oqish xira suspenziya. Avaksim 80 TB (bolalar uchun) A gepatiti (GBM shtammi) virionlarining faolsizlantirilgan, odamning diploid hujayralari kulturasida (MRC-5) yetishtirilgan, formaldegid bilan faolsizlantirilgan, kontsentratsiyalangan va so‘ngra alyuminiy gidroksidida adsorbtsiyalangan suspenziyadir.

AVAKSIM 80 TB, pediatrik shakli infektsiyani yuqtirishi yoki tarqalishi bo‘yicha xavf guruhida bo‘lgan 12 oylikdan 15 yoshgacha bo‘lgan bolalarda A gepatiti virusi keltirib chiqargan infektsion kasallikka qarshi faol immunizatsiya uchun ko‘rsatilgan. Ushbu vaktsinani rasmiy tavsiyalarga ko‘ra yuborish kerak.

Birlamchi vaktsinatsiyani vaktsinaning bir martalik dozasini yuborish bilan o‘tkaziladi. Tavsiya etilgan dozasi har bir inyektsiya uchun 0,5 ml ni tashkil etadi. Uzoq muddatli himoyani ta’minlash uchun revaktsinatsiya boshlang‘ich doza yuborilganidan so‘ng 6-36 oydan keyin o‘tkaziladi. Baholash bo‘yicha VHA ga qarashi antitelalar ikkinchi buster dozadan bir necha yil (10 yildan keyin) keyin saqlanadi.

Nojo‘ya samaralar klinik tadqiqotlar va xalqaro marketingdan keyingi tajriba natijalaridan olingan. Nojo‘ya holatlarning tez-tezligi quyidagi mezonlarga muvofiq aniqlanadi: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/10000, <1/1000), juda kam hollarda (<1/10000, jumladan ayrim hisobotlarni ham e’tiborga olgan holda). Vaktsinani klinik tadqiq etish davri davomida, u bilan 12 oylikdan 15 yoshgacha bo‘lgan 3500 ortiq bolalar (taxminan 7000 dozasi yuborilgan) vaktsinatsiya qilingan. Barcha noxush reaktsiyalar o‘rtacha og‘irlikda bo‘lgan, vaktsinatsiyadan so‘ng birinchi kunlarda paydo bo‘lgan va o‘z-o‘zidan o‘tib ketgan. Revaktsinatsiya dozasi yuborilganidan so‘ng noxush reaktsiyalar birinchi doza yuborilgandagiga nisbatan kamroq darajada rivojlangan. Shunga qaramay, barcha farmatsevtik preparatlari kabi vaktsinani keng miqyosda qo‘llanilishida kam uchraydigan noxush samaralari aniqlanishi mumkin. Tez-tez mahalliy reaktsiyalar: yuborilish joyida og‘riq, qizarish, shishish yoki zichlanish;umumiy reaktsiyalar: bosh og‘rig‘i, mushaklar va bo‘g‘imlarda og‘riq, ishtahaning yo‘qolishi, uyqusizlik, jizzakilik, charchoq hisi, tana haroratini oshishi;me’da-ichak buzilishlari (qorinda og‘riq, diareya, ko‘ngil aynishi va qusish). Tez-tez emas – teri reaktsiyalari (toshma, eshakemi).

Har qanday immunizatsiya uchun odatdagi qo‘llash mumkin bo‘lmagan holatlar: bemorda isitma, o‘tkir kasallik yoki surunkali kasallikni zo‘rayishi bo‘lganida emlashni kechiktirish kerak. Preparatning ta’sir etuvchi moddasiga, yordamchi moddalaridan biriga, neomitsinga, yuqori sezuvchanlik yoki ushbu vaktsina ilgari yuborilganida allergik reaktsiyalar kuzatilganida uni qo‘llash mumkin emas. Og‘ir isitma holatida emlashni keyinga qoldirish lozim.

Vaktsinani A gepatitga qarshi immunoglobulinlar bilan bir vaqtda tananing turli sohalarga yuborish mumkin. Bu serokonversiyaning tezligiga ta’sir qilmaydi, ammo antitelalarning pastroq titrlarini ishlab chiqarilishiga olib kelishi mumkin. Ushbu vaktsinani boshqa vaktsinalar bilan bir shpritsda aralashtirish mumkin emas. Vaktsina bir vaqtda (bir kunda) tananing turli sohalariga, kalendar vaktsinalar bilan, bir yoki quyidagi komponentlardan birini saqlovchi: qoqshol, ko‘kyo‘tal (xujayrasiz yoki butun xujayraviy komponent) anatoksinlari, Haemophilus influenza ning b tipi, tirik yoki faolsizlantirilgan poliomiyelit, qizamiqqa qarshi, epidemik parotit va qizilchaga qarshi vaktsinalar bilan birga yuborilishi mumkin. Vaktsina qizamiq, endemik parotit (tepki) va qizilchaga qarshi vaktsina bilan bir vaqtda (bir kunda) tananing turli sohalariga yuborilishi mumkin. Agar birlamchi vaktsinatsiyani o‘tkazish uchun A gepatitiga qarshi boshqa inaktivatsiya qilingan vaktsina qo‘llangan bo‘lsa, vaktsina revaktsinatsiya qiluvchi doza sifatida qo‘llanishi mumkin.

Ushbu vaktsinani qon tomir havzasiga yuborish man etiladi: vaktsinani yuborishdan oldin igna qon tomiriga tushmaganligiga ishonch hosil qilish kerak. Vaktsinani dumba sohasiga yuborish (sababi teri osti yog‘ kletchatkasining qalinligi har xil bo‘lganligi sababli) man etiladi, shuningdek teri ichiga, chunki bu yuborish usullari kuchsizlangan immun javob chaqirishi mumkin. Barcha inyektsion vaktsinalar yuborilganda bo‘lgani kabi, inyektsiya qilingandan so‘ng anafilaktik reaktsiyalar rivojlanishi mumkinligi sababli, tasarrufda tegishli dori vositalarini bo‘lishi tavsiya etilgan. Har qanday emlashdan keyin yoki emlashga qadar inyektsiyaga psixogen javob sifatida, ayniqsa o‘smirlarda, hushdan ketish (hushdan ketish holati) yuz berishi mumkin. Ushbu holat ko‘rishning qisqa vaqt buzilishi, parasteziyalar, qo‘l-oyoqlarda toniko-klonik tirishishlar kabi nevrologik holatlar bilan kechishi mumkin. Hushdan ketish vaqtida shikastlanishlarni oldini olish bo‘yicha choralarni ko‘rish muhimdir. AVAKSIM 80 immuniteti kuchsizlangan patsiyentlarda o‘rganilmagan. Vaktsinani immunogenlik samarasi immunosupressiv davolash oqibatida yoki immun tanqislik holatlarida susayishi mumkin. Bunday hollarda supressiv davolashni tugashini kutib turish tavsiya etiladi va shundan keyin emlanadi yoki infektsiyaga qarshi organizmda shakllanganligiga ishonch hosil qilish uchun antitelalarni hosil bo‘lishi nazorat qilinadi. Shunday bo‘lsada, agar asosiy kasallik hech bo‘lmaganida qisman immun javob reaktsiyasini chaqirish imkonini bersa, surunkali immun tanqisligi, masalan, OITV infektsiyasi bo‘lgan subyektlarni emlash tavsiya etilgan. A gepatitining yashirin davrida vaktsina yuborilganida klinik jihatlari bo‘lmaganda vaktsinatsiya samarasiz bo‘lishi mumkin. A gepatitining inkubatsiya davri davomida AVAKSIM 80 ni ta’siri hujjatlashtirilmagan. Jigar kasalliklari bilan xastalangan patsiyentlarda vaktsinani o‘rganish bo‘yicha tadqiqotlar o‘tkazilmaganligi sababli, bunday patsiyentlarga bu vaktsinani qo‘llash yuzasidan qarorni ehtiyotkorlik bilan qabul qilish kerak.

+2oS dan +8oS gacha bo‘lgan haroratda (sovutgichda) yorug‘likdan himoyalangan joyda saqlansin. Muzlatilmasin. Bolalar ololmaydigan joyda saqlansin.

Dozasini oshirib yuborilishi biron bir noxush samarani ko‘rsatish ehtimoli kam.

Retsept bo‘yicha beriladi

0,5 ml suspenziya oldindan to‘ldirilgan ignali shpritsda (I tur shisha). Bir shpritsdan qo‘llash bo‘yicha yo‘riqnomasi bilan birga yopiq uyali o‘ramda karton qutida.

3 yil. O‘ramida ko‘rsatilgan yaroqlilik muddati tugaganidan so‘ng ishlatilmasin.