Nosteroid yallig‘lanishga qarshi vosita.

M01AV55

Diklofenak natriy – bir marta ichga qabul qilingandan so‘ng, ichakdan tez va to‘liq so‘riladi, faol moddaning 50% ga yaqini jigardan “birinchi o‘tishda” metabolizmga uchraydi. 50 mg dozada preparatning qon plazmasidagi maksimal kontsentratsiyasi 1-2 soatdan so‘ng kuzatiladi va 1,5 mkg/ml (5 mkmol/l) ni tashkil qiladi. Ovqat so‘rilishni sekinlashtiradi, ammo so‘rilayotgan faol  moddaning miqdori o‘zgarmaydi. Qon plazmasi oqsillari bilan bog‘lanishi 99,7% ni tashkil qiladi; bunda preparatning katta qismi (99,4%) albuminlar bilan bog‘lanadi. Sinovial suyuqligiga bo‘g‘im bo‘shlig‘iga yaxshi kiradi, u yerda faol moddaning maksimal kontsentratsiyasiga plazmadagiga qaraganda 2-4 soat kech erishiladi. Sinovial suyuqligidan yarimchiqarilish davri 3-6 soatni tashkil etadi. Preparatning 60% metabolitlari ko‘rinishda buyrak orqali, qolgan qismi safro orqali chiqariladi. Buyrak faoliyatini yaqqol buzilishi (kreatinin klirensi minutiga 10ml dan kam) bo‘lgan bemorlarda, safro bilan chiqariladigan metabolitlarining solishtirma og‘irligi oshadi, shuning uchun ularning qondagi kontsentratsiyasining oshishi kuzatilmaydi. Paratsetamol ichga qabul qilinganda yaxshi va tez so‘riladi. Plazmadagi cho‘qqi kontsentratsiyasiga 30-90 minut o‘tgach erishiladi. Organizmning deyarli barcha to‘qimalariga kiradi, yo‘ldoshga oson o‘tadi va ko‘krak suti bilan chiqariladi. Jigarda metabolizmga uchraydi, metabolitlari farmakologik faol emas, ammo to‘planganida jigarni nekroziga uchratishi mumkin. Asosan metabolitlar ko‘rinishida buyrak orqali chiqariladi. Yarim chiqarilish davri 1,5-3 soat oralig‘ida. Jigar faoliyati buzilganida dorining organizmdan chiqarilishi sekinlashadi, bu metabolitlarini organizmda to‘planishiga yordam beradi.

yallig‘lanish va destruktiv shaklli revmatik kasalliklardagi og‘riq sindromi (revmatoid artrit, osteoartrit, osteoxondroz, spondiloartrit, ankilozlovchi spondilit, bursit, tendinit, tenosinovit, miozit);umurtqa kasalliklardagi og‘riq sindromi;nevralgiya;travmadan keyingi (shikastlanishlar, paylarni cho‘zilishlari, chiqiqlar, sport jarohatlar) va operatsiyadan keyingi og‘riq sindromi;migren xurujlari;ginekologik kasalliklardagi og‘riq sindromi (dastlabki dismenoreya, adneksit);LOR-a’zolarining kasalliklari (otit, faringit, tonzillit va boshqalar);tish va bosh og‘riqlari;o‘tkir podagra xuruji.

Ichga. Tabletkalarni chaynamasdan, butunligicha, yetarli miqdordagi suyuqlik bilan qabul qilish kerak. Preparatni ovqatdan keyin qabul qilish lozim. Kattalarga 1 tabletkadan sutkada 3-4 marta buyuriladi. Maksimal bir martalik doza 2 tabletka. Maksimal sutkalik doza 2 tabletkadan sutkada 3 marta. 12 yoshdan oshgan tana vazni 30 kg dan ortiq bo‘lgan bolalarga ½ tabletkadan sutkada 3 marta buyuriladi. Navbatdagi har bir qabullar oralig‘i kamida 4 soat. Kattalarning maksimal davolash davomiyligi – 5-7 kun, bolalarning – 3 kun.

Me’da-ichak yo‘llari tomonidan: ko‘ngil aynishi, qusish, anoreksiya, diskomfort hissi (epigastriya sohasida og‘riqlar va spazmlar), meteorizm, ishtahaning pasayishi. Kam: qon ketishi, teshilish bilan asoratlangan me’da-ichak yo‘llarining eroziv-yarali shikastlanishlari, aftozli stomatit, ezofagit. Alohida hollarda nospetsifik yarali kolit, Kron kasalligi; Markaziy nerv tizimi tomonidan: bosh og‘rig‘i, bosh aylanishi, yuqori charchoqlik. Kam hollarda: his qilishni yoki ko‘rishning buzilishi (yoyilgan ko‘rish, diplopiya), quloqlarni shang‘illashi, ta’sirchanlik, tirishishlar, uyquni buzilishi, depressiya, hayajonlanish  hissi, ruhiy buzilishlar; Dermatologik reaktsiyalar: teri toshmasi, eshakemi. Bullez toshmalar, ekzema, eritrodermiya, sochlarning to‘kilishi, fotosensibilizatsiya bo‘lishi mumkin; Jigar faoliyati tomonidan: jigar faoliyatining buzilishi, shu jumladan gepatit (sariqlik yoki sariqliksiz); Qon yaratish tizimi tomonidan: ayrim hollarda: trombotsitopeniya, leykopeniya, agranulotsitoz, gemolitik anemiya, aplastik anemiya; Yurak-tomir tizimi tomonidan: taxikardiya ko‘krak qafasi sohasida og‘riqlar, arterial gipertenziyaning paydo bo‘lishini yakka hollari, yurak yetishmovchiligi aniqlangan; Allergik va immunopatologik reaktsiyalar: kam: bronxial astma xurujlari, tizimli anafilaktik (anafilaktoid) reaktsiyalar.

preparat komponentlariga yuqori sezuvchanlik;anamnezdagi aspirin yoki boshqa nosteroid yallig‘lanishga qarshi vositalariga angionevrotik shish va bronxospastik reaktsiyalar (“aspirin astmasi”), bronxial astma xurujlari;zo‘rayish bosqichidagi me’da-ichak yo‘llarining eroziv-yarali shikastlanishlari (shu jumladan peptik yara, Kron kasalligi, nospetsifik yarali kolit);homiladorlik, laktatsiya;12 yoshgacha bo‘lgan bolalar;qon yaratish faoliyatining buzilishi;ko‘ruv nervining kasalliklari, nafas yo‘llarining surunkali obstruktiv kasalliklari, burun poliplari, toshmali isitma;buyrak va jigar faoliyatini yaqqol buzilishlari, rangli ko‘rishni buzilishi, tug‘ma glyukozo-6-fosfatdegidrogenaza tanqisligida qo‘llash mumkin emas.

Kaliyni tejovchi diuretiklar bilan bir vaqtda qo‘llaganida, qonda kaliy  miqdori oshishi mukin. Bilvosita antikoagulyantlar bilan bir vaqtda buyurilganida qon ketishi  rivojlanishi mumkin. Preparat litiy, digoksin va tsiklosporinning qondagi kontsentratsiyasini oshirishi mumkin, shuning uchun ular bilan birga qo‘llaganida, oxirgilarning dozasini to‘g‘rilash kerak. Metatreksat bilan davolashni boshlashdan 24 soat oldin yoki davolash to‘xtatilganidan keyin preparat buyurilganida ehtiyotkorlikka rioya qilish kerak,chunki bunda uning zaharli ta’sirining rivojlanishini xavfi oshadi. Jigar mikrosomal fermentlarini induktsiyalovchi dorilar (barbituratlar va ayrim tutqanoqqa qarshi vositalar, jumladan, fenobarbital, fenitoin, karbamazepin, benzonal), spirt saqlovchi dori vositalari, rifampitsin bilan birga qabul qilinganida preparatning gepatotoksik ta’siri kuchayadi. Fenotiazinlar bilan birga qo‘llanganida haddan ziyod gipotermiya, azidotimidin bilan – neytropeniya rivojlanishi mumkin. Preparat xloramfenikolning zaharliligini oshiradi, bilvosita antikoagulyantlar, difenin, peroral gipoglikemik preparatlarning ta’sirini kuchaytirishi mumkin “halqali” va tiazidli diuretiklarning diuretik va natriyuretik ta’sirini susaytiradi. Boshqa nosteroid yallig‘lanishga qarshi preparatlar, hamda glyukokortikoidlar bilan birga qo‘llanganida nojo‘ya ta’sirlari tezlashadi va kuchayadi.

Anamnezida me’da-ichak yo‘llarining eroziv-yarali shikastlanishlari bo‘lgan bemorlarga, shuningdek jigar, buyraklar, qon hosil qilish a’zolari faoliyatining yaqqol buzilishlari bo‘lgan patsiyentlarga buyurishda ehtiyotkorlikka rioya qilish lozim. Yuqori dozalarda (200 mg) preparat trombotsitlar agregatsiyasini bostirishi mumkin, shuning uchun gemostazining buzilishi bo‘lgan patsiyentlarni sinchiklab kuzatish kerak. Preparatni keksalarda, surunkali yurak yetishmovchiligi, arterial gipertoniyasi, porfiriyasi bo‘lgan bemorlarda, shuningdek bevosita jiddiy jarrohlik aralashuvlaridan keyin ehtiyotkorlik bilan qo‘llash lozim. Preparat bilan davolash davrida jigar, buyraklar faoliyatini va periferik qon manzarasini nazorat qilish kerak. Preparatni qo‘llash vaqtida preparatning gepatotoksik ta’sirini kuchayishi mumkinligi tufayli, alkogolni iste’mol qilish mumkin emas.Bemorlar preparatni qabul qilish vaqtida yuqori diqqat va tezkor ruhiy va harakat reaktsiyalarini talab etuvchi ishlarni bajarishdan (masalan, avtomobilni haydash) saqlanishlari kerak. Preparat yaroqlilik muddati tugaganidan keyin qo‘llanmasin va bolalar olaolmaydigan joyda saqlansin.

Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.

Simptomlari: arterial gipotenziya, nafasni susayishi, tirishishlar, me’da-ichak yo‘llarining buzilishlari (ko‘ngil aynashi, qusish, diareya), shuningdek buyraklar faoliyatining buzilishi yoki yuzni, halqumni shishishi, hansirash ko‘rinishidagi allergik reaktsiyalar rivojlanishi mumkin. Davolash: me’dani yuvish tavsiya qilinadi. Kaltsiy glyukonati yoki kaltsiy xlorid, zarurati bo‘lganida glyukortikoidlar vena ichiga yuboriladi, faollashtirilgan ko‘mir buyuriladi, shuningdek simptomatik davolash o‘tkaziladi. Preparatni qon oqsillari bilan yuqori darajada bog‘lanish qobiliyati tufayli, jadallashtirilgan diurez, dializ yoki qon quyish o‘zini unchalik oqlamaydi. Preparatning tarkibida paratsetamol borligini hisobga olish kerak. 6 g dan ortiq paratsetamolni ichga qabul qilish jigarning og‘ir shikastlanishini, hatto jigar komasini chaqirishi mumkin. Dori bilan zaharlanish belgilari kuzatilganida (ko‘ngil aynishi, qayt qilish, jigarni kattalashishi, sariqlik) darhol shifokorga murojat qilish va me’dani yuvish lozim.

10 ta tabletkadan PVX/alyumin folga kontur uyali o‘ramda. 10 ta kontur-uyali o‘ramlar qo‘llash bo‘yicha yo‘riqnomasi bilan birga karton qutiga joylangan.

2 yil. Dorixonalardan berish tartibi Retsept bo‘yicha. Ulashish: 8 218 Views