oqdan deyarli oq rangli, kristall kukun.

antibiotik (penitsillinlar guruhi)

J01CE01

M/i yuborilganidan so‘ng inyektsiya qilingan joydan tez so‘riladi. Organizmning to‘qimalari va suyuqliklarida keng taqsimlanadi. Benzilpenitsillin yo‘ldosh to‘sig‘i orqali yaxshi o‘tadi. Miya pardalari yallig‘lanishida GET orqali yaxshi o‘tadi. Yarim chiqarilish davri (T½ ) – 30 minutni tashkil qiladi. Siydik bilan chiqariladi.

Benzilpenitsillinga sezgir mikroorganizmlar tomonidan chaqirilgan kasalliklar: krupoz va o‘choqli pnevmoniya, plevra empiyemasi, sepsis, septitsemiya, piyemiya, o‘tkir va o‘tkir osti septik endokardit, meningit, o‘tkir surunkali osteomiyelit, siydik chiqarish va o‘t yo‘llarining infektsiyalari, angina, teri, yumshoq to‘qimalar va shilliq qavatlarning yiringli infektsiyalari, saramas, difteriya (bo‘g‘ma), qizilcha, kuydirgi (sibirskaya yazva), aktinomikozni davolashda, akusherlik-ginekologiya amaliyotidagi yiringli­yallig‘lanish kasalliklar, LOR–kasalliklari, ko‘z kasalliklarini davolashda, gonoreya, blennoreya, sifilisda qo‘llaniladi.

Infektsiyalarni o‘rtacha og‘irlikda kechishida mushak ichiga va vena ichiga 250000-500000 TB dozada yuboriladi; sutkalik dozalar 1000000–2000000 TB ni tashkil qiladi. Og‘ir infektsiyalarda (sepsis, septik endokardit, meningit) sutkada 10000000– 20000000 TB gacha; gazli gangrenada 40000000–60000000 TB gacha yuboriladi. 1 yoshgacha bo‘lgan bolalarga tana vaznining har kg ga 50000–100000 TB sutkalik dozalarda, 1 yoshdan oshgan bolalarga 50000 TB/(kg/sut) dan buyuriladi. Og‘ir infektsiyalarda (meningit, sepsis, o‘tkir pnevmoniyaning og‘ir shakllarida) sutkalik dozani 200000–300000 TB/kg gacha; hayotiy zarurat tug‘ilganda 500000 TB/kg gacha oshirish mumkin. Sutkalik doza 4­6 marta qabul qilishga taqsimlanadi. Vena ichiga oqim bilan yuborish uchun 1000000–2000000 TB 5­10 ml inyektsiya uchun suvda yoki natriy xloridining izotonik eritmasida eritiladi, mushak ichiga inyektsiyalar bilan birga sutkada 1-2 marta yuboriladi; vena ichiga tomchilab yuborish uchun 2000000–5000000 TB 100–200 ml natriy xloridining izotonik eritmasida yoki 5­10% li glyukoza eritmasida eritiladi. Endolyumbal yuborish uchun kasallikning xarakteriga qarab, kattalarga 5000–10000 TB, bolalarga 2000 dan 5000 TB gacha yuboriladi. Preparat 1 ml ga 1000 TB hisobida eritiladi. Teri ostiga infiltratlarni sanchib inyektsiya qilish uchun qo‘llaniladi (100000- 200000 TB 1 mg 0,25-0,5% novokain eritmasida eritiladi). Eritmalar, ularga boshqa dorilarni qo‘shishga yo‘l qo‘yilmay, tayyorlanishi bilan darhol qo‘llaniladi.

Allergik reaktsiyalar: tana haroratini oshishi, eshakemi, teri toshmasi, shilliq qavatlarda toshma, bo‘g‘imlarda og‘riqlar, eozinofiliya, angionevrotik shish bo‘lishi mumkin. O‘limga olib keluvchi anafilaktik shok holatlari kuzatilgan. Ovqat hazm qilish tizimi tomonidan: diareya, ko‘ngil aynishi, qusish bo‘lishi mumkin. Kimyoterapevtik ta’siri bilan bog‘liq samaralari: qin kandidozi, og‘iz bo‘shlig‘ining kandidozi bo‘lishi mumkin. Markaziy nerv tizimi (MNT) tomonidan: benzilpenitsillin yuqori dozalarda, ayniqsa endolyumbal qo‘llanganda neyrotoksik reaktsiyalar: ko‘ngil aynishi, qusish, reflektor qo‘zg‘aluvchanlikni oshishi, meningizm simptomlari, tirishishlar, koma rivojlanishi mumkin.

Benzilpenitsillin va boshqa penitsillin va tsefalosporinlar guruhidagi preparatlarga yuqori sezuvchanlikda qo‘llash mumkin emas. Tutqanoq bilan xastalangan patsiyentlarga endolyumbal yuborish mumkin emas.

Probenetsid benzilpenitsillinning buyrak naychalari orqali sekretsiyasini pasaytiradi, natijada uning qon plazmasidagi kontsentratsiyasi oshadi, yarim chiqarilish davri uzayadi. Bakteriostatik ta’sir etuvchi antibiotiklar (tetratsiklin) bilan bir vaqtda qo‘llanganda  benzilpenitsillinning bakteritsid ta’siri pasayadi.

Buyrak faoliyatini buzilishi bo‘lgan patsiyentlarda, yurak yetishmovchiligida, allergik reaktsiyalarga moyillikda (ayniqsa dori vositalariga allergiya bo‘lganida), tsefalosporinlarga yuqori sezuvchanlikda (kesishgan allergiya rivojlanishi mumkinligi tufayli) ehtiyotkorlik bilan qo‘llash kerak. Agar preparatni qo‘llashni boshlagandan keyin  3-5 kundan keyin samara kuzatilmasa, boshqa antibiotiklarni qo‘llash yoki majmuaviy davolashga o‘tish kerak. Zamburug‘li superinfektsiya rivojlanishi mumkinligi tufayli, benzilpenitsillin bilan davolashda zamburug‘larga qarshi preparatlarni buyurish maqsadida muvofiqdir. Benzilpenitsillin subterapevtik dozalarda qo‘llanilishi yoki davolashni muddatidan avval to‘xtatish ko‘pincha qo‘zg‘atuvchilarning rezistenet shtammlarini rivojlanishiga olib kelishi mumkinligini e’tiborga olish kerak. Homiladorlik va laktatsiya davri Homiladorlikda faqat kutilayotgan foyda, bo‘lishi mumkin bo‘lgan nojo‘ya ta’sirlardan ustun bo‘lsagina qo‘llash mumkin. Laktatsiya davrida qo‘llash zarurati bo‘lganida emizishni to‘xtatish  masalasini xal qilish kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Preparat quruq va yorug‘likdan himoyalangan joyda, 25°S dan yuqori bo‘lmagan haroratda saqlansin.

Retsept bo‘yicha

Tiqin va plastik himoya qopqoqli bo‘lgan rangsiz tiniq shisha flakon. 10 yoki 50 flakonlar yo‘riqnoma bilan birga ikkilamchi o‘ramda chiqariladi.

3 yil.