ko‘z tomchilari, suspenziya.

glaukomaga qarshi preparatlar va miotiklar, karboangidraza ingibitori.

S01ЕS04.

So‘rilishi AZOPT ko‘z tomchilari tomizilganidan keyin brinzolamid qon tizimiga so‘riladi va KA­II ga juda yaqinligi tufayli, qon tomirlarda aylanib yurgan eritrotsitlarda 111 kunlik yarim parchalanish davri bilan to‘planadi. Brinzolamidning eritrotsitlardagi kontsentratsiyasi uzoq vaqt peroral qo‘llanganida va mahalliy tomizilganida taxminan 20 μM li to‘liq o‘rtacha kontsentratsiyasiga erishadi. Brinzolamidning bu kontsentratsiyasi sog‘lom ko‘ngillilar 32 hafta davomida kuniga 2 marta brinzolamidning 1 mg kapsulasini qabul qilgan va KA ning tizimli susayish darajasini baholash uchun eritrotsitlarning KA faolligi o‘lchangan  farmakokinetik tadqiqotda brinzolamidning peroral dozasini qabul qilgandan keyin eritrotsitlarda erishiluvchi kontsentratsiyasi (22­27 μM) bilan bir xil bo‘lgan. Bundan tashqari, N­dezetil  brinzolamid metaboliti ham KA bilan bog‘lanadi va ko‘zga yoki peroral yuborilganidan so‘ng qon eritrotsitlarida to‘planadi. Biroq karboangidrazani, ushbu to‘yingan darajalarda susayish darajasi tizimli ta’sir uchun yetarli emas. Bundan tashqari, AZOPT ko‘z tomchilarini mahalliy oftalmologik qo‘llagandan keyin brinzolamid va N­dezetil  brinzolamidning plazmadagi kontsentratsiyasi odatdagi miqdoriy jihatdan baholash chegarasiga yaqin yoki past (7,5 ng/ml) bo‘lgan. Buyrak faoliyatini o‘rtacha buzilishi (kreatinin klirensi minutiga 30­60 ml) bo‘lgan tekshiriluvchilar 54 hafta davomida kuniga ikki marta 1 mg brinzolamid kapsulasini qabul qilingan. Davolashning 4 haftasiga kelib brinzolamidning eritrotsitlardagi kontsentratsiyasi 20­40 μM lik diapazonda bo‘lgan. Barqaror holatda brinzolamid va uning metabolitining eritrotsitlardagi kontsentratsiyasi mos ravishda 22,0 dan 46,1 gacha va 17,1 dan 88,6 μM gacha tebrangan. N­dezetil brinzolamid metabolitining eritrotsitlardagi kontsentratsiyasi oshgan, KA ning eritrotsitlardagi umumiy faolligi esa kreatinin klirensini pasayishi bilan birga pasaygan, biroq qon eritrotsitlarida brinzolamidning kontsentratsiyasi va KA­II ning faolligi o‘zgarmagan holda qolgan. Taqsimlanishi Brinzolamid odamning qon plazmasi oqsillari bilan o‘rtacha bog‘lanadi (~60%); shuning uchun plazma oqsillari bilan bog‘lanuvchi birikmalar bilan o‘zaro ta’sirining xavfi kam. Pigment yuborilgan va pigment yuborilmagan quyonlarda o‘tkazilgan tadqiqotlarda brinzolamidni melanin bilan o‘rtacha bog‘lanishi aniqlandi. Biroq quyon to‘qimalarida brinzolamidning yarim parchalanish davriga uning melanin bilan bog‘lanishiga qaraganda, eritrotsitlar bilan bog‘lanishi ko‘proq ta’sir ko‘rsatadi. Quyonlarga AZOPT ko‘z tomchilarining dozasini mahalliy yuborilganidan keyin brinzolamid ko‘z to‘qimalariga taqsimlanadi. Bir martalik mahalliy dozalardan keyin ancha yuqori kontsentratsiyalari orqa to‘qimalarga nisbatan, old to‘qimalarda ko‘proq aniqlangan; ko‘p martalik dozalar yuborilganidan keyin preparat o‘zining yuqori yaqinligi va karboangidraza­II ning fermentlari bilan kuchli bog‘lanishi tufayli, ko‘zning ko‘p to‘qimalarida to‘planadi. Bu qondagi yarim parchalanish davri bilan o‘xshash bo‘lgan ko‘zning rangdor pardasining mayda tukli tanasidagi, qon tomir parsidagi, ko‘zning to‘r pardasidagi va ko‘z gavharidagi yarimparchalanish davrini uzaytiradi (qondagiga nisbatan uzoqroq yarim parchalanish davriga ega bo‘lgan ko‘z gavharidan tashqari). Dozani ko‘p marta yuborgandan keyin brinzolamidni ko‘zning to‘r pardasi va qon tomir pardasi kabi orqa to‘qimalarda to‘planishi, bu to‘qimalardagi qon aylanishining oqibatida yuz beradi, va bu uzoq yarim parchalanish davri kabi uzoq Tmaks ga sabab bo‘ladi. Aksincha, sersuv ko‘z yoshi suyuqligi, shishasimon modda va plazma birmuncha qisqa yarim parchalanish davriga ega, va kuniga ikki yoki uch martalik dozadan keyin to‘planmaydi, bu ushbu to‘qimalarda karboangidraza yetishmovchiligining natijasi hisoblanadi. Metabolizmi N­dezetil brinzolamid ­ bu odam qoni va siydigida aniqlangan asosiy metabolitdir. Bu metabolit shuningdek karboangidrazaning ma’lum ingibitori hamdir. CYP3A4 tsitoxrom R­450  bu metabolitning shakllanishiga javobgar asosiy ferment hisoblanadi; biroq, qo‘shimcha R­450, extimol brinzolamidning klirensiga yordam bersa kerak. Brinzolamid 1000 ng/ml gacha bo‘lgan kontsentratsiyalarda R­450 ni susaytirmaydi, bu turg‘un  holatdagi inson plazmasining ko‘rsatkichidan 100 marta ortiq. Odam siydigida N­dezetil  brinzolamiddan tashqari, boshqa metabolitlar: O­desmetil brinzolamid va N­dezmetoksipropil brinzolamid ham aniqlangan. Bu metabolitlar odamlar uchun spetsifik hisoblanmaydi va brinzolamidni peroral buyurilgandan so‘ng noklinik har xil turlarda aniqlangan (identifikatsiya qilingan). R­enantiomerni S­enantiomerga aylanishi (izomerizatsiyasi) kuzatilmagan. Chiqarilishi Brinzolamid asosan buyraklar orqali o‘zgarmagan preparat shaklida (60%) chiqariladi. Dozaning taxminan 20% siydikdagi metabolitni tashkil qiladi.

AZOPT ko‘z tomchilari karboangidraza ingibitori hisoblangan brinzolamid saqlaydi. AZOPT ko‘z tomchilari ko‘z gipertenziyasi yoki ochiq burchakli glaukomasi bo‘lgan bemorlarda ko‘z ichki bosimini pasaytirish uchun; beta­blokatorlarga reaktsiya bo‘lmagan patsiyentlarda yoki beta­blokatorlarni qo‘llash mumkin bo‘lmagan bemorlarda monoterapiya sifatida yoki beta­blokatorlar bilan yondosh davolash sifatida qo‘llaniladi.

Monoterapiya shaklida yoki qo‘shimcha davolashda qo‘llanilganida doza kuniga 2 marta shikastlangan ko‘zlar (yoki ko‘z) ning kon’yunktiva bo‘shlig‘iga AZOPT ko‘z tomchisining 1 tomchisini tashkil qiladi. Ba’zi bemorlarda kuniga 1 tomchidan 3 marta tomizilganida reaktsiya yaxshiroq bo‘lishi mumkin. Glaukomaga qarshi boshqa preparat Azopt ko‘z tomchilari bilan almashtirilganida, almashtirilayotgan preparatni qabul qilishni to‘xtatish va keyingi kundan Azopt ko‘z tomchilarini qabul qilishni boshlash kerak. Agar  bir nechta oftalmologik preparatlar ishlatilsa, unda dorilarni tomizish orasida kamida 5 minutlik interval bilan qo‘llanilishi kerak. Keksalarda qo‘llanishi Keksa yoshdagi bemorlar uchun dozani o‘zgartirish talab qilinmaydi. Bolalarda qo‘llanishi 18 yoshdan kichik bemorlarda AZOPT ko‘z tomchilarining xavfsizligi va samaradorligi aniqlanmagan va bu patsiyentlar uchun uni qo‘llash tavsiya qilinmaydi. Jigar yoki buyrak faoliyatini buzilishi bo‘lgan bemorlarda qo‘llanilishi Jigar faoliyatini buzilishi bo‘lgan patsiyentlarda AZOPT ko‘z tomchilarini qo‘llash bo‘yicha tadqiqotlar o‘tkazilmaganligi sababli, uni bunday bemorlarda qo‘llash tavsiya qilinmaydi. Buyrak faoliyatini og‘ir buzilishi (kreatinin klirensi <30 ml/min) bo‘lgan patsiyentlarda yoki giperxloremik atsidozi bo‘lgan patsiyentlarda AZOPT ko‘z tomchilarini qo‘llash bo‘yicha tadqiqotlar o‘tkazilmagan. Brinzolamid va uning asosiy metaboliti asosan buyraklar orqali chiqarilganligi sababli, AZOPT ko‘z tomchilarini bunday bemorlarda qo‘llash mumkin emas.

Xavfsizlik profili ma’lumotlari AZOPT ko‘z tomchilari bilan monoterapiya yoki 0,5% timolol maleatga qo‘shimcha davolash shaklida davolangan 2732 nafar patsiyentni o‘z ichiga olgan klinik tadqiqotlarda ko‘proq davolash bilan bog‘liq quyidagi nohush holatlar va mahalliy simptomlar haqida xabar qilingan: ta’m sezishning buzilishi (taxir yoki noodatiy ta’m) (6,0%) va tomizilganidan keyin ko‘rishni vaqtinchalik (5,4%) xiralashishi, ular bir necha sekunddan bir necha minutgacha davom etgan. Umumlashgan nojo‘ya reaktsiyalar jadvali Quyidagi nojo‘ya rayektsiyalar quyidagicha tasniflangan: juda tez­tez (≥1/10), tez­tez (≥1/100 dan <1/10 gacha), tez­tez emas (≥1/1000 dan <1/100 gacha), kam hollarda (≥1/1000 dan <1/1000 gacha), juda kam hollarda (<1/10000) yoki noma’lum (ma’lum ma’lumotlardan kelib chiqib baholashni imkoni yo‘q). Har bir guruh doirasida nojo‘ya reaktsiyalar og‘irlik darajasini pasayishi tartibida keltirilgan. Nojo‘ya reaktsiyalar haqida AZOPT ko‘z tomchilarini qo‘llash bo‘yicha klinik tadqiqotlar vaqtida va postmarketing kuzatuvlarda xabar qilingan.

Faol moddaga yoki har qanday yordamchi moddalarga o‘ta yuqori sezuvchanlik. Sulfonamidga ma’lum yuqori sezuvchanlik. Og‘ir buyrak yetishmovchiligi. Giperxloremik atsidoz.

Boshqa dori preparatlarini AZOPT ko‘z tomchilari bilan o‘zaro ta’siri bo‘yicha spetsifik tadqiqotlar o‘tkazilmagan. Klinik tadqiqotlarda AZOPT ko‘z tomchilari prostaglandin analoglari va timololning oftalmologik preparatlari bilan bir vaqtda nojo‘ya o‘zaro ta’sirlarning belgilarisiz qo‘llanilgan. Glaukomani qo‘shimcha davolash vaqtida AZOPT ko‘z tomchilarini va miotik vositalarni yoki adrenergik agonistlarni orasida bog‘liqlik kuzatilmagan. AZOPT ko‘z tomchilari karboangidrazaning ingibitori hisoblanadi, va ular mahalliy qo‘llanganda ham tizimli so‘rilishi mumkin. Karboangidraza ingibitorlari peroral qo‘llanganda kislota­ishqor muvozanati buzilishi haqida habar qilinadi. AZOPT ko‘z tomchilarini qabul qilayotgan patsiyentlarda o‘zaro ta’sir yuzaga kelishi mumkinligini e’tiborga olish kerak. AZOPT ko‘z tomchilarini va karboangidraza ingibitorlarini peroral qabul qilayotgan patsiyentlarda karboangidrazani susayishining ma’lum tizimli ta’siriga additiv ta’sir kuzatilishi mumkin. AZOPT ko‘z tomchilarini qo‘llashni va karboangidraza ingibitorlarini peroral qabul qilishni birga buyurilishi o‘rganilmagan va tavsiya qilinmaydi. Brinzolamidning metabolizmiga javobgar tsitoxrom R­450 ning izozimlari CYP3A4 (asosiy), CYP2A6, CYP2C8 va CYP2C9 ni o‘z ichiga oladi. Ketokonazol, itrakonazol, klotrimozol, ritonavir va troleandomitsin kabi CYP3A4 ingibitorlari brinzolamidning CYP3A4 yordamidagi metabolizmini ingibitsiya qiladi. CYP3A4 ingibitorlarini bir vaqtda qo‘llaganda ehtiyotkorlikka rioya qilish kerak. Biroq, brinzolamidni to‘planish ehtimoli kam, chunki buyrak asosiy chiqarilish yo‘li hisoblanadi. Brinzolamid tsitoxromi R­450  izozimlarini ingibitori hisoblanmaydi.

AZOPT ko‘z tomchilarini qabul qilayotgan bemorlarda preparatni tizimli so‘rilishi tufayli sulfonamidning barcha hosilalari uchun tipik bo‘lgan o‘ta yuqori sezuvchanlik reaktsiyalari yuz berishi mumkin. Agar jiddiy reaktsiya yoki yuqori sezuvchanlik  alomatlari kuzatilsa, preparatni bekor qilish kerak. Psevdoeksfoliativ glaukomasi yoki pigmentli glaukomasi bo‘lgan bemorlarni davolashda  AZOPT ko‘z tomchilarini qo‘llash tajribasi cheklangan. AZOPT ko‘z tomchilari eng avvalo glaukomani qo‘shimcha davolash vaqtida timolol bilan birga buyurilganida baholangan. Shuning uchun brinzolamidni boshqa glaukomaga qarshi preparatlar bilan buyurish bo‘yicha cheklangan ma’lumotlar bor. AZOPT ko‘z tomchilarini tor burchakli glaukomasi bo‘lgan bemorlarda qo‘llash o‘rganilmagan. Karboangidrazaning peroral ingibitorlari qo‘llanganda kislota­ishqor muvozanati buzilishi haqida habar qilinadi. Metabolik atsidoz xavfi tufayli, buyrak faoliyatini buzilish xavfi bo‘lgan patsiyentlarga buyurilganda ehtiyotkorlikka rioya qilish kerak. Ko‘zning shoh pardasining kasalliklari bo‘lgan bemorlarda (ayniqsa, endotelial hujayralarining soni kam bo‘lgan bo‘lgan bemorlarda) brinzolamidni shoh pardasining endotelial faoliyatiga ta’siri bo‘lishi o‘rganilmagan. Xususan, kontakt linzalarini ishlatuvchi patsiyentlarda tekshiruvlar o‘tkazilmagan, va brinzolamidni qo‘llashda bunday patsiyentlarni sinchkov monitoring qilish tavsiya qilinadi,  chunki karboangidraza ingibitorlari shoh pardaning gidratatsiya darajasiga ta’sir qilishi mumkin va linzalarni qo‘llash shoh parda uchun bo‘lgan xavfni oshirishi mumkin. Shoh pardani buzilishi bo‘lgan patsiyentlarni, ham qandli diabeti yoki shoh parda distrofiyasi bo‘lgan patsiyentlarni sinchkov monitoring qilish tavsiya qilinadi. Odatda oftalmologik preparatlarda konservant sifatida ishlatiluvchi benzalkoniy xloridi nuqtali keratopatiyani va/yoki toksik yarali keratopatiyani chaqiradi. AZOPT ko‘z tomchilari benzalkoniy xloridini saqlaganligi tufayli, uni ko‘zlarini qurishi kuzatilgan patsiyentlarda yoki shoh parda anomaliyasi bo‘lgan hollarda tez­tez yoki davomli qo‘llanganda sinchkov monitoring qilish zarur. AZOPT ko‘z tomchilarini kontakt linzalarini ishlatuvchi patsiyentlarga ta’siri bo‘yicha tadqiqotlar o‘tkazilmagan. AZOPT ko‘z tomchilari benzalkoniy xloridini saqlaydi, u ko‘zlarni ta’sirlanishini chaqirishi mumkin va ma’lumki, yumshoq kontakt linzalarini rangini xiralashtiradi.  Yumshoq kontakt linzalar bilan aloqa qilishdan saqlanish kerak. Patsiyentlar AZOPT ko‘z tomchilarini qo‘llashdan oldin  linzalarni olib turish va  tomizilganidan keyin kamida 15 minut o‘tgach ularni yana qo‘yish kerakligi haqida ogohlantirilishlari kerak. AZOPT ko‘z tomchilari bilan davolash to‘xtatilganidan keyin bo‘lishi mumkin bo‘lgan qaytuvchi samara o‘rganilmagan; ko‘z ichki bosimini pasayishi 5­7 kun davom etishi kuzatiladi. Karboangidrazaning peroral ingibitorlari aqliy zo‘riqishni va/yoki jismoniy koordinatsiyani talab qiluvchi vazifalarni bajarish qobiliyatini yomonlashtirishi mumkin. AZOPT ko‘z tomchilari tizimli so‘riladi va shuning uchun bu mahalliy buyurilganida xam yuzaga kelishi mumkin.

4°­30°S (39°­86°F) haroratda saqlansin. Preparatni o‘ramda ko‘rsatilgan yaroqlilik muddati tugaganidan so‘ng ishlatilmasin.

AZOPT ko‘z tomchilarining mahalliy dozasini oshirilishida ko‘zlarni (ko‘zni) iliq suv bilan yuvib tashlash mumkin. Dozani oshirilib yuborilish hollari haqida xabarlar yo‘q. Davolash simptomatik va erishilgan samarani bir maromda ushlab turuvchi bo‘lishi kerak. Elektrolit muvozanatini buzilishi, atsidoz holati rivojlanishi, shuningdek nerv tizimi tomonidan buzilishlar bo‘lishi mumkin. Zardob elektrolitlarining (ayniqsa kaliyning) darajasini kuzatish, shuningdek qonning rN darajasini nazorat qilish kerak.

2 yil Ochilganidan keyin 4 hafta o‘tgach ishlatilmasin. Ulashish: 2 198 Views