och-to‘q sariq rangli, bir tekis dog‘li, dumaloq, ikki tomoni qavariq tabletkalar.

askorbin kislotasi boshqa dori preparatlari bilan majmuada.

A11GB

Askorbin kislotasi ingichka ichakda faol so‘riladi. Ichga qabul qilinganidan keyin 4 soat o‘tgach plazmada maksimal kontsentratsiyasiga erishiladi. Organizmda zahira darajasi taxminan 1,5 g ni tashkil etadi. Taxminan 25% plazma proteinlari bilan bog‘lanadi. Metabolizmga uchramagan askorbat va metabolitlar buyraklar, ichak, shuningdek ter va ko‘krak suti orqali chiqariladi. Me’da-ichak yo‘llari kasalliklarida (gastrit, yara, qabziyat, ich ketishi, gijja invaziyasi, lyambliozda), yangi tayyorlangan meva va sabzavot sharbatlari iste’mol qilinganida, ishqorli suv ichilganida S vitaminining so‘rilishi buzilishi mumkin. Plazmada preparat kontsentratsiyasi 1,4 mg/100 ml dan ortiq oshganida uning chiqarilishi ortadi. Preparatning so‘rilishi yangi tayyorlangan meva va sabzavot sharbatlari iste’mol qilinganida, ishqorli suv ichilganida kamayadi. Chekish va etil spirtini suiste’mol qilish organizmda askorbin kislotasi zaxiralarini keskin kamaytirgani holda uning parchalanishini jadallashtiradi. Rux ichakdan so‘riladi, to‘qimalarda taqsimlanadi va qator fermentlar va biologik faol moddalar tarkibiga kiradi. Organizmdan chiqarilgan ruxning 90% axlat bilan, 2–10% siydik bilan chiqariladi. Kaltsiy preparatlari va kaltsiyga boy ratsion rux o‘zlashtirilishini deyarli 50% pasaytirishga qodir, kofein va alkogol esa uni jadal ravishda organizmdan chiqaradi.

Askotsin® shamollash, infektsiya va immun tanqisligi kasalliklariga moyillik bo‘lganida, S vitaminining gipo- va avitaminozida, qon ketishlarida (bachadon, o‘pka, burundan qon ketishlarida, nur kasalligida), jigar kasalliklarida (A gepatiti, surunkali gepatit, tsirrozda), homiladorlar nefropatiyasida, Addison kasalligida, antikoagulyantlar dozasi oshirib yuborilganida, suyak sinishlarida va uzoq muddat bitmaydigan yaralarda, distrofiyada buyuriladi. Askotsin® immunitet pasayishi, biriktiruvchi to‘qimalar shikastlanishi, uglevod, yog‘ almashinuvi buzilishlari, ichki sekretsiya bezlari faoliyati buzilishlari, qon tomirlarining yuqori o‘tkazuvchanligi va mo‘rtligi bilan kechadigan kasalliklarni kompleks davolashda, shuningdek prostata bezining gipofunktsiyasida qo‘llanilishi mumkin. Preparat ateroskleroz, bronxial astma, biriktiruvchi to‘qimalar kasalliklarida (revmatoid artrit, tizimli qizil yugurik, sklerodermiyada) buyurilishi mumkin.

Askotsin® ovqatdan keyin qabul qilinadi; tabletkani chaynaladi va ko‘p bo‘lmagan miqdordagi suv bilan ichiladi. Kattalarga bir kunda 1 marta 1 tadan tabletka buyuriladi. Yaqqol ifodalangan avitaminozda va infektsiya kasalliklarini davolashda qisqa muddatda (5-7 sutka davomida) bir kunda 2 marta 1 tadan tabletka qabul qilinishi mumkin. Davolash muddati kasallik tabiati va kechishiga bog‘liq. Bolalar Askotsin® bolalarga buyurilmaydi.

Preparat odatda, yaxshi o‘zlashtiriladi. Yuqori dozalarda uzoq vaqt qo‘llanilganida quyidagi nojo‘ya reaktsiyalar bo‘lishi mumkin. Ovqat hazm qilish yo‘llari tomonidan: ko‘ngil aynishi, qusish, jig‘ildon qaynashi, ich ketishi. MNT tomonidan: markaziy nerv tizimi qo‘zg‘aluvchanligining oshishi, bosh og‘rig‘i. Siydik chiqarish tizimi tomonidan: konkrementlarning hosil bo‘lishi. Teri va yaqin orada joylashgan to‘qimalar tomonidan: allergik reaktsiyalar. Qon tizimi tomonidan: qon tanachalarining glyukozo-6-fosfatdegidrogenazasi yetishmovchiligi bo‘lgan bemorlarda eritrotsitlar gemolizini keltirib chiqarishi mumkin.

Askotsin® qonda salitsilatlar, etinilestradiol, benzilpenitsillin va tetratsiklin kontsentratsiyasini oshiradi, peroral kontratseptivlar kontsentratsiyasini pasaytiradi. Kumarin hosilalarining antikoagulyatsiya ta’sirini kamaytiradi. Ichakda temir preparatlari so‘rilishini yaxshilaydi. Etil spirtining umumiy klirensini oshiradi. Xinolon qatori preparatlari, kaltsiy xloridi, salitsilatlar, kortikosteroidlar uzoq vaqt qo‘llanilganida S vitamini zaxiralarini kamaytiradi. Kortikosteroidlar S vitamini va rux darajasini kamaytiradi. Askorbin kislotasi va deferoksaminni bir vaqtda qo‘llanilishi temirning to‘qimalarda, ayniqsa yurak mushagida toksikligini oshiradi, bu qon aylanishi tizimining dekompensatsiyasiga olib kelishi mumkin. Uni deferoksamin inyektsiyasidan keyin faqat 2 soat o‘tgach qabul qilish mumkin. Preparatning yuqori dozalari tritsiklik depressantlar samaradorligini kamaytiradi.

Askotsin® yuqori dozalarda qo‘llanilganida buyrak funktsiyasi va arterial bosimni, shuningdek me’da osti bezi funktsiyasini nazorat qilish zarur. Glyukozo-6-fosfatdegidrogenaza tanqisligida, buyrak funktsiyasini buzilishlarida ehtiyotkorlik bilan qo‘llaniladi; siydik-tosh kasalliklarida S vitaminining sutkalik dozasi sutkalik dozasi 1 g dan oshmasligi kerak. Preparat turli xil laboratoriya testlari (qonda glyukoza, bilirubin miqdori, transaminazalar, laktatdegidrogenaza faolligi) natijalarini o‘zgartirishi mumkin. Uzoq vaqt davolanganda glyukoza darajasini nazorat qilish zarur. Askorbin kislotasi temir so‘rilishini oshirishi tufayli, gemoxromatozi, talassemiya, politsitemiya, leykemiya va sideroblast anemiyasi bo‘lgan patsiyentlarda uni yuqori dozalarda qo‘llanilishi xavfli bo‘lishi mumkin. Organizmda temir miqdori yuqori bo‘lgan patsiyentlarda askorbin kislotasi minimal dozalarda qo‘llanilishi zarur. Askotsin® ni rak kasalligi rivojlanib borayotgan patsiyentlarda ehtiyotkorlik bilan buyurish zarur, chunki uni qo‘llanilishi jarayonning kechishini tezlashtirishi mumkin.

Homiladorlik davrida S vitaminini yuqori dozalarda uzoq vaqt qo‘llanilishi homilaning rivojlanishiga salbiy ta’sir ko‘rsatishi mumkin. Homiladorlik davrida faqat ona uchun kutiladigan foyda homila uchun keladigan xavfdan ustun bo‘lganida qo‘llanilishi mumkin. Askorbin kislotasi ko‘krak sutiga o‘tadi, shu sababli laktatsiya davrida preparatni shifokor nazorati ostida qo‘llash zarur. Avtomobilni boshqarish va boshqa mexanizmlar bilan ishlash qobiliyatiga ta’siri Preparat haydovchilarga yoki murakkab texnika bilan ishlovchi odamlarga salbiy ta’sir ko‘rsatishi mumkinligi haqidagi ko‘rsatmalar yo‘q. Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Simptomlari: ko‘ngil aynishi, qusish, ichak spazmlari, diareya; ehtimol allergik reaktsiyalar, buyrak funktsiyasini buzilishi, arterial bosimning oshishi, markaziy nerv tizimining yuqori qo‘zg‘aluvchanligi, uyquning buzilishi. Davolash: simptomatik davolash o‘tkaziladi.

Retseptsiz

3 yil.