dumaloq, ikki tomonlama qavariq, sarg‘ish rangli draje.

Jinsiy gormonlar va jinsiy tizim modulyatorlari. Antiandrogenlar va estrogenlar.

G03NV01

Ayollarda o‘rtacha darajadan og‘ir darajagacha akne (seboreya bilan yoki usiz) va/yoki reproduktiv yoshdagi ayollarda girsutizmni davolashda qo‘llanadi.

Ichga qabul qilish uchun buyuriladi. Zarur terapevtik samaraga va kontratseptiv ta’sirga erishish uchun Diane-35 ni muntazam qabul qilish kerak. Avval qo‘llanilgan gormonal kontratseptiv preparatlarni qabul qilishni to‘xtatish kerak. Diane-35 ni qabul qilish tartibi ko‘pgina boshqa majmuaviy peroral kontratseptivlarni qabul qilish tartibi bilan o‘xshash, shuning uchun qo‘llash bo‘yicha umumiy yo‘riqnomalarga e’tibor berish kerak. To‘g‘ri va muntazam qabul qilinganda majmuaviy peroral kontratseptivlar “usulning muvaffaqiyatsizligi” yiliga 1% dan kamroq ko‘rsatkichi bilan yuqori kontratseptiv ishonchlilikka ega. Diane-35 nomuntazam qabul qilish hayz tsikllari orasidagi qon ketishlarga olib kelishi va preparatning terapevtik va kontratseptiv samaradorligini yomonlashtirishi mumkin. Drajeni o‘ramda ko‘rsatilganidek ketma-ket, har kuni taxminan kunning bir vaqtida oz miqdordagi suv bilan qabul qilish kerak. Sutkada bitta drajedan 21 kun davomida qabul qilinadi. Har bir keyingi o‘ramdan qabul qilish 7 kunlik tanaffusdan keyin boshlanadi, bu vaqtda bekor qilish qon ketishi (hayzsimon qon ketish) kuzatiladi. U odatda oxirgi draje qabul qilgandan keyin 2-3 kuni boshlanadi va yangi o‘ramdan qabul qilish boshlanguncha to‘xtamasligi mumkin. Kontratseptiv himoya drajeni qabul qilishning birinchi kuni boshlanadi va shuningdek preparat qabul qilinmaganda 7 kun davomida saqlanadi. Shunday qilib, gormonal kontratseptivlarni bir vaqtda qabul qilish talab etilmaydi. Tibbiy tekshiruv/shifokor maslahati Preparatni qo‘llashni boshlashdan oldin to‘liq umumiy tibbiy tekshiruv (shu jumladan tana vazni, arterial bosimni o‘lchash, yurak, oyoq va terini tekshirish, diabet yuzasidan siydik tahlili, zarurati bo‘lganda jigar testlari), shuningdek ginekologik ko‘rik (shu jumladan, ko‘krak bezlarini tekshirish va bachadon bo‘ynining qin qismidan va bachadon bo‘ynidan olingan tservikal sekretni tsitologik tekshirish) o‘tkazish kerak, davolashni talab etuvchi kasalliklarni va bo‘lishi mumkin bo‘lgan xavfni aniqlash uchun to‘liq oilaviy anamnez yig‘ish uchun ma’lumotlar to‘plash kerak. Homiladorlikni istisno qilish kerak. Preparatni qo‘llaganda har olti oyda nazorat tekshiruvini o‘tkazish tavsiya etiladi. Agar qon-qarindoshlarda erta davrda tromboembolik asoratlar (masalan, chuqur venalar trombozi, insult, yurak xuruji) kuzatilgan bo‘lsa, qon ivishi tizimi tomonidan buzilishlarni istisno qilish kerak. Shuningdek peroral kontratseptivlarni qabul qilish OITV-infektsiya (OITS) va jinsiy yo‘l orqali yuqadigan boshqa kasalliklardan himoya qilmasligiga e’tibor berish kerak.

Diane-35 preparatini qabul qilayotgan barcha ayollarda tromboemboliya rivojlanishi xavfi oshadi. Qo‘shimcha omillar xavfni kuchaytirishi mumkin (chekish, gipertenziya, qon ivishini buzilishlari yoki lipidlar metabolizmini buzilishi, semirish, venalarni varikoz kengayishi, avval o‘tkazilgan flebit va tromboz), “Maxsus ko‘rsatmalar” bo‘limiga qarang. Jigar o‘smasi, bachadon bo‘yni raki va sut bezi raki kabi boshqa nojo‘ya ta’sirlar haqidagi ma’lumot olish uchun “Maxsus ko‘rsatmalar” bo‘limiga qarang. Diane-35 preparatini qabul qilayotgan ayollarda kuzatilgan quyida keltirilgan nojo‘ya ta’sirlarga nisbatan preparatni qabul qilish bilan sabab-oqibat bog‘liqligi mavjudligi tasdiqlanmagan, lekin inkor etilmagan ham:

Estrogen/gestagen majmuasini saqlovchi preparatlarni quyida sanab o‘tilgan holatlardan birontasi bo‘lganida qo‘llash mumkin emas. Agar bu holatlardan birontasi preparatni qabul qilish fonida birinchi marta rivojlansa, preparat darhol bekor qilinishi kerak. hozirgi vaqtda tromboz/tromboemboliya (venoz va arterial) yoki anamnezda (masalan, chuqur venalar trombozi, o‘pka arteriyasi tromboemboliyasi, miokard infarkti) yoki tserebrovaskulyar buzilishlar bo‘lsahozirgi vaqtda yoki anamnezda trombozga olib keluvchi holatlar (masalan, tranzitor ishemik atakalar, stenokardiya) bo‘lsaanamnezida o‘choqli nevrologik simptomatika bilan kechuvchi migrenqon tomir asoratlari bilan kechuvchi qandli diabetvenoz yoki arterial trombozning og‘ir yoki ko‘p sonli xavf omillarini bo‘lishihozirgi vaqtda yoki anamnezda yaqqol gipertriglitseridemiya bilan kechuvchi pankreatitjigarning og‘ir kasalliklari, jigar faoliyatining ko‘rsatkichlari normaga kelmagunigachahozirgi vaqtda yoki anamnezda jigar o‘smalari (xavfsiz yoki xavfli) bo‘lsagormonga bog‘liq xavfli kasalliklar (masalan, jinsiy a’zolar yoki sut bezi) yoki ularga shubha bo‘lgandavenoz yoki arterial trombozga tug‘ma yoki orttirilgan moyillik, masalan faollashgan protein S ga rezistentlik (APS rezistentlik), antitrombin III tanqisligi, protein S tanqisligi, S protein tanqisligi, gipergomotsisteinemiya va antifosfolipid antitelalar (antikardiolipin antitelalar, yugurikli antikoagulyant).o‘roqsimon xujayrali anemiyajigar ko‘rsatkichlari normal ko‘rsatkichlarga qaytmagunigacha jigarning og‘ir kasalliklari (shuningdek Dubin-Djonson sindromi va Rotor sindromi kabi ajratuvchi tizim kasalliklari)noma’lum etiologiyali vaginal qon ketishlarhomiladorlik yoki unga shubha qilingandalaktatsiya davripreparatning har qanday komponentiga o‘ta yuqori sezuvchanlikda qo‘llash mumkin emas.

Diane-35 kabi estrogen/progestagen majmuasining boshqa dori vositalari (jigar fermentlarini induktsiya qiluvchi preparatlar, ayrim antibiotiklar) bilan o‘zaro ta’siri yorib o‘tish qon ketishi va/yoki preparatning kontratseptiv samarasini pasayishiga olib kelishi mumkin. Bunday preparatlarni qabul qilish vaqtida ayol Diane-35 ga qo‘shimcha sifatida kontratseptsiyaning to‘siqli usulidan foydalanishi yoki kontratseptsiyaning boshqa usulini tanlashi kerak. Mikrosomal fermentlarga ta’sir etuvchi preparatlarni qabul qilish vaqtida va ular bekor qilingandan keyin 28 kun davomida kontratseptsiyaning to‘siqli usulidan qo‘shimcha foydalanish kerak. Antibiotiklarni (rifampitsin va grizeofulvindan tashqari)qabul qilish vaqtida va ular bekor qilingandan keyin 7 kun davomida kontratseptsiyaning to‘siqli usulidan qo‘shimcha foydalanish kerak. Agar istalmagan homiladorlikdan himoyalanishning to‘siqli usulini qo‘llash davri o‘ramdagi drajedan keyinroq tugasa, drajeni qabul qilishda tanaffussiz Diane-35® ni keyingi o‘ramdan qabul qilishniga o‘tish kerak. Diane-35 ning samaradorligiga ta’sir etuvchi moddalar (jigar fermentlari induktorlari va antibiotiklar) Preparatning kontratseptiv samaradorligi pasaytiruvchi dori vositalariga jigar fermentlarini induktsiya qiluvchi preparatlar va antibiotiklar kiradi. Jigar fermentlarini induktsiya qilish (jigar metabolizmini oshishi): Jigarning mikrosomal fermentlarini induktsiya qiluvchi preparatlarni qo‘llash jinsiy gormonlarning klirensini oshishiga olib kelishi mumkin. Bunday dori vositalariga quyidagilar kiradi: fenitoin, barbituratlar, primidon, karbamazepin va rifampitsin; shuningdek okskarbazepin, topiramat, felbamat, ritonavir va grizeofulvin va dalachoy saqlovchi preparatlarga nisbatan taxminlar mavjud. Bundan tashqari, OITV-proteaza (masalan, ritonavir) va qayta transkriptazaning nukleozid bo‘lmagan ingibitorlari (masalan, nevirapin) ularning majmuasi jigar metabolizmini potentsial oshirishi mumkin. Ichak-jigar tsirkulyatsiyasiga ta’siri Ayrim klinik tadqiqotlarning ma’lumotlariga ko‘ra ba’zi antibiotiklar (masalan, penitsillinlar va tetratsiklinlar) estrogenlarning jigar ichki tsirkulyatsiyasini kamaytirishi mumkin, shu orqali etinilestradiolning kontsentratsiyasini pasaytiradi. Estrogen/progestagen majmuasining boshqa preparatlarga ta’siri: Diane-35 kabi estrogen/progestagen majmualari boshqa preparatlarning metabolizmiga ta’sir qilishi mumkin, bu ularning kon plazmasidagi va to‘qimalardagi kontsentratsiyasini oshirishi (masalan, tsiklosporinning) yoki kamaytirishi (masalan, lamotridjinning) mumkin.

Diane-35 preparatini faqat akneni davolaganda topik davolash yoki antibiotiklar bilan tizimli davolash muvaffaqiyatli bo‘lmagan holatlarda qo‘llash kerak. Diane-35 preparati shuningdek gormonal kontratseptiv ham bo‘lganligi tufayli, uni boshqa gormonal kontratseptivlar bilan majmuada qo‘llash mumkin emas. Diane-35 preparati kabi estrogen/progestagen majmualari haqidagi klinik va epidemiologik ma’lumotlar asosan majmuaviy peroral kontratseptivlarni qo‘llash tajribasiga asoslanadi. Shunday qilib, majmuaviy peroral kontratseptivlar yuzasidan quyidagi ogohlantirishlar shuningdek Diane-35 preparatiga ham taalluqli. Agar quyida ko‘rsatilgan holatlar/xavf omillaridan birontasi hozirgi vaqtda bo‘lsa, har bir holatda potentsial xavf va Diane-35 bilan davolashdan kutilayotgan foydani sinchkovlik bilan baholash va ayol preparatni qabul qilishni boshlashni qanday hal qilishi uchun u bilan muhokama qilish kerak. Agar quyida ko‘rsatilgan holatlardan yoki xavf omillaridan birontasi kuchaysa yoki birinchi marta namoyon bo‘lganda preparatni bekor qilish haqida qaror qabul qilish kerak.

30°S dan yuqori bo‘lmagan haroratda saqlansin.

Dozani oshirib yuborilganda jiddiy nojo‘ya samaralar haqida xabar berilmagan. Simptomlari: ko‘ngil aynishi, qusish va yosh qizlarda qindan ahamiyatsiz qon ketishi. Davolash: hech qanday spetsifik antidoti mavjud emas; simptomatik davolash o‘tkazish kerak.

Retsept bo‘yicha

21 drajedan polivinilxlorid plyonka va alyumin folgali kontur uyali o‘ramda. 1 kontur uyali o‘ram qo‘llash bo‘yicha yo‘riqnomasi bilan karton qutiga joylanadi.

5 yil