tiniq, rangsizdan och sariq ranggacha bo‘lgan, ko‘rinadigan zarrachalarsiz eritma.

nosteroid yallig‘lanishga qarshi vosita (NYAQV).

M01AB05

75 mg dozasi mushak ichiga yuborilganida maksimal kontsentratsiyasiga erishish vaqti – 15-30 minut (deltasimon mushak ichiga yuborish usuli dumba mushagi ichiga yuborish usuliga nisbatan maksimal kontsentratsiyasiga erishish vaqtini qisqartiradi). Maksimal kontsentratsiyasi ko‘rsatkichi – 1,9-4,8 (o‘rtacha 2,7) mkg/ml. Yuborilgandan so‘ng 3 soat o‘tgach plazmadagi kontsentratsiyasi maksimal kontsentratsiyasining o‘rtacha 10% ni tashkil etadi. Plazma oqsillari bilan bog‘lanishi – 99% dan yuqori (katta qismi albuminlar bilan bog‘lanadi). Metabolizmi glyukuron kislotasi bilan ko‘p marta yoki bir marta gidroksillanishi va kon’yugatsiya bo‘lishi natijasida yuz beradi. Preparatning metabolizmida R450 CYP2S9 fermentlar tizimi ishtirok etadi. Tizimli klirensi minutiga 350 ml, taqsimlanish hajmi – 550 ml/kg ni tashkil etadi. Plazmadan yarim chiqarilish davri – 2 soatni tashkil etadi. Yuborilgan dozaning 65% buyraklar orqali metabolitlar holida, 1% dan kamroq qismi o‘zgarmagan holda, qolgan qismi safro bilan metabolitlar ko‘rinishida chiqariladi.

O‘rtacha jadallikdagi, turli genezli og‘riqlarni qisqa muddatli davolash uchun qo‘llanadi: tayanch-harakat apparatining kasalliklari (revmatoid artrit, psoriatik, yuvenil surunkali artrit, ankilozlanuvchi spondiloartrit; podagrik artrit, yumshoq to‘qimalarni revmatik shikastlanishi, periferik bo‘g‘imlar va umurtqa pog‘onasini osteoartrozi (shu jumladan, radikulyar sindrom bilan kechuvchi osteoartroz);lyumbago, ishias, nevralgiya;algodismenoreya, kichik chanoq a’zolarini yallig‘lanish jarayonlari, shu jumladan adneksit;jarohatdan keyingi, yallig‘lanish bilan kechuvchi og‘riq sindromi;operatsiyadan keyingi og‘riqni bartaraf qilish uchun qo‘llanadi.

Mushak ichiga chuqur yuboriladi (deltasimon mushak ichiga yuborish usuli semizlik bilan xastalangan va dumba sohasida teri osti yog‘ qavati qalin bo‘lgan patsiyentlar uchun afzal). Kattalar uchun bir martalik dozasi – 75 mg (1 ampula). Zarurat bo‘lganida takroran yuborish mumkin, ammo 12 soatdan erta yuborish mumkin emas. Diklofenakning boshqa dori shakllari ishlatilganida maksimal sutkalik dozasi – 150 mg dan oshmasligi kerak. Nojo‘ya ta’sirlari Odatda preparat yaxshi o‘zlashtiriladi, ammo noxush ko‘rinishlar rivojlanishini kamaytirish uchun qisqa kursli minimal samarali dozani ishlatish kerak. Tez-tez – 1-10%; ba’zida – 0,1-1%; kam hollarda – 0,01-0,1%; juda kam hollarda – 0,001% dan kam, shu jumladan ayrim hollari. Ovqat hazm qilish tizimi tomonidan: tez-tez – epigastral sohada og‘riq, ko‘ngil aynishi, qusish, diareya, dispepsiya, meteorizm, anoreksiya; kam hollarda – gastrit, proktit, me’da-ichak yo‘llaridan qon ketishi, jigar faoliyatini buzilishi; juda kam hollarda – stomatit, glossit, yarali kolitni zo‘rayishi yoki Kron kasalligi. Nerv tizimi tomonidan: tez-tez – bosh og‘rig‘i, bosh aylanishi; kam hollarda – uyquchanlik; juda kam hollarda – sezuvchanlikni buzilishi, shu jumladan paresteziyalar, xotirani buzilishi, tremor, tirishishlar, xavotirlik, tserebrovaskulyar buzilishlar. Sezgi a’zolari tomonidan: tez-tez – vertigo; juda kam hollarda – ko‘rishni buzilishi (ko‘rishni xiralashishi, diplopiya), eshitishni buzilishi, quloqlarni shang‘illashi, ta’m bilishni buzilishi. Siydik chiqarish tizimi tomonidan: juda kam hollarda – o‘tkir buyrak yetishmovchiligi, gematuriya, proteinuriya, interstitsial nefrit, nefrotik sindrom, papillyar nekroz. Qon yaratish a’zolari tomonidan: juda kam hollarda – trombotsitopeniya, leykopeniya, gemolitik va aplastik anemiya, agranulotsitoz. Allergik reaktsiyalar: anafilaktik/anafilaktoid reaktsiyalar. Yurak-qon tomir tizimi tomonidan: juda kam hollarda – yurak urishini his etish, ko‘krakda og‘riq, arterial bosimni oshishi, vaskulit. Nafas tizimi tomonidan: kam hollarda – bronxial astma (shu jumladan hansirash); juda kam hollarda – pnevmonit. Teri qoplamlari tomonidan: tez-tez – teri toshmasi; kam hollarda – eshakemi; juda kam hollarda – bullez toshmalar, Stivens-Djonson sindromi, Layell sindromi, fotosensibilizatsiya, purpura.

O‘ta yuqori sezuvchanlik (shu jumladan, NYAQP larga yoki yordamchi komponentlarga), me’da-ichak yo‘llarini eroziv-yarali shikastlanishlari (zo‘rayish bosqichi), me’da-ichak yo‘llaridan qon ketishi, ichakni yallig‘lanish kasalliklari (nospetsifik yarali kolit, Kron kasalligi), yaqqol ifodalangan jigar yetishmovchiligi, o‘tkir davridagi jigar kasalliklari, yaqqol ifodalangan buyrak yetishmovchiligi (kreatinin klirensi minutiga 30 ml dan kam), yurak yetishmovchiligi, giperkaliyemiya, atsetilsalitsil kislotasini to‘liq yoki to‘liq bo‘lmagan o‘zlashtirolmaslik sindromi (rinosinusit, eshakemi, burun shilliq qavati poliplari, atsetilsalitsil kislotasi yoki boshqa NYAQP qabul qilganda rivojlanadigan bronxial astma), qon yaratilishini buzilishlari, gemostazni buzilishi (shu jumladan, gemofiliya), homiladorlik, bolalar (18 yoshgacha), laktatsiya davri, aortakoronar shuntlash o‘tkazilgandan keyingi davrda qo‘llash mumkin emas.

Digoksin, metotreksat, litiy preparatlari va tsiklosporinning plazmadagi kontsentratsiyasini oshiradi. Diuretiklarning samarasini pasaytiradi, kaliy tejovchi diuretiklar fonida giperkaliyemiyani rivojlanish havfini kuchaytiradi; antikoagulyantlar, trombolitik vositalar (alteplaza, streptokinaza, urokinaza) fonida – qon ketishi havfi (ko‘proq me’da-ichak yo‘llaridan) oshadi. Gipotenziv va uyqu vositalarning samarasini kamaytiradi. Boshqa nosteroid yallig‘lanishga qarshi preparatlar va glyukokortikosteroid vositalarning nojo‘ya samaralarini rivojlanish ehtimolini (me’da-ichak yo‘llaridan qon ketishi), metotreksatning toksikligini va tsiklosporinning nefrotoksikligini oshiradi. Atsetilsalitsil kislotasi qonda diklofenakning kontsentratsiyasini pasaytiradi. Paratsetamol bilan bir vaqtda qo‘llash diklofenakning nefrotoksik samaralarini rivojlanish havfini oshiradi. Gipoglikemik vositalarning samarasini kamaytiradi. Tsefamandol, tsefoperazon, tsefotetan, valproat kislotasi va plikamitsin gipotrombotsitopeniyani rivojlanish tezligini oshiradilar. Tsiklosporin va oltin preparatlari buyraklarda prostaglandinlar sinteziga diklofenakning ta’sirini oshiradilar, bu nefqrotoksiklikni oshiradi. Etanol, kolxitsin, kortikotropin, serotoninni qayta qamrab olinishini selektiv ingibitorlari va dalachoy preparatlari bilan bir vaqtda qo‘llash me’da-ichak yo‘llaridan qon ketish havfini oshiradi. Diklofenak fotosensibilizatsiyani chaqiradigan preparatlarning ta’sirini kuchaytiradi. Buyrak naychalari sekretsiyasini bloklaydigan preparatlar diklofenakning plazmadagi kontsentratsyasini, shu bilan birga uning toksikligini oshiradilar. Xinolonlar guruhiga mansub antibakterial dori vositalar – tirishishlarni rivojlanish havfi oshadi. Maxsus ko‘rsatmalar Diqqatni yuqori jamlashni talab etuvchi ishlarni bajarishda ehtiyot bo‘lish kerak. Transport vositalari va mexanizmlarni boshqarish davrida ehtiyotkorlik bilan qo‘llanadi. Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati tugaganidan so‘ng ishlatilmasin. Dozani oshirib yuborilishi Simptomlari: qusish, bosh aylanishi, bosh og‘rig‘i, hansirash, ongni chalkashishi, bolalarda – mioklonik tirishishlar, ko‘ngil aynishi, qusish, abdominal og‘riqlar, qon ketishi, jiga rva buyrak faoliyatini buzilishi. Davolash: simptomatik davolash, jadallashtirilgan diurez. Gemodializni samarasi kam.

Salqin, quruq, yorug‘likdan himoyalangan joyda, 25oS dan yuqori bo‘lmagan xaroratda saqlansin.

Retsept bo‘yicha

1 ml dan 5 ampula qo‘llash bo‘yicha yo‘riqnomasi bilan birga karton qutiga joylangan.

2 yil.