dumaloq shaklli, ikki yoqlama qavariq, oq rangli plyonka qobiq bilan qoplangan, uzun bo‘lmagan riskali tabletkalar.

antigipertenziv vosita

Ichga qabul qilingandan keyin MIY da tez va deyarli to‘liq so‘riladi, qon plazmasi oqsillari bilan bog‘lanishi 80% ni tashkil qiladi. Jigar orqali “birinchi o‘tishida” biotransformatsiyaga uchraydi, biokiraolishligi 40% ni tashkil qiladi. Bir qancha oraliq almashinuv hosilalarini hosil bo‘lishi bilan jigarda metabolizmga uchraydi, ulardan ko‘pchiligi organizmdan safro (65%) orqali, kamroq darajada buyrak (35%) orqali chiqariladi. Yarim chiqarilish davri 4-10 soatni tashkil qiladi. Uzoq muddat qo‘llanganida diltiazemning farmakokinetikasi o‘zgarmaydi. Preparat organizmda to‘planmaydi va o‘zining metabolizmini induktsiya qilmaydi. Stenokardiyali va buyrak funktsiyasini buzilishlari bo‘lgan bemorlarda diltiazemning farmakokinetikasi o‘zgarmaydi. Buyrak yetishmovchiligi bo‘lgan bemorlarda biokiraolishligi oshadi va yarim chiqarilish davri uzayadi. Keksalik yoshida ham diltiazemning klirensi pasayishi mumkin. Gemodializda va peritoneal dializda chiqarilmayi.

Tabletkalarni ichga, ovqatdan oldin, chaynamasdan, oz miqdordagi suyuqlik bilan qabul qilish lozim. Dozalash tartibi individual ravishda belgilanadi. Odatda 180-360 mg sutkalik doza 2 qabulga bo‘lib buyuriladi. Uzoq muddat samarani bir maromda ushlab turuvchi davolashga o‘tishda preparatning dozasi sutkada ertalab bir marta 180 mg gacha kamaytirilishi mumkin. Maksimal sutkalik doza 360 mg ni tashkil qiladi.

Yurak-qon tomir tizimi tomonidan: bradikardiya, qorinchalar ekstrasistoliyasi, surunkali yurak yetishmovchiligi, hatto asistoliyagacha bo‘lgan sinoaurikulyar blokada, AB ni yaqqol pasayishi, hushdan ketish, terini qizarishi, kam hollarda – stenokardiya, aritmiya (shu jumladan qorinchalarni xilpillashi va lipillashi), taxikardiya, hansirash, periferik shishlar. Yuqori dozalarda qo‘llanganida – stenokardiya, bradikardiya, atrioventrikulyar blokada. Ovqat hazm qilish tizimi tomonidan: og‘izni qurishi, ishtahani oshishi, qusish, ko‘ngil aynishi, jig‘ildon qaynashi, diareya, gipertrofik gingivit, qabziyat, giperkreatininemiya, qorinda og‘riq, jigar funktsiyasini buzilishi, ichak tutilishi. Markaziy nerv tizimi va sezgi a’zolari tomonidan: bosh og‘rig‘i, umumiy holsizlik, asteniya, yuqori toliqish, havotirlik, bosh aylanishi,  uyquchanlik, uyqusizlik, depressiya, patologik qo‘rquv xolati, ekstropiramid buzilishlar, parkinsonizm (ataksiya, “niqobsimon” yuz, “chayqalib” yurish, oyoq va qo‘llarning harakatlarini qiyinlashishi, qo‘l kaftlarini va barmoqlarini qaltirashi, yutishni qiyinlashishi). Yuqori dozalarda qo‘llanganida – paresteziyalar, ko‘rishni buzilishi (tranzitor ko‘rlik). Allergik reaktsiyalar: yorug‘likka yuqori sezuvchanlik, qichishish, teri toshmasi, yuz terisining giperemiyasi, Stivens-Djonson sindromi. Juda kam hollarda – ko‘p shaklli eritema, eksfoliativ dermatit. Boshqalar: preparatni qabul qilish juda kam hollarda – qon zardobida “jigar” fermentlarining kontsentratsiyasini oshishiga, periferik shishga olib keladi. Yuqori dozalarda qo‘llanganida – o‘pka shishi (nafasni qiyinlashishi, yo‘tal, stridoroz nafas); kam hollarda – trombotsitopeniya, agranulotsitoz, galoktereya, tana vaznini oshishi. Preparat keskin bekor qilinganida yondosh taxikardiya, arterial gipertenziya va stenokardiyaning kechishini yomonlashishi bilan “bekor qilish” sindromi rivojlanishi mumkin.

-Preparatga va benzotiazipinning boshqa hosilalariga yuqori sezuvchanlik, – sinoaurikulyar blokada, II va III darajali sinoatrial va atrioventrikulyar blokada (kardiostimulyatorli patsiyentlardan tashqari) – yaqqol bradikardiya, sinus tugunining kuchsizligi sindromi ritmning sun’iy boshqaruvchisini qo‘llashsiz – kardiogen shok – Volf-Parkinson-Uayt sindromi, Laun-Ganong-Levin sindromi bo‘lmachalarni qaltirashi va fibrillyatsiyasi bilan birga (kardiostimulyatorli bemorlardan tashqari) – yaqqol arterial gipotenziya (sistolik AB 90 mm sim.ust. dan kam) – o‘tkir yurak yetishmovchigi – surunkali yurak yetishmovchiligi (dekompensatsiya bosqichidagi) – chap qorincha yetishmovchiligining belgilari  bilan kechuvchi miokard infarkti – keng kompleksli QRS  qorinchalar taxikardiyasi – homiladorlik, laktatsiya davri – 18 yoshgacha bo‘lgan bolalarda (samaradorligi va xavfsizligi aniqlanmagan) qo‘llash mumkin emas.

Diltiazem  Lannaxer preparati antigipertenziv vositalar bilan birga qo‘llanganida gipotenziv ta’siri kuchayadi. Diltiazem va digoksin bir vaqtda qo‘llanganida qonda digoksinning kontsentratsiyasi oshishi mumkin. Diltiazem Lannaxer preparati antiaritmik vositalar, beta-adrenoblokatorlar, yurak glikozidlari bilan bir vaqtda qo‘llanganida bradikardiya rivojlanishi, atrioventrikulyar o‘tkazuvchanlikni buzilishi, yurak yetishmovchiligining belgilari paydo bo‘lishi mumkin. Adenozin bilan bir vaqtda qo‘llanganida, uzoq davom etuvchi bradikardiyani rivojlanish xavfi yuqori. Salitsilatlar qo‘shimcha tarzda trombotsitlar agregatsiyasi qobiliyatini susaytiradi. Tsimetidin diltiazemning jigardagi biotransformatsiyasi jarayonini susaytiradi, Diltiazem Lannaxer preparatining ta’siri davomiyligini oshirib, uning chiqarilishini sekinlashtiradi. Diltiazem qon plazmasida teofillin va karmazepinning kontsentratsiyasini oshiradi (40-70%) va nojo‘ya reaktsiyalarining paydo bo‘lishi xavfini oshiradi, shu jumladan ataksiya, nistagm, diplopiya, bosh og‘rig‘i, qusish, ongni chalkashishi, shuningdek tsiklosporin, digoksin (50% gacha),  imipramin, litiy va midazolamning kontsentratsiyasini oshiradi. Peroral gipoglikemik vositalarining (masalan, xlorpropamid va glipizidning) ta’sirini kuchaytiradi. Buyrak ko‘chirib o‘tkazilgan bemorlarda diltiazem va tsiklosporin bir vaqtda qo‘llanganida tsiklosporin bilan intoksikatsiya, paresteziyalar rivojlanishi mumkin. Shuning uchun, ushbu guruh patsiyentlarda tsiklosporinning plazmadagi kontsentratsiyasi darajasini diqqat bilan kuzatish lozim. Ovqat qabul qilish diltiazemni so‘rilishi va biokiraolishligini 20-30% ga oshiradi. QT intervalining uzayishini chaqiruvchi prokainamid, xinidin va boshqa dori vositalari, uning ahamiyatli uzayishi xavfini oshiradi. Propranolning biokiraolishligini oshirishi mumkin. Ingalyatsion anesteziya uchun vositalar (uglevodorod hosilalari), tiazidli diuretiklar va AB ni pasaytiruvchi boshqa dori vositalari diltiazemning gipotenziv samarasini kuchaytiradi. Fenobarbital, diazepam, rifampitsin diltiazemning kontsentratsiyasin pasaytiradi. Xinidin, valproat kislotasining qondagi kontsentratsiyasini oshiradi (dozani kamaytirish talab qilinishi mumkin). Nitratlarni (shu jumladan uzaytirilgan shakllarini) bir vaqtda buyurish mumkin. Umumiy anestetiklarning kardiodepressiv ta’sirini kuchaytiradi. Litiy preparatlari diltiazemning neyrotoksik ta’sirini kuchaytirishi mumkin (ko‘ngil aynishi, qusish, diareya, ataksiya, titrash va/yoki quloqlarda shovqin). Indometatsin va boshqa nosteroid yallig‘lanishga qarshi vositalar, glyukokortikosteroidlar va estrogenlar, shuningdek simpatik dori vositalar gipotenziv samarani pasaytiradi.

Diltiazem miokardning o‘tkazuvchanligini pasaytiradi, shuning uchun uni I darajali AV blokadasi va bradikardiyasi bo‘lgan patsiyentlarga alohida ehtiyotkorlik bilan buyuriladi. Yurakning chap qorinchasi funktsiyasini buzilishlari bo‘lgan patsiyentlarga ham ehtiyotkorlik bilan buyurish kerak. Boshqa dori vositalarni qabul qiluvchi, xususan adrenergik retseptorlarning blokatorlarni ichga qabul qilayotgan patsiyentlarga diltiazem ehtiyotkorlik bilan buyuriladi. Ushbu guruh patsiyentlarida davolash jarayonini kardiologning sinchkov kuzatuvi ostida o‘tkazilishi lozim. Diltiazem jigar yoki buyrak yetishmovchiligi bo‘lgan patsiyentlarga extiyotkorlik bilan buyuriladi; ushbu guruh patsiyentlarida zarurati bo‘lganida preparatning buyurilayotgan dozalarini kamaytirish va siydikdagi mochevina miqdorini, kreatininni nazorat qilish, shuningdek jigar funktsiyasini nazorat qilish lozim. Jigar funktsiyasini buzilishlari bo‘lgan patsiyentlarda sutkalik doza 90 mg dan oshmasligi lozim va jigar funktsiyasini muntazam nazorat qilish kerak. Keksa patsiyentlar uchun standart dozalarni moslashtirish lozim. Diltiazem UPTQ kamaytirishi va ikkilamchi arterial gipotenziyani chaqirishi mumkinligi tufayli, xususan davolash kursining boshida, terapevtik dozalar hali aniqlanmaganida, AB ni nazorat qilish lozim. Ko‘p shaklli eritemaga va eksfoliativ dermatitga o‘tuvchi turg‘un teri toshmalarini paydo bo‘lish hollarida- preparatni qabul qilishni to‘xtatish lozim. Agar davolash vaqtida patsiyentga umumiy anesteziya ostida jarroxlik aralashuvini o‘tkazish talab qilinsa, shifokor-anesteziologga o‘tkazilayotgan davolash haqida ma’lumot berish lozim. Keksa yoshdagi patsiyentlarda diltiazemning yarim chiqarilish davri oshishi mumkin. Homiladorlik va emizish davri Homiladorlik va emizish davrida Diltiazem Lannaxerni qo‘llash mumkin emas. Tug‘ruq yoshidagi ayollarga diltiazemni buyurishdan oldin xomiladorlikni istisno qilish lozim. Avtotransport vositalarini va mashinalarni boshqarish qobiliyatiga ta’siri Diltiazem Lannaxerni qo‘llash yuqori ruhiy va jismoniy reaktsiyalar tezligini talab qiluvchi (masalan, transport vositalarini va mexanizmlarini boshqarish, balandda ishlash va boshqalar) ishlarni bajarishga salbiy ta’sir ko‘rsatishi mumkin. Diltiazem Lannaxer preparatini qabul qilayotgan vaqtda spirtli ichimliklarni is’temol qilish tavsiya etilmaydi. Preparat bolalar ololmaydigan joyda saqlansin va yaroqlilik muddati o‘tganidan so‘ng qo‘llanmasin.

Simptomlari: bradikardiya, AB yaqqol pasayishi, kollapsga o‘tuvchi atrioventrikulyar o‘tkazuvchanlikni buzilishi, yurak yetishmovchiligi, kardiogen shok, asistoliya. Davolash: dozani oshirib yuborilishining ko‘rinishlarini og‘irligiga bog‘liq. Me’dani yuvish zarur, faollashtirilgan ko‘mir buyurish lozim, keyinchalik simptomatik  davolash. O‘tkaziladi. Zarurati bo‘lganida atropin, izoproterenol, dopamin yoki dobutaminni buyurish tavsiya etiladi, shuningdek o‘tkazuvchanlikning yaqqol buzilishlarida elektrostimulyatsiyani qo‘llash mumkin. Gemodializ va peritoneal dializ samarasiz.

Retsept bo‘yicha

10 tabletkadan polivinilxlorid plyonkali va bosma laklangan alyumin folgali kontur-uyali o‘ramda. 2 (90 mg tabletkalar) yoki 3 kontur-uyali o‘ramlar (180 mg tabletkalar) davlat va rus tillaridagi qo‘llash bo‘yicha yo‘riqnomasi bilan birga karton qutiga joylangan.

3 yil.