tiniq, rangsiz suyuqlik.

nosteroid yallig‘lanishga qarshi vositalar.

M01AB05

Mushak ichiga (m/i) yuborilganida plazmadagi cho‘qqi kontsentratsiyasiga 10-20 minutdan keyin erishiladi. Yuborilgan preparatning 99% qondagi oqsillar bilan bog‘lanadi. Diklofenak to‘qimalar va sinovial suyuqligiga yaxshi o‘tadi, undagi cho‘qqi kontsentratsiyasi yuborilganidan so‘ng 4 soat o‘tgach kuzatiladi. Diklofenakning 35% ahlat bilan metabolitlar ko‘rinishida chiqariladi, 65% jigarda metabolizmga uchraydi va faol bo‘lmagan metabolitlar ko‘rinishida buyraklar orqali chiqariladi. Plazmadan yarim chiqarilish davri (T1/2) – 2 soat, sinovial suyuqlikdan – 3-6 soatni tashkil qiladi.

O‘tkir og‘riq sindromini bartaraf qilish uchun quyidagi holatlarda qo‘llanadi: o‘tkir revmatizm;revmatoid artrit;ankilozlovchi spondilit (Bexterev kasalligi);artrozlar;spondiloartrozlar;nevralgiya;mialgiya;jarohatlardan keyingi va operatsiyalardan keyingi og‘riqlar;buyrak va jigar sanchiqlari.

Preparat odatda davolashning boshida m/i 75 mg dozada (1 ampula) sutkada bir marta yoki maksimal 150 mg (2 ampula) faqat kattalarga va faqat tez terapevtik samarani olish kerak bo‘lgan hollarda qo‘llanadi. Odatda preparatning inyektsiyalari 1-5 kun davomida buyuriladi. Davolashni davom ettirish zarurati tug‘ilganda tabletkalar, kapsulalar yoki suppozitoriylarni qo‘llashga o‘tiladi. M/i inyektsiyalarni preparatni ichga yoki rektal qo‘llash bilan birga qo‘shib olib borish mumkin, bunda maksimal sutkalik doza 150 mg dan oshmasligi kerak.

Paydo bo‘ladigan nojo‘ya samaralar individual sezuvchanlik, qo‘llanayotgan dozaning kattaligi va davolash davomiyligiga bog‘liq. Me’da-ichak yo‘llari va siydik-chiqarish tizimi tomonidan: ko‘ngil aynishi, qusish, epigastriyda og‘riqlar, anoreksiya, meteorizm, qabziyat, ich ketishi, hatto qon ketishi bilan kechuvchi eroziv gastritlar; transaminazalar darajasini oshishi, dori gepatiti, pankreatit, interstitsial nefrit. Markaziy nerv tizimi tomonidan: bosh og‘rig‘i, bosh aylanishi, dezoriyentatsiya, qo‘zg‘alish, uyqusizlik, ta’sirchanlik, toliqish, aseptik meningit. Teri tomonidan: ekzantema, eritema, ekzema, giperemiya, ko‘p shaklli eritema, Layell sindromi, Stivens-Djonson sindromi, eritrodermiya, fotosensibilizatsiya. Nafas tizimi tomonidan: bronxospazm. Qon yaratish a’zolari tomonidan: anemiya, trombotsitopeniya, leykopeniya, agranulotsitoz. Mahalliy: yuborish joyida achishish, infiltrat hosil bo‘lishi, yog‘ to‘qimasining nekrozi. Boshqalar: suyuqlikni tutilishi, shishlar, arterial bosimni oshishi (AB), tizimli anafilaktik reaktsiyalar, shu jumladan shok.

Diklofenak yoki preparatning boshqa komponentlariga, aspirin yoki boshqa NYAQV (“aspirin astmasi”) yuqori sezuvchanlik; qon manzarasini noma’lum genezli buzilishi; me’da va 12 barmoqli ichakning yara kasalligi; ichakning zo‘rayish bosqichidagi destruktiv-yallig‘lanish kasalliklari; homiladorlik; laktatsiya davri (emizishdan voz kechish kerak); bolalar va o‘smirlarda (18 yoshgacha) qo‘llash mumkin emas.

Preparat yuqori dozalarda qo‘llaganida bosh aylanishi va charchoqlik hissi kabi nojo‘ya ko‘rinishlar paydo bo‘lishi mumkinligi tufayli, ayrim hollarda avtomobil yoki boshqa obyektlarni boshqarish qobiliyati izdan chiqadi. Bu ko‘rinishlar alkogolni bir vaqtda qabul qilinganida kuchayadi. Quyidagi holatlarda preparatni shifokorning qat’iy kuzatuvi ostida foyda/xavf nisbati sinchiklab baholagandan keyin qo‘llash mumkin: indutsiyalangan porfiriyada;tizimli qizil yugurik va biriktiruvchi to‘qimaning boshqa tizimli kasalliklarida. Preparat quyidagilarda ehtiyotkorlik bilan va shifokor nazorati ostida buyuriladi: anamnezidagi me’da-ichak yo‘llarining kasalliklarida (yarali kolitlar, Kron kasalligi);buyrak va jigar funktsiyasining og‘ir buzilishlarida;yuqori arterial bosimida va/yoki yurak yetishmovchiligida;bronxial astmada, allergik tumovda, burun shilliq qavatining poliplarida, astma xuruji paydo bo‘lish xavfi tufayli nafas yo‘llarining surunkali obstruktiv kasalliklarida, Kvinke shishida yoki urtikariylarda;og‘ir jarrohlik aralashuvlaridan keyin darhol;keksalarda. Preparat bolalar ololmaydigan joyda saqlansin va uni yaroqlilik muddati o‘tganidan keyin ishlatilmasin.

Yorug‘likdan himoyalangan joyda, 25ºS dan yuqori bo‘lmagan haroratda saqlansin.

Simptomlari: klinik manzarasi markaziy nerv tizimi tomonidan bo‘lgan buzilishlar (bosh og‘rig‘i, bosh aylanishi, yuqori qo‘zg‘aluvchanlik, yuqori tirishish tayyorgarligi bilan kechuvchi giperventilyatsiya ko‘rinishlari, bolalarda-mioklonik tirishishlar) va me’da-ichak yo‘llari tomonidan buzilishlar (qorinda og‘riqlar, ko‘ngil aynishi, qusish) bilan belgilanadi. Me’da-ichak yo‘llaridan qon ketishlari va/yoki jigar va buyraklarning funktsiyasini buzilishlari paydo bo‘lishi mumkin. Davolash: maxsus antidoti mavjud emas. Dozani oshirib yuborish xollarida jiddiy tibbiy parvarish va simptomatik davolash o‘tkazilishi lozim.

Retsept bo‘yicha

inyektsiya uchun eritma 75 mg/3ml, 3 ml dan ampulalarda.

3 yil.