Oq rangli yassitsilindrik, xidsiz, bir tomonida riskali tabletkalar.

Tirishishga qarshi vositalar.

N03AA

Benzonal organizmda fenobarbital ajratib, tez metabolizmga uchraydi, u esa tirishishga qarshi ta’sir ko‘rsatadi. Shunday qilib, benzonal “old dori” sifatida ko‘rilishi mumkin. Ajralib chiqqan fenobarbitalning 50% yaqini plazma oqsillari bilan bog‘lanadi. U turli a’zolar va to‘qimalarga bir tekis taqsimlanadi. Kattalar qon plazmasida preparatning yarim chiqarilish davri 2-4 sutkani tashkil qiladi (yangi tug‘ilgan chaqaloqlarda 7 sutkagacha). Organizmdan sekin chiqariladi, bu to‘planishi uchun imkoniyat yaratadi. Jigarning mikrosomal fermentlari tomonidan metabolizmga uchraydi. Gistogematik to‘siqlar orqali va ko‘krak sutiga o‘tadi. Faol bo‘lmagan metaboliti (4-oksifenobarbital) glyukuronid ko‘rinishida buyrak orqali chiqariladi, fenobarbitalning 25% yaqini esa o‘zgarmagan qo‘rinishda chiqariladi.

Kelib chiqishi turli bo‘lgan, shu jumladan fokal va Djekson hurujlari hollari, tutqanoqning talvasali shakllarini davolashda qo‘llanadi. Geksamidin, karbamazepin, difenin va boshqa tutqanoqqa qarshi preparatlar bilan birga tirishishsiz va polimorf hurujlarni davolash uchun ishlatiladi. Shuningdek funktsional giperbilirubinemiya,  Jilber kasalligi, gepatitdan keyingi giperbilirubinemiya, surunkali gepatitning xolestatik shakli, qaytalanuvchi xavfsiz jigar ichki xolestazi, yangi tug‘ilgan chaqaloqlarning gemolitik kasalligini majmuaviy davolashda; jigarning buzilgan detoksikatsiyalovchi faoliyatini to‘g‘rilash uchun va turli kasalliklarda o‘tkazilayotgan farmakoterapiyaning toksikligini kamaytirish uchun, shu jumladan siydik – tosh kasalligida, temir yetishmovchiligidagi qamqonlikda, revmatoid artritda, bronxial astmada, 12-barmoq ichak yara kasalligida, o‘pka tuberkulyozida, qandli diabetda, endogen toksemiya sindromida nospitsefik surunkali o‘pka kasalliklaridagi o‘pka surfaktantini sekretsiyasi, surunkali jigar kasalliklaridagi o‘pka sindromida, yangi tug‘ilgan chaqaloqlardagi respirator disstress sindromida (oldini olish va davolash) ham qo‘llanadi.

Ichga, ovqatdan keyin qo‘llanadi. Kattalar uchun bir martalik doza 100 – 200 mg ni tashkil qiladi, sutkalik – 800 mg gacha; ko‘proq 100 mg dan sutkada 3 marta buyuriladi. Kattalar uchun yuqori dozalari: bir martalik – 300 mg, sutkalik 1 g; 3-6 yoshli bolalarga bir qabulga 25-50 mg dan buyuriladi ( sutkada 100-150 mg); 7-10 yosh – bir qabulga 50-100 mg (sutkada 150-300 mg); 11-14 yosh – bir qabulga 100 mg (sutkada 300-400 mg); Katta yoshdagi bolalar uchun yuqori dozalari: bir martalik-150 mg; sutkalik – 450 mg. Davolash bir martalik dozani bir marta qabul qilish bilan boshlanadi. 2 – 3 kundan keyin doza asta-sekin yaxshi o‘zlashtirilishi bilan bir vaqtda hurujlar tez-tezligini va jadalligini (hatto to‘liq to‘xtashgacha bo‘lgan) pasayishini ta’minlovchi optimal sutkalikgacha ko‘paytiriladi. Agar bemor oldin boshqa tirishishga qarshi vositalar qabul qilgan bo‘lsa, unda benzonal bilan davolashga asta-sekin o‘tish kerak: benzonal bilan oldingi preparatning oldin bir, so‘ngra esa (3-5 kundan keyin) ikkinchi va uchinchi dozasi almashtiriladi. Oldingi preparat butunlay almashtirilganidan keyin benzonal dozasi asta-sekin optimal sutkalik dozagacha oshiriladi. Davolash uzok vaqt (1 – 2 yildan kam emas) hatto hurujlar bo‘lmaganida ham, davom ettiriladi. Turg‘un kompensatsiya bo‘lganida doza asta-sekin sutkada bir martalik dozagacha kamaytiriladi, lekin preparatni qabul qilish uzoq vaqt davom ettiriladi. Doza kamaytirilganida hurujlarning belgilari paydo bo‘lgan holda, dastlabki sutkalik dozaga yana qaytish kerak bo‘ladi. Benzonal gipobilirubinemik vosita sifatida va boshqa hollarda buyurilganida, tutqanoqqa qarshi preparat sifatida emas, balki tutqanoqqa qarshi vosita sifatida foydalanilganidek kabi dozalash tartibida 2 – 3 hafta davomida qo‘llanadi.

Benzonal odatda yaxshi o‘zlashtiriladi. Preparatga yuqori sezuvchanlik bo‘lganida yaqqol uyquchanlik, bo‘shashish, nutqning qiyinlashuvi, bosh og‘rig‘i, ataksiya, nistagm rivojlanishi mumkin. Odatda bu holatlar 3 – 4 kundan keyin mustaqil ravishda o‘tib ketadi. Zarurati bo‘lganida dozani kamaytirish yoki kofein buyurish mumkin (qabulga 0,05-0,075 g). Ayrim bemorlarda ishtahani yomonlashuvi, arterial bosimini kamayishi, allergik reaktsiyalar (teri toshmalar va boshqalar), trombotsitopeniya, anemiya, tromboflebit, bronxospazm, jigar va buyrak faoliyatini buzilishi kuzatilishi mumkin. Ko‘nikma, doriga qaramlik, bekor qilish sindromi rivojlanishi mumkin.

O‘ta yuqori sezuvchanlik, porfiriya, anemiya, qandli diabet, bronxial astma, nafas yetishmovchiligi, gipertireoz, buyrak usti bezlarining yetishmovchiligi, giperkinezlar, miasteniya, jigar va buyraklarning faoliyatini buzilishi bilan birga og‘ir shikastlanishi, yurak dekompensatsiyasi, alkogolizm, narkotikka qaramlik, depressiv holatlar (o‘z joniga qasd qilishlar bilan birga), homiladorlik (I uch oyligi), emizish davrida qo‘llash mumkin emas.

Benzonal bilan bir vaqtda qo‘llanganida jigarning monooksigenaz tizimi tomonidan metabolizmga uchraydigan dori preparatlarining ta’siri kamayadi, hususan tritsiklik antidepressantlar, paratsetamol, teofilin, 4-oksikumarin guruhi antikoagulyantlari (neodikumarin va boshqalar) va indandionning ta’siri kamayadi. Benzonal markaziy nerv tizimi faoliyatini susaytiruvchi preparatlar (trankvilizatorlar, uxlatuvchi vositalar va boshqalar), shuningdek alkogol bilan bir vaqtda qo‘llanganida, o‘zaro ta’sirini kuchayishi sodir bo‘ladi, bu nafasni susayishi bilan birga kechishi mumkin. Benzonalni boshqa tirishishga qarshi vositalar bilan birga (geksamidin, karbamazepin, difenin va boshqalar) buyurish mumkin.

Oldin barbituratlarni qabul qilgan bemorlarda, preparat bilan davolanishga o‘tganda uyquni buzilishi mumkin, bu kechasiga 0,05-0,1 g fenobarbital yoki boshqa uyqu dorilarini buyurish bilan yengil bartaraf qilinadi. Davolash vaqtida alkogolli ichimliklar iste’mol qilinmaydi. Yuqori diqqatni talab qiladigan potentsial xavfli tur faoliyatlardan saqlanish kerak. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Quruq, yorug‘likdan ximoyalangan joyda, 250S gacha bo‘lgan haroratda saqlansin.

Simptomlari: yaqqol uyquchanlik, apatiya, ataksiya, bosh og‘rig‘i, nistagm, nutqning qiyinlashuvi, haroratni oshishi va pasayishi, nafasni qiyinlashishi, hansirash, o‘pka shishi, qo‘zg‘alish, qorachiqlarni torayishi, taxi- yoki bradikardiya, tsianoz, ongni chalkashishi, koma. Surunkali intoksikatsiyada-ta’sirchanlik, tanqidiy baholash qobiliyatini susayishi, uyquni buzilishi, ongni chalkashishi mumkin. Davolash: me’dani yuvish, faollashtirilgan ko‘mir qabul qilish, kofein buyurish, zarurata bo‘lganida nafas, yurak qon tomir tizimi, jigar, buyraklar, markaziy nerv tizimi faoliyatining tiklashga va tutib turishiga yo‘naltirilgan simptomatik reanimatsion davolashni o‘tkazish lozim. Bu tadbirlar komatoz holatda traxeyani intubatsiyasini, markaziy gipoventilyatsiyada sun’iy ventilyatsiyani, faol antibiotikoterapiyani va glyukoza va elektrolitlarning eritmalari bilan vena ichiga davolash, yurak-qon tomir vositalari va gormonlarni  qo‘llashni o‘z ichiga oladi.

Retsept bo‘yicha

Tabletkalar 100 mg dan, № 10 kontur-uyali o‘ramda (blisterda).

3 yil.