M01AH05

So‘rilishi. Etorikoksib og‘iz orqali qabul qilinganida yaxshi so‘riladi. Og‘iz orqali qo‘llanganida mutloq biokiraolishligi taxminan 100% ni tashkil qiladi. 120 mg ni sutkada bir marta qabul qilinganidan keyin muvozanat holatiga erishilgunicha qon plazmasidagi maksimal kontsentratsiyasi (o‘rtacha geometrik ahamiyati Smax=3,6 mkg/ml) kattalar tomonidan och qoringa qabul qilinganida taxminan 1 soatdan (Tmax) keyin kuzatiladi. O‘rtacha geometrik AUC0-24coat 37,8 mkg∙soat/ml ni tashkil qiladi. Klinik dozalar diapazoni chegarasida etorikoksibning farmakokinetikasi proportsionaldir. Etorikoksib 120 mg dozada ovqat vaqtida (tarkibida ko‘p miqdorda yog‘lar bo‘lgan taomlar bilan) qo‘llanganida so‘rilish darajasiga klinik ahamiyatli ta’sir kuzatilmadi. So‘rilish tezligi o‘zgardi, bu Smax ni 36% ga pasayishi va Tmax ni 2 soatga oshishi bilan ifodalanadi. Bunday ma’lumotlar klinik jihatdan ahamiyatli hisoblanmaydi. Klinik tadqiqotlarda etorikoksib ovqat iste’mol qilishdan qat’iy nazar qo‘llanilgan. Taqsimlanishi. Etorikoksib 0,05 dan 5 mkg/ml kontsentratsiyalar diapazonida odam qoni plazmasi oqsillari bilan 92% ga bog‘lanadi. Muvozanat holatida taqsimlanish hajmi taxminan 120 l ni tashkil qiladi. Etroksikoksib kalamushlar va quyonlarda yo‘ldosh to‘sig‘i orqali, shuningdek kalamushlarda gematoentsefalik to‘siq orqali o‘tadi. Metabolizmi. Etorikoksib faol metabolizmga uchraydi. Dozaning 1% dan kamrog‘i siydik bilan dastlabki preparat ko‘rinishida chiqariladi. Metabolizmining asosiy yo‘li – bu CYP fermentlari tomonidan kataliz yo‘li bilan 6′-gidroksimetil derivatini shakllanishidir. CYP3A4 etorikoksibni in vivo sharoitida metabolizmiga yordam beradi. In vitro tadqiqotlar CYP2D6, CYP2C9, CYP1A2 va CYP2C19 ham metabolizmning asosiy yo‘lini katalizlashi mumkinligini ko‘rsatadi, biroq ularning miqdoriy xarakteristikalari in vivo sharoitida o‘rganilmagan. Odamda beshta metaboliti identifikatsiyalangan. Asosiy metaboliti 6′-gidroksimetil derivatini keyingi oksidlanishida shakllangan etorikoksibning derivati bo‘lgan 6′-karboksil kislotasidir. Bu asosiy metabolitlari aniqlash mumkin bo‘lgan faollikni namoyish etmaydi yoki TsOG-2 kuchsiz hisoblanadi xolos. Bu metabolitlarining birontasi TsOG-1 ni ingibirlamaydi. Chiqarilishi. Sog‘lom ko‘ngillilarga 25 mg radioizotop bilan nishonlangan etorikoksib bir marta vena ichiga yuborilganidan keyin, 70% radioaktivlik siydik bilan va 20% ahlat bilan, asosan metabolitlari ko‘rinishida chiqariladi. 2% dan kamrog‘i o‘zgarmagan preparat ko‘rinishida aniqlanadi. Etorikoksibni chiqarilishi, asosan metabolizmi orqali, keyinchalik buyrak orqali chiqarilishi bilan yuz beradi. 120 mg sutkada bir marta qabul qilinganida etorikoksibning muvozanat kontsentratsiyasiga, taxminan 2 to‘planish ko‘rsatkichi bilan yetti kun davomida erishiladi, bu taxminan 22 soatlik yarim parchalanish davriga to‘g‘ri keladi. Qon plazmasi klirensi venaga 25 mg quyishdan keyin taxminan minutiga 50 ml ni tashkil qiladi. Alohida guruh patsiyentlari Keksa yoshdagilar. Keksa yoshdagi (65 yosh va undan katta) va yoshroq patsiyentlardagi farmakokinetikasi bir xil. Jins. Ayollar va erkaklarda etorikoksibning farmakokinetikasi o‘xshash.

Osteoartrit (OA), revmatoidli artrit (RA), ankilozlovchi spondilitda simptomlarni susaytirish, shuningdek o‘tkir podagrik artritda og‘riq va yallig‘lanish belgilarini susaytirish uchun qo‘llanadi. Stomatologik operatsiyalarni o‘tkazish oqibatida yuz beruvchi o‘rtacha og‘irlikdagi og‘riqni qisqa muddatli davolash uchun. TsOG-2 ning selektiv ingibitorlarini buyurishga qaror qilish, bemorning shaxsiy xavfini baholashga asoslangan bo‘lishi kerak.

ARKOKSIA preparati peroral qabul qilinadi. Preparatni ovqat qabul qilishdan qat’iy nazar qabul qilish mumkin. Agar preparatni ovqatlanishdan avval qabul qilinsa, ta’sir samarasi tezroq boshlanadi, buni simptomlarni tezroq susaytirish zarurati tug‘ilgan hollarda hisobga olish kerak. Etorikoksibni qo‘llaganda dozalar va qo‘llash muddatlarini oshishi bilan, yurak-qon tomir tizimi asoratlarini yuz berish xavfi oshishi mumkinligi tufayli, maksimal darajadagi qisqa vaqt davomida minimal samarali dozalarni ishlatish kerak. Ayniqsa osteoartriti bo‘lgan bemorlarda simptomlarni yengillashtirish zarurati va o‘tkazilayotgan davolashga javobni davriy ravishda qayta-qayta baholab borish kerak. Osteoartrit (OA) Maksimal tavsiya qilingan doza – sutkada 1 marta 60 mg ni tashkil etadi. Samarasi kuzatilmagan hollarda boshqa davolash usullarini ko‘rib chiqish lozim. Revmatoidli artrit (RA) Tavsiya qilingan doza – sutkada 1 marta 60 mg yoki 90 mg ni tashkil qiladi. Minimal samarali sutkali doza sutkada 1 marta 60 mg ni tashkil qiladi. Ayrim patsiyentlarda sutkada 1 marta 90 mg doza terapevtik samarasini kuchaytirishi mumkin. Ankilozli spondilit (AS) Tavsiya qilingan doza – sutkada 1 marta 60 mg yoki 90 mg ni tashkil qiladi. Minimal samarali sutkali doza sutkada 1 marta 60 mg ni tashkil qiladi. Ayrim patsiyentlarda sutkada 1 marta 90 mg doza terapevtik samarasini kuchaytirishi mumkin. O‘tkir og‘riq bilan kechuvchi holatlarda O‘tkir og‘riq bilan kechuvchi holatlarda, etorikoksibni faqat o‘tkir simptomatika davri davomida qo‘llash lozim. O‘tkir podagrik artriti Tavsiya qilingan doza – sutkada 1 marta 120 mg. O‘tkir podagrik artritni davolash bo‘yicha o‘tkazilgan klinik tadqiqotlarda etorikoksib 8 kun davomida qo‘llanildi. Stomatologiyadagi operatsiyadan keyingi og‘rik. Tavsiya qilingan dozasi ko‘pi bilan 3 kun davomida sutkada bir marta 90 mg ni tashkil qiladi. Ayrim patsiyentlar uchun operatsiyadan keyin qo‘shimcha og‘riq qoldirish kerak bo‘lishi mumkin. Har bir ko‘rsatma uchun tavsiya qilingan dozalardan ortiq bo‘lgan dozalar qo‘shimcha samaradorlikka ega bo‘lmaydi yoki hali o‘rganilmagan. Shuning uchun: OA da doza sutkada 60 mg dan oshmasligi kerak;RA va ankilozli spondilitdagi doza sutkada 90 mg dan oshmasligi kerak;o‘tkir podagradagi doza sutkada 120 mg dan oshmasligi, davolash esa, ko‘pi bilan 8 kun davomida o‘tkazilishi kerak;stomatologik operatsiyadan keyingi o‘tkir og‘riqlarda doza sutkada 90 mg dan oshmasligi, davolash esa maksimum 3 kun davomida o‘tkazilishi kerak. Keksa yoshdagi patsiyentlar Keksa yoshdagi patsiyentlar uchun dozani to‘g‘rilashning zarurati yo‘q. Boshqa preparatlarni qo‘llaganda bo‘lgani kabi keksa yoshdagi patsiyentlarda ehtiyotkorlikka amal qilish lozim. Jigar faoliyatini buzilishi.

Etorikoksibni qo‘llash xavfsizligi 9295 ishtirokchini, shu jumladan OA, RA va beldagi surunkali og‘riq bo‘lgan 5774 patsiyent (OA va RA bo‘lgan taxminan 600 patsiyentlar 1 yil davomida yoki ko‘proq davo olganlar) o‘z ichiga olgan klinik tadqiqotlarda baholangan. Klinik tadqiqotlarda nojo‘ya reaktsiyalarining profili 1 yil davomida yoki ko‘proq vaqt davomida etorikoksib qabul qilgan OA va RA bo‘lgan patsiyentlarda bir xil bo‘lgan. Klinik tadqiqotlarda o‘tkir podagrik artriti bo‘lgan patsiyentlar 8 kun davomida sutkada 120 mg dozada etorikoksib olganlar. Ushbu tadqiqotdagi nojo‘ya reaktsiyalarning profili, umuman olganda, OA, RA va beldagi surunkali og‘riqlar bo‘yicha birlashtirilgan tadqiqotlardagidek bo‘lgan. 3 faol nazorat qilinuvchi tadqiqot natijalarini o‘z ichiga olgan yurak-qon tomirlari tizimi uchun xavfsizlik dasturida OA yoki RA bo‘lgan 17 412 nafar patsiyent o‘rtacha 18 oy davomida etorikoksib (60 mg yoki 90 mg) bilan davolanganlar. Stomatologik operatsiyani o‘tkazish bilan bog‘liq operatsiyadan keyingi o‘tkir og‘riqni o‘rganish bo‘yicha klinik tadqiqotlarda 612 patsiyent ARKOKSIA (90 mg yoki 120 mg) preparati bilan davolanganlar va nojo‘ya reaktsiyalar profili, umuman OA, RA va beldagi surunkali og‘riqni birgalikda o‘rganilgan tadqiqotlardagi profilga o‘xshash bo‘lgan. OA, RA, beldagi surunkali og‘riq yoki AS bilan og‘rigan, 12 hafta davomida etorikoksibni 30 mg, 60 mg yoki 90 mg dozada patsiyentlar ishtirok etgan tadqiqotlarda, o‘tkir og‘riqni qisqa muddatli o‘rganish yuzasidan MEDAL dasturi tadqiqotlarida, shuningdek postmarketing davri davomida platseboga nisbatan, preparat qo‘llanilganda ko‘proq uchragan quyidagi nojo‘ya reaktsiyalar to‘g‘risida xabar berilgan. Chastota quyidagicha aniqlangan: juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kamdan-kam hollarda (≥1/10000 dan <1/1000 gacha), juda kam hollarda (<1/10000) noma’lum (mavjud ma’lumotlar bo‘yicha aniqlab bo‘lmaydi). Infektsiyalar va invaziyalar: tez-tez – alveolyar ostit; tez-tez emas – gastroenterit, yuqori nafas yo‘llarining infektsiyalari, siydik chiqarish yo‘llarining infektsiyalari. Qon tizimi va limfatik tizim tomonidan buzilishlar: tez-tez emas – anemiya (asosan me’da-ichakdan qon ketishi natijasida), leykopeniya, trombotsitopeniya. Immun tizimi tomonidan buzilishlar: juda kam hollarda o‘ta yuqori sezuvchanlik – reaktsiyalari, shu jumladan angionevrotik shish, anafilaktik/anafilaktoid reaktsiyalar, shu jumladan shok. Metabolizm va ovqatlanish tomonidan buzilishlar: tez-tez – shishlar/suyuqlikni tutilishi; tez-tez emas – ishtahani pasayishi yoki kuchayishi, tana vaznini oshishi. Ruhiyat tomonidan buzilishlar: kam hollarda – xavotirlik, depressiya, aqliy faoliyatni yomonlashishi; juda kam hollarda – idrokni xiralashishi, gallyutsinatsiyalar; noma’lum – xavotirlik. Nerv tizimi tomonidan buzilishlar: tez-tez – bosh aylanishi, bosh og‘rig‘i; tez-tez emas – disgevziya, uyqusizlik, paresteziya/gipesteziya, uyquchanlik. Ko‘rish a’zolari tomonidan buzilishlar: kam hollarda – ko‘rishni noaniqligi, kon’yunktivit. Eshitish a’zolari va labirint tomonidan buzilishlar: kam hollarda – quloqda jaranglash, vertigo. Yurak tomonidan buzilishlar: tez-tez – palpitatsiya; kam hollarda – yurak bo‘lmachasi fibrillyatsiyasi, dimlangan yurak yetishmovchigi, EKG da nospetsifik o‘zgarishlar, stenokardiya, miokard infarkti*; noma’lum – taxikardiya, aritmiya. Tomir tizimi tomonidan buzilishlar: tez-tez – gipertenziya; kam hollarda – qon quyilishlari, insult*, miyadagi qon aylanishining tranzitorlik ishemik buzilishlari; juda kamdan-kam – gipertonik kriz. *platsebo – va faol nazorat qilinuvchi uzoq davom etgan klinik tadqiqotlar tahlilidan shunday xulosa qilish mumkinki, TsOG-2 selektiv ingibitorlari qo‘llanilganda jiddiy arterial trombozlar, jumladan miokard infarkti va insultni vujudga kelishining orttirilgan xavfi mavjud bo‘ladi. Mavjud bo‘lgan ma’lumotlardan kelib chiqib, bunday holatlarni absolyut yuz berish xavfini yiliga 1% dan oshishi (kamroq) ehtimoli kam. Respirator tizimi, ko‘krak qafasi va ko‘ks oralig‘i a’zolari tomonidan buzilishlar: kam hollarda – yo‘tal, dispnoe, burundan qon ketishi; juda kam hollarda – bronxospazm. Me’da-ichak yo‘llari tomonidan buzilishlar: tez-tez – gastrointestinal buzilishlar (abdominal og‘riq, meteorizm, jig‘ildon qaynashi kabi), diareya, dispepsiya, epigastral sohadagi diskomfortni his etish, ko‘ngil aynishi; tez-tez emas – qorin dam bo‘lishi, kislotali reflyuks, ichak peristaltikasi xususiyatini o‘zgarishi, qabziyat, og‘iz qurishi, gastroduodenal yaralar, ta’sirlangan ichak sindromi, ezofagit, og‘iz bo‘shlig‘idagi yaralar, qusish, gastrit; juda kam hollarda – peptik yaralar, shu jumladan gastrointestinal perforatsiya va qon ketishi (ko‘pincha keksa yoshlarda); tez-tezligi noma’lum – pankreatit. Gepatobiliar tizim tomonidan buzilishlar: tez-tez – AST darajasini oshishi, ALT darajasini oshishi; juda kam hollarda – gepatit; tez-tezligi noma’lum – sariqlik. Teri va teri osti kletchatkasi tomonidan buzilishlar: tez-tez – ekximoz; tez-tez emas – yuz shishishi, qichishish, toshma; kam hollarda – eritema; juda kam hollarda – eshakemi, Stivens–Djonson sindromi, toksik epidermal nekroliz; noma’lum – turg‘un dori eritemasi. Skelet-mushak tizimi, birishtiruvchi to‘qima va suyaklar tomonidan buzilishlar: tez-tez emas – mushak spazmlari/tortishishlari, suyak-mushak og‘rig‘i/qotib qolishi. Buyrak va siydik chiqarish tizimi tomonidan buzilishlar: tez-tez emas – proteinuriya, qon zardobida kreatinin darajasini oshishi; juda kam hollarda – buyrak faoliyatini buzilishi, shu jumladan buyrak yetishmovchiligi. Umumiy holatni va dori vositasini qo‘llash usuli bilan bog‘liq bo‘lgan buzilishlari: tez-tez – asteniya/lohaslik, grippga o‘xshash simptomlar; tez-tez emas – ko‘krak qafasidagi og‘riq. Tadqiqotlar: tez-tez emas – qonda azot mochevina darajasini oshishi, kreatinfosfokinaza darajasini oshishi, giperkaliyemiya, siydik kislotasi darajasini oshishi; kam hollarda – qondagi natriy darajasini kamayishi. NYAQP qo‘llanilgandagi quyidagi jiddiy nojo‘ya reaktsiyalar to‘g‘risida xabar qilingan, shuning uchun etorikoksib qo‘llanilganda ularni yuz berishini inkor qilish mumkin emas: nefrotoksiklik, shu jumladan nefrit va nefrotik sindrom; gepatotoksiklik, shu jumladan jigar yetishmovchiligi.

Ta’sir etuvchi moddaga yoki preparatning tarkibiga kiruvchi har qanday boshqa komponentga o‘ta yuqori sezuvchanlik.Faol peptik yara yoki me’da-ichakdan qon ketishi.Atsetilsalitsil kislotasi yoki NYAQP, shu jumladan tsiklooksigenaza-2 (TsOG-2) ingibitorlari qo‘llanganidan keyin bronxospazm, o‘tkir rinit, burun poliplari, angionevrotik shish, eshakemi yoki boshqa allegrik reaktsiyalar yuz bergan patsiyentlar.Homiladorlik va emizish davri.Jigar faoliyatini og‘ir buzilishlari (qon zardobidagi albumin <25 g/l yoki Chayld-Pyu shkalasi bo‘yicha ≥10 ball).Buyrakdagi aniqlangan kreatinin klirensi <30 ml/min.Bolalar va 16 yoshgacha bo‘lgan o‘smirlar.Ichakning yallig‘lanish kasalligi.Dimlangan yurak yetishmovchiligi (NYHA II–IV).Arterial qon bosimi doimo 140/90 mm sim. ust. ga teng yoki undan baland yuradigan va yetarli darajada nazorat qilib bo‘lmaydigan arterial gipertenziya bo‘lgan patsiyentlar.Aniqlangan yurak ishemik kasalligi, periferik arteriyalarning kasalliklari va/yoki yurak-qon tomir kasalligi.

Peroral antikoagulyantlar. Holatlari varfarinni doimiy qo‘llash bilan barqarorlashgan patsiyentlarda etorikoksibni sutkada 120 mg dozada qabul qilinishi, Xalqaro me’yorlashtirilgan nisbat (XMN), protrombin vaqtini taxminan 13% ga oshishi bilan kechgan. Shuning uchun peroral antikoagulyantlarni qabul qilayotgan patsiyentlarda, ayniqsa etorikoksibni qabul qilinishining dastlabki kunlari yoki uning dozasi o‘zgartirilganda XMN, protrombin vaqti ko‘rsatkichlarini tez-tez tekshirib turish lozim. Diuretiklar, angiotenzinga aylantiruvchi ferment (AAF) ingibitorlari va angiotenzin II antagonistlari. NYAQP diuretiklar va boshqa antigipertenziv preparatlarning ta’sirini susaytirishi mumkin. Buyrak faoliyatini buzilishi bo‘lgan ayrim patsiyentlarda (masalan, degidratatsiyasi bo‘lgan patsiyentlarda yoki buyrak faoliyati susaygan keksa yoshdagi patsiyentlarda) AAF ingibitori yoki angiotezin ІІ antagonistini va TsOG ni ingibirlovchi preparatlarini bir vaqtda qo‘llanishi, buyrak faoliyatini keyinchalik yomonlashishiga, shu jumladan o‘tkir buyrak yetishmovchiligiga olib kelishi mumkin, lekin bu odatda qaytuvchan xarakterga ega. Bunday o‘zaro ta’sirni etorikoksibni  AAF ingibitorlari yoki angiotezin ІІ antagonistlari bilan bir vaqtda qo‘llayotgan patsiyentlarda yuz berishi mumkinligini yodda tutish lozim. Shuning uchun bunday kombinatsiyani, ayniqsa keksa yoshdagi patsiyentlarga ehtiyotkorlik bilan buyurish lozim. Muvofiq gidratatsiyani o‘tkazish va majmuaviy davolashni boshlashda hamda keyinchalik davriy ravishda buyrak faoliyatini monitoringini o‘tkazish masalasini ko‘rib chiqish zarur. Atsetilsalitsil kislotasi. Sog‘lom ko‘ngillilar ishtirokidagi tadqiqotlarda muvozanat holatida etorikoksibni sutkada bir marta 120 mg dozada qo‘llanishi atsetilsalitsil kislotasining (81 mg sutkada 1 marta) antiagregant faolligiga ta’sir ko‘rsatmadi Etorikoksibni atsetilsalitsil kislotasi bilan bir vaqtda yurak-qon tomir asoratlarini oldini olish uchun qo‘llanadagan dozalarda (quyi dozalarda) buyurish mumkin. Biroq atsetilsalitsil kislotasini va etorikoksibning past dozalarini bir vaqtda qo‘llash, etorikoksib bilan monoterapiyaga nisbatan, me’da-ichak yo‘llarida yaralarni yoki boshqa asoratlarni yuz berish tez-tezligini oshishiga olib kelishi mumkin. Etorikoksibni atsetilsalitsil kislotasi bilan yurak-qon tomir tizimdagi asoratlarni oldini olish uchun belgilangan dozalardan yuqori dozalarda, shuningdek boshqa NYAQP lar bilan bir vaqtda qo‘llash tavsiya qilinmaydi. Tsiklosporin va takrolimus. Garchi etorikoksibning ushbu preparatlar bilan o‘zaro ta’siri o‘rganilmagan bo‘lsada, NYAQP ni tsiklosporin va takrolimus bilan bir vaqtda qo‘llanishi, oxirgilarning nefrotoksik samarasini kuchaytirishi mumkin. Etorikoksibni ushbu dori vositalaridan istalgani bilan bir vaqtda qo‘llaganda buyrak faoliyatini nazorat qilib turish lozim.

Me’da-ichak yo‘llariga ta’siri Etorikoksibni qo‘llagan patsiyentlarda me’da-ichak yo‘llari tomonidan, ba’zan fatal yakunlanuvchi asoratlar (perforatsiyalar, yaralar yoki qon ketishi) to‘g‘risida xabar berilgan. Me’da-ichak yo‘llari tomonidan asoratlarni rivojlanishining yuqori xavfi bo‘lgan patsiyentlarni (boshqa istalgan NYAQP yoki atsetilsalitsil kislotasini bir vaqtda qo‘llayotgan patsiyentlar, anamnezda yara yoki me’da-ichak yo‘llaridan qon ketishi kabi me’da-ichak yo‘llari kasalliklari bo‘lgan bemorlar) davolashda NYAQP ni ehtiyotkorlik bilan qo‘llash tavsiya qilinadi. Etorikoksib va atsetilsalitsil kislotasi (xattoki kam dozalarda bo‘lsa ham) bir vaqtda qo‘llanganda me’da-ichak yo‘llari tomonidan nojo‘ya reaktsiyalarni (me’da-ichak yaralari yoki me’da-ichak yo‘llari tomonidan boshqa asoratlar) yuz berishi yuzasidan qo‘shimcha xavf mavjud. Uzoq davom etgan klinik tadqoqotlarda TsOG-2 selektiv ingibitori + atsetilsalitsil kislotasi va NYAQP + atsetilsalitsil kislotasi qo‘llanilganda xavfsizlik bo‘yicha yaqqol farqlar kuzatilmadi. Yurak-qon tomir tizimiga ta’siri Klinik tadqiqotlar, TsOG-2 ning selektiv ingibitorlarini, platsebo va ayrim NYAQP ga qaraganda trombotik asoratlarni (ayniqsa miokard infarkti va insultni) yuz berish xavfini oshirishi mumkin bo‘lgan dori vositalari guruhiga kirishini ko‘rsatadi. Etorikoksib qo‘llanganda yurak-qon tomir asoratlarini yuz berishi xavfi doza va qo‘llash davomiyligi oshirilganida oshishi mumkinligi tufayli, minimal samarali dozalarda, maksimal qisqa vaqt davomida ishlatish kerak. Simptomlarni yengillashtirish zarurati va o‘tkazilayotgan davolashga javobni, ayniqsa osteoartriti bo‘lgan bemorlarda vaqti-vaqti bilan qayta baholab turish lozim. Yurak-qon tomir kasalliklarining rivojlanish xavfining yaqqol omillari (arterial gipertenziya, giperlipidemiya, qandli diabet, chekish kabilar) bo‘lgan patsiyentlarda etorikoksib bilan davolashni, bunday xavfni yuz berishini puxta baholagandan keyingina o‘tkazish kerak. TsOG-2 ning selektiv ingibitorlari yurak-qon tomir kasalliklarini oldini olish uchun aspirin o‘rnini bosuvchi vosita emas, chunki trombotsitlarga ta’sir ko‘rsatmaydi. Shuning uchun antiagregant dori vositalarini qo‘llashni to‘xtatmaslik kerak. Buyrakka ta’siri Buyrak prostaglandinlari buyrakning perfuziyasini tutib turishda kompensator rolni o‘ynashi mumkin. Shuning uchun buyrak perfuziyasi buzilishlarida etorikoksibni qabul qilish prostaglandinlarni hosil bo‘lishini kamayishiga va buning oqibatida – buyrakda qon oqimini pasayishiga va buyrak faoliyatini buzilishiga olib kelishi mumkin. Bunday reaktsiyaning xavfi buyrak faoliyatini yaqqol buzilishlari bo‘lgan, kompensatsiyalanmagan yurak yetishmovchiligi yoki tsirrozi bo‘lgan bemorlarda eng yuqori bo‘ladi. Bunday patsiyentlarda buyrak faoliyatini nazorat qilish imkoniyatini ko‘rib chiqish kerak. Suyuqlikni tutilishi, shishlar va arterial gipertenziya. Prostaglandinlar sintezini ingibirlovchi boshqa dori vositalarni qo‘llaganda bo‘lgani kabi, etorikoksibni qabul qilgan ayrim patsiyentlarda suyuqlikni tutilishi, shishlar va arterial gipertenziya kuzatilgan. Barcha NYAQP, shu jumladan etorikoksib, dimlangan yurak yetishmovchilishi paydo bo‘lishiga yoki qaytalanishiga olib kelishi mumkin. Anamnezda yurak yetishmovchiligi, yurak chap qorincha faoliyatini buzilishi yoki arterial gipertenziyasi bo‘lgan patsiyentlar shuningdek, boshqa har qanday sabab bo‘yicha shishlari bo‘lgan patsiyentlarga preparat ehtiyotkorlik bilan buyuriladi. Bunday patsiyentlarning holatlarini yomonlashishi bo‘yicha klinik belgilar mavjud bo‘lgan hollarda tegishli choralarni qo‘llash, jumladan etorikoksibni bekor qilish kerak. Etorikoksibni ayniqsa yuqori dozalarda qo‘llash, ayrim boshqa NYAQP va TsOG-2 ning selektiv ingibitorlarini qo‘llanishiga nisbatan, tez-tez arterial gipertenziya yuz berishi va og‘irroq kechishi mumkin. Shuning uchun etorikoksib bilan davolash boshlanishidan avval gipertenziya nazorat ostida bo‘lishi, shuningdek etorikoksib bilan davolash vaqtida arterial bosimni nazoratiga alohida e’tibor berish kerak. Arterial bosim sezilarli darajada oshganida muqobil davolashni buyurish kerak. Arterial bosimni (AB) davolash boshlandanidan keyin 2 hafta davomida, keyin esa – vaqti-vaqti bilan nazorat qilib turish kerak. Agar AB sezilarli darajada oshsa, muqobil davolash imkoniyatini ko‘rib chiqish lozim. Jigarga ta’siri Bir yilgacha davom etgan klinik tadqiqotlarda sutkasiga 30 mg, 60 mg va 90 mg dozalarda etorikoksib bilan davolangan patsiyentlarning taxminan 1% da alaninaminotransferaza (ALT) va/yoki aspartataminotransferaza (AST) faolligini oshishi (me’yorning yuqori chegarasiga nisbatan uch va undan ko‘proq marta) ko‘tarilishi kuzatildi. Jigar faoliyatini buzilishlarining simptomlari va/yoki belgilari bo‘lgan bemorlar, shuningdek jigar faoliyatini patologik ko‘rsatkichlariga bo‘lgan barcha patsiyentlarning holatini nazorat qilib turish lozim. Jigar faoliyatini buzilish belgilari yoki jigar faoliyati ko‘rsatkichlarini turg‘un patologik o‘zgarishlari (me’yorning yuqori chegarasidan uch marta ortiq bo‘lgan) oshishi aniqlangan hollarda etorikoksibni bekor qilish kerak. Umumiy ko‘rsatmalar Agar davolash davomida patsiyent yuqorida ko‘rsatib o‘tilgan biror-bir a’zolar tizimi faoliyatini yomonlashishi kuzatilsa, tegishli choralarni ko‘rish va etorikoksibni bekor qilish masalasini ko‘rib chiqish kerak. Keksa yoshdagi bemorlar va buyrak, jigar yoki yurak buzilishlari bo‘lgan patsiyentlarda etorikoksibni qo‘llaganda tegishli tibbiy kuzatuvni o‘tkazish lozim. Degidratatsiyasi bo‘lgan patsiyentlarni etorikoksib bilan davolashni ehtiyotkorlik bilan boshlash lozim. Etorikoksibni qo‘llashni boshlashdan avval regidratatsiyani o‘tkazish tavsiya qilinadi. Postmarketing kuzatuv davrida NYAQP va TsOG-2 ning ayrim selektiv ingibitorlari qo‘llanganida juda kam hollarda (ba’zilari o‘lim bilan yakunlangan), jiddiy teri reaktsiyalarni shu jumladan eksfoliativ dermatit, Stivens-Djonson sindromi va toksik epidermal nekrolizni yuz berishi haqida xabar berilgan. Bunday reaktsiyalarni yuz berishini eng yuqori xavfi davolashni boshlanishida, dastlabki belgilarining paydo bo‘lish vaqtida, ko‘pchilik hollarda davolashning dastlabki oyi davomida bo‘ladi. Etorikoksib qo‘llayotgan patsiyentlar o‘ta ta’sirchanlikning jiddiy reaktsiyalari (anafilaksiya va angionevrotik shish kabilar) to‘g‘risida xabar berilgan. TsOG-2 ayrim selektiv ingibitorlari anamnezda qandaydir preparatga allergiyasi bo‘lgan patsiyentlarda teri reaktsiyalarini yuz berishi xavfini oshirishi mumkin. Teridagi toshmalar, shilliq pardani shikastlanishi yoki o‘ta sezuvchalikning boshqa belgilarining ilk bor ko‘rinishlarida etorikoksibni bekor qilish kerak. Etorikoksib isitma yoki infektsiyaning boshqa belgilarini bostirishi mumkin. Etorikoksib va varfarin yoki boshqa peroral antikoagulyantlarni bir vaqtda ehtiyotkorlik bilan buyurish lozim. TsOG va prostaglandinlar sintezini ingibirlovchi boshqa dori vositalari singari etorikoksibni ham homiladorlikni rejalashtirayotgan ayollarga qo‘llash tavsiya qilinmaydi. Arkoksia preparatining tarkibida laktoza mavjud. Galaktozani o‘zlashtiraolmaslik, Lappa laktaza yetishmovchiligi va glyukoza-galaktozalar malabsorbtsiyasi kabi, kam uchraydigan irsiy xastaliklar bilan og‘rigan bemorlar bu preparatni qabul qilmasliklari kerak.

Homiladorlik. TsOG-2 va prostaglandinlar sintezini ingibirlovchi boshqa preparatlar kabi, etorikoksibni ham homiladorlikni rejalashtirayotgan ayollarga qo‘llash tavsiya qilinmaydi. Etorikoksibni homiladorlik davrida qo‘llanishi to‘g‘risida klinik ma’lumotlar yo‘q. Hayvonlarda o‘tkazilgan tadqiqotlarda reproduktiv toksiklik kuzatilgan. Homiladorlik davrida ayollarga nisbatan potentsial xavf ma’lum emas. Homiladorlining so‘nggi uch oyi davomida etorikoksibni qo‘llash prostaglandinlar sintezini ingibirlovchi boshqa dori vositalari kabi, bachadon qisqarishini yo‘qolishiga va botallov yo‘lini muddatidan ilgari yopilishiga olib kelishi mumkin. Homiladorlik davrida etorikoksibni qo‘llash mumkin emas. Agar homiladorlik davolash davriga to‘g‘ri kelib qolsa, etorikoksibni bekor qilish lozim. Laktatsiya. Etorikoksibning ona sutiga kirish yoki kirmasligi noma’lum. Kalamushlarda dori vositasining sut bilan ajralib chiqishi ma’lum. Etorikoksibni qo‘llayotgan ayollar emizmasliklari kerak.

30S dan yuqori bo‘lmagan haroratda saqlansin.

Etorikoksibni qo‘llashning klinik sinovlarida 500 mg gacha bir martalik dozalarda yoki sutkada 150 mg gacha 21 kun davomida ko‘p marta qabul qilish ahamiyatli toksik samaralarni chaqirmagan. Etorikoksibning dozasini o‘tkir oshirib yuborilishi haqida xabar berilgan, lekin ko‘pchilik hollarda nojo‘ya reaktsiyalari haqida xabar berilmagan. Eng ko‘p kuzatiladigan nojo‘ya ta’sirlari etorikoksibning xavfsizligining profili bilan mutanosib bo‘lgan (masalan, me’da-ichak yo‘llari tomonidan reaktsiyalar, renovaskulyar reaktsiyalar). Doza oshirib yuborilgan holda so‘rilmagan preparatini me’da-ichak yo‘llaridan yo‘qotish, klinik kuzatuv o‘tkazish va zarurati bo‘lganida – tutib turuvchi davolashni buyurish kabi odatdagi tutib turuvchi choralarni qo‘llash maqsadga muvofiqdir. Etorikoksib gemodializda chiqarilmaydi; peritoneal dializda preparatni chiqarilishi noma’lum.

Retsept bo‘yicha

Plyonka qobiq bilan qoplangan 60 mg, 90 mg va 120 mg li tabletkalar. 7 tabletkadan PVX plyonka va alyumin folga blisterda. 1 yoki 4 blisterdan tibbiyotda qo‘llash bo‘yicha yo‘riqnomasi bilan karton qutida. Qo‘shimcha ravishda 90 va 120 mg dozalar uchun: 2 tabletkadan PVX plyonka va alyumin folga blisterda. 1 blisterdan tibbiyotda qo‘llash bo‘yicha yo‘riqnomasi bilan birga karton qutida.

3 yil.