gomogen suspenziya saqlovchi, shikastlanish va oqib chiqish belgilarisiz, bosim ostidagi germetik aerozol ballon.

glyukokortikosteroid.

R03AK06.

Flutikazon va salmeterol birga ingalyatsion yuborilganda bir-birining farmakokinetikasiga ta’sir ko‘rsatmaydi. Salmeterol o‘pka to‘qimalari tomonidan so‘riladi va o‘pkada metabolizmga uchramasdan tizimli qon oqimiga tushadi. Plazmada salmeterolning maksimal kontsentratsiyasi juda past (taxminan 200 pg/ml), preparat yuborilgandan keyin 5-10 minut o‘tgach erishiladi. Plazmadagi salmeterolning kontsentratsiyasi ingalyatsiya qilingan preparatning dozasi bilan mos keladi. Flutikazonning tizimli so‘rilishi asosan o‘pka orqali amalga oshiriladi, bunda dastlab so‘rilish jadalroq kechadi, keyinchalik sekinlashadi. Ingalyatsion dozaning bir qismi yutib yuborilishi mumkin; preparatni suvda yomon erishi tufayli va uni tizim oldi metabolizmi sababli, me’da-ichak yo‘llaridan biokiraolishligi 1% dan kamroqni tashkil qiladi. Salmeterol/flutikazon qo‘llanilganda flutikazonning mutloq biokiraolishligi boshlang‘ich dozaning 5,3% ni tashkil qiladi. Qon plazmasidagi maksimal kontsentratsiyasiga taxminan 0,33-1,5 soat o‘tgach erishiladi. Ingalyatsiya qilingan doza va qon plazmasida flutikazonning kontsentratsiyasi ko‘rsatkichlari o‘rtasida bevosita bog‘liqlik mavjud. Flutikazonni taqsimlanishi plazmadan tez klirensi, muvozanat holatida katta taqsimlanish xajmi (300 l) va taxminan 5,9 soatga teng yarim chiqarilish davri (T1/2) bilan xarakterlanadi. Plazma oqsillari bilan bog‘lanishi taxminan 91% ni tashkil qiladi. Flutikazon jigarda karboksil metabolitini hosil qilib, tsitoxrom R450 tizimining CYP3A4 izofermenti ishtirokida biotransformatsiyaga uchraydi. Asosan metabolitlari ko‘rinishida ichak orqali va siydik bilan chiqariladi. O‘zgarmagan flutikanzonning buyrak klirensi 0,72% dan past, karboksil guruhini saqlovchi metabolitining buyrak klirensi dozaning 5% dan kamroq.

BЕKSITROL-F preparati agar uzoq ta’sirga ega β2-adrenomimetik va ingalyatsion glyukokortikosteroid bilan majmuaviy davolash ko‘rsatilgan bo‘lsa, bronxial astmani muntazam davolash uchun mo‘ljjallangan; qisqa ta’sirga ega β2-adrenomimetikni vaqti-vaqti bilan qo‘llash fonida ingalyatsion glyukokortikosteroid bilan doimiy monoterapiya fonida kasallikni yetarli darajada nazoratga erishilmagan patsiyentlarda;ingalyatsion glyukokortikosteroid va uzoq ta’sirga ega β2-adrenomimetik bilan davolash fonida kasallik adekvat darajada nazoratga erishilgan patsentlarda;kasallikni nazorat qilishga erishish uchun glyukokortikosteroidlar buyurilishiga ko‘rsatmalar bo‘lgan doimiy kechuvchi bronxial astmasi bo‘lgan patsiyentlarda boshlang‘ich samarani bir maromda ushlab turuvchi davolash sifatida buyuriladi. BЕKSITROL-F preparati jadal nafas chiqarish xajmi (CHNCHX1) zarur ko‘rsatkichdan (bronxodilatator ingalyatsiyasidan oldin) <60% bo‘lgan patsiyentlarda va bronxodilatatorlar bilan muntazam davolashga qaramasdan kasallikning yaqqol simptomlari saqlanib qolgan patsiyentlarda O‘SOK da samarani bir maromda ushlab turuvchi davolash sifatida mo‘ljallangan.

BЕKSITROL-F faqat ingalyatsion yuborish uchun mo‘ljallangan.

BЕKSITROL-F preparati salmeterol va flutikazon saqlaganligi tufayli, alohida har bir komponent uchun xarakterli bo‘lgan nojo‘ya reaktsiyalarni kutish mumkin. Preparatning ikkala komponentlarini bir vaqtda qo‘llaganda qo‘shimcha nojo‘ya samaralar kuzatilmagan. Quyida ko‘rsatilgan noxush reaktsiyalar a’zolar va a’zolar tizimlarini shikastlanishi va uchrash tez-tezligi bo‘yicha sanab o‘tilgan. Noxush reaktsiyalarning uchrash tez-tezligi quyidagicha baholangan: “juda tez-tez” (≥10%); “tez-tez” (≥1% va < 10%), “tez-tez emas” (≥ 0,1% va <1%), “kam hollarda” (≥ 0,01 va < 0,1%), “juda kam hollarda” (< 0,01%, shu jumladan alohida holatlar). Immun tizimi tomonidan buzilishlar: tez-tez emas – o‘ta yuqori sezuvchanlikning teri reaktsiyalari, hansirash; kam hollarda – anafilaktik reaktsiyalar, angionevrotik shish (asosan yuz va og‘iz-halqumni shishi), bronxoospazm. Endokrin tizimi tomonidan buzilishlar: kam hollarda – Kushing sindromi, kushingoid simptomlar, buyrak usti bezi funktsiyasini susayishi, bolalar va o‘smirlarda o‘sishni kechikishi, suyak to‘qimasining mineral zichligini pasayishi. Moddalar almashinuvi va oziqlanish tomonidan buzilishlar: tez-tez emas – giperglikemiya; juda kam hollarda – gipokaliyemiya. Ruhiyatni buzilishi: tez-tez emas – xavotirlik, uyquni buzilishi; kam hollarda – hulq atvorni o‘zgarishi, shu jumladan yuqori faollik va ta’sirchanlik (ayniqsa bolalarda). Nerv tizimi tomonidan buzilishlar: juda tez-tez – bosh og‘rig‘i; tez-tez emas – tremor. Ko‘rish a’zosi tomonidan buzilishlar: tez-tez emas – katarakta; kam hollarda – glaukoma. Yurak tomonidan buzilishlar: tez-tez emas – yurak urishini tezlashishi, taxikardiya, yurak bo‘lmachalari fibrillyatsiyasi; kam hollarda – aritmiya, shu jumladan qorinchalar ekstrasistoliyasi, qorinchalar usti taxikardiyasi va ekstrasistoliyasi. Nafas tizimi, ko‘krak qafasi va ko‘ks oralig‘i a’zolari tomonidan buzilishlar: tez-tez – ovozni bo‘g‘ilishi va/yoki disfoniya; tez-tez emas – hiqildoqni ta’sirlanishi; kam hollarda – paradoksal bronxospazm. Teri va teri osti to‘qimalari tomonidan buzilishlar: tez-tez emas – qon talashlar. Skelet-mushak va biriktiruvchi to‘qima tomonidan buzilishlar: tez-tez – mushak spazmlari, artralgiya. Infektsion va parazitar kasalliklar: tez-tez – og‘iz bo‘shlig‘i va hiqildoq kandidozi, pnevmoniya (O‘SOK bo‘lgan patsiyentlarda); kam hollarda – qizilo‘ngach kandidozi.

Preparatning har qanday komponentiga yuqori sezuvchanlik.4 yoshgacha bo‘lgan bolalarda qo‘llash mumkin emas. Tuberkulyoz, zamburug‘li, virusli yoki bakterial infektsiyalar, feoxromotsitoma, tireotoksikoz, gipotireoz, qandli diabet, nazoratlanmagan gipokaliyemiya, nazoratlanmagan arterial gipertenziya, aritmiyalar, yurak ishemik kasalligi, elektrokardiogrammada QT intervalini uzayishi, idiopatik gipertrofik subaortal stenoz, katarakta, glaukoma, osteoporoz, homiladorlik, laktatsiya davrida ehtiyotkorlik bilan qo‘llanadi.

Odatdagi sharoitlarda preparatni ingalyatsion qo‘llanilgandan keyin qon plazmasida salmeterol va flutikazonning past kontsentratsiyalariga erishiladi, lekin CYP3A4 izofermentining boshqa substratlari yoki ingibitorlari bilan potentsial o‘zaro ta’sirini inkor etib bo‘lmaydi. Bronxospazm rivojlanishi xavfi tufayli, bronxial astmasi bo‘lgan patsiyentlarda noselektiv va selektiv beta-adrenoblokatorlarni qo‘llashdan saqlanish kerak. BЕKSITROL-F preparatini beta-adrenoblokatorlar bilan birga faqat qat’iy ko‘rsatmalar bo‘yicha qo‘llash mumkin. Beta2-adrenoretseptorlarning agonistlarini saqlovchi boshqa dori vositalari bilan birga qo‘llash samaralarni kuchayishiga olib kelishi mumkin.

Eng yaxshi samaraga erishish uchun hatto simptomlar bo‘lmaganida ham BЕKSITROL-F preparatini har kuni qo‘llash kerakligi haqida patsiyentlarni ogohlantirish kerak. BЕKSITROL-F preparati bronxial astma xurujini bartaraf etish uchun preparat bo‘lib hisoblanmaydi. Xurujlarni bartaraf etish uchun qisqa ta’sirga ega bronxodilatatorlar qo‘llanadi. Patsiyentga bronxospazmni bartaraf etuvchi preparatni har doim olib yurishni tavsiya etish kerak. Qisqa ta’sirga ega bronxodilatatorlarni qo‘llashga ehtiyojni oshishi kasallikni kechishini yomonlashishidan dalolat beradi. Bronxospastik sindrom nazoratini to‘satdan va avj olib boruvchi yomonlashishi hayot uchun potentsial xavf tug‘diradi. Bunday hollarda shifokorga murojaat etish kerak, chunki BЕKSITROL-F preparatining qo‘llanilayotgan dozasi kasallikni adekvat nazoratini ta’minlamayapti. GKS saqlovchi boshqa ingalyatsion preparatlar kabi BЕKSITROL-F preparatini faol yoki latent o‘pka tuberkulyozi, yaqqol yurak-qon tomir kasalliklari, shu jumladan yurak ritmini buzilishi, gipokaliyemiya, tireotoksikozi bo‘lgan patsiyentlarda ehtiyotkorlik bilan qo‘llash kerak. Har qanday GKS tizimli samaralar, ayniqsa yuqori dozalarda uzoq vaqt qo‘llaganda chaqirishi mumkin; qayd etish kerak-ki, lekin peroral GKS bilan qo‘llagandagiga nisbatan bunday simpmtolarni yuzaga kelish ehtimoli ahamiyatli darajada past. Kuzatilishi mumkin bo‘lgan samaralar buyrak usti bezi funktsiyasini susayishi, bolalar va o‘smirlarda o‘sishni sekinlashishi, suyakning mineral zichligini pasayishi, katarakta va glaukomani o‘z ichiga oladi. Yuqoridagilarni e’tiborga olib, GKS dozasini samarali nazoratni tutib turishni ta’minlaydigan minimal dozagacha titrlash kerak. Homiladorlik va laktatsiya davri Homilador ayollarga faqat patsiyent uchun kutilayotgan foyda homila uchun potentsial xavfdan yuqori bo‘lgandagina buyurish mumkin. Pediatriyada qo‘llanishi 4 yoshgacha bo‘lgan bolalar. Kichik bolalar ingalyatordan mustaqil foydalana olishmaydi va kattalar ularga yordam berishlari kerak. Bola nafas olguncha kuting va nafas olishni boshlagan zahoti ingalyatorni qo‘llang. Qo‘llari kuchsiz bo‘lgan kattaroq yoshdagi bolalar va kattalar ingalyatorni ikkala qo‘llari bilan ushlashlari kerak. Avtotransport va boshqa mexanizmlarni boshqarish qobiliyatiga ta’siri Avtomobil yoki murakkab mexanizmlarni boshqaruvchi shaxslar uchun maxsus ehtiyotkorlik choralari talab etilmaydi. Ko‘zlarni preparat tushishidan saqlash kerak. Ingalyatsiyadan keyin yuvish orqali qovoq va burun terisini shikastlanishidan saqlanish mumkin. Ballonni teshish, ajratish yoki olovga tashlash mumkin emas, hatto u bo‘sh bo‘lsa ham. Aerozol o‘ramdagi ko‘pgina boshqa ingalyatsiya uchun vositalar kabi BЕKSITROL-F past haroratda kam samarali bo‘lishi mumkin. Ballon sovutilganda uni plastmassa korpusdan olish va bir necha minut davomida qo‘llash bilan isitish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Yorug‘likdan himoyalangan joyda, 30°S dan yuqori bo‘lmagan haroratda saqlansin. Muzlatilmasin.

Preparatni “Qo‘llash usuli va dozalari” bo‘limida ko‘rsatilgan dozalardan yuqori dozalarda buyurish tavsiya etilmaydi. Patsiyentning dozalash tartibini muntazam qayta ko‘rib chiqish va simptomlarni samarali nazoratini ta’minlovchi tavsiya etilgan eng past dozaga pasaytirish juda muhim. Simptomlar Salmeterol dozasini oshirib yuborilishining kutilayotgan simptomlari va belgilari haddan tashqari β2-adrenergik rahbatlantirishga o‘xshash va tremor, bosh og‘rig‘i, taxikardiya, sistolik arterial bosimni oshishi va gipokaliyemiyani o‘z ichiga oladi. Ingalyatsion yuborganda flutikazon propionatining dozasini o‘tkir oshirib yuborilishi gipotalamo-gipofizar-buyrak usti bezi tizimini vaqtincha susayishini chaqirishi mumkin. Odatda bu biron-bir shoshilinch choralarni talab etmaydi, chunki bir necha kun davomida buyrak usti bezining normal funktsiyasini tiklanadi. Preparatni uzoq vaqt davomida tavsiya etilgan dozada yuqori dozada qabul qilinganida buyrak usti bezi po‘stloq qismini ahamiyatli susayishi kuzatilishi mumkin. Asosan uzoq vaqt (bir necha oylar yoki yil) davomida tavsiya etilgan dozadan yuqoriroq dozalarda salmeterol va flutikazon propionati majmuasini qabul qilgan bolalarda yuzaga kelgan o‘tkir adrenal xurujlarning kam holatlari ta’riflangan. O‘tkir adrenal xuruj ongni chalkashishi va/yoki tirishishlar bilan kechuvchi gipoglikemiya bilan namoyon bo‘ladi. Adrenal xurujga olib kelishi mumkin bo‘lgan holatlarga jarohat, jarroxlik aralashuvi, infektsiyalar yoki BЕKSITROL-F preparatining tarkibiga kiruvchi flutikazon propionatining dozasi har qanday tez pasaytirish kiradi. Davolash: Salmeterol va flutikazonning dozasini oshirib yuborilishini spetsifik davolash mavjud emas. Doza oshirib yuborilgan hollarda tutib turuvchi davolash va patsiyentning holatini kuzatish kerak. Dozani surunkali oshirib yuborilganda buyrak usti bezi po‘stloq qismining zahira funktsiyasini nazorat qilish kerak.

Retsept bo‘yicha

Himoya qalpoqchali purkovchi uchlik bilan ta’minlangan dozalovchi klapanli germetik alyumin ballon. Ballon, qalpoqchali uchlik va qo‘llash bo‘yicha yo‘riqnoma saqlovchi karton quti.

24 oy.