Oq yoki deyarli oq rangli, oval shaklli, ikki tomoni chiziqli, qobiq bilan qoplangan tabletkalar; oq yoki deyarli oq rangli kukun.

Antibiotiklar (penitsillinlar guruhi).

Sultamitsillin ichga qabul qilinganda, me’da-ichak yo‘llaridan so‘rilish jarayonidayoq gidrolizga uchraydi. Bunda tizimli qon oqimida ampitsillin va sulbaktamning 1:1 nisbati o‘rnatiladi. Peroral qo‘llangandagi biokirishaolishligi, vena ichiga (v/i) yuborilgandagiga nisbatan, ovqat qabul qilishga bog‘liq bo‘lmagan holda, 80% ni tashkil qiladi. Sulbaktam bilan birga qabul qilingan ampitsillinning maksimal miqdori toza ampitsillin qabul qilgandagiga nisbatan 2 marta ko‘p. Qon oqsillari bilan qaytuvchan bog‘lanishi ampitsillinda 28% ni va sulbaktamda 38% ni tashkil qiladi. Ampitsillin va sulbaktamning yarim chiqarilish davri (T1/2) muvofiq 0,75 va 1 soatni tashkil qiladi, bunda har bir preparatning 50-75% (T1/2) siydik bilan o‘zgarmagan holda chiqariladi. Keksa bemorlar va buyrak faoliyatini buzilishi bo‘lgan odamlarda ampitsillin va sulbaktamning chiqarilish kinetikasi buyrak yetishmovchiligining darajasiga muvofiq kamaygan bo‘ladi.

Sezgir mikroorganizmlarning shtammlari chaqirgan infektsiyalarni davolash: teri infektsiyalari;ichak infektsiyalari;LOR-a’zolarining infektsiyalari;ginekologik infektsiyalar;nafas yo‘llarining infektsiyalari;siydik-jinsiy sohasining infektsiyalari; –           yiringli-jarrohlik infektsiyalari (abstsesslar, flegmonalar, osteomiyelitlar va boshqalar); bakterial septitsemiya, suyaklar va bo‘g‘imlarning infektsiyalari;gonokokkli infektsiyalar;operatsiyadan keyingi infektsiyalarni oldini olishda qo‘llanadi. Yuqorida sanab o‘tilgan kasalliklardan tashqari, ampitsillinga sezgir mikroorganizmlar chaqirgan infektsiyalar ham tarkibida ampitsillin saqlaganligi sababli ushbu preparat bilan davolanadi.

Ichga, tabletka yoki suspenziya ko‘rinishida qo‘llanadi. Kattalar va tana vazni 30 kg dan ortiq bo‘lgan bolalar uchun sutkalik doza 750-1500 mg ni, tana vazni 30 kg dan kam bo‘lgan bolalar uchun 25-50 mg/kg ni (infektsiyaning og‘irligiga qarab) tashkil qiladi. Sutkalik doza 2 mahalda qabul qilinadi. Davolash kursi 5-14 kun. Asoratlanmagan gonoreyani  davolashda preparatni 2,25 g dozada bir marta (probenetsid bilan birga) buyurish mumkin. Suspenziyani tayyorlash uchun kukunli flakonga ozgina qaynatib sovutilgan suv solib yaxshilab chayqatiladi. So‘ngra flakon unining devoridagi qavariq belgisigacha xuddi shu suv bilan to‘ldiriladi. Flakonning qopqog‘ini burab, yaxshilab chayqatiladi. Bir o‘lchov qoshiq (5 ml) bunday suspenziyada 250 mg preparat saqlanadi.

Diareya, qichishish, toshma va teri reaktsiyalari, kam-ko‘ngil aynishi, qusish, epigastriya sohasida og‘riq, sanchiqlar, uyquchanlik, holsizlik, bosh og‘rig‘i, enterokolit va psevdomembranoz kolit, super infektsiya (shu jumladan zamburug‘li) rivojlanishi mumkin. Og‘ir anafilaktik reaktsiya hollari ta’riflangan.

Preparatni infektsion mononukleozi bo‘lgan bemorlarda va penitsillin qatori preparatlariga o‘ta yuqori sezuvchanlikda qo‘llash mumkin emas.

Probenetsid bilan birga qo‘llanganida ampitsillin va sulbaktamning organizmdagi kontsentratsiyasini davomliroq bo‘lishi, shuningdek ampitsillin va sulbaktamning buyraklar orqali chiqarilish darajasini pasayishi paydo bo‘lishi mumkin. Allopurinol bilan birga qo‘llanganda teri toshmalarining toshish ehtimoli sezilarli oshadi. Preparatni aminoglikozid-antibiotiklar bilan bir vaqtda buyurish mumkin emas. Ampitsillinning siydikdagi yuqori kontsentratsiyalari siydikdagi glyukozaning miqdori tahlil qilinganida soxta musbat reaktsiyalar chaqirishi mumkin. Preparat homilador ayollarda qo‘llanganida shuningdek bog‘langan estriol, estriol-glukuronid, bog‘langan estron va estradiol darajalarini vaqtinchalik o‘tib ketuvchi kamayishi ta’riflangan.

Anamnezida tsefalosporinlarga allergik reaktsiyalari bo‘lganida, qarama-qarshi allergiyaning rivojlanishi mumkinligini hisobga olish kerak. Buyraklar faoliyatini og‘ir buzilishlarida qabullar orasidagi oraliqlarni oshirish kerak. Uzoq muddatli davolashda periferik qon manzarasini, jigar va buyraklar faoliyatini nazorat qilish kerak. Preparat homiladorlik davrida faqat hayotiy ko‘rsatmalar bo‘yicha buyurilishi mumkin. Ampitsillin va sulbaktamni hayvonlarda o‘rganilganda bu moddalarning teratogen ta’siri aniqlanmagan, ammo homilador ayollarda klinik tadqiqotlar o‘tkazilmagan. Laktatsiya davrida sultamitsillin faqat ko‘krak suti bilan emizish to‘xtatilgandan keyingina buyuriladi. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin. Tayyor suspenziyani sovutgichda, 2-8°S bo‘lgan haroratda saqlash va 14 kun davomida qo‘llash kerak.

Simptomlari: ich ketishi, qichima, toshma, talvasa. Davolash: simptomatik terapiya. Gemodializ yordamida qon zardobida ampitsillin va sulbaktam kontsentratsiyasi kamayishi mumkin.

Retsept bo‘yicha

“Aprid 375”, qobiq bilan qoplangan tabletkalar 375 mg dan, №10. “Aprid 750”, qobiq bilan qoplangan tabletkalar 750 mg dan, №10. “Aprid” 250 mg/5 ml, 40 ml suspenziyani tayyorlash uchun kukun, komplektda 5 ml hajmli plastik qoshiqchasi bilan. “Aprid” 250 mg/5 ml, 70 ml suspenziyani tayyorlash uchun kukun, komplektda 5 ml hajmli plastik qoshiqchasi bilan.

2 yil.