oq rangli, hidsiz, bir xil krem.

Antiseptiklar bilan majmuaviy faol kortikosteroidlar. Betametazon va antiseptiklar.

D07B C01.

Glyukokortikosteroidlar bilan davolashga sezuvchan: ekzema (atopik, numulyar), neyrodermit, dermatitlar (kontakt, quyoshli, seboreyali, eksfoliativ, radiatsion, intertriginoz, staz-dermatit), psoriaz (tarqalgan psoriazdan tashqari), anogenital va qariyalardagi qichishish kabi dermatozlarning yallig‘lanish ko‘rinishlarini kamaytirish uchun qo‘llanadi.

Preparat sirtga qo‘llanadi. Krem terining shikastlangan yuzasiga yupqa qavat qilib, holatni og‘irligiga qarab, sutkada 1-3 marta surtiladi. Surtishlar soni shikastlanish darajasiga bog‘liq: preparatni yengil darajadagi shikastlanishda sutkada 1 marta, yanada og‘irroq shikastlanish hollarida esa preparatni surtish sonini oshirish lozim. Ko‘pchilik holatlarda samaraga erishish uchun preparatni sutkada 1-2 marta surtish yetarlidir. Preparat okklyuzion bog‘lov ostida qo‘llanmaydi, chunki preparatning nojo‘ya ta’siri kuchayishi mumkin. Preparatni uzluksiz qo‘llash 4 haftadan oshmasligi kerak. Agar 2-4 hafta davomida davolanganda holat yaxshilanmasa yoki yomonlashsa, qayta tekshirishni o‘tkazish va davolashni qayta ko‘rib chiqish lozim.

Immun tizimi, teri va teri osti qavati tomonidan: o‘ta yuqori sezuvchanlik reaktsiyalari, terini achishishi va/yoki sanchishi hissi, issiqni his qilish, terini qichishishi, ta’sirlanishi, quruqlashishi, yorilib ketishi, plastinkasimon va/yoki o‘choqli qipiqlanishi, eritema, teleangioektaziya, follikulit, follikulyar toshmalar, xusnbuzarli toshmalar, gipertrixoz, issiqlik, gipopigmentatsiya, rozatseyasimon (peroral) dermatit, allergik kontakt dermatit, terini dag‘allashishi, terini o‘zgarishi, teri atrofiyasi, striyalar, ikkilamchi infektsiya. Endokrin tizimi tomonidan: gipotalamo-gipofizar buyrak usti bezi tizimining buyrak usti bezini ikkilamchi yetishmovchiligini rivojlanishi bilan kechuvchi supressiyasi, giperkortitsizm belgilari, Itsenko-Kushing sindromi. Glyukokortikosteroidlarni tizimli qo‘llaganda uchraydigan har qanday nojo‘ya reaktsiyalar, shu jumladan buyrak usti bezi po‘stlog‘ini faoliyatini susayishi preparatni mahalliy, ayniqsa yuqori dozalarda uzoq vaqt davomida qo‘llanganda, okklyuzon bog‘lov ostida qo‘llanganda va bolalarda paydo bo‘lishi mumkin. Kortikosteroidlarni mahalliy olgan bolalarga buyrak usti bezi po‘stlog‘i faoliyatini susayishi, Itsenko-Kushing sindromi, o‘sishni sekinlashishi, tana vaznini yetarli darajada bo‘lmasligi va bosh miya ichki gipertenziyasi holatlari kuzatilgan. Bolalarda adrenal supressiya simptomlari qon plazmasida va siydikda kortizolning past darajasini va adrenokortikotrop gormonlariga nisbatan rag‘batlantiruvchi reaktsiyasini bo‘lmasligini o‘z ichiga oladi. Bosh miya ichki gipertenziyasining ko‘rinishlari bosh liqildog‘ini shishishini, bosh og‘rig‘ini va ko‘rish nervining ikki tomonlama shishishini o‘z ichiga oladi.

Ta’sir etuvchi moddaga yoki preparatning boshqa komponentlariga yuqori sezuvchanlik; terining bakterial, virusli, zamburug‘li infektsiyalari (shu jumladan oddiy va o‘rab oluvchi gerpes, suvchechak, teri tuberkulyozi va sifilis), vaktsinatsiyadan keyingi teri reaktsiyalari, rozatsea, rozatseyasimon (perioral) dermatitda qo‘llash mumkin emas. Preparat oftalmologiyada qo‘llash uchun mo‘ljallanmagan.

Boshqa dori vositalari bilan o‘zaro ta’siri to‘g‘risida va o‘zaro ta’sirning boshqa turlari to‘g‘risida ma’lumotlar yo‘q. Biroq preparatni dori vositalarning, xususan tsetilpiridin xloridining ta’sirini faolsizlantiradigan sirt taranglik faolligiga ega moddalarini saqlaydigan dori vositalarning mahalliy qo‘llanadigan shakllari bilan bir vaqtda qo‘llash tavsiya qilinmaydi. Yordamchi moddalarning tarkibida mineral moyini bo‘lishi tufayli, preparatni anogenital sohada qo‘llash lateks prezervativlarning strukturasini shikastlashi va ularni qo‘llash havfsizligini kamaytirishi mumkin. Betametazonni tizimli so‘rilishini taxmin qilish mumkin bo‘lgan hollarda, boshqa dori vositalari bilan ko‘p sonli o‘zaro ta’sirlarini esda tutish lozim.

Preparat oftalmologiyada (ko‘zga, ko‘z atrofida) qo‘llash uchun mo‘ljallanmagan. Preparatni yuz terisiga uzoq muddat davomida qo‘llashdan saqlanish lozim. Preparatni yuzga yaqin sohada qo‘llanganda ehtiyotkorlikka rioya qilish va preparatni ko‘zga va shilliq qavatiga tushishidan saqlanish lozim. Betametazonni tizimli so‘rilishi tufayli, preparatni okklyuzion bog‘lovlar ostida va/yoki terining katta sohalariga (yuqori dozalarda) va/yoki uzoq vaqt davomida (3-4 haftadan ortiq) qo‘lash tavsiya qilinmaydi. Mahalliy kortikosteroidlarni tizimli so‘rilishi, ularning dozasiga bog‘liq tarzda oshadi. Yuqori faollikka ega kortikosteroidlarni terining katta sohalariga shifokorning kuzatuvi ostida qo‘llash va vaqti–vaqti bilan patsiyentning holatini monitoring qilish lozim, chunki ular gipotalamo–gipofizar-buyrak usti bezi tizimini susayishini (GGBUT) chaqirishi mumkin. GGBUT faoliyati, odatda preparat bekor qilinganda tiklanadi. Alohida hollarda preparatni bekor qilish simptomlari rivojlanishi mumkin bo‘lib, ular tizimli kortikosteroidlarni qo‘shimcha qo‘llashni talab qiladi. GGBUT susayishi rivojlangan hollarda, preparatni surtishlar sonini kamaytirish yoki to‘xtatish va patsiyentni yanada sustroq ta’sirga ega bo‘lgan kortikosteroidlarga o‘tkazish lozim. Terini ta’sirlanishi yoki yuqori sezuvchanlik belgilari paydo bo‘lgan hollarda preparatni qo‘llashni to‘xtatish va shifokorga murojat qilish lozim. Zamburug‘li yoki bakterial superinfektsiyani rivojlanish hollarida qo‘shimcha ravishda zamburug‘larga qarshi yoki antibakterial vositalarni qo‘llash zarur. Agar bunda istalgan samara tez boshlanmasa, kortikosteroidlarni qo‘llashni infektsiya belgilari yo‘q qilinguncha to‘xtatish lozim. Homiladorlik va emizish davrida qo‘llanilishi. Preparat homiladorlikning I uch oyligi davomida qo‘llanmaydi. Preparatni faqat homiladorlikning oxirgi muddatlarida, shu jumladan bo‘lg‘usi ona uchun kutiladigan foyda, homila uchun mumkin bo‘lgan potentsial xavfdan yaqqol ustun bo‘lgan hollardagina buyurish mumkin. Ushbu guruh preparatlarni homiladorlarga yuqori dozalarda uzoq vaqt davomida yoki okklyuzion bog‘lov ostida qo‘llash mumkin emas. Hozirda kortikosteroidlarni mahalliy qo‘llanishi, ularning tizimli so‘rilish natijasida ko‘krak sutiga kirishiga olib kelishi mumkinligi noma’lum, shuning uchun emizishni to‘xtatish yoki preparatni bekor qilish to‘g‘risidagi qarorni qabul qilishda ona uchun davolashning muhimligini hisobga olish zarur. Bolalar. Bolalarda preparatni qo‘llash havfsizlgi aniqlanmagan, shuning uchun preparat ushbu toifa patsiyentlarda qo‘llash uchun mo‘ljallanmagan. Avtotransportni yoki boshqa mexanizmlarni boshqarishda reaktsiya tezligiga ta’sir qilish xususiyati Preparat odatda avtotransportni yoki boshqa mexanizmlarni boshqarishda patsiyentning reaktsiya tezligiga ta’sir qilmaydi. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Original o‘ramda 25oS dan yuqori bo‘lmagan haroratda saqlansin.

Simptomlari: mahalliy qo‘llash uchun kortikosteroidlarni haddan ziyod yoki uzoq qo‘llash gipofizar-buyrak usti bezi faoliyatini susayishini chaqirishi mumkin, bu ikkilamchi buyrak usti bezi yetishmovchiligiga va giperkortitsizm simptomlarini, shu jumladan Itsenko-Kushing sindromini paydo bo‘lishiga olib keladi. Giperkortitsizmni o‘tkir sipmtomlari odatda qaytuvchandir. Davolash: simptomatik terapiya, zarurat bo‘lganida elektrolit muvozanatini muvofiqlashtirishni o‘tkazish lozim. Surunkali toksik ta’sir ko‘rsatgan holatlarda preparatni asta-sekin bekor qilish tavsiya qilinadi.

Retsept bo‘yicha Ulashish: 3 108 Views

15 g dan yoki 30 g dan tubada; 1 tubadan qutida.

2 yil.