biroz sarg‘ish tusli moyli tiniq moddani ichiga olgan, oval shakldagi yumshoq, jelatinli, och-sarg‘ish rangli tiniq kapsulalar. O‘ziga xos hid bo‘lishiga yo‘l qo‘yiladi.

kaltsiy-fosfor almashinuvini boshqaruvchi vosita.

[A11CS05]

Ichga qabul qilinganidan keyin kolekaltsiferol ingichka ichakdan so‘riladi, limfa tizimiga keladi, jigarga va umumiy qon oqimiga kelib tushadi. Qonda alfa2-globulinlar va qisman albuminlar bilan bog‘lanadi, jigar, suyak to‘qimasi, skelet mushaklari, buyraklar, buyrak usti bezlari, miokard, yog‘ to‘qimalariga o‘tadi. Smax to‘qimalarda yuborilganidan keyin 4-5 soat o‘tgach erishiladi, so‘ngra uzoq muddat doimiy darajada saqlangan holda bir muncha pasayadi. Qutbli metabolitlar shaklida, ko‘proq hujayralar, mikrosomlar, mitoxondriylar va yadrolar membranalarida joylashadi. Jigarda to‘planadi. Jigarda va buyraklarda biotransformatsiyasi natijasida faol metabolitlar hosil bo‘ladi. Kolekaltsiferolning va uning almashinuvi mahsulotlarining ko‘p qismi safro bilan ichakka ajraladi, unda ular enterogepatik tsirkulyatsiya tizimini yaratgan holda yana so‘rilishi yoki axlat bilan chiqarilishi mumkin. Yarim chiqarilishi davri T1/2 bir necha kunni tashkil etadi. Yo‘ldosh to‘sig‘i orqali o‘tadi. Ko‘krak sutiga ajratiladi.

D vitamini gipovitaminozida;Ichakning ingichka bo‘limi surunkali kasalligi, malabsorbtsiya, jigarning biliar tsirrozi, me’da va/yoki ingichka ichak rezektsiyasidan keyingi holat, sifatsiz va muvozanatlashmagan ovqatlanish (shu jumladan parenteral ovqatlantirish, vegetarian parhez), alkogolni suiiste’mol qilish, tirishishga qarshi preparatlarni va glyukokortikoidlarni qabul qilish, yetarlicha bo‘lmagan insolyatsiya, keksa yosh kabi yuqori xavf guruhidagi patsiyentlarda D vitamini tanqisligini oldini olishda;Osteoporozni (menopauzal, senil, steroid, idiopatik va boshqa) oldini olish va kompleks davolashda;Gipokaltsiyemiya, gipokaltsiyemik tetaniyada;Gipoparatireozda;Osteomalyatsiyada qo‘llaniladi.

Kattalarda. Ovqatlanish vaqtida ichga qabul qilinadi. D3 vitamini gipovitaminozida – sutkada 1000-3000 XB (1-3 kapsula). Qabul qilish kursi shifokor tavsiyasiga ko‘ra belgilanadi. Yuqori xavf guruhidagi patsiyentlarda D vitamini tanqisligini oldini olish uchun – sutkada 1000-3000 XB (1-3 kapsula). Qabul qilish kursi shifokor tavsiyasiga ko‘ra belgilanadi. Osteoporozni oldini olish va davolash uchun – bir kunda 1000-3000 XB (1-3 kapsula). Qabul qilish kursi shifokor tavsiyasiga ko‘ra belgilanadi. Gipokaltsiyemik tetaniyani oldini olish uchun – kattalarda sutkada 1000-3000 XB (1-3 kapsula). Qabul qilish kursi shifokor tavsiyasiga ko‘ra belgilanadi. D vitamini yetishmovchiligidan kelib chiqadigan osteomalyatsiyani davolash uchun – bir kunda 1000-3000 XB (1-3 kapsula). Qabul qilish kursi shifokor tavsiyasiga ko‘ra belgilanadi. Gipoparatireozni davolash uchun – sutkada 2000-3000 XB (2-3 kapsula). Qabul qilish kursi shifokor tavsiyasiga ko‘ra belgilanadi.

D vitaminiga va preparat komponentlariga allergik reaktsiyalar bo‘lishi mumkin. D vitamini gipervitaminozi, gipervitaminoz simptomlari: Ovqat hazm qilish tizimi tomonidan: disfunktsional buzilishlar (qabziyat yoki ich ketishi, qorin shishi, ko‘ngil aynishi, qusish), ishtahani yo‘qolishi; Elektrolit almashinuvi tomonidan: giperkaltsiyemiya, giperkaltsiuriya, giperfosfatemiya; Markaziy nerv tizimi tomonidan: bosh og‘rig‘i, jizzakilik; Suyak-mushak tizimi tomonidan: mialgiyalar, artralgiyalar (mushaklar va bo‘g‘imlarda og‘riqlar); Siydik chiqarish tizimi tomonidan: siydikni ortiqcha ajratilishi (poliuriya), buyrak funktsiyasini buzilishi; Yurak-qon tomir tizimi tomonidan: arterial bosimni oshishi, aritmiyalar.

Preparatning har qanday komponentiga yuqori sezuvchanlik,D vitamini gipervitaminozi,Qonda va siydikda kaltsiy va fosforning yuqori miqdori,Siydik-tosh kasalligi (kaltsiyli nefrourolitiaz),Sarkoidoz (giperkaltsiyemiya xavfi),Homiladorlik va laktatsiya (emizish) davri,12 yoshgacha bo‘lgan bolalar va o‘smirlar. Ehtiyotkorlik bilan: qonda D vitamini va ionlashgan kaltsiy miqdori darajasi nazorat qilingan holda; o‘pka tuberkulyozining faol shakllarida (giperkaltsiyemiya xavfi munosabati bilan);dekompensatsiya bosqichida jigar kasalliklarida;buyrak yetishmovchiligida.

Dozani oshirib yuborilishini oldini olish maqsadida D3 vitamini boshqa manbalardan qo‘shimcha ravishda kelishini hisobga olish lozim. D3 vitaminini saqlaydigan vitamin-mineral komplekslar va D vitaminining boshqa analoglari bilan bir vaqtda qo‘llanilishi gipervitaminoz rivojlanishi xavfini oshiradi. D vitaminini tiazid diuretiklari bilan bir vaqtda qo‘llanilganida giperkaltsiyemiya rivojlanishi xavfi ortadi. Alyuminiy va magniyni saqlovchi antatsidlar bilan bir vaqtda qo‘llanilishi fonida D vitamini bilan uzoq muddatli davolash qonda ularning kontsentratsiyalarini va intoksikatsiya yuzaga kelishi (ayniqsa surunkali buyrak yetishmovchiligi mavjud bo‘lganida) xavfini oshiradi. D vitamini fosfor saqlovchi preparatlar absorbtsiyasini va giperfosfatemiya xavfini oshiradi. Natriy ftoridi bilan bir vaqtda qo‘llanilganida qabul qilishlar orasidagi interval kamida 2 soatni; tetratsiklinlarning peroral shakllari bilan esa kamida 3 soatni tashkil etishi kerak. D vitaminini yurak glikozidlari bilan birgalikda qo‘llanilganida giperkaltsiyemiya rivojlanishidan kelib chiqadigan yurak glikozidlarining toksik ta’siri kuchayishi mumkin (yurak ritmi buzilishining rivojlanishi xavfi ortadi). Difenin va xolestiramin bilan bir vaqtda qo‘llanilganida D vitamini samaradorligi pasayadi. Barbituratlar (shu jumladan fenobarbital), fenitoin va primidon ta’siri ostida D vitaminiga bo‘lgan ehtiyoj metabolizm tezligi ortishi hisobiga sezilarli ravishda oshishi mumkin. D vitaminini tirishishlarga qarshi preparatlar, rifampitsin, kolestiramin bilan bir vaqtda qo‘llanilganida kolekaltsiferolning davolash ta’siri kamayib borgani holda uning absorbtsiyasi pasayadi.

Preparatning yo‘riqnomada tavsiya etilgan dozalarini oshirmaslik kerak. Preparatni uzluksiz uzoq muddat (bir necha oy) davomida qabul qilinganida surunkali D3 gipervitaminozni va giperfosfatemiyani (ayniqsa tiazid diuretiklar bilan birgalikda) istisno qilish uchun qon zardobida kaltsiy va fosfor kontsentratsiyasini davriy aniqlash tavsiya etiladi. D vitaminiga sezuvchanlik har xil odamlarda individual ekanligini va D vitaminini davolash dozalarida qabul qilish qator shaxslarda gipervitaminoz holatini keltirib chiqarishi mumkinligini hisobga olish lozim. Giperkaltsiyemiyada yoki buyrak funktsiyasini buzilishi belgilari paydo bo‘lganida, dozani pasaytirish yoki davolashni to‘xtatish zarur. Agar siydikda kaltsiy darajasi 24 soatda 7,5 mol (24 soatda 300 mg) dan oshsa, shuningdek dozani pasaytirish yoki davolashni to‘xtatish zarur. Keksa yoshda D vitaminini ichakda so‘rilishining kamayishi, terining D3 provitaminini sintezlash qobiliyati pasayishi, insolyatsiya vaqtini kamayishi, buyrak yetishmovchiligi yuzaga kelishi tez-tezligini ortishi oqibatida D vitaminiga ehtiyoj ortishi mumkin. Homiladorlik va emizish davrida qo‘llanilishi. Homiladorlik va laktatsiya (emizish) davrida qo‘llash tavsiya etilmaydi. Homiladorlik va laktatsiya davrida D3 vitamini dozasi sutkada 600 XB dan oshmasligi kerak. Avtomobilni va murakkab mexanizmlarni boshqarish qobiliyatiga ta’siri Avtomobilni boshqarishga va mexanizmlar bilan ishlashga ta’sir ko‘rsatmaydi. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

30oS dan yuqori bo‘lmagan haroratda quruq joyda saqlansin.

Dozani oshirib yuborilishi simptomlari: ishtahaning pasayishi, qabziyat, diareya (ich ketishi), ko‘ngil aynishi, qusish, bosh og‘rig‘i, mushak va bo‘g‘im og‘riqlari, xolsizlik, jizzakilik, kuchli chanqash, pollakiuriya (tez-tez siyish), tana vaznini pasayishi, giperkaltsiyemiya, giperkaltsiuriya. Dozani surunkali oshirib yuborilishi simptomlari (kattalar uchun 20-60 ming XB/sutka dozalarda bir necha hafta yoki oy davomida qabul qilinganida): yumshoq to‘qimalarda, buyraklarda, tomirlarda, yurakda, o‘pkada kaltsiyni to‘planishi (kaltsinoz), arterial gipertenziya, a’zolar funktsiyasini buzilishi (buyrak va yurak yetishmovchiligi). Davolash: preparat qo‘llanilishini bekor qilish, kaltsiy miqdori past bo‘lgan parhezga amal qilish, ko‘p miqdorda suyuqlikni qabul qilish, glyukokortikosteroidlarni buyurish, simptomatik davolash (Ye vitamini, magniy, kaliy preparatlari, askorbin kislotasi, retinol, tiamin), og‘ir hollarda – ko‘p miqdorda fiziologik eritmani, furosemidni, elektrolitlarni vena ichiga yuborish, gemodializ o‘tkazishni ichiga oladi.

Retseptsiz

30 yoki 60 kapsuladan polietilendan tayyorlangan buraladigan qopqoqli va folgadan tayyorlangan himoya qiluvchi klapanli polietilen flakonda. Flakonga etiketka yopishtiriladi va polietilen plyonka bilan qoplab qo‘yiladi. 1 flakondan qo‘llash bo‘yicha yo‘riqnoma bilan birga karton qutida.

3 yil.