30 mg li tabletkalar: dumaloq, biroz ikki yoqlama qavariq, chetlari kesilgan, oq yoki deyarli oq rangli plyonka qobiq bilan qoplangan tabletkalar. 60 mg li tabletkalar: oval, ikki yoqlama qavariq, oq yoki deyarli oq rangli plyonka qobiq bilan qoplangan tabletkalar. 80 mg li tabletkalar: kapsulasimon, ikki yoqlama qabariq, oq yoki deyarli oq rangli plyonka qobiq bilan qoplangan tabletkalar.

gipolipidemik vosita – GMK-KoA-reduktaza ingibitori.

S10AA05.

Birlamchi giperxolesterinemiya (geterozigot oilaviy va nooilaviy giperxolesterinemiya (Fredrikson bo‘yicha II tur).Majmuaviy (aralash) giperlipidemiya (Fredrikson bo‘yicha IIa va IIb turlari).Disbetalipoproteinemiya (Fredrikson bo‘yicha II1 tur) (parxezga qo‘shimcha sifatida),Parxezga rezistent bo‘lgan oilaviy endogen gipertriglitseridemiya (Fredrikson bo‘yicha IV tur).Parxez bilan davolash va davolashning boshqa nofarmakologik usullarining samaradorligi yetarli bo‘lmagandagi gomozigot oilaviy giperxolesterinemiyada qo‘llaniladi.Yurak-qon tomir kasalliklarini oldini olish:yurak ishemik kasalligining (YUIK) klinik belgilari bo‘lmagan, lekin uning rivojlanishining bir necha omillariga: 55 yoshdan oshganlar, nikotinga qaramlik, arterial gipertenziya, qandli diabet, qon plazmasida Xs-YUZLP kontsentratsiyaini pastligi, genetik, shu jumladan dislipidemiya fonidagi moyillikka ega bo‘lgan patsiyentlarda yurak-qon tomir asoratlarni birlamchi oldini olish;o‘lim ko‘rsatkichi miokard infarkti, insult, stenokardiya bo‘yicha takroriy gospitalizatsiyaning umumiy ko‘rsatkichini va revaskulyarizatsiya zaruratini pasaytirish maqsadida YUIK bo‘lgan patsiyentlarda yurak-qon tomir asoratlarning ikkilamchi profilaktikasi uchun qo‘llaniladi.

Atoris® preparatini qo‘llashni boshlashgacha patsiyent qon plazmasida lipidlar kontsentratsiyasining pasayishini ta’minlovchi parxezga o‘tkazilgan bo‘lishi, unga preparat bilan butun davolash davri davomida rioya qilishi kerak. Davolashni boshlashdan oldin semizlik bilan xastalangan patsiyentlarda jismoniy mashqlar va tana vaznini pasaytirish, shuningdek asosiy kasallikni davolash yordamida giperxolesterinemiyaning nazoratiga erishishga urinib ko‘rish kerak. Preparat ichga, ovqat qabul qilishdan qat’iy nazar qabul qilinadi. Preparatning dozasi qon plazmasida PZLP-Xs ning dastlabki kontsentratsiyasi davolashning maqsadi va shaxsiy terapevtik samaraga qarab, sutkada 1 marta 10 mg dan 80 mg gacha o‘zgarib turadi. Atoris® preparatini bir marta sutkaning har qanday vaqtida qabul qilish mumkin, lekin har kuni bir vaqtda qabul qilish kerak. Terapevtik samara davolashning 2 haftasidan keyin aniqlanadi, maksimal samara 4 haftadan keyin rivojlanadi. Shuning uchun dozani preparatning oldingi dozasini qo‘llash boshlanganidan keyin 4 hafta o‘tmasdan oldin o‘zgartirish kerak emas. Davolashni boshlanishida va/yoki dozani oshirish vaqtida har 2-4 haftada qon plazmasida lipidlar kontsentratsiyasini nazorat qilish va tegishli tarzda dozaga tuzatish kiritish kerak. Birlamchi (geterozigot nasliy va poligen) giperxolesterinemiya (II a turi) va aralash giperlipidemiya (II b turi). Davolash tavsiya etilgan 10 mg dozadan boshlanadi, u patsiyentning reaktsiyasiga qarab 4 haftadan keyin oshiriladi. Maksimal sutkalik doza 80 mg ni tashkil qiladi. Gomozigot nasliy giperxolesterinemiya Dozalar diapazoni, giperlipidemiyaning boshqa turlaridagi bilan bir xil. Boshlang‘ich doza kasallikning yaqqolligiga qarab, shaxsiy ravishda tanlanadi. Gomozigotli nasliy giperxolesterinemiyasi bo‘lgan ko‘pchilik patsiyentlarda optimal samara preparat 80 mg sutkalik dozada (bir marta) qo‘llanganida kuzatiladi. Atoris® preparati davolashning boshqa usullariga (plazmafarez) yordamchi davolash sifatida yoki boshqa usullar yordamida davolash mumkin bo‘lmasa, asosiy davolash sifatida qo‘llanadi. Keksa yoshli patsiyentlarda va buyrak kasalliklari bo‘lgan patsiyentlarda Atoris® preparatining dozasini o‘zgartirish mumkin emas. Buyrak faoliyatini buzilishi atorvastatinning kontsentratsiyasiga yoki atorvastatin qo‘llangandagi qon plazmasidagi PZLP-Xs kontsentratsiyasining pasayish darajasiga ta’sir ko‘rsatmaydi, shuning uchun preparatning dozasini o‘zgartirish talab etilmaydi. Jigar faoliyatini buzilishlari bo‘lgan patsiyentlarda ehtiyotkorlik kerak (preparatni organizmdan chiqarilishini sekinlashishi tufayli). Bunday vaziyatda klinik va laboratoriya ko‘rsatkichlarini (qon plazmasidagi aspartataminotransferaza [ACT] va alaninaminotransferaza [AST] faolligini muntazam nazorati) sinchiklab nazorat qilish kerak. “Jigar” transaminazalari faolligini ahamiyatli oshishida Atoris® preparatining dozasi kamaytirilishi yoki davolash to‘xtatilishi kerak. Boshqa dori vositalari bilan majmuada qo‘llanishi Tsiklosporin bilan bir vaqtda qo‘llash zarurati bo‘lganida, Atoris® preparatining sutkalik dozasi 10 mg dan oshmasligi kerak.

Jahon sog‘liqni saqlash tashkilotining (JSST) nojo‘ya samaralar rivojlanishi tez-tezligining tasnifi: juda tez-tez                          ≥1/10 tez-tez                                    ≥1/100 dan <1/10 gacha tez-tez emas                           ≥1/1000 dan <1/100 gacha kam hollarda                        ≥1/10000 dan <1/1000 gacha juda kam hollarda               <1/10000 dan tez-tezligi noma’lum          bor bo‘lgan ma’lumotlar asosida baholash mumkin emas. Nerv tizimi tomonidan: tez-tez: bosh og‘rig‘i, uyquni buzilishi, shu jumladan uyqusizlik va “dahshatli” tush ko‘rishlar, bosh aylanishi, paresteziya, astenik sindrom; tez-tez emas: periferik neyropatiya, gipesteziya, xotirani yo‘qolishi yoki pasayishi. Sezgi a’zolari tomonidan: tez-tez emas: quloqlarni shang‘illashi; kam hollarda: nazofaringit, burundan qon ketishi. Qon yaratish a’zolari tomonidan: tez-tez emas: trombotsitopeniya. Nafas tizimi tomonidan: tez-tez: ko‘krakda og‘riq. Ovqat hazm qilish tizimi tomonidan: tez-tez: qabziyat, dispepsiya, ko‘ngil aynishi, diareya, meteorizm (qorinni dam bo‘lishi), qorinda og‘riq; tez-tez emas: anoreksiya, ta’m sezishni buzilishi, qusish, pankreatit; kam: gepatit, xolestatik sariqlik. Tayanch-harakat apparati tomonidan: tez-tez: mialgiya, artralgiya, belda og‘riq, bo‘g‘imlarni shishi; tez-tez emas: miopatiya, mushaklarni tirishishlari; kam hollarda: miozit, rabdomioliz, tendopatiya (ayrim hollarda paylarni uzilishi bilan); juda kam hollarda: immunitetga bog‘liq nekrozlovchi miopatiya holatlari. Siydik jinsiy tizimi tomonidan: tez-tez emas: seksual disfunktsiya; ikkilamchi buyrak yetishmovchiligi. Teri qoplamalari tomonidan: tez-tez: teri toshmasi, terini qichishishi;

Preparatning komponentlaridan birontasiga yuqori sezuvchanlik.Faol bosqichdagi jigar kasalliklari (shu jumladan faol surunkali gepatit, surunkali alkogolli gepatit).Har qanday etiologiyali jigar tsirrozi.Noma’lum etiologiyali “jigar” transaminazalari faolligini normaning yuqori chegarasiga nisbatan 3 martadan ortiqqa oshishi.Skelet mushaklarining kasalliklari.Homiladorlik va emizish davri.18 yoshgacha bo‘lgan patsiyentlar (qo‘llash samaradorligi va xavfsizligi aniqlanmagan).Laktaza tanqisligi, laktozani o‘zlashtiraolmaslik, glyukoza-galaktozaning kam so‘rilish sindromida qo‘llash mumkin emas.

Atorvastatinni tsiklosporin, antibiotiklar (eritromitsin, klaritromitsin, xinupristin/dalfopristin), OITV-proteaza ingibitorlari (indinavir, ritonavir), zamburug‘larga qarshi vositalar (flukonazol, itrakonazol, ketokonazol) yoki nefazodon bilan bir vaqtda qo‘llash, qon plazmasida atorvastatinning kontsentratsiyasini oshishiga olib kelishi mumkin, bu rabdomioliz bilan miopatiya va buyrak yetishmovchiligi xavfini oshiradi. Shuningdek Eritromitsin bilan bir vaqtda qo‘llash atorvastatinning TSmax ni 40% ga uzaytiradi. Barcha bu preparatlar atorvastatinning jigardagi metabolizmida ishtirok etuvchi CYP3A4 izofekrmentini ingibitsiya qiladi. Atorvastatin fibratlar va nikotin kislotasining lipidlarni pasaytiruvchi dozalari (sutkada 1 g dan ko‘proq) bilan bir vaqtda qo‘llanganida ham o‘xshash o‘zaro ta’sir kuzatilishi mumkin. 40 mg dozada atorvastatinni 240 mg doza diltiazem bilan bir vaqtda qo‘llash, qon plazmasida atorvastatinning kontsentratsiyasini oshishiga olib keladi. Atorvastatinni CYP3A4 izofermentining induktorlari bo‘lgan fenitoin, rifampitsin bilan bir vaqtda qo‘llash atorvastatinning samaradorligini kamayishiga olib kelishi mumkin. Atorvastatin CYP3A4 izofermenti tomonidan metabolizmga uchrashi tufayli, atorvastatinni CYP3A4 izofermentining ingibitorlari bilan bir vaqtda qo‘llash, qon plazmasida atorvastatinning kontsentratsiyasini oshishiga olib kelishi mumkin. Transport oqsili OATR1V1 ingibitorlari (masalan, tsiklosporin) atorvastatinning biokiraolishligini oshirishi mumkin. Antatsidlar (magniy gidroksida va alyuminiy gidroksidi suspenziyasi) bilan bir vaqtda qo‘llanganda, qon plazmasida atorvastatinning kontsentratsiyasi pasayadi. Atorvastatin kolestipol bilan bir vaqtda qo‘llanganida, qon plazmasida atorvastatinning kontsentratsiyasi 25% ga pasayadi, lekin majmuaning terapevtik samarasi, bir atorvastatinning o‘ziga qaraganda yuqori. Atorvastatinni endogen steroid gormonlar kontsentratsiyasini pasaytiruvchi dori vositalari (shu jumladan tsimetidin, ketokonazol, spirinolakton) bilan bir vaqtda qo‘llash, endogen steroid gormonlarning pasayish xavfini oshiradi (ehtiyotkorlikka rioya qilish kerak). Bir vaqtda 80 mg atorvastatin va digoksin qabul qilayotgan patsiyentlarda, qon plazmasida digoksinning kontsentratsiyasi taxminan 20% ga oshadi, shuning uchun bunday patsiyentlar kuzatuv ostida bo‘lishlari kerak. Atorvastatinni ichga qabul qilish uchun kontratseptivlar (noretisteron va etinilestradiol) bilan bir vaqtda qo‘llanganida, kontratseptivlarni so‘rilishi oshishi va qon plazmasida ularning kontsentratsiyasi oshishi mumkin. Atorvastatin qabul qilayotgan ayollarda kontratseptivlarni tanlishni nazorat qilish kerak. Atorvastatinni varfarin bilan bir vaqtda qo‘llash, birinchi kunlari varfarinning qon ivishining ko‘rsatkichlariga ta’sirini oshirishi mumkin (protrombin vaqtini kamayishi). Bu samara ko‘rsatilgan preparatlar 15 kun bir vaqtda qo‘llanganidan keyin yo‘qoladi. Atorvastatin va terfenadin bir vaqtda qo‘llanganida, terfenadinning farmakokinetikasini klinik ahamiyatli o‘zgarishlari aniqlanmagan. Atorvastatin fenazonning farmakokinetikasiga ta’sir qilmaydi. Proteaza ingibitorlari bilan bir vaqtda qo‘llash, qon plazmasida atorvastatinning kontsentratsiyasini oshishiga olib keladi. Atorvastatin 80 mg dozada va amlodipin 10 mg dozada bir vaqtda qo‘llanganida, muvozanat holatida atorvastatinning farmakokinetikasi o‘zgarmagan. Atorvastatin va fuzidat kislotasini qabul qilayotgan patsiyentlarda rabdomioliz rivojlanishi hollari aniqlangan. Yondosh davolash Atorvastatin gipotenziv vositalar va estrogenlar bilan o‘rinbosar davolash doirasida qo‘llanganida, klinik ahamiyatli noxush o‘zaro ta’sirlarning belgilari aniqlanmagan. Atoris® preparatini qo‘llash davrida greypfrut sharbatini iste’mol qilish, qon plazmasida atorvastatinning kontsentratsiyasini oshishiga olib kelishi mumkin. Shuning uchun Atoris® preparatini qabul qilayotgan patsiyentlar, kuniga 1,2 l dan ortiq greypfrut sharbatini iate’mol qilishdan saqlanishlari kerak.

Atoris® preparati bilan davolashni boshlashdan oldin patsiyentga standart gipoxolesterinemik parxezni buyurish, u butun davolash davri davomida unga rioya qilishi kerak. Jigar faoliyatini nazorat qilish kerak. Atoris® preparati bilan davolash davrida, qon plazmasida “jigar” fermentlarining faolligini oshishi kuzatilishi mumkin. Bu oshish, odatda, katta emas va klinik axamiyatsiz. Lekin davolashni boshlashdan oldin, 6 hafta, 12 hafta o‘tgach va Atoris® preparatining dozasi oshirilganda, qon plazmasida “jigar” fermentlarining faolligini nazorat qilish tavsiya etiladi. Agar AST va/yoki ALT faolligini normaning yuqori chegarasiga nisbatan uch marta oshishi aniqlansa, Atoris® preparati bilan davolash to‘xtatilishi kerak. Qon plazmasida aminotransferazalar faolligini oshishi preparatning dozasiga bog‘liq va barcha patsiyentlarda qaytuvchan bo‘ladi. Atoris® preparatini alkogolni suiste’mol qiluvchi patsiyentlarda va anamnezida jigar kasalliklari bo‘lgan patsiyentlarda ehtiyotkorlik bilan qo‘llash kerak. Atoris® preparatini qo‘llash fonida mialgiya kuzatilishi mumkin. Miopatiya tashxisini (qon plazmasida KFK faolligini oshishi bilan mushaklarda og‘riq yoki mushak kuchsizligi) diffuz mialgiyasi, mushaklarning og‘riqliligi yoki kuchsizligi va/yoki qon plazmasida KFK faolligini yaqqol oshishi bo‘lgan patsiyentlarda ehtimoli bor. Boshqa statinlarni qo‘llashda bo‘lgani kabi, Atoris® preparati qo‘llanganida, kam, lekin mioglobinuriya bilan bog‘liq bo‘lgan o‘tkir buyrak yetishmovchiligi bilan kechuvchi rabdomioliz rivojlanishi mumkin. Bu asoratning xavfi Atoris® preparati quyidagi dori preparatlari bilan bir vaqtda qo‘llanganida oshadi: fibratlar, lipidlarni pasaytiruvchi dozalarda (sutkada 1 g dan ko‘proq) nikotin kislotasi, tsiklosporin (Atoris® preparatining sutkalik dozasi 10 mg dan oshmasligi kerak), nefazadon, ayrim antibiotiklar, “azollar” guruhiga mansub zamburug‘larga qarshi vositalar, OITV-proteazalari ingibitorlari. Miopatiya simptomlari paydo bo‘lganda yoki buyrak yetishmovchiligi rivojlanishi xavf omillari bo‘lganda, zardobda KFK faolligini aniqlash tavsiya etiladi. Agar KFK faolligi normaning yuqori chegarasidan 10 martadan ko‘proq yuqori bo‘lsa, davolashni to‘xtatish kerak. To‘sh ortidagi og‘riqlarni differentsial tashxisida, Atoris® preparati qo‘llanganda zardobda KFK faolligini oshishi mumkinligini hisobga olish kerak. Mushaklarda og‘riqlar yoki kuchsizlikni aniqlash maqsadida, ayniqsa davolashning birinchi uch oyi davomida va yuqorida sanab o‘tilgan vositalardan birontasining dozasini oshirish davrida, patsiyentlarni muntazam kuzatish kerak.

Atoris® preparatini homiladorlik va emizish davrida qo‘llash mumkin emas. Hayvonlardagi tadqiqotlarning natijalari, homila uchun xavf, ona uchun mumkin bo‘lgan har qanday foydadan ustun bo‘lishi mumkinligidan dalolat beradi. Kontratseptsiyaning ishonchli usullarini ishlatmaydigan reproduktiv yoshdagi ayollarda Atoris® preparatini qo‘llash tavsiya etilmaydi. Homiladorlikni rejalashtirishda Atoris® preparatini qo‘llashni, hech bo‘lmaganda rejalashtirilgan homiladorlikdan 1 oy oldin to‘xtatish kerak. Atorvastatinni ko‘krak suti bilan chiqarilishi xaqida ma’lumotlar yo‘q. Lekin ayrim turdagi hayvonlarda laktatsiya davrida atorvastatinning qon zardobi va sutdagi kontsentratsiyasi o‘xshash bo‘lgan. Atoris® preparatini emizish davrida qo‘llash zarurati tug‘ilganida, emizikli bolalarda noxush ko‘rinishlar rivojlanishi xavfidan saqlanish uchun, emizishni to‘xtatish kerak.

Quruq joyda, 30oS dan yuqori bo‘lmagan haroratda saqlansin.

Spetsifik antidoti yo‘q. Doza oshirib yuborilgan hollarda kerakli simptomatik va tutib turuvchi davolash o‘tkaziladi. Jigar faoliyatini va qon zardobida KFK faolligini nazorat qilish kerak. Gemodializ samarasiz.

Retsept bo‘yicha beriladi

Plyonka qobiq bilan qoplangan tabletkalar, 30 mg, 60 mg va 80 mg. 10 tabletkadan OPA/Al/PVX majmuaviy materialdan blisterda – alyumin folga  (OPA/Al/PVC-aluminium foil). 3, 6 yoki 9 blister qo‘llash bo‘yicha yo‘riqnomasi bilan birga karton qutiga joylanadi.

2 yil.