oval shaklli, oqdan deyarli oq rangligacha boʼlgan, bir tomonida “Augmentin” yozuvi boʼlgan qobiq bilan qoplangan tabletkalar. Farmakoterapevtik guruhi: beta-laktamaza ingibitori bilan keng taʼsir doirasiga ega penitsillinlar guruhi antibiotiklari; klavulanat kislotasi+amoksitsillin

Penisillinlar (Beta-laktam)

Koʼpchilik antibiotiklarga nisbatan chidamlilik, antibiotik patogen mikrorganizmlarga taʼsir qilishidan oldin, antibiotikni parchalaydigan bakteriya fermentlari tomonidan chaqiriladi. AugmentinTM ning tarkibidagi klavulanat beta-laktamaza fermentlarini bloklab, bu ximoya mexanizmini bartaraf qiladi, shu bilan mikroorganizmlarni organizmda amoksitsillin oson erishadigan kontsentratsiyalarda sezgir qilib qoʼyadi. Klavulanat kuchsiz antibakterial faollikka ega, biroq AugmentinTM ning tarkibidagi amoksitsillin bilan birga umumiy kasalxona va gospital amaliyotida keng qoʼllanadigan keng taʼsir doirali antibiotik vositasini hosil qiladi. Quyida keltirilgan roʼyxatda, mikroorganizmlar AugmentinTM ga nisbatan in vitro sharoitda sezgirligiga qarab boʼlinadi. Mikroorganizmlarning Augmentinga nasbatan in vitro sharoitdagi sezgirligi AugmentinTM ning klinik samaradorligi klinik tadqiqotlarda namoyish qilingan mikroorganimzlar yulduzcha (*) bilan belgilangan. Beta-laktamazalar ishlab chiqarmaydigan mikroorganizmlar krestik (+) bilan belgilangan. Agar alohida mikroorganizm amoksitsillinga sezgir boʼlsa, uni AugmentinTM ga sezgir deb hisoblash mumkin. Koʼpchilik sezgir mikroorganizmlar Grammusbat aeroblar: Bacillus anthracis Enterococcus faecalis Listeria monocytogenes Nocardia asteroids Streptococcus pyogenes*+ Streptococcus agalactiae*+ Streptococcus spp. (boshqa β-gemolitik)*+ Staphylococcus aureus (metitsillinga sezgir)* Staphylococcus saprophyticus (metitsillinga sezgir) Koagulazonegativ stafilokokklar (metitsillinga sezgir) Grammanfiy aeroblar: Bordetella pertussis Haemophilus influenza* Haemophilus parainfluenzae Helicobacter pylori Moraxella catarrhalis* Neisseria gonorrhoeae Pasteurella multocida Vibrio cholera Boshqalar: Borrelia burgdorferi Leptospira ictterohaemorrhagiae Treponema pallidum Grammusbat anaeroblar: Clostridium spp. Peptococcus niger Peptostreptococcus magnus Peptostreptococcus micros Peptostreptococcus spp. Grammanfiy anaeroblar: Bacteroides fragilis Bacteroides spp. Capnocytophaga spp. Eikenella corrodens Fusobacterium nucleatum Fusobacterium spp. Porphyromobas spp. Prevotella spp. Davolaganda orttirilgan chidamlilik boʼlishi mumkin boʼlgan mikroorganizmlar Grammanfiy aeroblar Escherichia coli* Klebsiella oxytoca Klebsiella pneumonia* Klebsiella spp. Proteus mirabilis Proteus vulgaris Proteus spp. Salmonella spp. Shigella spp. Grammusbat aeroblar: Corynebacterium spp. Enterococcus faecium Streptococcus pneumonia*+ Viridans guruh streptokokklari Tabiiy chidamlilikka ega boʼlgan mikroorganizmlar Grammanfiy aeroblar Acinetobacter spp. Citrobacter freundii Enterobacter spp. Hafnia alvei Legionella pneumopnila Morganella morganii Providencia spp. Pseudomonas spp. Serratia spp. Stenotrophomas maltophilia Yersinia enterolitica Boshqalar Chlamydia pneumonia Chlamydia psittaci Chlamydia spp. Caxiella burnetti Mycoplasma spp.

AugmentinTM ning har ikkala komponentlarning farmakokinetikasi solishtirarli darajada yaqin. Qon zardobida har ikkala komponentlarning choʼqqi kontsentratsiyasi peroral qabul qilinganidan soʼng taxminan bir soatdan keyin kuzatiladi. AugmentinTM ovqatlanishni boshida qabul qilinganida eng yaxshi soʼrilishiga erishiladi. AugmentinTM ni dozasi ikki martaga oshirilganida zardobdagi darajasi taxminan ikki marta oshadi. Ikkala komponent: klavulanat va amoksitsillin plazma oqsillari bilan past darajada bogʼlanadi; taxminan 70% qon zardobida erkin holda qoladi. Xavfsizligi boʼyicha klinika oldi maʼlumotlari Qoʼshimcha maʼlumotlar mavjud emas.

AugmentinTM – keng taʼsir doirasiga ega antibiotik boʼlib, odatda umumiy kasalxona va gospital amaliyotida uchraydigan koʼpchilik patogen bakteriyalarga nisbatan faoldir. Klavulanatni beta-laktamazalarga bostiruvchi taʼsiri amoksitsillinning taʼsir doirasini, shu jumladan, boshqa beta-laktam antibiotiklarga chidamli koʼpchilik miroorganizmlarga nisbatan kengaytiradi. AugmentinTM ni antibiotiklarni qoʼllash boʼyicha rasmiy mahalliy tavsiyalar va antibiotiklarga nisbatan sezuvchanlik boʼyicha mahalliy maʼlumotlarga muvofiq qoʼllash kerak. AugmentinTM ning sutkada uch marta qabul qilinadigan peroral shakllari preparatga sezgir quyidagi bakterial infektsiyalarni qisqa muddatli davolash uchun koʼrsatilgan: yuqori nafas yoʼllarining infektsiyalari (shu jumladan LOR infektsiyalari), masalan, tonzillit, sinusit, oʼrta otit; quyi nafas yoʼllarining infektsiyalari, masalan, surunkali bronxitni zoʼrayishi, boʼlakli pnevmoniya va bronxopnevmoniya; siydik-tanosil yoʼllarining infektsiyalari, masalan, sistit, uretrit, pielonefrit. teri va yumshoq toʼqimalarning infektsiyalari, masalan, furunkullar, abstsesslar, sellyulit, jarohat infektsiyalari; suyaklar va boʼgʼimlarning infektsiyalari, masalan, osteomielit; dental infektsiyalar, masalan, dentoalveolyar abstsess; boshqa infektsiyalar, masalan, intraabdominal sepsis. AugmentinTM ga sezuvchanlik geografiya va vaqtga qarab oʼzgarishi mumkin (Farmakologik xususiyatlari, Farmakodinamikasi boʼlimlariga qarang). Qaerda amalga oshirish mumkin boʼlsa, oʼsha yerda antibiotiklarga sezuvchanlik boʼyicha mahalliy maʼlumotlarga eʼtibor berish kerak. Zarurati boʼlganida mikrobiologik namunalarni olish va bakterial sezuvchanlikka tahlil oʼtkazish kerak. Amoksitsillinga sezuvchan mikroorganizmlar chaqirgan infektsiyalarni, preparat amoksitsillin saqlaganligi sababli, AugmentinTM bilan davolash mumkin. Shuningdek amoksitsillinga sezuvchan mikroorganizmlar va β-laktamaza ishlab chiqaradigan AugmentinTM ga sezuvchan, mikroorganizmlar chaqirgan aralash infektsiyalarni ham AugmentinTM bilan davolash mumkin.

Infektsiyalarni davolash uchun odatdagi dozasi Kattalar va 12 yoshdan oshgan bolalar Yengil va oʼrtacha ogʼirlikdagi infektsiyalar – AugmentinTM 375 mg 1 tabletkadan sutkada uch marta. Ogʼir infektsiyalar – AugmentinTM 2 tabletkadan sutkada 3 marta. Zarurati boʼlganida bosqichma-bosqich davolash oʼtkazish mumkin (boshida preparat parenteral yuboriladi keyinchalik peroral qabul qilishga oʼtiladi). 12 yosh va undan kichik bolalar AugmentinTM 375 mg tabletkalari 12 yosh va undan kichik bolalarga tavsiya qilinmaydi. Dental infektsiyalarni (masalan, dentoalveolyar abstsess) davolash uchun dozalar Kattalar va 12 yoshdan oshgan bolalar Tavsiya etiladigan doza – AugmentinTM 375 mg 1 tabletkadan sutkada 3 marta besh kun davomida. Patsientlarning maxsus guruhi Buyrak faoliyati buzilishi boʼlgan patsientlar Kattalar Buyrak faoliyatini yengil darajali buzilishi (>30 ml/min) Dozaga tuzatish kiritish talab qilinmaydi Buyrak faoliyatini oʼrtacha ogʼirlik darajadagi buzilishi (kreatinin klirensi 10-30 ml/min) 375 mg 1 tabletkadan har 12 soatda Buyrak faoliyatini ogʼir buzilishi (kreatinin klirensi <10 ml/min) Har 12 soatda 375 mg 1 tabletkadan koʼp emas Jigar faoliyati buzilishi boʼlgan patsientlar Davolash ehtiyotkorlik bilan oʼtkaziladi; jigar faoliyati muntazam monitoring qilinadi. AugmentinTM 375 mg tabletkalarining har birida 0,63 mmol (25 mg) kaliy saqlanadi. Qoʼllash usuli Optimal darajada soʼrilishi va meʼda-ichak yoʼllari tomonidan kuzatilishi mumkin boʼlgan nojoʼya samaralarini kamaytirish uchun, AugmentinTM ni ovqatlanishni boshida qabul qilish tavsiya etiladi. Klinik vaziyatni qayta koʼrib chiqmasdan davolashni 14 kundan ortiq davom ettirish mumkin emas.

Nojoʼya reaktsiyalarni paydo boʼlishi tez-tezligining tasnifi yirik klinik tadqiqotlarning maʼlumotlariga asoslangan. Barcha boshqa nojoʼya samaralarning uchrash tez-tezligi (yaʼni <1/10000) asosan, postmarketing maʼlumotlarni qoʼllab, koʼproq haqiqiy uchrash tez-tezligiga asoslanib aniqlangan. Uchrash tez-tezligini tasniflash uchun quyidagi toifalar ishlatilgan: juda tez-tez >1/10, tez-tez >1/100 va <1/10, baʼzida >1/1000 va <1/100, kam hollarda >1/10000 va <1/1000, juda kam hollarda <1/10000. Infektsion va parazitar kasalliklar Tez-tez shilliq qavatlar kandidozi Qon va limfatik tizim tomonidan Kam hollarda qaytuvchan leykopeniya (shu jumladan, neytropeniya) va trombotsitopeniya Juda kam hollarda qaytuvchan agranulotsitoz va gemolitik anemiya. Protrombin vaqti va qon ketishi vaqtini uzayishi Immun tizimi tomonidan Juda kam hollarda angionevrotik shish, anafilaktik reaktsiyalar, zardob kasalligiga oʼxshash sindrom, allergik vaskulit Nerv tizimi tomonidan Baʼzida bosh aylanishi, bosh ogʼrigʼi Juda kam hollarda qaytuvchan oʼta yuqori faollik va tirishishlar. Tirishishlar buyrak faoliyati buzilishi boʼlgan patsientlarda yoki preparat yuqori dozalarda qabul qilinganida namoyon boʼlish mumkin. Meʼda-ichak yoʼllari tomonidan Kattalar Juda tez-tez diareya Tez-tez koʼngil aynishi, qusish Bolalar Tez-tez diareya, koʼngil aynishi, qusish Barcha guruh patsientlari Koʼngil aynishi, asosan preparat yuqori dozalarda qabul qilinishi bilan bogʼliq. Meʼda-ichak yoʼllari tomonidan nojoʼya samaralari ehtimolini kamaytirish uchun, AugmentinTM ni ovqatlanishni boshida qabul qilish tavsiya etiladi. Baʼzida ovqat hazm qilishni buzilishi Juda kam hollarda antibiotiklarni qabul qilish bilan bogʼliq boʼlgan kolit (shu jumladan, soxtamembranoz kolit va gemorragik kolit) (Maxsus koʼrsatmalar boʼlimiga qarang). Qora “tukli” til. Bolalarda tish emali yuzasini rangini oʼzgarishi juda kam xollarda kuzatilgan. Ogʼiz boʼshligʼini parvarish qilish tishlarning rangini oʼzgarishini oldini olishga yordam beradi, chunki buning uchun tishlarni tozalash yetarli boʼladi. Jigar va oʼt chiqarish yoʼllari tomonidan Baʼzida Aspargin va/yoki alanin amonotransferaza (AST va ALT) larning darajasini oʼrtacha oshishi, beta-laktam antibiotiklarini qabul qilgan patsientlarda kuzatilgan, biroq ushbu koʼrinishlarni klinik ahamiyati nomaʼlum. Juda kam hollarda gepatit va xolestatik sariqlik. Bu reaktsiyalar boshqa penitsillinlar va sefalosporinlar bilan yondosh davolashda kuzatilgan. Jigar tomonidan kuzatiladigan nojoʼya samaralari asosan erkaklar va keksa yoshdagi patsientlarda rivojlanadi va uzoq muddat davolash bilan bogʼliq boʼlishi mumkin. Bolalarda jigar tomonidan nojoʼya samaralar juda kam xollarda paydo boʼladi. Simptomlar odatda davolash vaqtida yoki davolash tugaganidan soʼng darhol rivojlanadi, ammo baʼzi patsientlarda ular davolash tugaganidan soʼng bir necha haftadan keyin ham rivojlanadi. Jigar tomonidan kuzatiladigan nojoʼya samaralari odatda qaytuvchan hisoblanadi. Jigar tomonidan nojoʼya samaralar yetarli darajada ogʼir boʼlishi mumkin, xatto oʼlim bilan tugaganligi haqida juda kam xollarda xabar berilgan. Bunday reaktsiyalar deyarli har doim jiddiy kasalliklari boʼlgan patsientlarda yoki jigar tomonidan nojoʼya samaralari boʼlishi mumkin boʼlgan yondosh preparatlarni qabul qilganlarda kuzatilishi mumkin. Teri va teri osti yogʼ qavati tomonidan Baʼzida teri toshmasi, qichishish, eshakemi. Kam hollarda koʼp shaklli eritema Juda kam hollarda Stivens-Djonson sindromi, toksik epidermal nekroliz, bullyoz eksfoliativ dermatit, oʼtkir tarqoq ekzantematoz pustullyoz. Har qanday yuqori sezuvchanlik simptomlari rivojlanganida AugmentinTM bilan davolashni toʼxtatish kerak. Buyraklar va siydik chiqarish tizimi tomonidan Juda kam hollarda interstitsial nefrit, kristalluriya (Dozani oshirib yuborilishi boʼlimiga qarang).

AugmentinTM preparatini quyidagilarda qoʼllash mumkin emas: anamnezida beta-laktam antibiotiklariga, masalan, penitsillinlar, sefalosporinlarga oʼta yuqori sezuvchanligi boʼlgan patsientlarda; anamnezda amoksitsillin va klavulanat kislotasini majmuada qoʼllanilganda sariqlik/jigar faoliyatini buzilishi holatlari kuzatilgan patsientlarda.

AugmentinTM ni probenetsid bilan bir vaqtda qoʼllash tavsiya qilinmaydi. Probenetsid amoksitsillinning naychalar orqali sekretsiyasini pasaytiradi, va shuning uchun AugmentinTM va probenetsidni birga qoʼllash, amoksitsillinning qondagi darajasini oshishiga va persisteniyasiga olib kelishi mumkn, lekin klavulan kislotasini emas. Allopurinol va amoksitsillin bir vaqtda qoʼllanganida teri allergik reaktsiyalarining rivojlanishini xavfi oshishi mumkin. Hozirgi vaqtda AugmentinTM va allopurinolni bir vaqtda qoʼllash boʼyicha maʼlumotlar yoʼq. Boshqa antibiotiklar kabi, AugmentinTM ichak mikroflorasiga taʼsir koʼrsatishi mumkin, bu estrogenlarning qayta soʼrilishini pasayishiga va muvofiq majmuaviy peroral kontratseptivlarning samaradorligini pasayishiga olib kelishi mumkin. Adabiyotda atsenokumarol yoki varfarin va amoksitsillinni buyurilgan kursini qabul qilayotgan patsientlarda xalqaro meʼyorlashgan nisbatni (XMN) oshishini kam hollari taʼriflangan. Shuning uchun AugmentinTM va antikoagulyantlar bir vaqtda qoʼllanganida, AugmentinTM ni qoʼshish yoki bekor qilish bilan XMN va protrombin vaqtini muvofiq monitoringini oʼtkazish kerak. Mikofenolat mofetilni qabul qilayotgan patsientlarda amoksitsillin va klavulanat kislotasini peroral qabul qilish boshlanganidan keyin navbatdagi dozani qabul qilguncha faol metabolit mikofenol kislotasining kontsentratsiyasini taxminan 50% ga kamayishi kuzatilgan. Navbatdagi dozani qabul qilguncha preparat kontsentratsiyasi darajasini oʼlchash mikofenol kislotasining umumiy ekspozitsiyasidagi oʼzgarishlarni toʼliq aks ettirmasligi mumkin. Nomutanosibligi Nomaʼlum.

AugmentinTM bilan davolashni boshlashdan oldin penitsillinlar, sefalosporinlar va boshqa allergenlarga nisbatan ilgari kuzatilgan yuqori sezuvchanlik reaktsiyalari boʼyicha batafsil anamnez yigʼish kerak. Penitsillinlarga nisbatan jiddiy, baʼzida esa oʼlim bilan tugagan yuqori sezuvchanlik reaktsiyalari (anafilaktik reaktsiyalar) taʼriflangan (Qoʼllash mumkin boʼlmagan holatlar boʼlimiga qarang). Infektsion mononukleozga gumon qilingan holda, AugmentinTM ni qoʼllash mumkin emas, chunki u bilan kasallangan patsientlarda amoksitsillin qizamiqsimon teri toshmalarini chaqirishi mumkin, bu kasallikka tashxis qoʼyishni qiyinlashtiradi. AugmentinTM bilan uzoq muddat davolash baʼzida sezgir boʼlmagan mikroorganizmlarning haddan tashqari oʼsishiga olib keladi. Antibiotiklarni qoʼllaganda ham yengil, ham hayot uchun xavf soluvchi darajadagi soxta membranoz kolit rivojlangan xolatlar haqida xabar berilgan. Antibiotik qoʼllanilayotgan vaqtda va u qoʼllanilgandan keyin patsientlarda diareya rivojlangan xollarga eʼtibor berish kerak. Agar diareya uzoq davom etsa yoki ahamiyatli boʼlsa yoki patsient qorinda sanchiq his qilsa, davolashni darhol toʼxtatish kerak, patsientni esa tekshirish kerak. AugmentinTM qabul qilayotgan patsientlarda, kam hollarda protrombin vaqtini oshishi (INR oshishi) kuzatiladi, shuning uchun Augmentin va antikoagulyantlar bir vaqtda qoʼllanganida tegishli monitoring oʼtkazish kerak. Kerakli antikoagulyatsiya darajasiga erishish uchun peroral qabul qilinadigan antikoagulyantlarning dozasiga tuzatish kiritish talab qilinishi mumkin. AugmentinTM qabul qilgan baʼzi patsientlarda jigar faoliyatini aniqlash boʼyicha oʼtkaziladigan sinamalarning natijalarida oʼzgarishlar kuzatilgan. Bu oʼzgarishlarning klinik ahamiyati nomaʼlum, ammo AugmentinTM ni jigar faoliyati buzilishi boʼlgan patsientlarda ehtiyotkorlik bilan qoʼllash, jigar faoliyatini muntazam monitoring qilish kerak. Xolestatik sariqlik, u jiddiy,biroq odatda qaytuvchan boʼlishi mumkin, paydo boʼlishi haqida kam xollarda xabar berilgan. Simptomlari odatda davolash toʼxtatilganidan soʼng olti hafta davomida oʼtib ketadi. Buyrak yetishmovchiligi boʼlgan patsientlarda AugmentinTM ning dozasiga “Qoʼllash usuli va dozalari” boʼlimida keltirilgan tavsiyalar asosida tuzatish kiritish kerak. Diurezi pasaygan patsientlarda juda kam hollarda kristalluriya, asosan, parenteral davolashda rivojlanishi mumkin. Amoksitsillinning yuqori dozalari yuborilgan vaqtda amoksitsillinning kristallarini hosil boʼlish ehtimolini kamaytirishi uchun, yetarli miqdorda suyuqlik ichish va adekvat diurezni tutib turish tavsiya qilinadi (Dozani oshirib yuborilishi boʼlimiga qarang”).

Hayvonlarning (sichqonlar va kalamushlar) reproduktiv faoliyatini AugmentinTM ni qabul qilish bilan oʼtkazilgan tadqiqotlarida, bu preparatni peroral va parenteral yuborish teratogen samaralarni chaqirmagan. Embrional membranani muddatidan oldin yorilishi (rPROM) boʼlgan ayollarda oʼtkazilgan yagona tadqiqotda, AugmentinTM bilan profilaktik davolash yangi tugʼilgan chaqaloqlarda nekrozlovchi enterokolit xavfini oshishi bilan bogʼliq boʼlishi mumkinligi aniqlangan. Boshqa dori preparatlari kabi AugmentinTM ni homiladorlik vaqtida qabul qilish tavsiya etilmaydi. Uni qoʼllashning zarurati davolovchi shifokor tomonidan baholanishi kerak. Laktatsiya davrida AugmentinTM ni qoʼllash mumkin. Koʼkrak suti bilan AugmentinTM ning faol komponentlarini juda oz miqdorda chiqarilishi bilan bogʼliq boʼlgan yuqori sezuvchanlik xavfidan tashqari, emizikli bolaga biron-bir zararli taʼsiri aniqlanmagan.

Mexanizmlarni boshqarish va/yoki ishlash qobiliyatiga salbiy taʼsiri kuzatilmagan.

25ºS dan yuqori boʼlmagan haroratda saqlansin. Quruq joyda, namlikdan himoyalovchi yopiq original oʼramida saqlansin. Namlikdan himoyalovchi paket ochilgandan keyin 30 kun davomida qoʼllanilsin.

Meʼda-ichak buzilishlari va suv-elektrolit muvozanatini buzilishi rivojlanishi mumkin. Baʼzi hollarda buyrak yetishmovchiligining rivojlanishiga olib keluvchi amoksitsillinli kristalluriya taʼriflangan (Maxsus koʼrsatmalar boʼlimiga qarang). AugmentinTM qondan gemodializ yordamida chiqariladi

GlaxoSmithKline plc, Velikobritaniya

Retsept boʼyicha.

Qobiq bilan qoplangan tabletkalar, 250 mg/125 mg, 20 dona 10 tabletkadan PVX/PVDX laminat va alyumin folgali kontur uyali oʼramda (blister). 1 blisterdan (1x10) namyutgichli paketcha bilan alyumin folgali laminatsiyalan paketlarda (namlikdan himoyalovchi paket). 2 namlikdan himoyalovchi paketdan qoʼllash boʼyicha yoʼriqnomasi bilan karton qutida.

36 oy.