plyonka qobiq bilan qoplangan, och-moviy rangli, ikki yoqlama qavariq yuzali oval shaklli, bir tomonida riskasi bo‘lgan tabletkalar. Ko‘ndalang kesimda oq rangli yadro ko‘rinadi.

Tizimli qo‘llash uchun antibakterial vositalar. Makrolidlar, linkozamidlar va streptograminlar. Azitromitsin.

J01FA10.

Peroral qabul qilinganidan keyin biokiraolishligi taxminan 37% ni tashkil qiladi. Qon zardobidagi maksimal kontsentratsiyasiga preparat qabul qilinganidan keyin 2-3 soatdan so‘ng erishiladi. Qabul qilinganda azitromitsin butun organizm bo‘ylab taqsimlanadi. Farmakokinetik tadqiqotlarda, azitromitsinning kontsentratsiyasi to‘qimalarda qon plazmasidagiga qaraganda ancha yuqoriligi (50 marta) ko‘rsatilgan, bu preparatni to‘qimalar bilan kuchli bog‘lanishidan dalolat beradi. Qon zardobi oqsillari bilan bog‘lanishi plazmadagi kontsentratsiyalariga qarab, qon zardobida 0,5 mkg/ml bo‘lganida 12% dan, 0,05 mkg/ml da 52% gachani tashkil qiladi. Muvozanat xolatida faraz qilingan taqsimlanish hajmi (VVss) 31,1 l/kg ni tashkil qiladi. Plazmadan yakuniy yarim chiqarilishi davri to‘qimalardan 2-4 kunlik yarim chiqarilish davrini aks ettiradi. Azitromitsinning dozasini taxminan 12% siydik bilan o‘zgarmagan holda keyingi uch kun davomida chiqariladi. Ayniqsa o‘zgarmagan azitromitsinning yuqori kontsentratsiyalari odam safrosida aniqlangan. Shuningdek safroda, ular N- va O-demetillanish, dezozamin va aglikon halqalarini gidroksillanishi va kon’yugat kladinozani parchalanishi yordamida hosil bo‘lgan o‘nta metaboliti aniqlangan. Suyuqlikli xromatografiya va mikrobiologik tahlillarning natijalarini qiyoslash, azitromitsinning metabolitlari mikrobiologik jihatdan faol emasligini ko‘rsatadi.

Azitromitsinga sezgir mikroorganizmlar tomonidan chaqirilgan quyidagi infektsiyalarda: LOR-a’zolarining infektsiyalari (faringit/tonzillit, sinusit, o‘rta otit);Nafas yo‘llarining infektsiyalari (bakterial bronxit, kasalxonadan tashqari pnevmoniya);Teri va yumshoq to‘qimalarning infektsiyalari: ko‘chib yuruvchi eritema (Laym kasalligining boshlang‘ich bosqichi), saramas, impetigo, ikkilamchi piodermatozlar; oddiy xusnbuzarning og‘ir bo‘lmagan shakllarini davolash;Jinsiy yo‘l bilan yuqadigan infektsiyalar: Chlamidia trachomatis tomonidan chaqirilgan asoratlanmagan va asoratlangan uretrit/tservitsitni davolashda qo‘llaniladi.

Azitromitsinni qabul qilish bilan bog‘liq bo‘lishi mumkin bo‘lgan yoki ehtimoli bo‘lgan quyidagi nojo‘ya reaktsiyalar. Nojo‘ya reaktsiyalar tizimlar sinfi va a’zolar bo‘yicha keltirilgan, ular azitromitsinning barcha dori shakllari qo‘llanganda kuzatilgan. Infektsiyalar va invaziyalar: kandidoz, oral kandidoz, qin infektsiyalari, pnevmoniya, zamburug‘li infektsiyalar, bakterial infektsiyalar, faringit, gastroenterit, nafas faoliyatini buzilishi, rinit, soxtamembranoz kolit. Qon tizimi va limfatik tizim tomonidan: leykopeniya, neytropeniya, eozinofiliya; trombotsitopeniya, gemolitik anemiya. Immun tizimi tomonidan: angionevrotik shish, yuqori sezuvchanlik reaktsiyalari, anafilaktik reaktsiyalar. Moddalar almashinuvi va ovqatlanish tomonidan: anoreksiya. Ruhiyat tomonidan: asabiylik, uyqusizlik, ajitatsiya, tajovuzkorlik, bezovtalik, deliriy, gallyutsinatsiyalar. Nerv tizimi tomonidan: bosh og‘rig‘i, bosh aylanishi, uyquchanlik, paresteziya, disgveziya, xushdan ketish, tirishishlar, psixomotor yuqori faollik, anosmiya, parosmiya, agveziya, gravis miasteniyasi, gipesteziya. Ko‘rish a’zolari tomonidan: ko‘rishni buzilishi. Eshitish a’zolari tomonidan: eshitishni buzilishi, vertigo, eshitishni yomonlashishi, shu jumladan karlik va/yoki quloqlarni shang‘illashi. Yurak tomonidan: palpitatsiya, qorinchalarning lipillashi-xilpillashi (torsade de pointes), aritmiya, shu jumladan qorinchalar taxikardiyasi, EKG da QT intervalini uzayishi. Qon tomirlar tomonidan: qizib ketish, arterial gipotenziya. Respirator tizimi tomonidan: dispnoe, burundan qon ketishi. Ovqat hazm qilish tizimi tomonidan: diareya, qusish, qorin og‘rig‘i, ko‘ngil aynishi, gastrit, qabziyatlar, meteorizm, dispepsiya, disfagiya, og‘izni qurishi, kekirish, og‘iz bo‘shlig‘ida yaralar, so‘lak bezlari sekretsiyasini oshishi, pankreatit, til rangini o‘zgarishi, ichni tez-tez suyuq kelishi. Gepatobiliar tizimi tomonidan: jigar faoliyatini buzilishi, xolestatik sariqlik, jigar yetishmovchiligi (u kam hollarda o‘limga olib kelgan), gepatit, fulminant gepatit, nekrotik gepatit. Teri va teri osti kletchatkasi tomonidan: toshma, qichishish, eshakemi, dermatit, terini qurishi, gipergidroz, fotosezuvchanlik, Stivens-Djonson sindromi, toksik epidermal nekroliz, ko‘p shaklli eritema. Suyak-mushak tizimi tomonidan: osteoartrit, mialgiya, orqada og‘riq, bo‘yinda og‘riq, artralgiya. Siydik chiqarish tizimi tomonidan: dizuriya, buyrakda og‘riq, o‘tkir buyrak yetishmovchiligi, interstitsial nefrit. Reproduktiv tizimi va sut bezlari tomonidan: bachadondan qon ketishi, testikulyar buzilishlar. Umumiy buzilishlar va maxalliy reaktsiyalar: ko‘krakda og‘riq, shish, lohaslik, asteniya, kuchli toliqish, yuzni shishi, gipertermiya, og‘riq, periferik shishlar. Laboratoriya ko‘rsatkichlari: qonda bikarbonatlar darajasini oshishi, bazofillar, monotsitlar, neytrofillar sonini oshishi, aspartataminotransferaza va alaninaminotransferaza darajasini oshishi, qonda bilirubin darajasini oshishi, qonda mochevin va kreatinin darajasini oshishi, qonda kaliy ko‘rsatgichlarini o‘zgarishi, ishqoriy fosfotaza darajasini oshishi, xlorid darajasini oshishi, glyukoza darajasini oshishi, trombotsitlar darajasini oshishi, gematokritni darajasini pasayishi, natriy darajasidagi siljishlar. Shikastlanishlar va zaharlanishlar: muolajadan keyingi asoratlar.

Azitromitsinga, eritromitsinga, har qanday boshqa makrolidli yoki ketolidli antibiotikka, preparatning har qanday boshqa komponentiga yuqori sezuvchanlik.Nazariy ergotizm mumkinligi tufayli, azitromitsinni shoxkuya hosilalari bilan bir vaqtda buyurish mumkin emas.

Patsiyentlarga azitromitsinni QT-intervalini uzaytirishi mumkin bo‘lgan boshqa dorilar bilan birga ehtiyotkorlik bilan buyurish kerak. Antatsidlar. Antatsidlarni bir vaqtda qo‘llashni azitromitsinning farmakokinetikasiga ta’sirini o‘rganishda, garchi azitromitsinning plazmadagi cho‘qqi kontsentratsiyalari taxminan 25% ga kamaysa ham, umuman biokiraolishligida o‘zgarishlar kuzatilmagan. Azitromitsinni antatsidni qabul qilishdan hech bo‘lmaganda 1 soat oldin yoki 2 soat keyin qabul qilish kerak. Tsetirizin. Sog‘lom ko‘ngillilarda azitromitsinni 20 mg tsetirizin bilan 5 kun davomida bir vaqtda qo‘llanganda muvozanat holatida, farmakokinetik o‘zaro ta’sir ko‘rinishlari yoki QT intervalini ahamiyatli o‘zgarishi kuzatilmagan. Didanozin. Azitromitsinning 1200 mg sutkalik dozalari didanozin bilan bir vaqtda qo‘llanganda, didanozinning farmakokinetikasiga ta’siri aniqlamagan. Digoksin. Makrolid antibiotiklarni, shu jumladan azitromitsinni, digoksin kabi R-glikoproteinning substratlari bilan bir vaqtda qo‘llash, qon zardobida R-glikoprotein substratining darajasini oshishiga olib keladi. Demak, azitromitsin va digoksin bir vaqtda qo‘llanganida, qon zardobida digoksinning kontsentratsiyasini oshishi mumkinligini hisobga olish kerak. Zidovudin. Azitromitsinning 1000 mg va 1200 mg bir martalik yoki 600 mg ko‘p martalik dozalari zidovudinning yoki uning glyukuronid metabolitining plazmadagi farmakokinetikasiga ta’sir ko‘rsatmagan. Lekin azitromitsinni qabul qilish, periferik qonning mononuklear xujayralarida klinik faol metaboliti, fosforlangan zidovudinning kontsentratsiyasini oshirgan. Bu ma’lumotlarning klinik ahamiyati aniq emas, lekin patsiyent uchun foydali bo‘lishi mumkin. Shoxkuya alkaloidlari. Ergotizmni paydo bo‘lishini nazariy ehtimolini hisobga olib, azitromitsinni shoxkuya alkaloidlari bilan bir vaqtda qo‘llash tavsiya etilmaydi. Azitromitsin jigar tsitoxrom R450 tizimi bilan ahamiyatli o‘zaro ta’sirga ega emas. Preparat eritromitsin va boshqa makrolidlar bilan kuzatiladigan dorilarni farmakokinetik o‘zaro ta’siriga ega emas deb hisoblanadi. Azitromitsin tsitoxrom-metabolik kompleks orqali tsitoxrom R450 ning induktsiyasini yoki inaktivatsiyasini chaqirmaydi. Azitromitsin va metabolizmi axamiyatli darajada tsitoxrom R450 ishtirokida yuz beruvchi quydagi preparatlarni qo‘llash yuzasidan farmakokinetik tadqiqotlar o‘tkazilgan. Atorvastatin. Atorvastatin (sutkada 10 mg) va azitromitsinni (sutkada 500 mg) bir vaqtda qo‘llash, qon zardobida atorvastatinning kontsentratsiyasini o‘zgarishini chaqirmagan (GMG-KoA-reduktazaning ingibitsiya qilinishi tahlili asosida). Karbamazepin. Sog‘lom ko‘ngillilarda o‘tkazilgan farmakokinetik tadqiqotlarda, azitromitsin karbamazepin va uning faol metabolitlarining plazmasidagi darajalariga ahamiyatli ta’sir ko‘rsatmagan. Tsimetidin. Azitromitsinni qabul qilishdan 2 soat oldin qo‘llangan tsimetidinning bir martalik dozasini azitromitsinning farmakokinetikasiga ta’sirini o‘rganish yuzasidan farmakokinetik tadqiqotlarida, azitromitsinning farmakokinetikasini hech qanday o‘zgarishlari kuzatilmagan. Kumarin turidagi peroral antikoagulyantlar. Farmakokinetik o‘zaro ta’sirni o‘rganish tadqiqotlarda azitromitsin sog‘lom ko‘ngillilarga mo‘ljallangan varfarinning 15 mg li bir martalik dozasining antikoagulyant samarasini o‘zgartirmagan. Azitromitsin va kumarin turidagi peroral antikoagulyantlar bir vaqtda qabul qilinganidan keyin, antikoagulyant samarani potentsiyalanishi haqida ma’lumotlar bor. Garchi sabab bog‘liqligi aniqlanmagan bo‘lsada, kumarin turidagi peroral antikoagulyantlarni qabul qilayotgan patsiyentlarga azitromitsin buyurilganida, protrombin vaqtini monitoringini tez-tez o‘tkazish zaruratini hisobga olish lozim. Tsiklosporin. Bir-biriga yaqin makrolid antibiotiklardan ayrimlari tsiklosporinning metabolizmiga ta’sir qiladi. Azitromitsin va tsiklosporin bir vaqtda qabul qilinganda mumkin bo‘lgan o‘zaro ta’siri yuzasidan farmakokinetik va klinik tadqiqotlari o‘tkazilmaganligi tufayli, bu dorilarni bir vaqtda qabul qilish buyurilgunicha terapevtik vaziyatni sinchiklab baholash kerak. Agar majmuaviy davolash to‘g‘ri deb hisoblansa, tsiklosporinning darajalarini sinchkov monitoringini o‘tkazish va muvofiq ravishda dozani yo‘lga solish kerak. Efavirents. Azitromitsinning 600 mg va efavirentsning 400 mg li bir martalik dozalarini har kuni 7 kun davomida bir vaqtda qo‘llash, qandaydir klinik ahamiyatli farmakokinetik o‘zaro ta’sirlarini chaqirmagan. Flukonazol. Azitromitsinning 1200 mg li bir martalik dozasini bir vaqtda qo‘llash flukonazolning 800 mg li bir martalik dozasining farmakokinetikasini  o‘zgarishiga olib kelmayli. Azitromitsinning umumiy ekspozitsiyasi va yarim chiqarilish davri flukonazol bir vaqtda qo‘llanganida o‘zgarmagan, lekin bunda azitromitsinning Smax ni ahamiyatsiz pasayishi (18%) kuzatilgan. Indinavir. Azitromitsinning 1200 mg li bir martalik dozasini bir vaqtda qo‘llash, 800 mg dozada sutkada 3 marta 5 kun davomida buyurilgan indinavirning farmakokinetikasiga statistik ishonchli ta’sir ko‘rsatmagan. Metilprednizolon. Farmakokinetik o‘zaro ta’sir yuzasidan tadqiqotlarda azitromitsin metilprednizolonning farmakokinetikasiga ahamiyatli ta’sir ko‘rsatmagan. Midazolam. Sog‘lom ko‘ngillilarda azitromitsinni sutkada 500 mg 3 kun davomida bir vaqtda qo‘llash, midazolamning farmakokinetikasi va farmakodinamikasini klinik ahamiyatli o‘zgarishlarini chaqirmagan. Nelfinavir. Azitromitsin (1200 mg) va nelfinavirni muvozanatli  kontsentratsiyalarda (750 mg dan sutkada uch marta) bir vaqtda qo‘llash, azitromitsinning kontsentratsiyalarini oshishiga olib keladi. Klinik ahamiyatli nojo‘ya samaralari kuzatilmagan, demak dozaga tuzatish kiritishga zarurat yo‘q. Rifabutin. Azitromitsin va rifabutinni bir vaqtda qo‘llash, bu preparatlarning qon zardobidagi kontsentratsiyasiga ta’sir qilmaydi. Azitromitsin va rifabutinni bir vaqtda qabul qilgan subyektlarda neytropeniya kuzatiladi. Garchi neytropeniya rifabutinni qo‘llash bilan bog‘liq bo‘lsa ham, bir vaqtda azitromitsinni qabul qilish bilan sabab-oqibat bog‘liqligi aniqlanmagan. Sildenafil. Erkak jinsiga mansub sog‘lom ko‘ngillilarda azitromitsinning (sutkada 500 mg xar kuni 3 kun davomida) sildenafil va uning asosiy aylanib yuruvchi metabolitining AUC va Cmax ko‘rsatkichiga ta’siri yuzasidan dalillar olinmagan. Terfenadin. Farmakokinetik tadqiqotlarda azitromitsin va terfenadin orasida o‘zaro ta’sirlar haqida xabar berilmagan. Ayrim hollarda bunday o‘zaro ta’sir ehtimolini butunlay istisno qilish mumkin emas; lekin bunday o‘zaro ta’sirning borligi haqida ma’lumotlar yo‘q. Teofillin. Azitromitsin va teofillin bir vaqtda qo‘llanganda klinik ahamiyatli farmakokinetik o‘zaro ta’sir haqida ma’lumotlar yo‘q. Triazolam. Birinchi kuni 500 mg va ikkinchi kuni 250 mg azitromitsinni 0,125 mg triazolamni bir vaqtda qo‘llash triazolamning hamma farmakokinetik ko‘rsatkichlariga  triazolam va platsebo bilan solishtirilganda ahamiyatli ta’sir qilmagan. Trimetoprim/sulfametoksazol. Trimetoprim/sulfametoksazolning ikki barobar kontsentratsiyasini (160 mg/800 mg) 7 kun davomida 1200 mg azitromitsin bilan bir vaqtda qo‘llanganida 7-nchi sutkada trimetoprim yoki sulfametoksazolning maksimal kontsentratsiyaga, umumiy ekspozitsiyasi yoki siydik bilan chiqarilishiga ahamiyatli ta’sir namoyon qilmagan. Azitromitsinning qon zardobidagi kontsentratsiyasini qiymati, boshqa tadqiqotlarda kuzatilgan shunday ko‘rsatkichiga to‘g‘ri kelgan.

Allergik reaktsiyalar. Eritromitsin va boshqa makrolid antibiotiklar bilan bo‘lgani kabi, kam uchraydigan jiddiy allergik reaktsiyalar, shu jumladan angionevrotik shishi va anafilaksiya (yakka hollarda – o‘lim bilan yakunlangan) to‘g‘risida xabar berilgan. Azitromitsinga bog‘liq bo‘lgan bu reaktsiyalardan ayrimlari, qaytalanuvchi simptomlar chaqirgan va davomliroq kuzatish va davolashni talab qilgan. Jigar faoliyatini buzilishi. Jigar azitromitsinni chiqarilishida asosiy yo‘l ekanligi tufayli, jigarning jiddiy kasalliklari bo‘lgan patsiyentlarga azitromitsinni ehtiyotkorlik bilan buyurish kerak. Fulminant gepatit hollari haqida xabar berilgan, u azitromitsin qabul qilinganda jigar faoliyatini hayot uchun xavfli buzilishini belgilaydi. Ehtimol, azitromitsin qabul qilinganda ayrim patsiyentlarning anamnezida jigar kasalliklari bo‘lgan yoki ular boshqa gepatotoksik dori vositalarini qo‘llaganlar. Jigar disfunktsiyalar simptomlari va belgilari, masalan, tez rivojlanuvchi va sariqlik, siydik rangnini to‘qlashishi, qon ketishlarga moyillik yoki jigar entsefalopatiyasi bilan kechuvchi asteniya rivojlangan hollarda jigar faoliyatining tahlillari/sinamalarini o‘tkazish kerak. Jigar faoliyatini buzilishlari aniqlangan hollarda azitromitsinni qo‘llashni to‘xtatish kerak. Preparat laktoza saqlaydi, buni laktaza yetishmovchiligi, galaktozemiyasi yoki glyukoza galaktozani so‘rilishini buzilishlari sindromi bo‘lgan patsiyentlar hisobga olishlari kerak. Shoxkuya. Shoxkuya hosilalarini qabul qilayotgan patsiyentlarda, makrolid antibiotiklarni bir vaqtda qo‘llash ergotizmni tez rivojlanishiga olib keladi. Shoxkuya va azitromitsin orasida o‘zaro ta’sir bo‘lishi mumkinligi haqida ma’lumotlar yo‘q. Lekin nazariy jixatdan ergotizm bo‘lishi mumkinligi tufayli, azitromitsinni shoxkuya hosilalari bilan bir vaqtda buyurish mumkin emas. Superinfektsiyalar. Boshqa antibiotiklar bilan bo‘lgani kabi, sezgir bo‘lmagan organizmlar, shu jumladan zamburug‘lar tomonidan chaqirilgan superinfektsiya belgilari bo‘yicha kuzatuv o‘tkazish tavsiya etiladi. Deyarli barcha antibakterial preparatlar, shu jumladan azitromitsin qabul qilinganda, Clostridium difficile – assotsiatsiyalangan diareya (CDAD) haqida xabar berilgan, uning jiddiyligi kuchsiz ifodalangan diareyadan, o‘lim bilan yakunlangan kolitgacha bo‘lgan. Antibakterial preparatlar bilan davolash yo‘g‘on ichakning normal florasini o‘zgartiradi, bu S. difficile ni xaddan ziyod o‘sishiga olib keladi. S. difficile A va V toksinlarni ishlab chiqaradi, ular CDAD ni rivojlanishiga yordam beradi. Toksinlarni ko‘p hosil qiluvchi S. difficile shtammlari kasallanishning yuqori darajasi va o‘limning sababi hisoblanadi, chunki bu infektsiyalar mikroblarga qarshi davolashga rezistent bo‘lishlari va kolektomiya o‘tkazishni talab qilishlari mumkin. Antibiotiklarni qo‘llash oqibatida diareyasi bo‘lgan barcha patsiyentlarda CDAD rivojlanishi mumkinligini ko‘rib chiqish kerak. Kasallik tarixini sinchiklab olib borish kerak, chunki CDAD, antibakterial preparatlar qabul qilgandan keyin 2 oy davomida namoyon bo‘lishi mumkin. Buyrak faoliyatini buzilishi. Buyrakning jiddiy disfunktsiyasi bo‘lgan patsiyentlarda (kalava filtratsiyasini tezligi < 10 ml/min), azitromitsinning tizimli ekspozitsiyasini 33% ga oshishi kuzatilgan. Yurak aritmiyasi va qorinchalarning lipillashi-xilpillashini (torsade de pointes) rivojlanishi xavfini oshiruvchi yurak repolyarizatsiyasi va QT intervalini uzayishi boshqa makrolid antibiotiklar bilan davolashda ham kuzatilgan. Azitromitsinning bunday samarasini yurak repolyarizatsiyasini uzayish xavfi yuqori bo‘lgan patsiyentlarda butunlay inkor etish mumkin emas, shuning uchun quyidagi patsiyentlarga preparatni ehtiyotkorlik bilan buyurish kerak: QT intervalini tug‘ma yoki qayd etilgan uzayishi bo‘lgan patsiyentlar;QT intervalini uzaytirishi ma’lum bo‘lgan boshqa faol moddalar, masalan, IA (kvinidin va prokainamid) va III (dofetilid, amiodaron va sotalol) sinfi antiaritmik preparatlar, tsizaprid va terfenadin, pimozid kabi neyroleptik vositalar; tsitalopram kabi antidepressantlar, shuningdek moksifloksatsin va levofloksatsin kabi ftorxinolonlarni qo‘llash bilan hozir davolanayotganlar;elektrolit almashinuvini buzilishlari bo‘lgan, ayniqsa gipokaliyemiya va gipomagniyemiya bo‘lganda;klinik relevant bradikardiya, yurak aritmiyasi yoki og‘ir yurak yetishmovchiligi bo‘lgan patsiyentlar. Gravis miasteniyasi. Azitromitsin bilan davolanayotgan patsiyentlarda gravis miasteniyasi simptomlarini zo‘rayishi yoki miastenik sindromni yangi rivojlanishi haqida xabarlar bor. Streptokokkli infektsiyalar. Azitromitsin umuman og‘iz-xalqumning streptokokkli infektsiyasini davolashda samarali, revmatik atakalarni oldini olishga nisbatan azitromitsinning samaradorligini namoyish qiladigan hech qanday ma’lumotlar yo‘q. Agar infektsiyani rivojlanishini anaerob mikroorganizmlar chaqirgan deb taxmin qilinsa, azitromitsin bilan majmuada anaerob faollikka ega bo‘lgan mikroblarga qarshi preparatni qabul qilish kerak. Boshqalar. Bolalarda Mycobacterium Avium Complex ni oldini olish yoki davolash uchun xavfsizligi va samaradorligi aniqlanmagan.

Homiladorlik. Hayvonlarda reproduktiv faoliyatga ta’sirini tekshirishlari ona organizmi uchun o‘rtacha toksik dozalarga to‘g‘ri keluvchi dozalar yuborilganida bajarilgan. Bu tekshirishlarda azitromitsinni homilaga toksik ta’sirini isbotlari olingan emas. Lekin homilador ayollarda adekvat va yaxshi nazoratli tekshirishlar yo‘q. Hayvonlarda reprodkutiv faoliyatiga ta’sirining tekshirishlari hamma vaqt ham odamdagi samarasiga to‘g‘ri kelavermasligi tufayli, homiladorlik davrida azitromitsinni ayollarga faqat hayotiy ko‘rsatmalar bo‘yicha buyurish kerak. Emizish. Azitromitsinni ko‘krak sutiga o‘tishi xabar qilingan, lekin muvofiq va azitromitsinni ko‘krak sutiga chiqarilish farmakokinetikasini xarakterlash imkoniyatini beruvchi kerakli tarzda nazoratli klinik tekshirishlar o‘tkazilmagan. Emizish davrida azitromitsinni faqat ona uchun kutilayotgan foyda, bola uchun potentsial xavfdan yuqori bo‘lgan hollarda qo‘llash mumkin. Fertillik. Fertillikning tekshirishlari kalamushlarda o‘tkazilgan; azitromitsin yuborilgandan keyin homiladorlik ko‘rsatgichi pasaygan. Bu ma’lumotlarning odamga nisbatan relevantligi noma’lum.

Original o‘ramida, 25oS dan yuqori bo‘lmagan haroratda.

Azitromitsinni klinik qo‘llash tajribasi, tavsiya etilganda yuqori dozalar qabul qilganda rivojlanuvchi nojo‘ya samaralari, odatdagi terapevtik dozalarda qo‘llanganda kuzatiladiganlarga o‘xshash, xususan: ular diareya, ko‘ngil aynishi, qusish, eshitishni qaytuvchi yo‘qolishini o‘z ichiga olishi mumkin. Doza oshirib yuborilgan holda, zarurati bo‘lganda, faollashtirilgan ko‘mirni qabul qilish va umumiy simptomatik va tutib turuvchi davolash tadbirlarni o‘tkazish tavsiya etiladi.

Retsept bo‘yicha

Plyonka qobiq bilan qoplangan tabletkalar 500 mg dan, 3 tadan blisterda. 1 blisterdan qutida.

3 yil.