dumaloq, ikki yoqlama qavariq, bir tomonida riskali chizig‘i bo‘lgan, och-moviy rangli plyonka qobiq bilan qoplangan tabletkalar.

allergiyaga qarshi preparat.

R06AX27

Ichga qabul qilingandan keyin me’da-ichak yo‘llaridan tez va to‘liq so‘riladi. Plazmada 30 minutdan keyin aniqlanadi. Ovqat taqsimlanishiga ta’sir qilmaydi. Plazma oqsillari bilan bog‘lanishi – 83-87%. Bir martalik 5 mg yoki 7,5 mg dozada qabul qilinganida maksimal kontsentratsiyasiga (Smax) 2-6 soatdan keyin erishiladi (o‘rtacha       3 soatdan keyin). Gematoentsefalik to‘siq orqali o‘tmaydi. Jigarda gidroksilizatsiya yo‘li bilan glyukuronid bilan bog‘langan 3-gidroksidezloratadin hosil bo‘lishi bilan jadal metabolizmga uchraydi. Yarim chiqarilish davri (T1/2) – o‘rtacha – 27 soat. Buyraklar va safro orqali chiqariladi. Surunkali buyrak yetishmovchiligi bo‘lgan patsiyentlarda va gemodializ o‘tkazishda loratadinning farmakokinetikasi deyarli o‘zgarmaydi.

Allergik rinit (mavsumiy va yil davomidagi), surunkali idiopatik eshakemida qo‘llanadi.

Kattalar va o‘smirlarga (12 yosh va undan kattalar) – ichga, ovqat qabul qilishga bog‘liq bo‘lmagan holda, kuniga 5 mg dan buyuriladi. Tabletkani butunligicha suv bilan birga yutish kerak.

Markaziy nerv tizimi tomonidan: kuchli toliqish, xavotirlik, bosh aylanishi, bosh og‘rig‘i, uyquchanlik, blefarospazm, disfoniya, giperkineziyalar, paresteziyalar, tremor, amneziya, depressiya. Ovqat-hazm qilish tizimi tomonidan: ko‘ngil aynishi, qusish, og‘izni qurishi, ta’mni o‘zgarishi, anoreksiya, qabziyat yoki diareya, dispepsiya, gastrit, meteorizm, ishtahani oshishi, stomatit. Nafas tizimi tomonidan: yo‘tal, bronxospazm, burunning shilliq qavatini qurishi, sinusit. Tayanch-harakat tizimi tomonidan: boldir mushaklarini tirishishi, artralgiya, mialgiya. Siydik chiqarish tizimi tomonidan: siydik rangini o‘zgarishi, siyishga og‘riqli qistovlar. Moddalar almashinuvi tomonidan: tana vaznini oshishi, ko‘p terlash, chanqoqlik. Yurak-qon tomir tizimi tomonidan: taxikardiya, ko‘krak sohasida og‘riq. Allergik reaktsiyalar: angionevrotik shish, eshakemi, qichishish, isitmalash.

Dori vositasiga yuqori sezuvchanlik; homiladorlik; emizish; bolalarda (2 yoshgacha bo‘lgan) qo‘llash mumkin emas. Jigar funktsiyasini og‘ir buzilishlarida ehtiyotkorlik bilan qo‘llanadi.

Eritromitsin, tsimetidin va ketokonazol bilan birga qo‘llash dezloratadinning qon plazmasidagi kontsentratsiyasini oshiradi, bu hech qanday klinik ko‘rinishga ega emas va elektrokardiogramma ma’lumotlariga ta’sir ko‘rsatmaydi. Mikrosomal oksidlanish induktorlari (fenitoin, etanol, barbituratlar, ziksorin, rifampitsin, fenilbutazon, tritsiklik antidepressantlar) dezloratadinni samaradorligini kamaytiradi.

Preparatni buyrak yetishmovchiligida ehtiyotkorlik bilan qo‘llash kerak. Homiladorlik va laktatsiya davrida qo‘llanishi Preparatni homiladorlik va laktatsiya davrida qo‘llash mumkin emas. Avtomobilni va boshqa mexanizmlarni boshqarishda reaktsiya tezligiga ta’siri Destina qabul qilayotgan patsiyentlar yuqori diqqat va psixomotor reaktsiyalar tezligini talab qiluvchi potentsial xavfli faoliyat turlari bilan shug‘ullanishdan saqlanishlari kerak. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Quruq, yorug‘likdan himoyalangan joyda, 30°S dan yuqori bo‘lmagan haroratda.

Simptomlari: nojo‘ya reaktsiyalarining kuchayishi (bosh og‘rig‘i, uyquchanlik, taxikardiya). Davolash: me’dani yuvish, faollashtirilgan ko‘mirni buyurish. Simptomatik davolash.

2 yil. Dorixonalardan berish tartibi Retsept bo‘yicha. Ulashish: 3 71 Views