sariq rangdan to‘q sariq ranggacha bo‘lgan, ikki tomoni qavariq, qobiq bilan qoplangan tabletkalar (ko‘ndalang kesimida ikki qavat ko‘rinadi).

Nosteroid yalig‘lanishga qarshi vositalar.

M01AV05

So‘rilishi – tez va to‘liq, ovqat so‘rilish tezligini 1-4 soatga sekinlashtiradi va maksimal kontsentratsiyasini (Smax) 40% ga pasaytiradi. 50 mg peroral qabul qilinganidan keyin Smax 1,5 mkg/ml, maksimal kontsentratsiyaga erishish vaqti (TSmax) – 2-3 soatni tashkil etadi. Plazmadagi kontsentratsiyasi yuborilgan dozaning miqdoriga to‘g‘ri chiziqli bog‘liq. Ko‘p martalik yuborish fonida diklofenakning farmakokinetikasini o‘zgarishi kuzatilmaydi. Ovqat qabul qilishlar orasidagi tavsiya etilgan intervalga rioya qilinganida to‘planmaydi. Biokiraolishi – 50% tashkil qiladi. Plazma oqsillari bilan bog‘lanishi – 99% dan ko‘proq (katta qismi albuminlar bilan bog‘lanadi). Ko‘krak sutiga, sinovial suyuqligiga kiradi; sinovial suyuqligida Smax plazmadagiga nisbatan 2-4 soat kechroq kuzatiladi. Sinovial suyuqligidan yarim chiqarilish davri (T1/2) – 3-6 soat (sinovial suyuqligidagi preparatning kontsentratsiyasi u yuborilganidan keyin 4-6 soat o‘tgach, plazmadagiga nisbatan yuqori, va yana 12 soat davomida yuqoriroq bo‘lib qoladi). Preparatning 50% jigar orqali “birinchi o‘tish” vaqtida metabolizmga uchraydi. Metabolizmi ko‘p martalik yoki bir martalik gidroksil guruhini ko‘shilishi va glyukuron kislotasi bilan kon’yugatsiya natijasida yuz beradi. Preparatning metabolizmida CYP2C9 izofermenti ishtirok etadi. Metabolitlarining farmakologik faolligi, diklofenaknikiga nisbatan kam. Tizimli klirensi minutiga 260 ml ni tashkil qiladi. Plazmadan T1/2 – 1-2 soat tashkil qiladi. Yuborilgan dozaning 60% metabolitlari ko‘rinishida buyraklar orqali chiqariladi; 1% dan kamrog‘i o‘zgarmagan xolda, dozaning qolgan qismi metabolitlari ko‘rinishida safro bilan chiqariladi, bunda qonda ularning kontsentratsiyasini oshishi kuzatilmaydi. Surunkali gepatiti yoki kompensatsiyalangan jigar tsirrozi bo‘lgan bemorlarda farmakokinetik ko‘rsatkichlari o‘zgarmaydi. Diklofenak ko‘krak sutiga o‘tadi.

Tayanch-harakat apparatining yallig‘lanish va degenerativ kasalliklarini (revmatoid artrit, psoriatik, ankilozlovchi spondilit; podagrik artrit, yumshoq to‘qimalarning revmatik shikastlanishi, periferik bo‘g‘imlar va umurtqa pog‘onasining osteoartrozi, shu jumladan ildizcha sindromi bilan, tendovaginit, bursit, deformatsiyalovchi osteoartroz, osteoxondroz) simptomatik davolashda qo‘llanadi. Kuchsiz va o‘rtacha ifodalangan og‘riq sindromi: nevralgiya, mialgiya, lyumboishialgiya, yallig‘lanish bilan birga kechuvchi posttravmatik og‘riq sindromi, operatsiyadan keyingi og‘riq sindromi, bosh og‘rig‘i, migren, algodismenoreya; kichik chanoqdagi yallig‘lanish jarayonlari, shu jumladan adneksit, proktit, tish og‘rig‘ida qo‘llanadi. Yaqqol og‘riq sindromi bilan quloq, tomoq, burunning infektsion-yallig‘lanish kasalliklarini (faringit, tonzillit, otit) majmuaviy davolash tarkibida qo‘llanadi. “Shamollash” kasalliklari va grippdagi isitma sindromida qo‘llanadi. Preparat qo‘llash vaqtidagi simptomatik davolash og‘riq va yallig‘lanishni kamaytirish uchun mo‘ljallangan, kasallikning avj olishiga ta’sir qilmaydi.

Ichga buyuriladi, chaynamasdan, ovqatlanish vaqtida yoki ovqatdan keyin, ko‘p bo‘lmagan miqdordagi suv bilan birga qabul qilinadi. Kattalar va 14 yoshdan oshgan o‘smirlarga –  sutkada 2-3 marta 25 – 50 mg dan buyuriladi. Optimal terapevtik samaraga erishilganda doza asta-sekin pasaytiriladi va sutkada 25-50 mg bir maromda ushlab turuvchi davolashga o‘tiladi. Maksimal sutkalik doza – 150 mg ni tashkil qiladi.

Ovqat hazm qilish tizimi tomonidan: epigastral og‘riq, ko‘ngil aynishi, qusish, diareya, dispepsiya, meteorizm, anoreksiya, aminotransferazalar faolligini oshishi, gastrit, proktit, me’da-ichak yo‘llaridan qon ketishlar (qonli qusish, melena, qon aralash diareya), me’da-ichak yo‘llari yaralari (qon ketishi yoki perforatsiya bilan yoki ularsiz), gepatit, sariqlik, jigar faoliyatini buzilishi, stomatit, glossit, qizilo‘ngachni shikastlanishi, ichakning diafragmasimon strikturalari, nospetsifik gemorragik kolit, yarali kolit yoki Kron kasalligini zo‘rayishi, qabziyat, pankreatit, yashin tezligidagi gepatit. Nerv tizimi tomonidan: bosh og‘rig‘i, bosh aylanishi, uyquchanlik, sezuvchanlikni buzilishi, shu jumladan paresteziyalar, xotirani buzilishi, tremor, tirishishlar, xavotirlik, tserebrovaskulyar buzilishlar, aseptik meningit, dezoriyentatsiya, depressiya, uyqusizlik, tungi “dahshatlar”, ta’sirchanlik, ruhiy buzilishlar. Sezgi a’zolari tomonidan: ko‘rishni buzilishi (ko‘rishni noaniqligi, diplopiya), eshitishni buzilishi, quloqlarda shovqin, ta’m sezishni buzilishi, vertigo. Siydik chiqarish tizimi tomonidan: o‘tkir buyrak yetishmovchiligi, gematuriya, proteinuriya, interstitsial nefrit, nefrotik sindrom, papillyar nekroz. Qon yaratish a’zolari tomonidan: trombotsitopeniya, leykopeniya, gemolitik va aplastik anemiya, agranulotsitoz. Yurak-qon tomir tizimi tomonidan: yurak urishini his qilish, ko‘krakda og‘riq, arterial bosimni oshishi, vaskulit, yurak yetishmovchiligi, miokard infarkti. Nafas tizimi tomonidan: bronxial astma (shu jumladan, hansirash), pnevmonit. Teri qoplamalari tomonidan: teri toshmasi, eshakemi, bullyoz toshmalar, eritema, shu jumladan ko‘p shaklli eritema, Stivens-Djonson sindromi, Layell sindromi, eksfoliativ dermatit, qichishish, sochlarni to‘kilishi, fotosensibilizatsiya, purpura, shu jumladan allergik. Allergik reaktsiyalar: anafilaktik/anafilaktoid reaktsiyalar, shu jumladan arterial bosimni yaqqol pasayishi va shok, angionevrotik shish (shu jumladan yuzning). Boshqalar: shishlar.

Faol moddaga yoki yordamchi komponentlarga o‘ta yuqori sezuvchanlik.Atsetilsalitsil kislotasi yoki boshqa NYAQP qabul qilinganidan keyingi bronxoobstruktsiya huruji, rinit, eshakemi xaqidagi anamnestik ma’lumotlar (bronxial astma, burun va burunoldi bo‘shliqlarining qaytalanuvchi polipozi va atsetilsalitsil kislotasi va boshqa NYAQP o‘zlashtiraolmaslikni to‘liq yoki qisman qo‘shilishi (shu jumladan anamnezdagi)).Me’da va 12-barmoq ichak shilliq qavatini eroziv-yarali o‘zgarishlari, faol me’da-ichak qon ketishlari.Ichakning yallig‘lanish kasalliklari (yarali kolit, Kron kasalligi).Aortokoronar shuntlash o‘tkazilganidan keyingi davr.Homiladorlikning III uch oyligi, emizish davri.Dekompensatsiyalangan yurak yetishmovchiligi.Tserebrovaskulyar qon ketishlar yoki boshqa qon ketishlar va gemostazning buzilishlari.Yaqqol jigar yetishmovchiligi yoki jigarning faol kasalligi.Yaqqol buyrak yetishmovchiligi (kreatinin klirensi minutiga 30 ml dan kamroq); buyraklarning avj oluvchi kasalliklari, tasdiqlangan giperkaliyemiya.14 yoshgacha bo‘lgan bolalar.Laktozani tug‘ma o‘zlashtiraolmaslik, laktaza yetishmovchiligi yoki glyukoza va galaktozaning so‘rilishini buzilishida qo‘llash mumkin emas.

Plazmada digoksin, metotreksat, litiy preparatlari va tsiklosporinning kontsentratsiyasini oshiradi. Diuretiklarning samarasini pasaytiradi, kaliy tejovchi diuretiklar fonida giperkaliyemiyaning xavfi kuchayadi; antikoagulyantlar, antiagregantlar va trombolitik dori vositalari (alteplaza, streptokinaza, urokinaza) fonida qon ketishlar (ko‘proq me’da-ichak yo‘llaridan) xavfini oshiradi. Gipotenziv va uxlatuvchi dori vositalarining samarasini kamaytiradi. Boshqa nosteroid yallig‘lanishga qarshi vositalar va glyukokortikoid vositalarning nojo‘ya samaralarining (me’da-ichak yo‘llaridan qon ketishi) paydo bo‘lishi ehtimolini, metotreksatning toksikligini va tsiklosporinning nefrotoksikligini oshiradi. Atsetilsalitsil kislotasi diklofenakning qondagi kontsentratsiyasini pasaytiradi. Paratsetamol bilan bir vaqtda qo‘llash, diklofenakning nefrotoksik samaralarining rivojlanishi xavfini oshiradi. Gipoglikemik vositalarning samarasini kamaytiradi. Tsefamandol, tsefoperazon, tsefotetan, valproat kislotasi va plikamitsin gipoprotrombinemiya rivojlanishi tez-tezligini oshiradi. Tsiklosporin va oltin preparatlari diklofenakning buyraklarda prostaglandinlar sinteziga ta’sirini oshiradi, bu nefrotoksiklikni oshiradi. Etanol, kolxitsin, kortikotropin, serotoninni qayta qamrab olinishining selektiv ingibitorlari va teshik dalachoy preparatlari bilan bir vaqtda qo‘llash, me’da-ichak yo‘llaridan qon ketishi xavfini oshiradi. Diklofenak fotosensibilizatsiya chaqiruvchi preparatlarning ta’sirini kuchaytiradi. Naychalar sekretsiyasini bloklovchi preparatlar, plazmada diklofenakning kontsentratsiyasini oshirib, bu bilan uning toksikligini oshiradi. Xinolon guruhi antibakterial dori vositalari tirishishlar rivojlanishi xavfini oshiradi.

Kutilgan terapevtik samaraga tez erishish maqsadida ovqat qabul qilishdan 30 minut oldin qabul qilinadi. Boshqa xollarda ovqatdan oldin, ovqatlanish vaqtida yoki ovqatdan keyin, chaynamasdan, yetarli miqdordagi suv bilan birga qabul qilinadi. Me’da-ichak yo‘llari tomonidan noxush ko‘rinishlar rivojlanishi xavfini pasaytirish uchun minimal samarali dozani, mumkin bo‘lgan minimal qisqa kurs bilan ishlatish kerak. Agar preparatni qabul qilish vaqtida “jigar” transaminazalarining faolligini oshishi saqlansa yoki ko‘paysa, agar gepatotoksiklikning klinik simptomlari (shu jumladan ko‘ngil aynishi, charchoqlik, uyquchanlik, diareya, terini qichishishi, sariqlik) aniqlansa, davolashni to‘xtatish kerak. Buyrak qon oqimini tutib turishda prostaglandinlarning rolining muhimligi tufayli, buyrak yoki yurak yetishmovchiligi bo‘lgan patsiyentlarga buyurishda, shuningdek diuretiklarni qabul qilayotgan keksa patsiyentlarni davolashda, ularda biron-bir sababga ko‘ra (masalan, katta jarroxlik aralashuvidan keyin) aylanayotgan qon xajmining pasayishi kuzatiladi, alohida extiyotkorlikka rioya qilish kerak. Jigar yetishmovchiligi (surunkali gepatit, kompensatsiyalangan jigar tsirrozi) bo‘lgan patsiyentlarda kinetika va metabolizm, jigar faoliyati normal bo‘lgan patsiyentlardagi o‘xshash jarayonlardan farq qilmaydi. Davomli davolashni o‘tkazishda jigar faoliyatini, periferik qon manzarasini, axlatni yashirin qonga tahlilini nazorat qilish kerak. Fertillikka salbiy ta’siri tufayli, homilador bo‘lmoqchi bo‘lgan ayollarda preparatni qo‘llash tavsiya etilmaydi. Bepushtligi bo‘lgan patsiyentlarda (shu jumladan tekshirishdan o‘tayotgan) preparatni bekor qilish tavsiya etiladi. Avtotransportni haydash va mexanizmlarni boshqarish qobiliyatiga ta’siri Davolash davrida ruhiy va harakat reaktsiyalar tezligini pasayishi mumkin, shuning uchun avtotransportni haydash va diqqatni yuqori jamlashni va psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug‘ullanishdan saqlanish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan ximoyalangan joyda, 25°S dan yuqori bo‘lmagan xaroratda saqlansin.

Simptomlari: qusish, me’da-ichak yo‘llaridan qon ketishlar, epigastral og‘riq, diareya, bosh aylanishi, quloqlarda shovqin, letargiya, tirishishlar, kam – AB ni oshishi, o‘tkir buyrak yetishmovchiligi, gepatotoksik ta’siri, nafasni susayishi, koma. Davolash: me’dani yuvish, faollashtirilgan ko‘mir, arterial bosimni oshishini, buyrak faoliyatini buzilishini, tirishishlar, me’da-ichak yo‘llarining ta’sirlanishini, nafasning susayishini bartaraf qilishga qaratilgan simptomatik davolash. Jadallashtirilgan diurez, gemodializ kam samarali.

Retseptsiz

10 tabletkadan kontur-uyali o‘ramda.

2 yil.