tiniq yoki tovlanuvchi, rangsizdan och-jigarrang ranggacha bo‘lgan suyuqlik.

o‘smalarga qarshi vosita, mooklonal antitelalar.

L01XC07

Bevatsizumabning farmakokinetikasi turli solid o‘smalari bo‘lgan patsiyentlarda turli dozalarni (0,1–10 mg/kg har haftada; 3–20 mg/kg har 2 yoki 3 haftada; 5 mg/kg har 2 haftada yoki 15 mg/kg har 3 haftada) vena ichiga (v/i) yuborilgandan keyin o‘rganilgan. Bevatsizumabning va boshqa antitelalarning farmakokinetikasi ikki kamerali model bilan ta’riflanadi. Bevatsizumabni taqsimlanishi past klirens, markaziy kamerada taqsimlanish xajmini pastligi (Vc) va davomli yarim chiqarilish davri bilan xarakterlanadi, bu 2-3 haftada 1 marta yuborilganda plazmadagi preparatning zarur terapevtik kontsentratsiyasini tutib turishga erishish imkonini beradi. Bevatsizumabning klirensi patsiyentning yoshiga bog‘liq emas. Populyatsion farmakokinetik meta-talil ma’lumotlariga ko‘ra tahlilga tana vazni kiritilganda yoki yoshga bog‘liq holda bevatsizumabning farmakokinetikasida ahamiyatli farqlar aniqlanmagan (kreatinin klirensi va patsiyentning yoshi o‘rtasida korrelyatsiya yo‘q [yosh medianasi — 59 yosh, 5-chi va 95-chi protsentili — 37 va 76 yosh]). Bevatsizumabning klirensi albuminning ko‘rsatkichlari va o‘sma vazni o‘rtacha bo‘lgan patsiyentlarga nisbatan albuminning darajasi past bo‘lgan patsiyentlarda 30% ga yuqori va o‘sma vazni katta bo‘lgan patsiyentlarda 7% ga yuqori. Taqsimlanishi Vc ayollar va erkaklarda muvofiq ravishda 2,73 l va 3,28 l ni tashkil qiladi, bu G sinf immunoglobulinlari (IgG) va boshqa monoklonal antitelalarning taqsimlanish xajmiga mos keladi. Bevatsizumabni o‘smalarga qarshi boshqa preparatlar bilan birga buyurilganda periferik kamerada taqsimlanish xajmi (Vp) ayollar va erkaklarda muvofiq ravishda 1,69 l va 2,35 l ni tashkil qiladi. Tana vazniga qarab dozaga tuzatish kiritilgandan keyin erkaklarda ayollarga nisbatan Vc 20% ga yuqori. Metabolizmi 125I-bevatsizumab vena ichiga bir marta yuborilgandan keyin uning metabolik xarakteristikalari VEGF bilan bog‘lanmaydigan tabiiy IgG molekulasining xarakteristikalariga o‘xshash. Bevatsizumabning metabolizmi va chiqarilishi endogen IgG ning metabolizmiga va chiqarilishiga mos keladi, ya’ni buyrak va jigar orqali emas asosan organizmning barcha xujayralarida, shu jumladan endotelial xujayralarda proteolitik katabolizm yo‘li orqali amalga oshiriladi. IgG ni kristallizatsiya qiluvchi fermentga  IgG ni neonatal retseptorlar bilan (FcRn-retseptorlar bilan) bog‘lanishi uni xujayra metabolizmidan himoya qiladi va davomli yarim chiqarilish davrini ta’minlaydi. Chiqarilishi Haftada 1,5 dan 10 mg/kg gacha dozalar diapazonida bevatsizumabning farmakokinetikasi proportsional xarakterga ega. Bevatsizumabning klirensi ayollarda sutkada 0,188 l ni va erkaklarda sutkada 0,220 l ni tashkil qiladi. Tana vazniga qarab dozaga tuzatish kiritilgandan keyin bevatsizumabning klirensi ayollarga nisbatan erkaklarda 17% ga yuqori. Ikki kamerali modelga muvofiq yarim chiqarilish davri ayollar uchun 18 kunni, erkaklar uchun esa – 20 kunni tashkil qiladi.

Metastatik kolorektal rak: ftorpirimidin hosilalari asosidagi ximioterapiya bilan majmuada. Sut bezining mahalliy-qaytalanuvchi yoki metastatik raki: paklitaksel bilan majmuada birinchi qator davolash sifatida. O‘pkaning tarqalgan operatsiya qilib bo‘lmaydigan, metastatik yoki qaytalanuvchi yassi xujayrali bo‘lmagan mayda xujayrali bo‘lmagan raki: platina preparatlari asosidagi ximioterapiyaga qo‘shimcha birinchi qator davolash sifatida;erlotinib bilan majmuada EGFR (epidermal o‘sishning faktorining retseptori) genida mutatsiyalarni faollashtiruvchi o‘pkaning tarqalgan operatsiya qilib bo‘lmaydigan, metastatik yoki qaytalanuvchi yassi xujayrali bo‘lmagan mayda xujayrali bo‘lmagan rakida birinchi qator davolash sifatida. Tarqalgan va/yoki metastatik buyrak-xujayrali raki: interferon alfa-2a bilan majmuada birinchi qator davolash sifatida. Glioblastoma (Jahon sog‘liqni saqlash tashkilotining (JSST) tasnifi bo‘yicha IV xavflilik darajasidagi glioma): glioblastoma birinchi marta diagnostika qilingan patsiyentlarda nur bilan davolash va temozolomid bilan majmuada;glioblastoma qaytalanishida yoki kasallik avj olganida monoterapiyada irinotekan bilan majmuada. Tuxumdonlar, bachadon naylarining epitelial raki va qorin pardaning birlamchi raki: tarqalgan (akusher-ginekologlarning Xalqaro federatsiyasi (FIGO) tasnifi bo‘yicha IIIB, IIIC va IV bosqichdagi) tuxumdonlar, bachadon naylarining epitelial raki va qorin pardaning birlamchi rakida karboplatin va paklitaksel bilan majmuada birinchi qator davolash sifatida;avval bevatsizumab yoki VEGF ning boshqa ingibitorlari bilan davolanmagan patsiyentlarda qaytalanuvchi, platina preparatlariga sezgir tuxumdon, bachadon naylarining epitelial raki va qorin pardaning birlamchi rakida karboplatin va gemtsitabin bilan majmuada;avval ximioterapiyaning ikkitadan ortiq bo‘lmagan tartiblarini qabul qilgan patsiyentlarda qaytalanuvchi, platina preparatlariga rezistent tuxumdon, bachadon naylarining epitelial raki va qorin pardaning birlamchi rakida paklitaksel yoki topotekan yoki pegilirlangan liposomal doksorubitsin bilan majmuada. Bachadon bo‘ynining doimiy davom etuvchi, qaytalanuvchi yoki metastatik raki: paklitaksel va tsisplatin yoki paklitaksel va topotekan bilan majmuada qo‘llanadi.

Avegra® preparati faqat vena ichiga tomchilab yuboriladi; preparatni vena ichiga oqim bilan yuborish mumkin emas! Avegra® preparati intravitreal yuborish uchun mo‘ljallanmagan. Avegra® preparati dektroza eritmalari bilan farmatsevtik jihatdan nomutanosib. Avegra® preparatining kerakli miqdori aseptika qoidalariga rioya qilgan holda 0,9% li natriy xloridi eritmasida talab etiladigan xajmgacha suyultiriladi. Tayyorlangan eritmada bevatsizumabning kontsentratsiyasi 1,4-16,5 mg/ml chegaralarida bo‘lishi kerak. Preparatning boshlang‘ich dozasi birinchi 90 minut davomida vena ichiga infuziya ko‘rinishida yuboriladi. Agar birinchi infuziya yaxshi o‘zlashtirilsa, ikki infuziyani 60 minut davomida o‘tkazish mumkin. Agar 60 minut davomida infuziya yaxshi o‘zlashtirilsa, keyingi barcha infuziyalarni 30 minut davomida o‘tkazish mumkin. Noxush ko‘rinishlar sababli Avegra® preparatining dozasini kamaytirish tavsiya etilmaydi. Zarurati bo‘lganida Avegra® preparati bilan davolashni to‘liq yoki vaqtincha to‘xtatish kerak.

Eng jiddiy nojo‘ya ta’sirlari: me’da-ichak yo‘llari perforatsiyasi, qon quyilishi, shu jumladan o‘pkadan qon ketishi/qon tupurish (ko‘pincha o‘pkaning mayda xujayrali bo‘lmagan raki bo‘lgan patsiyentlarda kuzatiladi), arterial tromboemboliya. Bevatsizumab qabul qilgan patsiyentlarda quyidagilar ko‘proq kuzatilgan: arterial bosimni oshishi, holsizlik yoki asteniya, diareya va qorinda og‘riq. Arterial bosimni oshishi va proteinuriyani rivojlanishi ehtimol dozaga bog‘liq xarakterga ega. Quyida barcha ko‘rsatmlar bo‘yicha bevatsizumabni turli ximioterapevtik tartiblar bilan majmuada qabul qilgan patsiyentlarda kuzatilgan Rak milliy instituti (NCI-CTC) tasnifi bo‘yicha barcha og‘irlik darajasidagi nojo‘ya reaktsiyalar keltirilgan. Nojo‘ya reaktsiyalarning tez-tezligini ta’riflash uchun quyidagi toifalar ishlatiladi: juda tez-tez (≥10%), tez-tez (≥1% – <10%), tez-tez emas (≥0,1% – <1%), kam hollarda (≥0,01% – <0,1%) va juda kam hollarda (<0,01%), tez-tezligi noma’lum. Noxush reaktsiyalar yuzaga kelish tez-tezligiga muvofiq ma’lum toifalarga kiritilgan. Tez-tezlikning bir toifasi doirasida noxush reaktsiyalar jiddiylikni kamayishi tartibida keltirilgan. Sanab o‘tilgan noxush reaktsiyalardan ayrimlari ximioterapiyada tez-tez kuzatiladi, lekin bevatsizumab ximioterapevtik preparatlar bilan majmuada bu reaktsiyalarni namoyon bo‘lishini kuchaytirishi mumkin. Misollar kapetsitabin yoki pegilirlangan liposomal doksorubitsin bilan davolanganda kaft-panja sindromi, paklitaksel yoki oksaliplatin bilan davolaganda sensor neyropatiya, paklitaksel bilan davolaganda tirnoqlarni shikastlanishi yoki alopetsiyani o‘z ichiga oladi. Qon va limfatik tizim tomonidan buzilishlar: juda tez-tez – febril neytropeniya, leykopeniya, neytropeniya, trombotsitopeniya; tez-tez – anemiya, limfotsitopeniya. Nerv tizimi tomonidan: juda tez-tez – periferik sensor neyropatiya, disgevziya, bosh og‘rig‘i, dizartriya; tez-tez – insult, sinkope, uyquchanlik. Ko‘rish a’zosi tomonidan: juda tez-tez – ko‘rishni buzilishi, ko‘z yoshi oqishini oshishi. Yurak tomonidan buzilishlar: tez-tez – surunkali yurak yetishmovchiligi, supraventrikulyar taxikardiya. Qon tomirlar tomonidan buzilishlar: juda tez-tez – arterial bosimni oshishi, venoz emboliya; tez-tez – arterial tromboemboliya, chuqur venalar trombozi, qon ketishi, shu jumladan o‘pkadan, bosh miya ichki, shilliq qavat va teri tomonidan, me’da-ichak yo‘llaridan va o‘smadan qon ketishi. Nafas tizimi, ko‘krak qafasi va ko‘ks oralig‘i a’zolari tomonidan buzilishlar: juda tez-tez – hansirash, burundan qon ketishi, rinit; tez-tez – o‘pkadan qon ketishi, qon tupurish, o‘pka arteriyasi tromboemboliyasi (O‘ATE), gipoksiya. Me’da-ichak yo‘llari tomonidan buzilishlar: juda tez-tez – anoreksiya, diareya, ko‘ngil aynishi, qusish, qorinda og‘riq, qabziyat, stomatit, rektal qon ketishi; tez-tez – me’da-ichak yo‘llari perforatsiyasi, ichak tutilishi, shu jumladan obturatsion ichak tutilishi, qin va to‘g‘ri ichak orasida oqma yara (ko‘pincha qin va me’da-ichak yo‘llari orasida oqmalarning yaralarning eng ko‘p uchraydigan varianti), gastrointestinal buzilishlar, to‘g‘ri ichakda og‘riq. Jigar va o‘t chiqarish yo‘llari tomonidan buzilishlar: tez-tezligi noma’lum – o‘t qopi perforatsiyasi. Teri va teri osti to‘qimalari tomonidan buzilishlar: juda tez-tez – yaralarni bitishi asoratlari, eksfoliativ dermatit, terini qurishi, teri rangini o‘zgarishi; tez-tez – kaft-panja sindromi, teri osti yog‘ kletchatkasini yallig‘lanishi. Skelet-mushak va biriktiruvchi to‘qima tomonidan buzilishlar: juda tez-tez – artralgiya; tez-tez – oqma yaralar, mushak kuchsizligi, mialgiya, belda og‘riq. Buyrak va siydik chiqarish yo‘llari tomonidan buzilishlar: juda tez-tez – tuxumdonlar funktsiyasini yetishmovchiligi (3 oy va undan ko‘proq davomiylikdagi amenoreya (odam beta xorionik gonadotropinini β-OXG ni aniqlash bilan homiladorlikka test manfiy bo‘lganda zardobda follikula stimulatsiya qiluvchi gormon (FSG) kontsentratsiyasi ≥ 30 mXB/ml)), tez-tez – kichik chanoqda og‘riq. Umumiy buzilishlar va yuborish joyidagi buzilishlar: juda tez-tez – og‘riq, shu jumladan preparatni yuborish joyida og‘riq, asteniya, yuqori toliqish, pireksiya, turli lokalizatsiyali shilliq qavatlarni yallig‘lanishi, tana vaznini kamayishi, paronixiya; tez-tez – letargiya, tormozlanish, sepsis, abstsess, tsellyulit, ikkilamchi infektsiyalarni qo‘shilishi, degidratatsiya. Laborator va instrumental ma’lumotlar: giperglikemiya, gipokaliyemiya, giponatriyemiya, protrombin vaqtini uzayishi, halqaro normallashgan nisbati (XNN) oshishi.

Bevatsizumabga yoki preparatning har qanday boshqa komponentiga, xitoy og‘maxonining tuxumdon xurayralari asosidagi yoki odam rekombinant yoki odam antitelalariga yaqinlashgan preparatlariga yuqori sezuvchanlik. Homiladorlik va emizish davri. 18 yoshgacha bo‘lgan bolalar, buyrak va jigar yetishmovchiligida qo‘llash mumkin emas (qo‘llashning samaradorligi va xavfsizligi aniqlanmagan).

O‘smalarga qarshi preparatlarni bevatsizkmabning farmakokinetikasi: Ximioterapiya bilan birga qo‘llanilganda bevatsizumabning farmakokinetikasiga klinik ahamiyatli ta’siri qayd etilmagan. Monoterapiya olgan patsiyentlarda va bevatsizumabni interferon alfa-2a, erlotinib yoki ximioterapevtik preparatlar (IFL, FU/LV, karboplatin/paklitaksel, kapetsitabin, doksorubitsin yoki tsisplatin/gemtsitabin) bilan majmuada qabul qilayotgan patsiyentlarda bevatsizumabning klirensida statistik yoki klinik jihatdan ahamiyatli farqlar aniqlanmagan. Bevatsizumabni o‘smalarga qarshi boshqa preparatlarning farmakokinetikasiga ta’siri: Bevatsizumabni yondosh preparatlar: interferon alfa-2a, erlotinib (va uning faol metaboliti OSI-240); yoki ximioterapevtik preparatlar: irinotekan (va uning faol metaboliti SN38), kapetsitabin, oksaliplatin (platinaning erkin va umumiy darajasi bo‘yicha aniqlangan) va tsisplatinning farmakokinetikasiga ahamiyatli ta’siri qayd etilmagan. Bevatsizumabni gemtsitabinning farmakokinetikasiga ta’siri haqida ishonchli ma’lumotlar yo‘q.

Avegra® preparati bilan davolashni faqat o‘smalarga qarshi davolashni o‘tkazish tajribasiga ega shifokor kuzatuvi ostida olib borish kerak. Me’da-ichak yo‘llari (MIY) yoki o‘t qopi perforatsiyasi Bevatsizumab qabul qilayotgan patsiyentlarda me’da-ichak yo‘llari (MIY) va o‘t qopi perforatsiyasi rivojlanishi xavfi mavjud. MIY perforatsiyasining og‘ir holatlari, shu jumladan o‘limga olib keluvchi holatlari kuzatilgan (bevatsizumab qabul qilgan barcha patsiyentlarning 0,2%-1% da). Bachadon bo‘ynining doimiy davom etuvchi, qaytalanuvchi yoki metastatik raki bo‘lgan patsiyentlarda bevatsizumabni qo‘llaganda MIY perforatsiyasi (barcha og‘irlik darajalari) 3,2% patsiyentlarda kuzatilgan, barcha bunday patsiyentlar avval nur bilan davolangan. MIY perforatsiyasining klinik manzarasi og‘irlik darajasi bo‘yicha farq qilgan va davolashsiz o‘tib ketadigan qorin bo‘shlig‘i rentgenografiyasida erkin gazdan qorini bo‘shlig‘i abstsessi bilan kechuvchi va o‘lim bilan yakunlanuvchi perforatsiyagacha o‘zgargan. Ayrim hollarda ximioterapiya bilan assotsiatsiyalangan me’da yara kasalligi, o‘sma nekrozi, divertikulit yoki kolit oqibatida qorin bo‘shlig‘i ichki yallig‘lanishi kuzatilgan. Qorin bo‘shlig‘i ichki yallig‘lanishi va MIY perforatsiyasi rivojlanishi va bevatsizumab bilan davolash o‘rtachida bog‘liqlik aniqlanmagan. MIY perforatsiyasi rivojlanganda Avegra® preparati bilan davolashni to‘xtatish kerak. MIY oqma yaralari Metastatik kolorektal rak va tuxumdonlar raki bo‘lgan patsiyentlarda MIY oqma yaralari (barcha og‘irlik darajalari) 2% patsiyentlarda, o‘smaning boshqa lokalizatsiyasida kamroq kuzatilgan. Bachadon bo‘ynining doimiy davom etuvchi, qaytalanuvchi yoki metastatik rakni davolash uchun bevatsizumab qabul qilgan patsiyentlar qin va MIY ning har qanday bo‘limi orasida oqma yara (me’da-ichak-qin oqma yaralari) hosil bo‘lishining yuqori xavfiga egadirlar. Bachadon bo‘ynining doimiy davom etuvchi, qaytalanuvchi yoki metastatik raki bo‘lgan patsiyentlarda bevatsizumabni qo‘llashni o‘rganishda me’da-ichak-qin oqma yaralarini hosil bo‘lish tez-tezligi 8,3% ni tashkil qilgan, barcha holatlarda avval kichik chanoq a’zolarini nur bilan davolash o‘tkazilgan. Me’da-ichak-qin oqma yaralari bo‘lgan patsiyentlarda shuningdek ichak tutilishi kuzatilishi mumkin va jarroxlik aralashuvi, shuningdek stoma qo‘yish talab etilishi mumkin. Boshqa lokalizatsiyadagi (MIY bo‘limlaridan tashqair) oqma yaralar Patsiyentlar Avegra® preparati bilan davolash vaqtida oqma yaralar rivojlanishining yuqori xavfiga egadirlar. Bevatsizumab bilan davolaganda oqma yaralarni hosil bo‘lishining jiddiy holatlari, shu jumladan o‘lim bilan yakunlangan holatlar qayd etilgan. Bachadon bo‘ynining doimiy davom etuvchi, qaytalanuvchi yoki metastatik raki bo‘lgan patsiyentlarda bevatsizumabni qo‘llashni o‘rganishda nogastrointestinal lokalizatsiyadagi (qin, qovuq yoki ayollar jinsiy yo‘llari) oqma yaralarni hosil bo‘lishi holatlari bevatsizumab qabul qilgan patsiyentlarning 1,8% da kuzatilgan. Tez-tez bo‘lmagan (≥0,1% – <1%) holatlarda boshqa lokalizatsiyali (bronxoplevral, biliar) oqma yaralarni hosil bo‘lish holatlari qayd etilgan. Oqma yaralarni hosil bo‘lishi ko‘pincha bevatsizumab bilan davolashning birinchi 6 oyida kuzatiladi, lekin davolash boshlangandan 1 haftadan keyin ham, 1 yil va undan ko‘proq vaqt o‘tgandan keyin ham yuzaga kelishi mumkin. Traxeo-ezofageal oqma yara yoki 4 og‘irlik darajasidagi har qanday boshqa lokalizatsiyali oqma yaralar yuzaga kelganda Avegra® preparati bilan davolashni bekor qilish kerak. Boshqa lokalizatsiyali oqma yaralari bo‘lgan patsiyentlarda bevatsizumab bilan davolashni davom ettirish haqida cheklangan ma’lumotlar mavjud. MIY ga teshib o‘tmagan ichki oqma yara paydo bo‘lganda Avegra® preparati bilan davolashni bekor qilish masalasini ko‘rib chiqish kerak. Qon ketishi Avegra® preparatini qabul qilayotgan patsiyentlarda qon ketishi, ayniqsa o‘smadan qon ketishi yuzaga kelishi xavfi yuqori. NCI-CTC tasnifi bo‘yicha 3 yoki 4 og‘irlik darajasidagi qon ketishi yuzaga kelganda Avegra® preparatini bekor qilish kerak. Barcha ko‘rsatmalar bo‘yicha bevatsizumab qo‘llanilganda 3-5 og‘irlik darajasidagi qon ketishi paydo bo‘lishi tez-tezligi 0,4%-6,9% ni tashkil qiladi. Ko‘pincha o‘smadan qon ketishi yoki shilliq qavatlar va teri tomonidan katta bo‘lmagan qon ketishlar (masalan burundan qon ketishi) kuzatilgan. Ko‘pincha NCI-CTC tasnifi bo‘yicha 1 og‘irlik darajasidagi burundan qon ketishi kuzatilgan, u 5 minutdan kamroq davom etgan, tibbiyo aralashuvsiz bartaraf bo‘lgan va bevatsizumabni dozalash tartibini o‘zgartirishni talab etmagan. Shilliq qavatlar va teri tomonidan katta bo‘lmagan qon ketishlar tez-tezligi preparatning dozasiga bog‘liq. Milkdan yoki vaginal katta bo‘lmagan qon ketishlar kamroq hollarda kuzatilgan. Ko‘p yoki massiv o‘pkadan qon ketishlar/qon tupurish asosan mayda xujayrali bo‘lmagan o‘pka rakida kuzatilgan. Revmatizmga qarshi/yallig‘lanishga qarshi preparatlarni, antikoagulyantlarni qabul qilish, oldindan nur bilan davolash, ateroskleroz, o‘smani markaziy joylashishi, davolashdan oldin yoki davolash vaqtida kavernani paydo bo‘lishi o‘pkadan qon ketishi/qon tupurish rivojlanishining xavf omillari bo‘lishi mumkin, bunda o‘pkaning yassi xujayrali raki uchun qon ketishini rivojlanishi bilan statistik ishonchli bog‘liqligi aniqlangan. Yaqinda qon ketishi/qon tupurish (2,5 ml dan ko‘proq qon) kuzatilgan patsiyentlar Avegra® preparatini qabul qilmasliklari kerak. Kolorektal raki bo‘lgan patsiyentlarda o‘sma bilan bog‘liq me’da-ichak yo‘llaridan qon ketishi, shu jumladan rektal qon ketishlar va melena kuzatilishi mumkin. Kam hollarda qon ketishlar, shu jumladan bosh miya ichki qon quyilishlari kuzatilgan, ular yuzaga kelgan hollarda Avegra® preparati bilan davolashni bekor qilish kerak. Tug‘ma gemorragik diatez, orttirilgan koagulopatiyasi bo‘lgan yoki tromboemboliya sababli antikoagulyantlarning to‘liq dozasini qabul qilgan patsiyentlarda Avegra® preparatini buyurishdan oldin, bunday patsiyentlarda xavfsizlik profili haqida ma’lumotlar yo‘qligi tufayli, ehtiyotkorlikka rioya qilish kerak. Bevatsizumab va varfarin qabul qilgan patsiyentlarda 3 va undan yuqori og‘irlik darajasidagi qon ketishlar rivojlanishi tez-tezligini oshishi kuzatilmagan. Ko‘rish a’zosi tomonidan buzilishlar Bevatsizumabni qayd etilmagan intravitreal yuborilgandan keyin alohida holatlar, shu jumladan ko‘rish a’zolari tomonidan jiddiy noxush ko‘rinishlarning (shu jumladan infektsion endoftalmit va boshqa yallig‘lanish kasalliklari) bir necha holatlari haqida xabar berilgan. Bu ko‘rinishlarning ayrimlari turli og‘irlik darajasidagi ko‘rish o‘tkirligini pasayishi, shu jumladan turg‘un ko‘rlikka olib kelgan. Avegra® preparati intravitreal yuborish uchun mo‘ljallanmagan. Arterial gipertenziya Bevatsizumabni qo‘llanishni o‘rganishda, EGFR genida mutatsiyalarni faollashuvi bilan kechuvchi o‘pkaning yassi xujayrali bo‘lmagan mayda xujayrali bo‘lmagan rakini birinchi qator davolash sifatida bevatsizumabni erlotinib bilan majmuada qabul qilgan patsiyentlardan tashqari barcha og‘irlik darajasidagi arterial gipertenziyani yuzaga kelish tez-tezligi o‘zgargan (42,1% gacha). NCI-CTC tasnifi bo‘yicha 3-4 og‘irlik darajasidagi arterial gipertenziyani yuzaga kelishining umumiy tez-tezligi 0,4-17,9% ni tashkil qilgan; 4 og‘irlik darajasi (gipertonik kriz) 1% patsiyentlarda kuzatilgan. EGFR genida mutatsiyalarni faollashuvi bilan kechuvchi o‘pkaning yassi xujayrali bo‘lmagan mayda xujayrali bo‘lmagan rakini birinchi qator davolash sifatida bevatsizumabni erlotinib bilan majmuada qabul qilgan patsiyentlarda barcha og‘irlik darajasidagi arterial gipertenziya 77,3% tez-tezlikda; 3 og‘irlik darajasi 60,0% patsiyentlarda kuzatilgan; 5-chi yoki 5-chi og‘irlik darajasidagi arterial gipertenziya kuzatilmagan. Xavfsizlik bo‘yicha klinik ma’lumotlar arterial bosim (AB) oshishi holatlarining tez-tezligi ehtimol bevatsizumabning dozasiga bog‘liqligini taxmin qilish imkonini beradi. Avegra® preparati faqat AB keyinchalik nazoratlangan dastlab arterial gipertenziya kompensatsiyalangan bemorlarga buyurilishi mumkin. Davolashni boshida nazoratlanmagan arterial gipertenziyasi bo‘lgan patsiyentlarda bevatsizumabning ta’siri haqidagi ma’lumot yo‘q. Dori vositalari bilan davolashni talab etuvchi arterial gipertenziyasi bo‘lgan patsiyentlarda AB ni normallashishiga erishilguncha Avegra® preparati bilan davolashni vaqtincha to‘xtatish tavsiya etiladi. Ko‘pgina hollarda AB ni normallashishiga har bemor uchun individual ravishda tanlangan standart antigipertenziv vositalar (angiotenzinga aylantiruvchi ferment (AAF) ingibitorlari, diuretiklar va “sekin” kaltsiy kanallari blokatorlari) yordamida erishiladi. Bevatsizumabni bekor qilish yoki gospitalizatsiya kam hollarda talab etilgan.

Homiladorlikda preparatni qo‘llash mumkin emas. Tug‘ruq yoshidagi ayollar Avegra® preparati bilan davolash vaqtida va davolash to‘xtatilgandan keyin kamida 6 oy davomida kontratseptsiyaning ishonchli usullaridan foydalanishlari kerak. Avegra® preparati bilan davolash vaqtida va Avegra® preparati bilan davolash to‘xtatilgandan keyin kamida 6 oy davomida ko‘krak suti bilan emizish tavsiya etilmaydi.

2°S dan 8°S gacha haroratda, yorug‘likdan himoyalangan joyda. Muzlatilmasin.

Bevatsizumabni har 2 haftada 20 mg/kg maksimal dozada vena ichiga buyurilganda bir nechta patsiyentlarda og‘ir darajadagi bosh og‘rig‘i (migren) kuzatilgan. Doza oshirib yuborilganda yuqorida sanab o‘tilgan dozaga bog‘liq ko‘rinishlar kuchayishi mumkin. Spetsifik antidoti yo‘q. Davolash simptomatik.

Retsept bo‘yicha

Infuziya uchu eritma tayyorlash uchun kontsentrat 100 mg/4 ml va 400 mg/16 ml. 4 yoki 16 ml dan 25 mg/ml kontsentratsiyali preparat alyumin qalpoqchali, rezina tiqin bilan berkitilgan, I gidrolitik sinf rangsiz neytral shisha flakonlarda. Har bir flakonga o‘zi yopishdigan etiketka yopishtiriladi. 1 flakondan (4 yoki 16 ml dan preparat) qo‘llash bo‘yicha yo‘riqnomasi bilan karton qutida.

2 yil.