tsilindr shaklli, oxirlari yarimsferik, bir xil, silliq, yaltiroq yuzali kapsulalar. 500 mg va 250 mg li dozalar uchun kapsula raqami muvofiq ravishda 00 va 1. 250 mg li doza uchun – kapsulaning korpusi va qopqoqchasining rangi – sariq yoki korpusi – sariq va qopqoqchasi- qizil, yoki korpusining rangi – oq, qopqoqchasi – qizil. 500 mg li doza uchun – korpusining va qopqoqchasining rangi – oq va korpusining va qopqoqchasining rangi – qizil. Kapsulaning ichidagisi: oq yoki sarg‘ish tusli oq rangli kukun yoki granulalar.

antibiotik (makrolidlar guruhi)

J01FA10

Kislotali muhitga chidamli, lipofil, me’da-ichak yo‘llaridan tez so‘riladi. 500 mg bir marta qabul qilinganidan keyin biokiraolishligi – 37% (“birinchi o‘tish” samarasi), maksimal kontsentratsiya (Smax) (0,4 mg/l) 2-3 soatdan keyin hosil bo‘ladi, ehtimoliy taqsimlanish hajmi – 31,1 l/kg, oqsillar bilan bog‘lanishi qondagi kontsentratsiyasiga teskari proportsional va 7-50% ni tashkil qiladi, yarim chiqarilish davri (T1/2)-68 soat. Plazmadagi barqaror darajasiga 5-7 kundan keyin erishiladi. Gistogematik to‘siqlar orqali oson o‘tadi va to‘qimalarga tushadi. Infektsiya joyiga shuningdek fagotsitlar, polimorfyadroli leykotsitlar va makrofaglar tomonidan tashiladi va u yerda bakteriyalar ishtirokida ajralib chiqadi. Hujayra membranalari orqali o‘tadi (xujayra ichidagi qo‘zg‘atuvchilar chaqirgan infektsiyalarda samarali). To‘qimalar va hujayralardagi kontsentratsiyasi plazmadagiga nisbatan 10-50 marta yuqori, infektsiya o‘chog‘ida esa – sog‘lom to‘qimalardagiga qaraganda 24-34% yuqori. Yuqori (antibakterial) darajasi oxirgi doza qabul qilinganidan keyin to‘qimalarda 5-7 kun davomida saqlanadi. Ovqat qabul qilish farmakokinetikasini (dori shakliga qarab) ahamiyatli o‘zgartiradi: kapsulalar – Smax (52% ga) va egri osti maydoni “kontsentratsiya-vaqt) (AUC) (43% ga) pasayadi; suspenziya – Smax (46% ga) va AUC (14% ga) oshadi; tabletkalar – Smax (31% ga) oshadi, AUC o‘zgarmaydi. Jigarda metil guruhini yo‘qotib, faolligini yo‘qotadi. Plazma klirensi – minutiga 630 ml. 50% safro bilan o‘zgarmagan holda, 6% – siydik bilan chiqariladi. Keksa yoshdagi erkaklarda farmakokinetik parametrlari o‘zgarmaydi, ayollarda – Smax (30-50% ga) oshadi, 1-5 yoshli bolalarda – Smax, Tl/2, AUC pasayadi.

Preparatga sezgir mikroorganizmlar chaqirgan infektsion — yallig‘lanish kasalliklar: nafas yo‘llarining yuqori bo‘limlarining va LOR-a’zolarining infektsiyalari (angina, sinusit, tonzillit, o‘rta otit);skarlatina;nafas yo‘llarining quyi bo‘limlarining infektsiyalari (bakterial va atipik pnevmoniyalar, bronxit);teri va yumshoq to‘qimalarning infektsiyalari (saramas, impetigo, ikkilamchi infektsiyalangan dermatozlar);siydik-jinsiy yo‘llarining infektsiyalari (asoratlanmagan uretrit va/yoki tservitsit);Layma kasalligi (borrelioz), boshlang‘ich bosqichini davolash uchun (erythema migrans);me’da va o‘nikki barmoq ichakning Helicobacter pylori bilan assotsiatsiyalangan kasalliklari.

Azitromitsin ichga, sutkada 1 marta qabul qilinadi. Preparatni albatta ovqatdan 1 soat oldin yoki ovqatdan 2 soat dan keyin, yetarli miqdordagi suyuqlik bilan qabul qilish kerak. Nafas yo‘llarining yuqori va quyi bo‘limlarining, teri va yumshoq to‘qimalarining infektsiyalarida – sutkada 500 mg dan 3 kun davomida (kurslik doza – 1,5 g). Asoratlanmagan uretrit va/yoki tservitsitda – bir marta 1 g. Layma (borrelioz) kasalligida boshlang‘ich bosqichini (erythema migrans) davolash uchun – birinchi kuni 1 g dan va 500 mg dan har kuni, 2-nchi kundan 5-nchi kungacha (kurslik dozasi – 3 g). Me’da va o‘nikki barmoq ichakning Helicobacter pylori bilan assotsiatsiyalangan yara kasalligida – sutkada 1 g dan majmuaviy davolash tarkibida 3 kun davomida. Preparatning 1 dozasini qabul qilishni o‘tkazib yuborilganida, o‘tkazib yuborilgan dozani iloji boricha ertaroq, keyingilarni – 24 soatlik tanaffus bilan qabul qilish kerak.

Markaziy nerv tizimi va periferik nerv tizimi tomonidan: bosh og‘rig‘i, bosh aylanishi, uyquchanlik, kuchli toliqish. Ovqat-hazm qilish tizimi tomonidan: ko‘ngil aynishi, diareya, abdominal og‘riqlar, meteorizm, xolestatik sariqlik, jigar fermentlari faolligini o‘rtacha oshishi, soxtamembranoz kolit, melena. Yurak-qon tomir tizimi tomonidan: ko‘krak qafasida og‘riq, qorinchalar aritmiyasi, shu jumladan qorincha taxikardiyasi va PQ intervali uzaygan patsiyentlarda “torsade de pointes”. Allergik reaktsiyalar: teri toshmalari, fotosensibilizatsiya, angionevrotik shish, eozinofiliya. Boshqalar: vaginitlar, nefritlar, kandidozlar, neytrofiliya, neytropeniya.

Shoxkuya alkaloidlari, digidroergotaminning ta’sirini kuchaytiradi. Dori vositalarining (shu jumladan karbamazepin, shoxkuya alkaloidlari, valproat kislotasi, geksobarbital, fenitoin, dizopiramid, bromokriptin, teofillin va boshqa ksantin hosilalari, peroral gipoglikemik vositalarning) chiqarilishini sekinlashtiradi, kontsentratsiyasi va zaharliligini oshiradi. Geparin bilan farmatsevtik jihatdan nomutanosib. Alyuminiy, magniy saqlovchi antatsidlar, etil spirti va ovqat azitromitsinning ichakda so‘rilishini kamaytiradi. Tetratsiklin va xloramfenikol azitromitsinni ta’sirini oshiradi (sinergizm), linkozamidlar – kamaytiradi.

Preparatni yurak aritmiyalari bo‘lgan bemorlarda, aritmiyalarning kechishini yomonlashi mumkinligi tufayli ehtiyotkorlik bilan qo‘llanadi. Preparatni safro bilan chiqarilishi tufayli jigar kasalliklarida, o‘ziga xos ehtiyotkorlik talab etiladi. Azitromitsin va alyuminiy va magniy saqlovchi antatsidlarni yuborishlar orasida 2 soatlik intervalga amal qilish tavsiya qilinadi. Homiladorlik va emizish davrida qo‘llanishi Preparatni homiladorlikda va emizish davrida faqat ona uchun kutilayotgan davolash samarasi, homila va bola uchun bo‘lgan potentsial xavfdan ustun bo‘lgan  hollarda qo‘llash mumkin. Preparatni laktatsiya davrida qo‘llashning zarurati bo‘lganida emizishni to‘xtatish to‘g‘risidagi masalani hal qilish kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 25oS dan past haroratda saqlansin.

Azitromitsin dozasini oshirib yuborilishi to‘g‘risida hech qanday xabarlar yo‘q. Makrolidlar guruhiga mansub antibiotiklarning dozasini oshirib yuborilishi eshitishni pasayishi, ko‘ngil aynishi, qusish va diareya bilan ifodalanadi. Bunday hollarda simptomatik davolash o‘tkaziladi.

Retsept bo‘yicha

Kapsulalar 250 mg №6, 500 mg №3 kontur uyali o‘ramda. 1 kontur uyali o‘ram qo‘llash bo‘yicha yo‘riqnomasi bilan birga karton qutida.

2 yil.