oq yoki deyarli oq rangli kukun bilan to‘ldirilgan, oq yoki oq/pushti rangli, № 0 o‘lchamli, qattiq jelatin kapsulalar.

antibiotiklar (makrolidlar guruhi).

J01FA10

So‘rilishi Preparat me’da-ichak yo‘llaridan tez so‘riladi, bu uning kislotali muhitga chidamliligi va lipofilligi bilan bog‘liq. Ichga 500 mg qabul qilinganidan keyin, azitromitsinning qon plazmasidagi maksimal kontsentratsiyasiga 2,5-2,96 soatda erishiladi va u 0,4 mg/g ni tashkil kiladi. Biokirishaolishligi 37% ni tashkil qiladi. Taqsimlanishi Azitromitsin nafas yo‘llariga, urogenital yo‘llarining a’zo (xususan prostata beziga) va to‘qimalariga, teri va yumshoq to‘qimalarga yaxshi kiradi. To‘qimalardagi yuqori kontsentratsiyasi (qon plazmasidagiga nisbatan 10-50 marta yuqori) va yarim chiqarilish davrining uzoqligi azitromitsinning qon plazmasi oqsillari bilan past darajada bog‘lanishi, shuningdek uni eukariotik hujayralarga kiraolish qobiliyati va lizosomalar atrofidagi rN past bo‘lgan muhitda ko‘proq to‘planishi bilan bog‘liq. Bu o‘z navbatida, katta taxminiy taqsimlanish hajmini (31,1 l/kg) va yuqori plazma klirensini belgilaydi. Azitromitsinni ko‘proq lizosomalarda to‘planish xususiyati, ayniqsa hujayra ichki qo‘zg‘atuvchilarining eliminatsiyasi uchun muhimdir. Fagotsitlar azitromitsinni infektsiya joyiga yetkazib berishi, u yerda uning fagotsitoz jarayonida ajralib chiqishi isbotlangan. Azitromitsinning kontsentratsiyasi infektsiya  o‘chog‘ida, sog‘lom to‘qimalarga nisbatan ishonarli yuqori (o‘rtacha 24-34% ga) va yallig‘lanish shish darajasiga mos qeladi. Fagotsitlardagi yuqori kontsentratsiyasiga qaramay, azitromitsin ularning faoliyatiga sezilarli ta’sir ko‘rsatmaydi. Azitromitsin yallig‘lanish o‘chog‘ida bakteritsid kontsenratsiyalarda, oxirgi qabul qilingan dozadan keyin 5-7 kun davomida saqlanadi, bu qisqa (3-kunlik va 5-kunlik) davolash kurslarini ishlab chiqish imkonini beradi. Metabolizmi Jigarda demitillanadi, hosil bo‘ladigan metabolitlari nofaol. Chiqarilishi Azitromitsin qon plazmasidan 2 bosqichda chiqariladi: yarim chiqarilish davri qabul qilingandan keyin 8 dan 24 soat oralig‘ida 14-20 soatni va 24 dan 72 soat oralig‘ida – 41 soatni tashkil qiladi, bu preparatni sutkada 1 marta qo‘llash imkonini beradi.

Preparatga sezgir bo‘lgan qo‘zg‘atuvchilar chaqirgan infektsion-yallig‘lanish kasalliklari: – nafas yo‘llarining yuqori bo‘limlari va LOR-a’zolarining (angina, sinusit, tonzillit, o‘rta otit) infektsiyalari; – skarlatina; – nafas yo‘llarining quyi bo‘limlarining (bakterial va tipik pnevmoniyalar, bronxit) infektsiyalari; – teri va yumshoq to‘qimalarning (saramas, impetigo, ikkilamchi infektsiyalangan dermatozlar) infektsiyalari; – urogenital yo‘llarining infektsiyalari (asoratlanmagan uretrit va/yoki tservitit); – Laym kasalligi (borrelioz), boshlang‘ich bosqichini davolash uchun (erythema migrans); – me’da va o‘nikki barmoq ichakning, Helicobacter Pylori bilan assotsiatsiyalangan kasalliklarida qo‘llanadi.

Preparat ovqatlanishdan 1 soat oldin yoki ovqatlangandan 2 soatdan keyin, sutkada 1 marta qabul qilinadi.

Ovqat hazm qilish tizimi tomonidan: diareya (5%), ko‘ngil aynishi (3%), abdominal og‘riqlar (3%); 1% va undan kam dispepsiya, meteorizm, qusish, melena, xolestatik sariqlik, “jigar” transaminazalari faolligini oshishi; bolalarda – qabziyatlar, anoreksiya, gastrit; Yurak–tomir tizimi tomonidan: yurak urishi, ko‘krak qafasida og‘riq (1% va undan kam); Nerv tizimi tomonidan: bosh aylanishi, bosh og‘rig‘i, uyquchanlik; bolalarda – bosh og‘rig‘i, (o‘rta otitni davolashda), giperkineziya, xavotirlik, nevroz, uyquni buzilishi (1% va undan kam); Siydik jinsiy tizimi tomonidan: qin qandidozi, nefrit (1% va undan kam); Allergik reaktsiyalar: toshma; fotosezuvchanlik, Kvinke shishi; Boshqalar: kuchli toliqish; bolalarda –kon’yunktivit, qichishish, eshakemi kuzatilishi mumkin.

makrolid guruhi antibiotiklariga yuqori sezuvchanlik;jigar va buyrak yetishmovchiligi;3 yoshgacha bo‘lgan va/yoki tana vazni 25 kg dan kam bo‘lgan bolalarda;Laktatsiya davrida qo‘llash mumkin emas. Ehtiyotkorlik bilan: preparatni yurak ritmini buzilishlari (yurak qorinchalari aritmiyalari QT intervalini uzayishi) bo‘lgan patsiyentlarga, buyrak va jigar faoliyatini yaqqol buzilishi bo‘lgan bolalarga, homiladorlikda extiyotkorlik bilan buyuriladi. Preparatni homiladorlik davrida faqat ona uchun kutiladigan foyda, homila uchun potentsial xavfdan ustun bo‘lgan xoldagina  qo‘llash mumkin.

Antatsidlar (alyuminiy va magniy saqlovchi), etanol va ovqat so‘rilishini sekinlashtiradi va kamaytiradi. Varfarin va azitromitsinni (odatdagi dozalarda) birga buyurilganda protrombin vaqtini o‘zgarishi aniqlanmagan, biroq, makrolidlar va varfarinni o‘zaro ta’sirida antikoagulyatsion samarani kuchayishi mumkinligini xisobga olib, patsiyentlarda protrombin vaqtini sinchkov nazorat qilish lozim.Digoksin: digoksinning kontsentratsiyasi oshadi.Ergotamin va digidroergotamin: ularning toksik ta’siri kuchayadi (vazospazm, dizesteziya).Triazolam: triazolinning klirensi pasayadi va farmakologik ta’sirini oshishi kuzatiladi.Tsikloserin, bilvosita antikoagulyantlar, metilprednizolon, felodipin, shuningdek mikrosomal oksidlanishga uchraydigan dori vositalarini (karbamazepin, terfenadin, tsiklosporin, geksobarbital, shox kuya alkaloidlari, valproat kislotasi, dizopiramid, bromokriptin, fenitoin, peroral gipoglikemik vositalari, teofilin va boshqa ksantin hosilalari) chiqarilishini sekinlashtiradi va gepatotsitlarda mikrosomal oksidlanishni azitromitsin bilan susayishi xisobiga, plazmada ularning kontsentratsiyasini oshiradi.Linkozaminlar preparatning samaradorligini susaytiradi, tetratsiklin va xloramfenikol preparatning samaradorligini kuchaytiradi.Geparin bilan farmatsevtik jixatdan nomutanosib.

Preparat ovqatni qabul qilish vaqtida qo‘llanilmaydi. Qabul qilishni o‘tkazib yuborilgan holda, o‘tkazib yuborilgan dozani iloji boricha ertaroq, keyingilarini esa 24 soat oraliq bilan qabul qilish kerak. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Quruq, yorug‘likdan himoyalangan joyda, 250S gacha bo‘lgan haroratda saqlansin.

Simptomlari: ko‘ngil aynishi, eshitishni vaqtinchalik yo‘qolishi, qusish, diareya kuzatiladi. Davolash: me’dani yuvish, simptomatik davolashni o‘tkazish lozim.

Retsept bo‘yicha

Kapsulalar 250 mg dan, № 6 kontur uyali o‘ramda (blisterda).

3 yil.