oq yoki deyarli oq rangli kukun.

Antibakterial vosita. Ampitsillin fermentlarning ingibitorlari bilan majmuada.

J01CR01

Ampitsillin/sulbaktamga sezgir mikroorganizmlar chaqirgan turli lokalizatsiyali bakterial infektsiyalar: nafas a’zolarining infektsiyalari (shu jumladan pnevmoniya, o‘pka abstsessi, surunkali bronxit, plevra empiyemasi);LOR-a’zolarining infektsiyalari (shu jumladan tonzillit, sinusit, o‘rta quloq otiti);siydik chiqarish tizimi va jinsiy a’zolarning infektsiyalari (shu jumladan piyelonefrit, piyelit, tsistit, uretrit, prostatit, endometrit);teri va yumshoq to‘qimalarning infektsiyalari (shu jumladan saramas, impetigo, ikkilamchi infektsiyalangan dermatitlar);suyaklar va bo‘g‘imlarning infektsiyalari (shu jumladan osteomiyelit, septik artrit);me’da-ichak yo‘llarining infektsiyalari (shu jumladan dizenteriya, salmonellez, salmonella tashuvchilar);o‘t chiqarish yo‘llarining infektsiyalari (shu jumladan xoletsistit, xolangit);bakterial septitsemiya;meningit;peritonit;gonokokkli infektsiyada qo‘llanadi. Qorin bo‘shlig‘i va kichik chanoq a’zolarida o‘tkaziladigan operatsiyalarda operatsiyadan keyingi asoratlarni oldini olish uchun qo‘llanadi.

Baktamed preparatini vena ichiga yoki mushak ichiga yuborish kerak. Vena ichiga sekin kamida 10-15 minut davomida yoki 50-100 ml hajmdagi mutanosib erituvchilar yordamida suyultirib, vena ichiga infuziya ko‘rinishida 15-30 minut davomida yuboriladi. Mushak ichiga yuborilganida preparatni mushak ichiga chuqur yuborish kerak. Kattalar uchun tavsiya etiladigan dozasi 1,5 g dan (1 g ampitsillinni natriyli tuzi holida va 0,5 g sulbaktamni natriyli tuzi holida) 3 g gacha (2 g ampitsillinni natriyli tuzi holida va 1 g sulbaktamni natriyli tuzi holida) dozani tashkil etadi har 6 soatda yuboriladi. 1,5-3 g bo‘lgan diapazon Baktamedning tarkibidagi ampitsillin va sulbaktamning umumiy miqdoridir, bu 1 g ampitsillin/0,5 g sulbaktam – 2 g ampitsillin/1 g sulbaktam diapazoniga to‘g‘ri keladi. Sulbaktamning umumiy dozasi sutkada 4 g dan oshmasligi kerak. 1 yosh va undan katta bo‘lgan bolalar uchun tavsiya etiladigan dozasi sutkada tana vazniga 300 mg/kg ni tashkil etadi, vena ichiga infuziya ko‘rinishida har 6 soatda teng dozalarga bo‘lib yuboriladi. Sutkada tana vazniga 300 mg/kg bo‘lgan ushbu doza Baktamedning tarkibidagi ampitsillin va sulbaktamning umumiy miqdoridir, bu sutkada 1 kg tana vazniga 200 mg ampitsillin / 100 mg sulbaktamga to‘g‘ri keladi. Baktamed bolalarga mushak ichiga yuborilganida, uni qo‘llash havfsizligi va samaradorligi aniqlanmagan. Tana vazni 40 kg va undan ortiq bo‘lgan bolalarga preparatni dozalash tartibi kattalar uchun ko‘rsatmalarga muvofiq amalga oshiriladi, sulbaktamning umumiy dozasi sutkada 4 g dan oshmasligi kerak. Vena ichiga yuborish usuli bilan davolash kursi 14 sutkadan oshmasligi kerak. Buyrak funktsiyasini buzilishi bo‘lgan patsiyentlar Buyrak funktsiyasini buzilishi bo‘lgan patsiyentlarda ampitsillin va sulbaktamning chiqarilish kinetikasini o‘zgarishi ahamiyatsiz darajada, shuning uchun bunday patsiyentlarda davolashga tuzatish kiritish shart emas. Ushbu patsiyentlar sinfi uchun Baktamedning dozasi ampitsillin uchun standart amaliyot asosida va quyidagi tavsiyalarga muvofiq kam buyurilishi kerak.

Baktamed preparati, odatda yaxshi o‘zlashtiriladi. Klinik tadqiqotlarda quyidagi noxush reaktsiyalar kuzatilgan. Mahalliy noxush reaktsiyalar Mushak ichiga yuborilgan joyda og‘riq: 16%. Vena ichiga yuborilgan joyda og‘riq: 3%. Tromboflebit: 3%. Flebit: 1,2%. Tizimli noxush reaktsiyalar Eng ko‘p kuzatilgan noxush reaktsiyalar diareya – 3% patsiyentlarda, va toshma – 2% dan kamroq patsiyentlarda kuzatilgan. 1% dan kam patsiyentlarda kuzatilgan boshqa tizimli reaktsiyalar: qichishish, ko‘ngil aynishi, qusish, kandidoz, toliqish, umumiy lohaslik, bosh og‘rig‘i, ko‘krak qafasida og‘riq, meteorizm, qorinni dam bo‘lishi, glossit, siydikni tutilishi, dizuriya, shish, yuzni shishi, eritema, et uvishishi, tomoqda bo‘g‘ilish hissi, to‘sh suyagi orqasida og‘riq, burundan qon ketishi va shilliq qavatlardan qon ketishi bo‘lgan.

ampitsillinga, sulbaktamga yoki boshqa β-laktam antibakterial preparatlarga (shu jumladan penitsillinlarga va tsefalosporinlarga) yuqori sezuvchanlik (shu jumladan anafilaktik reaktsiya yoki Stivens-Djonson sindromi);ampitsillin/sulbaktamni qo‘llash bilan bog‘liq bo‘lgan jigar funktsiyasini buzilishi/xolestatik sariqlikda qo‘llash mumkin emas.

Baktamed preparatini bir flakonda yoki shpritsda boshqa antibiotiklar bilan aralashtirish mumkin emas. Baktamed qon preparatlari yoki oqsil gidrolizatlari, aminoglikozidlar bilan farmatsevtik jihatdan mutanosib emas. Antatsidlar, glyukozamin, surgi vositalari, ovqat, aminoglikozidlar (enteral qabul qilinganida) preparatning so‘rilishini sekinlashtiradilar va pasaytiradilar. Bakteritsid antibiotiklar (shu jumladan aminoglikozidlar, tsefalosporinlar, tsikloserin, vankomitsin, rifampitsin) Baktamed preparati bilan birga qo‘llanganida sinergizm namoyon bo‘ladi; bakteriostatik preparatlar (makrolidlar, xloramfenikol, linkozamidlar, tetratsiklinlar, sulfanilamidlar) bilan antagonizm namoyon bo‘ladi. Askorbin kislotasi Baktamed preparatining so‘rilishini kuchaytiradi. Baktamed bilvosita antikoagulyantlarning samaradorligini oshiradi (ichak mikroflorasini susaytiradi, K vitaminini sintezi va protrombin indeksini pasaytiradi); peroral kontratseptivlar, metabolizm jarayonida paraaminobenzoy kislotasi va etinilestradiol hosil bo‘ladigan dori vositalarning samaradorligini pasaytiradi (“yorilgan” qon ketishini rivojlanish havfi bor). Diuretiklar, allopurinol, fenilbutazon, nosteroid yallig‘lanishga qarshi vositalar va buyrak naychalari sekretsiyasini pasaytiradigan boshqa preparatlar plazmada ampitsillinning kontsentratsiyasini oshiradilar. Allopurinol va ampitsillinni birga qo‘llanishi har ikkala preparatni qabul qilayotgan patsiyentlarda faqat ampitsillin qabul qilayotgan patsiyentlarga nisbatan toshmani toshish tezligini oshiradi. Toshmani toshish tezligini bunday oshishi allopurinolning ta’sirini natijasi yoki ushbu patsiyentlarda giperurikemiyaning oqibati ekanligi noma’lum. Baktamed va allopurinolni birga qo‘llash yuzasidan ma’lumotlar yo‘q. Probenetsid ampitsillin va sulbaktamning buyrak naychalari sekretsiyasini pasaytiradi. Probenetsid va Baktamedni birga qo‘llash qonda ampitsillin va sulbaktamning yuqori va uzoq muddat saqlanadigan miqdorini chaqirishi mumkin.

O‘ta yuqori sezuvchanlik Penitsillinlar bilan davolash kursini o‘tkazgan patsiyentlarda o‘limga sabab bo‘lgan jiddiy o‘ta yuqori sezuvchanlik reaktsiyalari (anafilaktik reaktsiyalar) ni namoyon bo‘lganligi yuzasidan xabarlar bo‘lgan. Bunday reaktsiyalarni paydo bo‘lishiga penitsillinga o‘ta yuqori sezuvchanligi bo‘lgan shaxslar va/yoki anamnezida ko‘pgina allergenlarga o‘ta yuqori sezuvchanlik reaktsiyalari bo‘lgan shaxslar duchor bo‘ladilar. Anamnezida penitsillinlarga o‘ta yuqori sezuvchanligi bo‘lgan patsiyentlarda tsefalosporinlar bilan davolanishda og‘ir reaktsiyalarni rivojlanganligi yuzasidan xabarlar berilgan. Penitsillinlar bilan davolanishni boshlashdan oldin penitsillinlar, tsefalosporinlar va boshqa allergenlarga ilgari o‘ta yuqori sezuvchanlik reaktsiyalari bo‘lganligini yaxshilab o‘rganish kerak. Allergik reaktsiyalar paydo bo‘lganida Baktamed preparatini qo‘llashni to‘xtatish va muvofiq davolashni boshlash kerak. Gepatotoksiklik Ampitsillin / sulbaktam qo‘llanganida jigar funktsiyasini  buzilishi, shu jumladan gepatit va xolestatik sariqlik kuzatilishi mumkin. Gepatotoksiklik odatda qaytuvchan hisoblanadi, biroq o‘lim bilan tugagan holatlar yuzasidan xabar berilgan. Jigar funktsiyasini  buzilishi bo‘lgan patsiyentlarni muntazam ravishda kuzatish kerak. Clostridium difficile qo‘zg‘atgan diareya Deyarli barcha antibakterial dori vositalar, shu jumladan ampitsillin / sulbaktamni qabul qilish fonida Clostridium difficile qo‘zg‘atgan diareya (CDAD) rivojlanish hollari yuzasidan xabar berilgan. Diareyani og‘irlik darajasi yengil darajadan o‘limga olib keluvchi kolitgacha bo‘lishi mumkin. Umumiy ehtiyotkorlik choralari Ampitsillin qabul qilayotgan, mononukleoz bilan xastalangan bemorlarning katta foizida toshma rivojlanadi. Shunday qilib, ampitsillin sinfi antibiotiklari mononukleoz bilan xastalangan bemorlarga qo‘llanishi mumkin emas. Baktamed preparati qo‘llanayotgan patsiyentlarda superinfektsiya (odatda Pseudomonas yoki Candida bilan bog‘liq) rivojlanganida preparatni qo‘llash to‘xtatilishi va/yoki muvofiq davolash boshlanishi kerak. Homiladorlik va laktatsiya davrida qo‘llanishi Homiladorlikda preparat faqat shifokorning tavsiyasiga muvofiq va tibbiy kuzatuv ostida qo‘llanishi mumkin. Laktatsiya davrida preparatni qo‘llash zarurati bo‘lganida emizishni to‘xtatish masalasini hal qilish kerak. Pediatriyada qo‘llanishi Baktamed 1 yoshdan oshgan bolalarda qo‘llanadi. Avtotransportni haydash va mexanizmlarni boshqarish qobiliyatiga ta’siri Preparat patsiyentning psixofizik holatini o‘zgartirmaydi va avtotransportni haydash va mexanizmlarni boshqarish qobiliyatiga ta’sir qilmaydi. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

30˚S dan yuqori bo‘lmagan haroratda saqlansin. Lidokain gidroxloridi bilan tayyorlangan eritma 30˚S dan yuqori bo‘lmagan haroratda 1 soat davomida barqaror bo‘ladi.

Nevrologik noxush reaktsiyalar, shu jumladan tirishishlar, orqa miya suyuqligida β-laktamlarning darajasi yuqori qiymatlarga erishilganida rivojlanishi mumkin. Ampitsillin gemodializ o‘tkazilganida qon aylanish tizimidan ajralib chiqadi.

Retsept bo‘yicha beriladi

Inyektsiya uchun eritma tayyorlash uchun kukun rangsiz shisha flakonda, rezina tiqin va Flip off turidagi qalpoqcha bilan mahkamlangan. Inyektsiya uchun eritma tayyorlash uchun kukunli flakon va erituvchili ampula qo‘llash bo‘yicha yo‘riqnomasi bilan birga karton qutiga joylangan.

3 yil.