Tiniq, rangsiz eritma.

Allergiyaga qarshi vosita.

R05AA02

Vena ichiga va mushak ichiga yuborilganidan keyin dimedrol organizmda keng tarqaladi, maksimal kontsentratsiyasiga 20-40 minut o‘tgach erishiladi. Gematoentsefalik to‘siq va yo‘ldosh orqali yaxshi o‘tadi. 99% dan ko‘prog‘i plazma oqsillari bilan bog‘lanadi. Jigarda metabolizmga uchraydi. Yarim chiqarilish davri 1–4 soatni tashkil qiladi. Sut bilan chiqariladi va emizikli bolalarda sedativ samara chaqirishi mumkin. Sutka davomida organizmdan to‘liq, asosan glyukuron kislotasi bilan kon’yugirlangan benzgidrol ko‘rinishida, va ahamiyatsiz miqdorida – o‘zgarmagan holda chiqariladi.

Majmuaviy davolashda – anafilaktik va anafilaktoid reaktsiyalar, Kvinke shishi, zardob kasalligi. Me’da va o‘n ikki barmoq ichak yara kasalligi, giperatsid gastrit (majmuaviy davolash tarkibida). Parkinsonizm, xoreya, uyqusizlik. Homiladorlar qusishi, Menyer sindromi, dengiz va havo kasalligi, nur kasalligi. Teri va yumshoq to‘qimalarning katta travmatik shikastlanishlari (kuyishlar, ezilishlar), gemorragik vaskulit. Premedikatsiya.

Qo‘llash usuli: vena ichiga va mushak ichiga yuboriladi. Kattalarga va 14 yoshdan oshgan bolalarga vena ichiga yoki mushak ichiga 10 mg/ml 1-5 ml eritma (10-50 mg) kuniga 1-3 marta; maksimal sutkalik doza – 200 mg. 7 oylikdan 12 oylikkacha bo‘lgan bolalar uchun 0,3-0,5 ml dan (3-5 mg), 1 yoshlikdan 3 yoshlikkacha 0,5-1 ml dan (5-10 mg), 4 dan 6 yoshlikkacha 1-1,5 ml dan (10-15 mg), 7 dan 14 yoshlikkacha 1,5-3 ml dan (15-30 mg) zarurati bo‘lganida har 6-8 soatda yuboriladi.

Allergik reaktsiyalar: eshakemi, fotosezuvchanlik, teri toshmasi, qichishish, anafilaktik shok. Nerv tizimi tomonidan: bosh aylanishi, uyquchanlik, asabiylik, uyqusizlik, eyforiya, umumiy kuchsizlik, charchoqlik, sedativ ta’siri, diqqatni pasayishi, bosh og‘rig‘i, harakatlar koordinatsiyasini buzilishi, bezovtalik, yuqori qo‘zg‘aluvchanlik (ayniqsa bolalarda), ta’sirchanlik, ongni chalkashishi, tremor, nevrit, tirishishlar, paresteziya, ko‘rishni buzilishi, o‘tkir labirintit, quloqlarda shovqin, tutqanoqsimon xurujni qo‘zg‘atishi mumkin. Ovqat hazm qilish tizimi tomonidan: og‘izni qurishi, og‘iz bo‘shlig‘ining shilliq qavatini qisqa muddatli uvishishi, anoreksiya, diareya, qabziyat, ko‘ngil aynishi, epigastral distress, qusish. Nafas tizimi tomonidan: og‘iz bo‘shlig‘i, burun, bronxlarning shilliq qavatini quruqligi (balg‘amning qovushqoqligini oshishi), ko‘krak qafasida siqilish. Qon yaratish a’zolari tomonidan: gemolitik anemiya, trombotsitopeniya, agranulotsitoz. Yurak-tomir tizimi tomonidan: gipotenziya, yurak urishi, taxikardiya, ekstrasistoliya. Siydik chiqarish tizimi tomonidan: siyishni buzilishi. Boshqalar: ko‘p terlash, etni uvishishi.

O‘ta yuqori sezuvchanlik, yopiqburchakli glaukoma, prostata bezining giperplaziyasi, stenozlovchi me’da va o‘n ikki barmoq ichakning yara kasalligi, qovuq bo‘ynining stenozi, bronxial astma, tutqanoq, 7 oylikkacha bo‘lgan bolalik yoshi. Ehtiyotkorlik choralari: Dimedrolin bilan davolanish vaqtida ultrabinafsha nurlanish va spirtli ichimliklarni iste’mol qilishdan saqlanish kerak. Shifokorga bu preparatni qo‘llash haqida ma’lumot berish kerak: qusishga qarshi ta’siri appenditsitning diagnostikasini va boshqa dori vositalarining dozasini oshirib yuborilishi simptomlarini aniqlashni qiyinlashtirishi mumkin. Preparatning dori shakli uni teri ostiga yuborish uchun ishlatishni nazarda tutmaydi.

Etanol va boshqa markaziy nerv tizimini susaytiruvchi dori vositalarining ta’sirini kuchaytiradi. Monoaminooksidaza ingibitorlari dimedrolinning antixolinergik faolligini kuchaytiradi. Psixostimulyatorlar bilan birga buyurilganida antagonistik o‘zaro ta’siri aniqlanadi. Zaharlanishni davolashda apomorfinning qustiruvchi dori vositasi sifatidagi samaradorligini pasaytiradi. M-xolinobloklovchi faollikka ega bo‘lgan dori vositalarining antixolinergik samaralarini kuchaytiradi.

Homiladorlik davrida va emizish davrida preparatni ho‘llash mumkin emas (bu “hayotiy” ko‘rsatmalar bo‘yicha zarur bo‘lgan hollardan tashqari). Dori preparatini transport vositalarini va mexanizmlarni boshqarish qobiliyatiga ta’siri Davolanish vaqtida transportni haydash va yuqori diqqatni va psixomotor reaktsiyalar tezligini talab qiluvchi potentsial xavfli faoliyat turlari bilan shug‘ullanishga yo‘l qo‘yilmaydi. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Quruq, yorug‘likdan himoyalangan joyda, 25ºS yuqori bo‘lmagan haroratda saqlansin.

Simptomlari: markaziy nerv tizimini susayishi, qo‘zg‘alish (ayniqsa bolalarda) yoki depressiya, qorachiqlarni kengayishi, og‘izni qurishi, me’da-ichak yo‘llarining parezi. Davolash: spetsifik antidoti yo‘q, me’dani yuvish, zarurati bo‘lganida – arterial bosimni oshiruvchi  dori vositalari, kislorod, vena ichiga plazma o‘rnini bosuvchi suyuqliklarni yuborish. epinefrin va analeptiklarni ishlatish mumkin emas.

Retsept bo‘yicha

Vena ichiga va mushak ichiga yuborish uchun 1% li eritma, 1 ml yoki 2 ml dan ampulalarda. 10 ampuladan qo‘llash bo‘yicha yo‘riqnomasi bilan birga karton qutida yoki 5, 10 ampuladan karton qutida yoki 5, 10 ampuladan kontur uyali o‘ramda.

4 yil.