dumaloq shaklli, och-qo‘ng‘irdan sarg‘ish-qo‘ng‘ir rangli, kiritmalari bo‘lgan, chetlari kesilgan va riskali va o‘ziga xos kuchsiz hidli tabletkalar.

Me’da-ichak yo‘llari funktsional buzilishlarida qo‘llanadigan vositalar. Spazmolitik va antixolinergik vositalar boshqa preparatlar bilan majmuada.

A03ED

Me’da-ichak yo‘llarining funktsional buzilishlari (qorindagi funktsional og‘riq);me’da-ichak yo‘llari a’zolari silliq mushaklarining spazmlari;o‘t chiqarish yo‘llarining spazmlarida qo‘llanadi.

Kattalarga ovqatlanishdan 30-40 minut oldin, 1 tabletkadan sutkada 2-3 marta ichga qo‘llanadi. Tabletkani chaynamasdan va yetarli miqdordagi suv bilan yutib yuborish kerak. Eng yuqori bir martalik doza 5 tabletkani tashkil qiladi. Bekarbon simptomatik qisqa muddatli qo‘llash uchun mo‘ljallangan, shuning uchun davolash davomiyligini shaxsiy ravishda tanlash kerak. Agar kasallik simptomlari 3-5 kun davomida o‘tib ketmasa, davolash sxemasini qayta ko‘rib chiqish va preparatni keyinchalik qo‘llash bo‘yicha shifokorga murojaat qilish kerak.

Nerv tizimi: bosh og‘rig‘i, bosh aylanishi, asabiylik, uyquchanlik, qo‘zg‘alish (ayniqsa yoshi katta patsiyentlar guruhida), holsizlik, uyquni buzilishi, ataksiya (harakat koordinatsiyasini buzilishi), nutqni buzilishi. Siydik chiqarish tizimi: siyishni qiyinlashishi va tutilishi. Ovqat hazm qilish yo‘llari: og‘izni qurishi, chanqoqlik hissi, ta’m bilishni buzilishi, kekirish, disfagiya, meteorizm, qorinda spazm/og‘riq, ichak motorikasini atoniyagacha susayishi, qabziyat, o‘t chiqarish yo‘llari va o‘t qopi tonusini pasayishi; preparatni yuqori dozalarda qisqa muddat ichida qabul qilinganda me’da shirasini kompensator gipersekretsiyasi qayd qilinishi mumkin. Ko‘rish a’zolari: qorachiqni kengayishi, yorug‘likdan qo‘rquv, akkomodatsiya falaji, ko‘rishni noaniqligi, ko‘z ichki bosimini oshishi. Yurak-qon tomir tizimi: yuzni qizarishi, qizib ketish hissi, yurak urishini his qilish, aritmiyalar (shu jumladan ekstrasistoliya, taxikardiya), miokard ishemiyasi, arterial bosim oshishi mumkin. Nafas tizimi va ko‘ks oralig‘i a’zolari: qiyin ajraladigan, yopishqoq balg‘am paydo bo‘lishiga olib keluvchi bronxlar sekretor faolligini va tonusini kamayishi. Immun tizimi: o‘ta yuqori sezuvchanlik reaktsiyalarining ko‘rinishlari, shu jumladan anafilaktik reaktsiyalar, anafilaktik shok. Teri va teri osti kletchatkasi: teri toshmasi, giperemiya, eshakemi, eksfoliativ dermatit. Boshqalar: ter ajralishini kamayishi, teri va shilliq qavatlarni qurishi, dizartriya, shishlar, mavjud gipokaliyemiyani kuchayishi. Har qanday salbiy reaktsiyalar paydo bo‘lgan hollarda, patsiyent preparatni keyinchalik qo‘llashi yuzasidan shifokor bilan albatta maslahatlashishi kerak!

Belladonnaga yoki preparatning har qanday boshqa komponentiga yuqori sezuvchanlik;yurak qisqarishlari sonini oshishi istalmagan yurak-qon tomir kasalliklari: xilpillovchi aritmiya, taxikardiya, surunkali yurak yetishmovchiligi, yurak ishemik kasalligi, mitral stenoz, og‘ir darajali arterial gipertenziya;ichak tutilishi bilan kechuvchi me’da-ichak yo‘llari kasalliklari, gipoatsid gastrit;siydikni tutilishi yoki unga moyillik;glaukoma;miasteniya;gipertermik sindrom;tireotoksikoz;o‘tkir qon ketishlari;14 yoshgacha bo‘lgan bolalarda qo‘llash mumkin emas.

Agar Siz biron-bir boshqa dori vositalarini qabul qilayotgan bo‘lsangiz, bu haqida albatta shifokorga xabar bering! Bekarbon quyidagilar bilan qo‘llanganda: amantadin, antiaritmik antixolinergik preparatlar (shu jumladan xinidin), tritsiklik antidepressantlar, nefopam, glyutetimid bilan – Bekarbonning antixolinergik samaralari kuchayadi;opioid analgeiklar va markaziy nerv tizimini susaytiruvchi preparatlar (shu jumladan fenotiazinlar) bilan – markaziy nerv tizimini xavfli tormozlanishi yuz beradi;butirofenonlar (galoperidol) va organik nitratlar bilan – ko‘z ichki bosimi oshadi;tizimli qo‘llash uchun kortikosteroidlar bilan – kortikosteroidlarning samarasi kamayadi va ko‘z ichki bosimi oshishi mumkin;pilokarpin bilan – glaukomani davolashda uning samarasi kamayadi;m–xolinoblokatorlar bilan – antixolinergik samaralar kuchayadi;furosemid bilan – ortostatik gipotenziya bo‘lishi mumkin;rezerpin, MAO ingibitorlari, guanetidin, antatsid vositalar, askorbin kislotasi, antapulgit bilan – Bekarbonning samarasi kamayadi;levodopa bilan – levodopaning tizimli kontsentratsiyasi kamayadi, shuning uchun uning dozasiga tuzatish kiritish kerak;ba’zi antigistamin preparatlari (shu jumladan meklizin) bilan – antigistamin samarasi kuchayadi;beta-adrenoretseptorlar blokatorlari bilan – ularning samarasi pasayadi;gormonal kontratseptivlar bilan – kontratseptiv samarasi pasayadi;monoaminlarni neyronal qayta qamrab olinishini noselektiv ingibitorlari bilan – ikkala preparatning sedativ samarasi kuchayadi;nosteroid yallig‘lanishga qarshi preparatlar, grizeofulvin, digitoksin, doksitsiklin, metoklopramid, metronidazol bilan – ushbu preparatlarning samaralari pasayadi;ketokonazol bilan – Bekarbon tomonidan me’da shirasining rN oshishi ketokonazolni so‘rilishini kamaytiradi, shuning uchun Bekarbonni ketokonazolni qabul qilishdan kamida 2 soatdan keyin qabul qilish kerak.sulfanilamidlar bilan – buyrakni shikastlanishi xavfi ortadi;indapamid, nizatidin bilan – ularning samarasi oshadi;kaliy xloridi bilan – me’da-ichak yo‘llari shilliq qavatini shikastlanishi mumkin;domperidon bilan – antixolinergik preparatlarning samaralari domperidonning me’da-ichak faolligiga bo‘lgan samaralariga antagonistik;litiy bilan – natriy gidrokarbonati litiyning qon plazmasidagi kontsentratsiyasini kamaytirib, uni chiqarilishini oshiradi. Preparatning tarkibiga kiruvchi natriy gidrokarbonati antatsid xususiyatlarga ega ekanligi sababli, Bekarbonni boshqa preparatlar bilan bir vaqtda qo‘llash maqsadga muvofiq emas (ularni so‘rilishi buzilishi mumkin).

Homiladorlik va laktatsiya davrida qo‘llanishi. Homiladorlik davrida faqat shifokor fikricha ona uchun kutilayotgan foyda homila uchun potentsial xavfdan yuqori bo‘lgandagina qo‘llash mumkin. Preparatni qo‘llash zarurati bo‘lganida emizishni to‘xtatish kerak. Bolalar. Bolalarda qo‘llash samaradorligi va xavfsizligi bo‘yicha klinik ma’lumotlar yo‘q, shuning uchun Bekarbonni ushbu toifa patsiyentlarga buyurish mumkin emas. Avtomobilni va murakkab mexanizmlarni boshqarish qobiliyatiga ta’siri. Preparatni qo‘llashda nerv tizimi, ko‘rish a’zolari tomonidan bo‘lishi mumkin bo‘lgan nojo‘ya samaralar sababli avtotransportni boshqarish yoki boshqa mexanizmlar bilan ishlashdan saqlanish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Original o‘ramida, 25oS dan yuqori bo‘lmagan haroratda saqlansin.

Simptomlari: nojo‘ya reaktsiyalar ko‘rinishlarini kuchayishi, ko‘ngil aynishi, qusish, taxikardiya, arterial bosimni pasayishi, qo‘zg‘alish, ta’sirchanlik, tremor, tirishishlar, uyqusizlik, uyquchanlik, gallyutsinatsiyalar, gipertermiya, taxipnoe va giperpnoe, suvsizlanish, markaziy nerv tizimini susayishi, nafas va qon tomirlarni harakatlantiruvchi markazlarni susayishi belgilari bo‘lishi mumkin. Davolash: me’dani yuvish, faollashtirilgan ko‘mir qabul qilish, suv-elektrolit muvozanatini muvofiqlashtirish, xolinomimetiklar va antixolinesteraz vositalarni parenteral yuborish. Davolash simptomatik. Dozani oshirib yuborilishining birinchi belgilarida tibbiy yordam uchun darhol shifokorga murojaat qilish kerak!

Retseptsiz

10 tabletkadan blisterda, 2 blisterdan qutida.

3 yil.