riflangan. Shuning uchun Djoyklav-228,5 va antikoagulyantlar bir vaqtda qo‘llanganida Djoyklav-228,5 ni qo‘shish yoki bekor qilish bilan XMN va protrombin vaqtini muvofiq monitoringini o‘tkazish kerak.

Djoyklav-228,5 bilan davolashni boshlashdan oldin penitsillinlar, tsefalosporinlar va boshqa allergenlarga nisbatan ilgari kuzatilgan yuqori sezuvchanlik reaktsiyalari bo‘yicha batafsil anamnez yig‘ish kerak. Penitsillinlarga nisbatan jiddiy, ba’zida esa o‘lim bilan tugagan yuqori sezuvchanlik reaktsiyalari (anafilaktik reaktsiyalar) ta’riflangan. Bunday reaktsiyalarning rivojlanishini xavfi anamnezida penitsillinlar guruhi antbiotiklariga nisbatan yuqori sezuvchanlik reaktsiyalari bo‘lgan patsiyentlarda juda yuqori (“Qo‘llash mumkin bo‘lmagan holatlar” ga qarang). Infektsion mononukleozga gumon qilingan holda, Djoyklav-228,5 ni qo‘llash mumkin emas, chunki u bilan kasallangan patsiyentlarda amoksitsillin qizamiqsimon teri toshmalarini chaqirishi mumkin, bu kasallikka tashxis qo‘yishni qiyinlashtiradi. Djoyklav-228,5 bilan uzoq muddat davolash ba’zida sezgir bo‘lmagan mikroorganizmlarni haddan tashqari o‘sishiga olib keladi. Djoyklav-228,5 qabul qilayotgan patsiyentlarda, kam hollarda protrombin vaqtini oshishi (INR oshishi) kuzatiladi, shuning uchun Djoyklav-228,5 va antikoagulyantlar bir vaqtda qo‘llanganida tegishli monitoring o‘tkazish kerak. Kerakli antikoagulyatsiya darajasiga erishish uchun og‘iz orqali qabul qilinadigan antikoagulyantlarning dozasiga tuzatish kiritish talab qilinishi mumkin. Djoyklav-228,5 qabul qilayotgan ba’zi patsiyentlarda jigar faoliyatini aniqlash bo‘yicha o‘tkaziladigan sinamalarning natijalarida o‘zgarishlar kuzatilgan. Bu o‘zgarishlarning klinik ahamiyati noma’lum, ammo Djoyklav-228,5 ni jigar faoliyati buzilgan patsiyentlarda ehtiyotkorlik bilan qo‘llash, jigar faoliyatini muntazam monitoring qilish kerak. Xolestatik sariqlik u jiddiy, biroq odatda qaytuvchan bo‘lishi mumkin, paydo bo‘lganligi haqida kam xabarlar berilgan. Simptomlari odatda davolash to‘xtatilganidan so‘ng olti hafta davomida o‘tib ketadi. Buyrak yetishmovchiligi bo‘lgan patsiyentlarga Djoyklav-228,5 suspenziyasi tavsiya qilinmaydi. Diurezi pasaygan patsiyentlarda juda kam hollarda kristalluriya, asosan, parenteral davolanishda rivojlanishi mumkin. Amoksitsillinning yuqori dozalari yuborilgan vaqtda, amoksitsillinning kristallarini hosil bo‘lish ehtimolini kamaytirishi uchun, yetarli miqdorda suyuqlik ichish va adekvat diurezni tutib turish tavsiya qilinadi Homiladorlik va laktatsiya davrida qo‘llanishi Homiladorlik vaqtida, ayniqsa birinchi uch oyligida boshqa dori preparatlari kabi Djoyklav-228,5 ni buyurishdan saqlanish kerak. Uni qo‘llashning zarurati davolovchi shifokor tomonidan baholanishi kerak. Laktatsiya davrida Djoyklav-228,5 ni qo‘llash mumkin. Ko‘krak suti bilan Djoyklav-228,5 ning faol komponentlarini juda oz miqdorda ajralishi bilan bog‘liq bo‘lgan yuqori sezuvchanlik xavfidan tashqari, emizikli bolaga har qanday zararli ta’siri aniqlanmagan. Mexanizmlarni boshqarish qobiliyatiga ta’siri Avtomobil va/yoki boshqa mexanizmlarni boshqarish qobiliyatiga salbiy ta’siri kuzatilmagan. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda 25ºS dan yuqori bo‘lmagan haroratda saqlansin.

Me’da-ichak buzilishlari va suv-elektrolit muvozanatini buzilishi rivojlanishi mumkin. Davolash simptomatik, suv-elektrolit muvozanatini me’yorlashtirishga alohida e’tibor berish kerak. Ba’zi hollarda buyrak yetishmovchiligini rivojlanishiga olib keluvchi amoksitsillinli kristalluriya ta’riflangan (“Maxsus ko‘rsatmalar” ga qarang). Djoyklav-228,5 qondan gemodializ yordamida chiqariladi.

Retsept bo‘yicha

Kukun 60 ml hajmli HDPE flakonda. Bir flakon o‘lchov qalpoqchasi va qo‘llash bo‘yicha yo‘riqnomasi bilan birga karton qutiga joylangan.

Ichga qabul qilish uchun suspenziya tayyorlash uchun kukun – 2 yil. Tayyor suspenziya – 7 kun.