Analgetik-antipiretik.

N02BB52

So‘rilishi va taqsimlanishi Vena ichiga yuborilganida metamizolni yarim chiqarilish davri 14 minutni tashkil qiladi. Metabolitlar ko‘rinishida siydik orqali taxminan 96% chiqariladi. Faol metabolitni qondagi oqsil bilan bog‘lanishi 50-60% ni tashkil qiladi. Asosan buyraklar orqali chiqariladi. Terapevtik dozalarda ko‘krak sutiga o‘tadi.

Ichki a’zolar silliq mushaklarining spazmlaridagi yengil va o‘rtacha og‘riq sindromi, shu jumladan: buyrak sanchig‘i, siydik qopi va kanali spazmi;o‘t qopi sanchig‘i;safro yo‘llarining diskineziyasi;algodismenoreyada (hayzning og‘riqli kechishi) qo‘llanadi. Nevralgiya, artralgiya, mialgiyalarni qisqa muddatli simptomik davolash uchun qo‘llanadi. Jarrohlik aralashuvlaridan va  diagnostik muolajalardan keyingi og‘riqlarni kamaytirish  uchun yordamchi vosita sifatida qo‘llanadi.

Vena ichiga va mushak ichiga buyuriladi. Kattalar va 15 yoshdan oshgan o‘smirlar uchun bir martalik doza 2-5 ml ni (vena ichiga yoki mushak ichiga), sutkalik doza – 10 ml gachani tashkil qiladi. Baralgin – LP vena ichiga yuborishni asta sekin (kamida 1 minut davomida 1 ml dan), bemorning yotgan holatida va AB, YUQT va nafas nazorati ostida o‘tkazish kerak. Eritma yuborilishidan oldin tana harorati bilan bir xil isitilish tavsiya qilinadi.

Preparat terapevtik dozalarda yaxshi o‘zlashtiriladi. Yurak-qon tomir tizimi tomonidan: taxikardiya, arterial bosimning pasayishi. Siydik chiqarish tizimi tomonidan: oliguriya, anuriya yoki proteinuriya bilan kechuvchi buyrak funktsiyasini o‘tuvchi buzilishi; interstitsial nefrit, (ushbu nojo‘ya ta’sirlar anamnezida buyrak kasalliklari bo‘lgan, shuningdek uzoq muddat Baralgin-LP yuqori dozalarini qabul qilgan bemorlarda ko‘proq kuzatilishi mumkin). Antixolinergik samaralari: og‘iz qurishi, ter ajralishini kamayishi, akkomodatsiyani falaji, taxikardiya, siyishni qiyinlashishi. Allergik reaktsiyalar: terida, kon’yuktivada, burun-xalqum shilliq qavatlarida urtikar toshmalar; juda kam hollarda – Stivens-Djons sindromi, Layell sindromi, anafilaktik shok. Moyilligi bo‘lgan patsiyentlarda bronxial astma xuruji rivojlanishi mumkin. Mahalliy reaktsiyalar: yuborilgan joyda infiltratlar.

Baralgin-LP ni boshqa nonarkotik analgetiklar bilan bir vaqtda qo‘llanganda, toksik samaralarni o‘zaro kuchayishiga olib kelishi mumkin. Tritsiklik antidepressantlar, oral kontratseptivlar, allopurinol metamizolning jigardagi metabolizmini buzadi va uning toksikligini oshiradi. Barbituratlar, fenilbutazon va jigar mikrosomal fermentlarining boshka induktorlari metamizol natriy ta’sirini susaytiradi. Preparat tsiklosporinni bilan bir vaqtda qo‘llanganda, tsiklosporinning kontsentratsiyasi pasayadi, shuning uchun qonda uning kontsentratsiyasini nazorat qilish kerak. Sedativ vositalar va trankvilizatorlar preparatning og‘riq qoldiruvchi ta’sirini kuchaytiradi. Xlorpromazin va boshqa fenotiazin hosilalari bilan birga qo‘llanganda gipertermiya rivojlanishi mumkin. Farmatsevtik nomutanosiblik kelib chiqish havfi yuqori bo‘lgani uchun Baralgin-LP  boshqa dori vositalari bilan bir shpritsda aralashtirish mumkin emas.

Jigar va/yoki buyrak funktsiyasining buzilishlari, gipotoniyaga, bronxospazmga moyilligi bo‘lgan, nonarkotik analgetiklarga yoki nosteroid yallig‘lanishga qarshi vositalarga yuqori sezuvchanligi bo‘lgan bemorlarga preparatni ehtiyotkorlik bilan va shifokor kuzatuvi ostida qo‘llash lozim. Preparat bilan davolanish davrida alkogol qabul qilish mumkin emas. 2 ml va undan ortiq eritmani yuborishda alohida extiyotkorlik (arterial bosimni keskin tushib ketishi havfi tufayli) talab kilinadi. Preparatni yuqori dozalari yoki uzoq vaqt qo‘llanganda qon ko‘rsatkichlari va jigar holatini nazorat kilish kerak. Preparat bolalar va 18 yoshgacha bo‘lgan o‘smirlarga faqat shifokor ko‘rsatmasiga muvofiq qo‘llash lozim. Metamizolni metabolitlari siydikni qizil rangga bo‘yashi mumkin. Transport vositalarini boshqarish va boshqa jismoniy va ruhiy reaktsiyalarning tezligini talab qiluvchi potentsial havfli faoliyat turlari bilan shug‘ullanish tavsiya qilinmaydi. Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Yorug‘likdan himoyalangan joyda, 25° dan yuqori bo‘lmagan haroratda saqlansin.

Simptomlari: qusish, ko‘ngil aynishi, og‘izni qurishi, uyquchanlik, ongni chalkashishi, epigastral sohada og‘riq, arterial gipotoniya, jigar va buyrak funktsiyasining buzilishi, tirishishlar. Davolash: me’dani yuvish, faollashtirilgan ko‘mir buyurish, simptomatik davolash.

Retsept buyicha

Inyektsiya uchun eritma 5 ml dan ampulalarda.

2 yil.