Penisillinlar (Beta-laktam)

J01CA04

Preparatga sezgir qo‘zg‘atuvchilar chaqirgan quyidagi infektion-yallig‘lanish kasalliklarda qo‘llanadi; nafas a’zolarining infektiyalari; siydik jinsiy tizimi a’zolarining infektiyalari; me’da-ichak yo‘llari a’zolarining infektiyalari; teri va yumshoq to‘qimalarning infektiyalari; Layma kasalligi (borrelioz); boshqa antimikrob preparatlari bilan majmuada Helicobacter pylori eradikatsiyasi; endokardit (oldini olish).

Ichga qabul qilish uchun buyuriladi. Ushbu preparatni och qoringa, ovqatdan oldin, ovqatlanish vaqtida va ovqatdan keyin qabul qilish mumkin. Dozalash tartibi kasallikning og‘irligi, patsiyentning yoshini hisobga olib shaxsiy ravishda belgilanadi. Kattalar va 10 yoshdan oshgan (tana vazni 40 kg dan ortiq) bolalarga 500 mg dan sutkada 3 marta buyuriladi. Infektiya og‘ir kechganida – 750 mg-1 g dan sutkada 3 marta. Bolalarga: 5 yoshdan 10 yoshgacha 250 mg dan (5 ml suspenziya) sutkada 3 marta; 2 yoshdan 5 yoshgacha – 125 mg dan (2,5 ml suspenziya) sutkada 3 marta; 2 yoshgacha – 1 kg tana vazniga 20 mg xisobida, xisoblangan sutkalik doza 3 qabulga bo‘linadi. Chala tug‘ilgan va yangi tug‘ilgan chaqaloqlarda doza kamaytiriladi va/yoki qabul qilish orasida interval oshiriladi. Davolash kursi 5-12 kun. Suspenziyani tayyorlash: Flakon belgigacha suv bilan to‘ldiriladi va bir xil suyuqlik hosil bo‘lgunicha chayqatiladi. Har qabul qilishdan oldin suspenziyani chayqatish kerak. Flakondagi kukunning miqdori 60 ml suspenziya tayyorlash uchun yetarli (12 doza). Me’da-ichak yo‘llarining o‘tkir infektiyalarida (paratif, qorin tifi) va o‘t chiqarish yo‘llarining infektiyalarida, ginekologik infektiyalarda kattalarga – 1,5-2,0 g sutkada 3 marta yoki 1,0-1,5 g sutkada 4 marta. Kattalarda Helicobacter pylori chaqirgan me’da va o‘n ikki barmoq ichakning yara kasalligini davolashda buyuriladi: 1 g amoksitsillin boshqa antimikrob preparatlar bilan majmuada ertalab va kechqurun. Ayollarda siydik yo‘llarining asoratlanmagan o‘tkir infektiyalarida 3 g preparat katta miqdordagi suv bilan, dozani 12 soatdan keyin takrorlash bilan buyuriladi. O‘tkir asoratlanmagan gonoreyani davolash uchun 3,0 g preparat 1,0 g probenetsid bilan majmuada bir marta buyuriladi. Og‘ir infektiyalarda (meningit, septitsemiya) sutkada 6,0 g gacha 3-4 qabulda buyuriladi. Kichik jarrohlik muolajalarida, endokarditni oldini olish uchun muolaja o‘tkazilishidan 1 soat oldin 3-4 g. Zarurati bo‘lganida 8-9 soatdan keyin takroriy doza buyuriladi. Bolalarga doza ikki marta kamaytiriladi. Buyrak funktiyasi buzilishi bo‘lgan patsiyentlarga (kreatinin klirensi minutiga 10 mg dan kam) preparatning dozasi 15-50% gi kamaytiriladi yoki qabullar orasidagi interval 24 soatgacha oshiriladi.

Allergik reaktiyalar: eshakemi, terini qizarishi, eritematoz toshmalar, angionevrotik shish, rinit, kon’yunktivit bo‘lishi mumkin; kam hollarda – isitma, artralgiya, eozinofiliya, eksfoliativ dermatit, ko‘p shaklli ekssudativ eritema (shu jumladan Stivens-Djonson sindromi); zardob kasalligi bilan o‘xshash reaktiyalar; yakka hollarda – anafilaktik shok. Ovqat hazm qilish tizimi tomonidan: disbakterioz, ta’mning o‘zgarishi, qusish, ko‘ngil aynishi, diareya, stomatit, glossit, “jigar” transaminazalari faolligini o‘rtacha oshishi, kam hollarda – soxtamembronoz kolit. Nerv tizimi tomonidan: qo‘zg‘alish, xavotirlik, uyqusizlik, ataksiya, ongni chalkashishi, xulqni o‘zgarishi, depressiya, periferik nevropatiya, bosh og‘rig‘i, bosh aylanishi, epileptik tirishishlar. Laboratoriya ko‘rsatkichlari: leykopeniya, neyropeniya, trombotsitopenik purpura, anemiya. Boshqalar: nafasni qiyinlashish, taxikardiya, interstitseal nefrit, qin kandidozi, superinfektiya (ayniqsa surunkali kasalliklari bo‘lgan yoki organizmning chidamliligi pasaygan bemorlarda).

Yuqori sezuvchanlik (shu jumladan, boshqa penitsillinlar, tefalosporinlarga). Infektion mononukleozda qo‘llash mumkin emas (teri xarakteriga ega nojo‘ya ko‘rinishlarning rivojlanishini xavfi). Ehtiyotkorlik bilan: Allergik reaktiyalar (shu jumladan anamnezdagi), infektion mononukleoz, anamnezdagi me’da-ichak yo‘llarining kasalliklari (ayniqsa antibiotiklarni qo‘llash bilan bog‘liq kolit), buyrak yetishmovchiligi, homiladorlik, laktatsiya davri, fenilketonuriya (tug‘ilganda aniqlangan nasliy kasallik) aspartam borligi sababli.

Aminoglikozitlar bilan farmatsevtik jihatdan nomutanosib (o‘zaro faolsizlantirishdan saqlanish uchun aralashtirish mumkin emas). Antatsidlar, glyukozamin, surgi dori vositalari, ovqat, aminoglikozidlar so‘rilishni pasaytiradi va sekinlashtiradi; askorbin kislotasi so‘rilishni oshiradi. Bakteritsid antibiotiklar (shu jumladan aminoglikozidlar, tefalosporinlar, vankomitsin, rifampitsin) sinergik ta’sir ko‘rsatadi; bakteriostatik dori vositalari (makrolidlar, xloramfenikol, linkozamidlar, teratsiklinlar, sulfanilamidlar) – antogonistik ta’sir ko‘rsatadi. Bevosita antikoagulyantlarning samaradorligini oshiradi (ichak mikroflorasini bostirib, K vitaminining sintezini va protrombin indeksini pasaytiradi); estrogen saqlovchi peroral kontratseptivlarning samaradorligini kamaytiradi; metabolizmi jarayonida paraaminobenzoy kislotasi, hosil qiluvchi dori vositalari, etiniletradiol – “shiddatli” qon ketishining rivojlanishini xavfi. Amoksitsillin klirensini pasaytiradi va metetreksatning toksikligini oshiradi; digoksinning so‘rilishini kuchaytiradi. Diuretiklar, allopurinol, oksifenbutazon, fenilbutazon, nosteroid yallig‘lanishga qarshi preparatlar va naychalar sekretsiyasini bloklovchi boshqa dori vositalari, qonda amoksitsillinning kontentratsiyasini oshiradi. Allopurinol teri toshmalarini rivojlanish xavfini oshiradi.

Kursli davolashda qon yaratish a’zolari, jigar va buyrak funktiyasining holatini nazorat qilish kerak. Unga sezgir bo‘lmagan mikrofloraning o‘sishi hisobiga superinfektiya rivojlanishi mumkin, bu antibakterial davolashni tegishli ravishda o‘zgatirishni talab qiladi. Sepsisi bo‘lgan bemorlarga buyurilganida bakterioliz reaktiyasi (Yarish–Gerksgeymer reaktiyasi) rivojlanishi mumkin (kam) hollarda. Penitsillinlarga yuqori sezgir patsiyentlarda boshqa beta-laktam antibiotiklar bilan kesishgan allergik reatsiyalar bo‘lishi mumkin. Yengil diareyani davolashda, davolash kursi fonida ichaklar peristaltikasini pasaytiruvchi diareyaga qarshi dori vositalaridan saqlanish kerak; koalin yoki attapulgit saqlovchi diareyaga qarshi dori vositalarini ishlatish mumkin. Og‘ir diareyada shifokorga murojaat qilish kerak. Kasallikning klinik belgilari yo‘qolganidan so‘ng davolashni yana 48-72 soat davom ettirish shart. Estrogen saqlovchi peroral kontratseptivlar va amoksitsillin bir vaqtda qo‘llanganida imkon boricha kontratseptiyaning boshqa yoki qo‘shimcha usullarini ishlatish kerak.

Zarurati bo‘lganida homiladorlikda qo‘llash mumkin. Laktatsiya (emizish) davrida ehtiyotkorlik bilan qo‘llanadi. Yangi tug‘ilgan chaqaloqlarda davolash vaqtida diareya, teri toshmasi, kandidoz yoki boshqa simptomlar rivojlanganida emizishni to‘xtatish lozim.

25oS dan yuqori bo‘lmagan haroratda saqlansin. Suspenziya tayyorlangandan so‘ng muzlatgichda +2°S dan +8°S gacha haroratda 14 kundan ortiq saqlanmasin. Bolalar ololmaydigan joyda saqlansin.

Antibiotiklar bakteriyalar chaqirgan infektiyalar bilan kurashda samarali. Antibiotiklar viruslar chaqirigan infektiyalarda yordam bermaydi. Faqat shifokor aniq kasallikda qanday antibiotik kerakligini aniqlashi mumkin. Antibiotikning dozasi yoki davolash kursining davomiyligini noto‘g‘ri tanlash, kasallikni surunkali kechishiga, bakteriyalarni aniq antibiotikka chidamliligini (sezgir emasligi, chidamliligi) shakllanishiga olib kelishi mumkin. Agar Siz: dozasiga qabul qilish tartibiga davolash kursining davomiyligiga rioya qilmasangiz, chidamli bakteriyalar paydo bo‘lishiga, sog‘ayishni kechikishiga yoki xatto bu preparatning samaradorligini pasayishiga olib kelgan bo‘lasiz. Demak, preparatning samaradorligini ta’minlash uchun: antibiotiklarni faqat shifokorning ko‘rsatmasi bo‘yicha qabul qilish, shifokorning ko‘rsatmasiga qat’iy rioya qilish, shifokorning ko‘rsatmasisiz antibiotikni takroran ishlatish mumkin emas, xatto belgilar sizga tanish bo‘lsa xam. antibiotikning boshqa shaxslarga berish qat’iyan taqiqlanadi: ularning kasalliklariga to‘g‘ri kelmasligi mumkin. Davolash kursini tamomlab, qolgan preparatni to‘g‘ri va muvofiq yo‘qotish uchun barcha boshlangan qutilarni farmatsevtga olib keling.

Retsept bo‘yicha.

5,1 g (125 mg/5ml), 6,6 g (250 mg/5 ml), 12 g (500 mg/5 ml) kukun jigarrang rangli shisha flakonda. Bir flakon qo‘llash bo‘yicha yo‘riqnomasi va o‘lchov qoshig‘i bilan birga karton qutida.

3 yil. O‘ramida ko‘rsatilgan yaroqlilik muddati o‘tganidan so‘ng ishlatilmasin.