suv qoʼshilganida barqaror suspenziya hosil qiluvchi, qumoq-qumoq boʼlib toʼplanib qolishga moyilligi boʼlgan oq yoki biroz sargʼish tusli oq rangli kukun.

Penisillinlar (Beta-laktam)

J01CE30

Benzilpenitsillinning 3 ta tuzidan: dibenziletlendiamin, prokain, natriyli tuzlaridan tashkil topgan, uzoq muddatli taʼsirga ega boʼlgan majmuaviy bakteritsid preparatdir. Mikroorganizmlarning hujayra devori sintezini ingibirlaydi. Grammusbat mikroorganizmlar: Staphylococcus spp. (penitsillinazani hosil qilmaydigan), Streptococcus spp., shu jumladan Streptococcus pneumoniae, Corynebacterium diphtheriae, aerob spora hosil qiluvchi tayoqchalar: Bacillus anthracis, Clostridium spp., Actinomyces israelii; grammanfiy mikroorganizmlar: Neisseria honorrhoeae, Neisseria meningitidis, hamda Treponema spp.ga nisbatan faollikka ega. Preparatning taʼsiriga penitsillinaza hosil qiluvchi, Staphylococcus spp., shtammlari chidamli.

Mushak ichiga yuborilganidan soʼng benzilpenitsillinni depodan asta-sekin ajralib chiqishi bilan soʼriladi. Bir marta yuborilganida oʼrtacha terapevtik kontsentratsiyasi 6-7 sutka davomida saqlanadi. Plazmada maksimal kontsentratsiyasiga erishish vaqti (TSmax) inʼektsiyadan soʼng 12-24 soat. 2,4 mln TB yuborilganidan keyin 14-kuniga kelib zardobdagi kontsentratsiyasi 0,12 mkg/ml, 1,2 mln TB yuborilganidan keyin 21-kuniga kelib – 0,06 mkg/ml (1TB = 0,6 mkg) ni tashkil qiladi. Suyuqliklarga kirishi yuqori, toʼqimalarga kirishi – past. Plazma oqsillari bilan bogʼlanishi – 40-60% ni tashkil qiladi. Yoʼldosh toʼsigʼidan oʼtadi va koʼkrak sutida aniqlanadi. Kam darajada metabolizmga uchraydi, asosan buyraklar orqali oʼzgarmagan holda chiqariladi.

Sezgir mikroorganizmlar chaqirgan infektsiyalar (kattalarda): sifilis va oq treponemalar tomonidan chaqirilgan boshqa kasalliklar (frambeziya), streptokokkli infektsiyalar (V guruh streptokokklari chaqirgan infektsiyalardan tashqari) – oʼtkir tonzillit, skarlatina, jarohatli infektsiyalar, saramasli yalligʼlanish, revmatizmda (oldini olish uchun) qoʼllanadi.

300000 TB dozada dumba mushagining yuqori tashqi kvadrantiga mushak ichiga chuqur qilib yuboriladi. 2 marta inʼektsiya qilish zarurati tugʼilganda ular xar xil dumbalarga qilinadi. Takroriy inʼektsiyalarni oldingi inʼektsiyadan soʼng toʼrtinchi sutkada qilinadi. 600000 TB dozada 6 kunda bir marta yuboriladi. Birlamchi va ikkilamchi sifilisni davolashda preparatning bir martalik dozasi 1800000 TB tashkil qiladi. Davolash kursi 7 inʼektsiyadan iborat. Birinchi inʼektsiya 300000 TB dozada qilinadi, ikkinchi inʼektsiya – bir sutkadan soʼng toʼliq dozada, keyingi inʼektsiyalar haftada 2 marta oʼtkaziladi. Ikkilamchi qaytalangan va dastlabki yashirin sifilisni davolashda birinchi inʼektsiya uchun 300000 TB, keyingi inʼektsiyalar uchun – 1800000 TB dozasi qoʼllanadi. Inʼektsiyalar haftada 2 marta qilinadi. Davolash kursi – 14 ta inʼektsiyadan iborat. Suspenziyani tayyorlash uchun inʼektsiya uchun steril suv, natriy xloridining izotonik eritmasi yoki prokain (novokain) ning 0,25-0,5% li eritmasi (5-6 ml) ishlatiladi. Erituvchini flakonga sekin, 20-25 sekundda 5 ml tezlik bilan yuboriladi. Flakondagi aralashma gomogen suspenziya (yoki osilma) hosil boʼlgunicha flakonni koʼndalang oʼqi boʼylab ehtiyotkorlik bilan aralashtiriladi. Flakonning devorida suspenziyaning yuzasida pufakchalarni boʼlishiga yoʼl qoʼyiladi. Suspenziyani zudlik bilan dumbaning yuqori tashqi kvadrantiga mushak ichiga chuqur qilib yuboriladi. Inʼektsiyadan soʼng dumbani ishqalash tavsiya etilmaydi. Preparat suv yoki yuqorida sanab oʼtilgan erituvchilar bilan uzoq vaqt kontaktda boʼlganida, preparatning fizik va kolloid xususiyatlari oʼzgaradi, buning oqibatida suspenziya bir xil (gomogen) boʼlmay, shprits ignasi orqali qiyinchilik bilan oʼtadi.

Allergik reaktsiyalar: eshakemi, angionevrotik shish, koʼp shaklli ekssudativ eritema, kam hollarda anafilaktik shok. Artralgiya, isitma, eksfoliativ dermatit; stomatit, glossit, kamqonlik, trombotsitopeniya, leykopeniya, gipokoagulyatsiya. Uzoq muddatli davolashda – chidamli miroorganizmlar va zambrugʼlar chaqirgan superinfektsiya.

Penitsillin guruhi preparatlariga va boshqa beta-laktam antibiotiklariga, prokainga oʼta yuqori sezuvchanlikda qoʼllash mumkin emas. Ehtiyotkorlik bilan: homiladorlik, laktatsiya davri, buyrak yetishmovchiligi, allergik kasalliklar, shu jumladan bronxial astma, pollinoz (shu jumladan, anamnezida), soxta membranoz kolit.

Bakteritsid anitibiotiklar (shu jumladan sefalosporinlar, vankomitsin, rifampitsin, aminoglikozidlar) sinergik taʼsir koʼrsatadi; bakteriostatik antibiotiklar (shu jumladan makrolidlar, xloramfenikol, linkozamidlar, tetratsiklinlar) – antagonistik taʼsir koʼrsatadi. Peroral kontratseptivlar va etinilestradiolning samaradorligini pasaytiradi – “shiddatli” qon ketishlari rivojlanishi havfi yuzaga keladi. Diuretiklar, allopurinol, fenilbutazon, nosteroid yalligʼlanishga qarshi vositalar naychalar sekretsiyasini pasaytirib, penitsillinlarning kontsentratsiyasini oshiradi. Allopurinol allergik reaktsiyalar (teri toshmasi) ni rivojlanish xavfini oshiradi.

Har qanday allergik reaktsiya paydo boʼlganida darhol davolashni toʼxtatish talab etiladi. Teri ostiga, vena ichiga va endolyumbal, shuningdek tananing turli boʼshliqlarga yuborish mumkin emas. Tasodifan tomir ichiga yuborilganida oʼtkinchi ruhiy ezilish, xavotirlik hissi va koʼrishni buzilishi (Uane sindromi) rivojlanishi mumkin. Preparatni tasodifan tomir ichiga yuborilishiga yoʼl qoʼymaslik uchun, m/i inʼektsiyasini oʼtkazishdan oldin ignani tomir ichiga tushganligini aniqlash maqsadida aspiratsiya oʼtkazish tavsiya etiladi. Venerik kasalliklarni davolashda, agar sifilisga shubha tugʼilganda, davolashni boshlashdan avval va keyin 4 hafta davomida mikroskopik va serologik tekshirishlarni oʼtkazish kerak. Zamburugʼli zararlanishlar rivojlanishi mumkinligi tufayli, V guruhi vitaminlari va askorbin kislotasini, zarurati boʼlganida – nistatin va levorinni buyurish, infektsiyani tarqalish belgilari paydo boʼlganida – flukonazolni buyurish maqsadga muvofiqdir. Preparatni yetarli boʼlmagan dozalarda qoʼllash yoki davolashni juda erta tugatish, koʼpincha qoʼzgʼatuvchilarning chidamli shtammlarini hosil boʼlishiga olib kelishini hisobga olish kerak. Kam hollarda anafilaktik shok rivojlanishi mumkin. Anafilaktik shokning birinchi belgilari paydo boʼlganida bemorni bu holatdan olib chiqish uchun norepinefrin, glyukokortikoidlarni yuborish, zarurati boʼlganda oʼpkani sunʼiy ventilyatsiyasini oʼtkazish kabi shoshilinch choralar koʼrilishi kerak.

Preparatni homiladorlikda faqat ona uchun kutilgan foyda homila uchun potentsial havfdan yuqori boʼlgan holda qoʼllash mumkin. Laktatsiya davrida preparatni qoʼllash zarurati boʼlganida, emizishni toʼxtatish xususidagi xaqidagi masalani hal qilish kerak. Preparat bolalar ololmaydigan joyda saqlansin va yaroqlilik muddati oʼtgach ishlatilmasin.

8°S dan 15°S gacha haroratda saqlansin.

Dozani oshirib yuborilishi boʼyicha maʼlumotlar yoʼq.

Retsept boʼyicha beriladi.

Mushak ichiga yuborish uchun suspenziya tayyorlash uchun kukun 600000 TB. 600000 TB dan 10 ml sigʼimli flakonlarda. Statsionarga yetkazish uchun 50 ta flakon 5 ta rus va oʼzbek (davlat) tillaridagi qoʼllash boʼyicha yoʼriqnoma bilan birga karton qutiga joylanadi.

3 yil.