tiniq, toza, o‘ziga xos hidli suyuqlik.

propion kislotasi hosilasi.

M01AЕ17.

So‘rilishi Deksketoprofen trometamoli mushak ichiga yuborilgandan keyin cho‘qqi kontsentratsiyaga 20 minutdan keyin (10 minutdan 45 minutgacha diapazonda) erishiladi. 25 mg dan 50 mg gacha bo‘lgan doza farmakokinetik egri chizig‘i ostidagi maydon ko‘rsatishicha mushak ichiga va mushak ichiga yuborilganda proportsionaldir. Ko‘p martalik dozalar bilan o‘tkazilgan farmakokinetik tadqiqotlarda mushak ichiga va vena ichiga oxirgi inyektsiyadan keyin Cmax va AUC bir martalik doza yuborilgandan farq qilmagan, shu orqali dori vositasini to‘planishi kuzatilmasligini ko‘rsatdi. Taqsimlanishi Plazma oqsillari bilan yuqori darajada (99%) bog‘lanadigan boshqa dori vositalari kabi taqsimlanish xajmi o‘rtacha 0,25 l/kg dan past ko‘rsatkichga ega. Yarim taqsimlanish davri taxminan 0,35 soatni tashkil etgan. Biotransformatsiyasi Deksketoprofen trometamoli yuborilgandan keyin siydikda S-(+) enantiomeri aniqlanadi, bu organizmda R-(-) enantiomeriga aylanishi yuz bermasligini ko‘rsatadi. Chiqarilishi Yarim chiqarilish davri 1-2,7 soatlar orasida o‘zgaradi. Deksketoprofen uchun asosiy chiqarilish yo‘li glyukuronid bilan bog‘lanishi va keyinchalik buyrak orqali chiqarilishi hisoblanadi. Proportsionallik/noto‘g‘ri proportsionallik Deksketoprofen trometamoli mushak ichiga va vena ichiga yuborilgandan keyin preparat dozaga qarab to‘g‘ri chiziqli farmakokinetika, keyinchalik tizimli ta’sirni namoyon etadi.

Peroral qabul qilish samarasiz bo‘lganida o‘rtacha yoki kuchli jadallikdagi o‘tkir og‘riqni, masalan operatsiyadan keyingi og‘riq, buyrak sanchig‘i va beldagi og‘riqni simptomatik davolashda qo‘llanadi.

Tavsiya etilgan dozasi har 8-12 soatda 50 mg ni tashkil etadi. Zarurati bo‘lganida har 6 soatda qabul qilishni takrorlash mumkin. Umumiy sutkalik doza 150 mg dan oshmasligi kerak. Deksiren qisqa muddatli qo‘llash uchun mo‘ljallangan va davolash o‘tkir simptomatik davr (ko‘pi bilan 2 kun) bilan cheklanishi kerak. Patsiyent iloji boricha og‘riqni qoldiruvchi vositalarni peroral qabul qilishga o‘tkazilishi kerak. Deksirenni mushak ichiga yoki vena ichiga yuborish mumkin: Mushak ichiga yuborish Deksirenning bir ampula ichidagisini (2 ml) mushakka chuqur qilib sekin yuborish kerak. Vena ichiga yuborish Vena ichiga tomchilab yuborish: Eritilgan eritmani davomiyligi 10 minutdan                   30 minutgacha bo‘lgan sekin vena ichiga infuziya ko‘rinishida yuborish kerak. Eritma tabiiy yorug‘likdan himoyalangan bo‘lishi lozim. Vena ichiga oqim bilan yuborish: Agar zarurati bo‘lsa, Deksirenning bir flakoni ichidagisini (2 ml) kamida 15 sekund davomida vena ichiga oqim bilan yuborish mumkin.

Nojo‘ya samaralar rivojlanishi tez-tezligi: tez-tez (1-10%), tez-tez emas (0,1-1%), kam hollarda (0,01-0,1%), juda kam hollarda (0,01% dan kam, shu jumladan alohida xabarlar). Qon yaratish tizimi tomonidan: kam hollarda – anemiya; juda kam hollarda – neytropeniya, trombotsitopeniya. Markaziy nerv tizimi tomonidan: tez-tez emas – bosh og‘rig‘i, bosh aylanishi, uyqusizlik, uyquchanlik; kam hollarda – paresteziya. Sezgi a’zolari tomonidan: tez-tez emas – ko‘rishni noaniqligi; kam hollarda – quloqda shovqin. Yurak-qon tomir tizimi tomonidan: tez-tez emas – arterial gipotenziya, qizib ketish hissi, teri qoplamalari giperemiyasi; kam hollarda – ekstrasistoliya, taxikardiya, arterial gipertenziya, periferik shish, yuzaki tromboflebit. Nafas tizimi tomonidan: kam hollarda – bradipnoe; juda kam hollarda – bronxospazm, dispnoe. Ovqat hazm qilish tizimi tomonidan: tez-tez – ko‘ngil aynishi, qusish; tez-tez emas – abdominal og‘riq, dispepsiya, diareya, qabziyat, gematemezis, og‘izni qurishi; kam hollarda – me’da-ichak yo‘llari a’zolarini eroziv-yarali shikastlanishi, shu jumladan qon ketishi va perforatsiya, anoreksiya, jigar fermentlari faolligini oshishi, sariqlik; juda kam hollarda – me’da osti bezini shikastlanishi, jigarni shikastlanishi. Siydik chiqarish tizimi tomonidan: kam hollarda – poliuriya, buyrak sanchig‘i; juda kam hollarda – nefrit yoki nefrotik sindrom. Reproduktiv tizim tomonidan: kam hollarda – ayollarda – hayz tsiklini buzilishi, erkaklarda – prostata bezi faoliyatini buzilishi. Suyak-mushak tizimi tomonidan: kam hollarda – mushak spazmi, bo‘g‘imlarda harakatlarni qiyinlashishi. Dermatologik reaktsiyalar: ba’zida – dermatit, toshma, terlash; kam hollarda – husnbuzar toshma; juda kam hollarda – fotosensibilizatsiya. Allergik reaktsiyalar: kam hollarda – eshakemi; juda kam hollarda – og‘ir teri reaktsiyalari (Stivens-Djonson sindromi, Layell sindromi), angionevrotik shish, allergik dermatit. Moddalar almashinuvi tomonidan: kam hollarda – giperglikemiya, gipoglikemiya, gipertriglitseridemiya. Laborator ko‘rsatkichlar tomonidan: kam hollarda – ketonuriya, proteinuriya. Mahalliy va umumiy reaktsiyalar: tez-tez – inyektsiya joyida og‘riq; tez-tez emas – yallig‘lanish reaktsiyasi, gematoma, inyektsiya joyida gemorragiyalar, qizib ketish hissi, qaltirash, toliqish; kam hollarda – belda og‘riq, hushdan ketish, isitma; juda kam hollarda – anafilaktik shok, yuzni shishi. Boshqalar: asosan tizimli qizil yugirik yoki biriktiruvchi to‘qimaning aralash kasalliklari bo‘lgan patsiyentlarda paydo bo‘luvchi aseptik meningit, gematologik buzilishlar (purpura, aplastik va gemolitik anemiya, kam hollarda – agranulotsitoz va suyak ko‘migi gipoplaziyasi).

Deksketoprofenga, biron-bir boshqa NYAQP ga yoki ushbu preparatning yordamchi moddalaridan birontasiga yuqori sezuvchanligi bo‘lgan patsiyentlar.Ibuprofen, atsetilsalitsil kislotasi va boshqa NYAQP lar o‘ta yuqori sezuvchanlik reaktsiyalari (ya’ni, astma, infektsion bo‘lmagan rinit, angionevrotik shish yoki eshakemi) chaqiruvchi patsiyentlar.Faol yoki gumon qilingan me’da va o‘n ikki barmoq yara kasalligi/ qon ketishi yoki qaytalanuvchi yara kasalligi/ qon ketishi (tekshirilgan yaraning ikki va undan ko‘p alohida xolatlari) yoki surunkali dispepsiyasi bo‘lgan patsiyentlar.Me’da-ichak yo‘llaridan qon ketishi yoki boshqa faol qon ketishi yoki qon ivishini buzilishi kuzatiladigan patsiyentlar.Anamnezida avvalgi NYAQP lar bilan davolash bilan bog‘liq me’da-ichak yo‘llaridan qon ketishi yoki perforatsiya kuzatilgan patsiyentlar.Kron kasalligi yoki nospetsifik yarali koliti bo‘lgan patsiyentlar.Anamnezida bronxial astmasi bo‘lgan patsiyentlarOg‘ir yurak yetishmovchiligi bo‘lgan patsiyentlar.O‘rtacha yoki og‘ir buyrak yetishmovchiligi bo‘lgan patsiyentlar (kreatinin klirensi <50 ml/min).Jigar faoliyatini og‘ir buzilishi (Chayld-Pyu ko‘rsatkichi 10-15) bo‘lgan patsiyentlar.Gemorragik diatezi va qon ivishining boshqa buzilishlari bo‘lgan patsiyentlar.Homiladorlikning uchinchi uch oyligi va laktatsiya davrida qo‘llash mumkin emas. Tarkibida etanol mavjudligi tufayli deksirenni neyroaksial (parda osti yoki epidural) yuborish mumkin emas.

Quyidagi o‘zaro ta’sirlar umuman nosteroid yallig‘lanishga qarshi preparatlarga taalluqli: Maqsadga muvofiq bo‘lmagan majmualar: Bir nechta NYAQP, shu jumladan salitsilatlarni birga yuborishdan saqlanish kerak, chunki ular nojo‘ya samaralar xavfini oshirishi mumkin.Antikoagulyantlar: deksketoprofenni plazma oqsillari bilan yuqori darajada bog‘lanishi va trombotsitlar faoliyatini ingibitsiya qilinishi va gastroduodenal shilliq qavatni shikastlanishi tufayli, NYAQP lar varfarin kabi antikoagulyantlarning samarasini kuchaytirishi mumkin. Agar majmuadan saqlanish mumkin bo‘lmasa, sinchkovlik bilan klinik kuzatuv va labotor ko‘rsatkichlarni monitoringini amalga oshirish lozim.Geparinlar: qon ketishi xavfi oshadi (trombotsitlar faoliyatini ingibitsiya qilinishi va gastroduodenal shilliq qavatni shikastlanishi tufayli). Agar majmuadan saqlanish mumkin bo‘lmasa, sinchkovlik bilan klinik kuzatuv va labotor ko‘rsatkichlarni monitoringini amalga oshirish lozim.Kortikosteroidlar: me’da-ichak yo‘llarida yara paydo bo‘lishi yoki qon ketishi xavfi oshadi.Litiy (bir nechta NYAQP lar bilan ta’riflangan): NYAQP lar qonda litiyning darajasini oshiradi, bu darajalar toksik qiymatlargacha yetishi mumkin (litiyni buyrak ekskretsiyasini pasayishi). Shuning uchun deksketoprofen bilan davolashni boshlash, muvofiqlashtirish va to‘xtatishda ushbu ko‘rsatkichni nazorat qilish lozim.Haftasiga 15 mg dan yuqori dozalarda qo‘llanadigan metotreksat: yallig‘lanishga qarshi agentlar tomonidan metotreksatning buyrak klirensini kamayishi tufayli, uning gematologik toksikligi oshadi.Gidantoin va sulfonamid: Bu moddalarning toksik ta’siri kuchayishi mumkin. Ehtiyotkorlikni talab etuvchi majmualar: Diuretiklar, AAF ingibitorlari va angiotenzin II retseptorlari antagonistlari: deksketoprofen diuretiklar va boshqa antigipertenziv preparatlarning samarasini kamaytirishi mumkin. Buyrak faoliyatini buzilishi bo‘lgan (masalan, suvsizlangan bemorlar yoki buyrak faoliyatini buzilishi bo‘lgan keksa patsiyentlar) ba’zi patsiyentlar tsiklooksigenazani ingibitsiya qiluvchi agentlar va AAF ingibitorlari, angiotenzin II retseptorlari antagonistlari yoki antibakterial aminoglikozidlarni birga yuborish odatda qaytuvchan bo‘lgan buyrak faoliyatini keyinchalik yomonlashishiga olib kelishi mumkin. Deksketoprofen va siydik haydovchi vositani majmuaviy qabul qilingan hollarda, patsiyentni adekvat gidratatsiya qilish va davolash boshida buyrak faoliyatini nazorat qilish lozim.Pentoksifillin: qon ketishi xavfi oshadi. Klinik kuzatuvni faollashtirish va qon ivishini tekshirish lozim.Zidovudin: NYAQP lar bilan davolash boshlanganidan keyin yuzaga keluvchi og‘ir anemiya bilan retikulotsitlarga ta’sir qilishi orqali qizil xujayralar qatori toksik oshadi. NYAQP lar bilan davolash boshlanganidan keyin har xafta-har ikki xaftada qonning va retikulotsitlarning to‘liq taxlilini o‘tkazish talab etiladi.Sulfonilmochevina: NYAQP lar sulfonilmochevinani plazma oqsillari bilan bog‘lanishini o‘zgartirishi tufayli gipoglikemik ta’sirini oshirishi mumkin. Diqqatni talab etuvchi majmualar: Beta-blokatorlar: NYAQP lar bilan davolash prostaglandinlar sintezini ingibitsiya qilish yo‘li orqali ularning gipotenziv ta’sirini kamaytirishi mumkin.Tsiklosporin va takrolimus: buyrak prostaglandinlariga bog‘liq samaralar orqali NYAQP lar hisobiga nefrotoksiklik oshishi mumkin. Majmuaviy davolash vaqtida buyrak faoliyatini tekshirish lozim.Trombolitiklar: qon ketishi xavfi oshadi.Antitrombotsitar agentlar va serotoninni qayta qamrab olinishini selektiv ingibitorlari (SQQOSI): me’da-ichak yo‘llaridan qon ketishi xavfi oshadi.Probenetsid: deksketoprofenning plazmadagi kontsentratsiyasi oshishi mumkin; bu o‘zaro ta’sir buyrak kanalchalar sekretsiyasi va glyukoron bog‘lanish o‘rnida ingibitsiya mexanizmi bilan bog‘liq bo‘lishi mumkin va deksketoprofen dozasiga tuzatish kiritishni talab etadi.Yurak glikozidlari: NYAQP lar plazmada glikozidlarning kontsentratsiyasini oshirishi mumkin; ular kalavalar filtratsiyasi tezligini (KFT) pasaytirishi va plazmada glikozidlar darajasini oshirishi mumkin.Mifepriston: nazariy jihatdan prostaglandin-sintetaza ingibitorlari mifepristonning samaradorligini o‘zgartirishi mumkinligi tufayli, NYAQP larni mifepriston yuborilgandan keyin 8-12 soat davomida qo‘llash mumkin emas.Xinolonlar: hayvonlarda o‘tkazilgan tadqiqotlar yuqori dozadagi xonolonlar NYAQP lar bilan birga tirishishlar rivojlanishi xavfini oshirishi mumkinligini ko‘rsatdi.

Ovqat-hazm qilish tizimi buzilishlari yoki anamnezida me’da-ichak yo‘llari kasalliklari bo‘lgan patsiyentlarni doimo nazorat qilish lozim. Me’da-ichak yo‘llaridan qon ketishi yoki yara paydo bo‘lgan hollarda Deksiren preparati bilan davolashni bekor qilish lozim. Barcha NYAQP lar prostaglandinlar sintezini sekinlashishi oqibatida trombotsitlar agregatsiyasini ingibitsiya qilishi va qon ketishi vaqtini uzaytirishi tufayli, nazoratlangan klinik tadqiqotlarda operatsiyadan keyingi davrda deksketoprofen trometamoli va quyimolekulyar geparin preparatlarini profilaktik dozalarda bir vaqtda buyurish o‘rganilgan. Koagulyatsiyaning ko‘rsatkichlariga hech qanday ta’sir kuzatilmagan. Shunga qaramasdan, Deksiren preparatini qon ivishiga ta’sir qiluvchi boshqa preparatlar bilan bir vaqtda buyurilganda sinchkov tibbiy kuzatuv talab etiladi. Boshqa NYAQP lar kabi Deksiren qon plazmasida kreatinin va azot darajasini oshishiga olib kelishi mumkin. Deksiren siydik chiqarish tizimiga nojo‘ya ta’sir ko‘rsatishi mumkin, bu glomerulonefrit, interstitsial nefrit, papillyar nekroz, nefrotik sindrom va o‘tkir buyrak yetishmovchiligi rivojlanishiga olib kelishi mumkin. Boshqa NYAQP lar kabi Deksiren preparati bilan davolash fonida ayrim jigar ko‘rsatkichlarini o‘tuvchan oshishi, shuningdek qon zardobida AST va ALT darajasini sezilarli oshishi kuzatilishi mumkin. Bunda keksa yoshdagi patsiyentlarda jigar va buyrak faoliyatini nazorat qilish lozim. Yuqoridagi ko‘rsatkichlar sezilarli darajada oshgan hollarda, Deksirenni bekor qilish kerak. Boshqa NYAQP lar kabi deksketoprofen trometamoli infektsion kasalliklarni niqoblashi mumkin. Bakterial infektsiya simptomlari paydo bo‘lganida yoki Deksiren preparati bilan davolash fonida patsiyentning xolati yomonlashsa, bu xaqda shifokorga xabar berish lozim. Deksiren preparatining har bir ampulasi 200 mg etanol saqlaydi. Homiladorlik va laktatsiya davrida qo‘llanishi DЕKSIRЕNni homiladorlikning uchinchi uch oyligida qo‘llash mumkin emas. Homiladorlikning birinchi va ikkinchi uch oyligida, agar bunga mutloq ko‘rsatma bo‘lmasa deksketoprofenni buyurish mumkin emas. Avtotransportni xaydash va mexanizmlarni boshqarish qobiliyatiga ta’siri Deksiren preparati bilan davolash fonida bosh aylanishi va uyquchanlik bo‘lishi mumkinligi tufayli, diqqatni jamlash qobiliyati va psixomotor reaktsiyalar tezligi pasayishi mumkin. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Mahsulotni 25oS xona haroratida saqlansin, yorug‘likdan himoyalansin. Flakon qutida saqlansin.

Deksketoprofen trometamolining dozasini oshirib yuborilishi simptomlari noma’lum. Quyidagi simptomlar odatda NYAQP larning dozasini oshirib yuborilganda kuzatiladi: a) Simptomlari Simptomlari orasida: bosh og‘rig‘i, ko‘ngil aynishi, qusish, epigastriyda og‘riq, me’da-ichak yo‘llaridan qon ketishi, kamroq hollarda ich ketishi, oriyentatsiyani buzilishi, qo‘zg‘alish, koma, yengil alahsirash, bosh aylanishi, quloqda shovqin, hushdan ketish, ba’zida esa tirishishlar ham kuzatiladi. Preparat bilan zaharlanganda o‘tkir buyrak yetishmovchiligi va jigarni shikastlanishi kuzatilishi mumkin. b) Ehtiyotkorlikning terapevtik choralari: Behosdan yoki haddan tashqari ko‘p miqdorda iste’mol qilinganda yoki qabul qilinganda patsiyentning klinik xolatiga qarab simptomatik davolashni ta’minlash tavsiya etiladi. Diurezni sinchkovlik bilan nazorat qilish lozim. Buyrak va jigar faoliyatini nazorat qilish lozim. Patsiyentlar preparatning potentsial toksik dozalarini qabul qilgandan keyin kamida to‘rt soat davomida kuzatuv ostida bo‘lishlari kerak. Odatda uchraydigan yoki davomli tirishishlarni vena ichiga diazepam yordamida davolanadi. Patsiyentning klinik xolatiga qarab ehtiyotkorlikning boshqa choralari ko‘rib chiqilishi mumkin. Deksketoprofen trometamoli dializ yo‘li bilan chiqarilishi mumkin.

Preparat retsept bo‘yicha beriladi

Qahrabo rangli, I tur ampulada, 2 ml dan 6 ampula, qo‘llash bo‘yicha yo‘riqnomasi bilan o‘ramda.

24 oy. Suyultirilgandan keyin eritma 2oS dan 8oS gacha haroratda, yorug‘likdan himoyalangan joyda saqlansin.