Oq yoki sarg‘ish tusli oq rangli, kuchsiz hidli gomogen tiniq bo‘lmagan krem.

Terining mayda shikastlanishlarida bitish jarayonlarini faollashtirish: yengil kuyishlar va tirnalishlar; radio-, fototerapiya yoki UB-nurlanish natijasidagi terining ta’sirlanishlarida; surunkali yaralarda, yotoq yaralarda, anal yoriqlarida, terini ko‘chirib o‘tkazish va bachadon bo‘yni eroziyalari; kortikosteroidlar bilan davolashda. Quruq va yoriladigan terini parvarish qilish. Emizikli bolalarda bichilishni oldini olish va davolash. Emizish davrida sut bezlarini muntazam parvarish qilish, so‘rg‘ichlarning og‘riqliligi yoki yoriqlarini davolashda qo‘llaniladi.

Sirtga qo‘llaniladi. Zaruratga qarab krem kuniga bir yoki ko‘p marta qo‘yiladi. Emizikli ayollarning sut bezlarini parvarish qilish: har bir emizishdan keyin so‘rg‘ichga qo‘yiladi. Emizikli bolani parvarish qilish: taglikni (pelyonka) har gal almashtirganda qo‘yiladi.

Allergik reaktsiyalar: kontakt va allergik dermatit, qichishish, ekzema, eritema, toshma, eshakemi, terining ta’sirlanishi, pufakli toshmalar kuzatilishi mumkin.

Preparatning komponentlariga yuqori sezuvchanliklarda qo‘llash mumkin emas.

Kremni ko‘zga tushishidan saqlanish kerak.

Homiladorlik vaqtida preparatni shifokor maslahati bo‘yicha ishlatish mumkin. Laktatsiya davrida so‘rg‘ichlarning yoriqlarini davolashda emizishdan oldin krem qoldiqlarini tozalash kerak.

250S dan yuqori bo‘lmagan haroratda, bolalar ololmaydigan joyda saqlansin.

Dekspentenol xatto yuqori dozalarda ham yaxshi o‘zlashtiriladi va toksik hisoblanmaydi.

3 yil. O‘ramida ko‘rsatilgan yaroqlilik muddati o‘tgach ishlatilmasin.