Oq rangli liofilizat.

Dignostika vositalar.

Preparatning funktsional va organik o‘zgarishlari bo‘lmagan bemorlarning jigar va o‘t yo‘llaridagi maksimal miqdori yuborilgan miqdorning taxminan 70% ni tashkil qiladi. Bunday hollarda preparat yuborilgandan keyin uning taxminan 1% 3 soat davomida siydik orqali chiqariladi. Bilirubinemiyada preparatning jigarda to‘planishi kamayadi, uni siydik orqali chiqarilishi esa oshadi. Preparatning gepatotsitlarda maksimal to‘planish vaqti 7-13 minutni, jigar parenximasidan yarim chiqarilish davri -19-30 minutni, o‘t pufagida paydo bo‘lish vaqti -4-8 minutni, o‘t pufagida maksimal to‘planish vakti -25-40 minutni tashkil qiladi.

Preparat diagnostika vositasi sifatida, jigar, o‘t chiqarish yo‘llarini va boshqa pankreat-duodenal sohalarining kasalliklarida radionuklidli gepatoxoletsistografiyasida qo‘llaniladi.

Preparatni bilirubinning qondagi miqdori normal qiymatlarda bo‘lganda bevosita tekshirishdan oldin v/i 1,1 MBk/kg (kamida 10 mg asosiy modda) hisobida yuboriladi. Giperbilirubinemiyasi bo‘lgan patsiyentlarda yuboriladigan faollik va asosiy modda miqdori mos ravishda 2,2 MBk/kggacha va 20-40 mggacha oshirilishi kerak. Bemorni och qoringa, gamma kamera yordamida 60-90 minut davomida, chalqancha yotqizib quyib, ma’lumotni 1 minutda 1 kadr tezligida qayd qilib tekshiriladi. Zarurat bo‘lganida bemorga preparat inyektsiya qilingandan 30-40 minutdan so‘ng safro haydovchi nonushta buyuriladi. Tekshirish natijalarini baholashni stsintigrammaning sifat tahlillari ma’lumotlari (jigarning holati, kattaligi va shakli, preparatni parenximada taqsimlanishini bir xilligi, o‘choq o‘zgarishlarni mavjudligi, ko‘rish yaqqolligi va o‘t pufagi va o‘t yo‘llarining o‘lchami va hok.) va miqdoriy tekshirish – qon klirensini, gepatotsitlar, o‘t yo‘llari va o‘t pufagining funktsional ko‘rsatkichlari, preparatning o‘t chiqarish yo‘llari bo‘ylab passaji ma’lumotlari bo‘yicha o‘tkaziladi. Tekshirishning birinchi 1,5 soati davomida o‘t pufagini ko‘rishning iloji bo‘lmagan hollarda, qayta statistik tekshirishlarni kechroq muddatlarda (2-6 va 24 soatdan keyin) o‘tkazish zarur. Preparatni tayyorlash uchun reagentli flakonga generatordan rezina tiqinini teshish yo‘li bilan 5,0 ml natriy pertexnetat 99-mTs eritmasini shprits yordamida tortib yuboriladi va flakon chayqatiladi. Preparat 30 minutdan keyin qo‘llashga tayyor.

Bosh aylanishi, bosh og‘rigi, torakalgiya, ko‘ngil aynishi, kusish.

Preparatni preparatga yuqori sezuvchanlikda, homiladorlik va laktatsiya davrida qo‘llash tavsiya qilinmaydi. Preparatni qo‘llanilishi radionuklid tekshirishlarni o‘tkazilishi uchun umumklinik qarshi ko‘rsatmalar bo‘lganida cheklangan.

Ishlatiladigan dozalarda boshqa preparatlar bilan o‘zaro ta’siri aniqlanmagan.

Preparat bilan ishlash “Radioatsion xavfsizlikni ta’minlovchi sanitariyaning asosiy qoidalari” (RXTSAQ- 2006) ga muvofiq o‘tkazilishi kerak. Texnetsiy – 99m bilan nishonlangan Bromezida99mTc eritmasi bilan boshqa diagnostik bilan ehtiyotkorlik bilan muomala qilish va tibbiyot xodimini va patsiyentni radioaktiv nurlanishini minimal darajaga tushirish uchun ehtiyotkorlik choralarini qo‘llash kerak. Uzoq muddat davomida qo‘llanganda samaradorlik pasayadi. Bekor qilingandan so‘ng asta-sekin tiklanadi. Kamida haftada 1 marta siydikning umumiy tahlilini nazorat qilinadi va radioaktiv izotoplarni siydik orqali chiqarilishi aniqlanadi. Yaroqlilik mudati o‘tgandan so‘ng preparat ishlatilmasin.

Quruq, yorug‘likdan himoyalangan joyda +2 dan +10oS bo‘lgan haroratda saqlansin. Tashish vaqtida 1 oy davomida harorat tartibini (10 dan 250S gacha) o‘zgarishiga yo‘l qo‘yiladi. Tayyor preparatni amaldagi radioaktiv moddalar va ionlashtiruvchi nurlanish manbalari bilan ishlashni asosiy sanitar qoidalariga (SanPiN № 0193-06 O‘zR SSV) muvofiq saqlash lozim. Tashish GOST 17768 – 90Е muvofiq amalga oshiriladi.

Izotopning yarim parchalanish davri qisqa bo‘lganligi sababli, texnetsiy – 99m bilan nishonlangan natriy pertexnetatning yuqori faolligida ham nojo‘ya ta’sirlari kuzatilmaydi.

Reagent – inyektsiya uchun eritma tayyorlash uchun liofilizatlangan kukun, rezina tiqin va alyuminiy-plastik qalpoqcha yordamida germetik berkitilgan 10 ml sig‘imli flakonlarda.

Reagent – ishlab chiqarilgan sanadan boshlab 1 yil. Inyektsiya uchun tayyorlangan eritma- tayyorlangan vaqtdan boshlab 6 soat.