oq rangli kukun.

nafas yo‘llari obstruktiv kasalliklarini davolash uchun preparatlar, antixolinergiklar bilan majmuada adrenomimetiklar.

R03AL03. Farmakologik xususiyatlari

Umeklidiniy va vilanterol majmuasi ingalyatsion qo‘llanilganida har birikmaning farmakokinetikasi har bir ta’sir etuvchi moddani alohida qo‘llanilganida kuzatiladigan farmakokinetikasiga o‘xshash bo‘lgan (“Metabolizmi” va “Dorilarning o‘zaro ta’siri” bo‘limlariga qarang). Shu sababli har bir moddaning farmakokinetikasi alohida ko‘rib chiqilishi mumkin. So‘rilishi Umeklidiniy Umeklidiniyni ingalyatsiya qilinganidan keyin sog‘lom ko‘ngillilarda Cmax ga 5-15 minut o‘tgach erishilgan. Ingalyatsion umeklidiniyning mutloq biokiraolishligi moddani og‘iz bo‘shlig‘ida sezilarli bo‘lmagan so‘rilishini inobatga olgan holda dozaning o‘rtacha 13% ni tashkil etgan. Umeklidiniyni takroriy ingalyatsiyalaridan keyin muvozanat holatiga 7-10 kun o‘tgach, 1,5–2 marta to‘planishi bilan erishilgan. Vilanterol Vilanterolni ingalyatsiya qilinganidan keyin sog‘lom ko‘ngillilarda Cmax ga 5-15 minut o‘tgach erishilgan. Ingalyatsion vilanterolning mutloq biokiraolishligi moddani og‘iz bo‘shlig‘ida sezilarli bo‘lmagan so‘rilishini inobatga olgan holda dozaning o‘rtacha 27% ni tashkil etgan. Vilanterolni takroriy ingalyatsiyalaridan keyin muvozanat holatiga 6 kun o‘tgach, 2,4 marta to‘planishi bilan erishilgan. Taqsimlanishi Umeklidiniy Sog‘lom ko‘ngillilarga vena ichiga yuborilganidan keyin o‘rtacha taqsimlanish hajmi 86 litrni tashkil etgan. Odam qoni oqsillari bilan in vitro sharoitda bog‘lanishi o‘rtacha 89% ga teng bo‘lgan. Vilanterol Sog‘lom ko‘ngillilarga vena ichiga yuborilganidan keyin muvozanat holatida o‘rtacha taqsimlanish hajmi 165 litrni tashkil etgan. Odam qoni oqsillari bilan in vitro sharoitda bog‘lanishi o‘rtacha 94% ga teng bo‘lgan. Metabolizmi Umeklidiniy In vitro sharoitdagi tadqiqotlar shuni ko‘rsatadiki, umeklidiniy eng avvalo P450 tsitoxromi tizimining CYP2D6 izofermenti ta’siri ostida metabolizmga uchraydi va P-glikoprotein (P-gp) tashuvchisining substrati bo‘lib hisoblanadi. Ancha past farmakologik faollikka ega bo‘lgan qator metabolitlarni yoki farmakologik faolligi aniqlanmagan metabolitlarni hosil bo‘lishiga olib keluvchi, keyingi kon’yugatsiya qilish bilan oksidlash (gidroksilizatsiya, O-dealkilizatsiya) umeklidiniyning metabolizmga uchrashining asosiy yo‘li bo‘lib hisoblanadi. Bunday metabolitlarning tizimli ekspozitsiyasi past bo‘ladi. Vilanterol In vitro sharoitdagi tadqiqotlari shuni ko‘rsatadiki, vilanterol eng avvalo CYP3A4 izofermenti ta’siri ostida metabolizmga uchraydi va P-gp tashuvchisining substrati bo‘lib hisoblanadi. Sezilarli darajada ancha past beta1– va beta2-adrenomimetik faollikka ega bo‘lgan qator metabolitlarni hosil qilgan holda O-dealkilizatsiya vilanterolning metabolizmga uchrashining asosiy yo‘li bo‘lib hisoblanadi. Radiofaol izotoplardan foydalangan holda o‘tkazilgan tadqiqotlar davomida vilanterolni peroral qabul qilinganidan keyin odam organizmida aniqlangan qon plazmasining metabolik profili “dastlabki kelib chiqishdagi” yuqori metabolizm bilan mos keladi. Metabolitlarning tizimli ekspozitsiyasi sezilarli bo‘lmaydi. Dorilarning o‘zaro ta’siri Sog‘lom ko‘ngillilar va o‘pkaning surunkali obstruktiv kasalligi (O‘SOK) bo‘lgan patsiyentlar ishtirokidagi tadqiqotlarda olingan erkin farmakokinetik ma’lumotlar umeklidiniy va vilanterol birga qo‘llanilganida ularning populyatsiyalardagi farmakokinetikasi o‘rganilganida tizimli ekspozitsiyasida (Cmax va farmakokinetik egri chizig‘i ostidagi o‘rtacha maydon (AUC)) va prognoz qilinadigan ekspozitsiyasida har ikkala komponentlarni alohida qo‘llanilishida olingan xuddi shunday ko‘rsatkichlarga nisbatan taqqoslanganda o‘zgarishlar yo‘qligini ko‘rsatadi. CYP3A4 izofermentining kuchli ingibitori – ketokonazol (400 mg) birga qo‘llanilganida vilanterolning o‘rtacha AUC(0-t) va Cmax qiymatlari muvofiq ravishda 65% va 22% ga oshishi qayd etilgan. Vilanterol ekspozitsiyasining oshishi beta-agonistlarga xos bo‘lgan tizimli ta’sirlarning: yurak qisqarishlari tez-tezligiga ta’siri, qonda kaliy miqdori yoki QT intervalini (Frederik usuli bo‘yicha tuzatish kiritilgan) oshishiga olib kelmagan. Umeklidiniy ham, vilanterol ham P‑glikoprotein (P‑gp) substratlari bo‘lib hisoblanadi. Sog‘lom ko‘ngillilarda P-gp tashuvchisi o‘rtacha darajali ingibitori verapamilning (sutkada bir marta 240 mg) muvozanat holatida umeklidiniy va vilanterol farmakokinetikasiga ta’siri aniqlangan. Verapamilni umeklidiniy va vilanterol Cmax ga ta’siri kuzatilmagan. Vilanterolning AUC qiymatiga ta’siri bo‘lmagani holda umeklidiniyning AUC qiymati taxminan 1,4 karra oshishi qayd etilgan. Chiqarilishi Umeklidiniy Vena ichiga yuborilganidan keyin plazmadagi klirensi soatiga 151 l ni tashkil etgan. Vena ichiga yuborilganidan keyin 192 soat o‘tgach radiofaol izotop bilan nishonlangan modda dozasining taxminan 58 foizi (yoki ajratilgan radiofaol moddaning 73 foizi) axlat bilan chiqarilgan. 168  soat o‘tgach radiofaol izotop bilan nishonlangan modda dozasining 22 foizi (yoki ajratilgan radiofaol moddaning 27 foizi) siydik bilan chiqarilgan. Vena ichiga yuborilganidan keyin preparat bilan bog‘langan birikmalarning axlat bilan chiqarilishi ularning safroga sekretsiyasidan dalolat beradi. Sog‘lom erkaklar tomonidan peroral qabul qilinganidan keyin 168 soat o‘tgach radiofaol moddaning asosiy massasi eng avvalo (radiofaol izotop bilan nishonlangan modda dozasining taxminan 92 foizi yoki ajratilgan radiofaol moddaning 99 foizi) axlat bilan chiqarilgan. Peroral qabul qilinganida modda dozasining 1% dan kam miqdori (ajratilgan radiofaol moddaning 1 foizi) buyraklar orqali chiqariladi, bu peroral qabul qilinganida sezilarli bo‘lmagan miqdorda so‘rilishini ko‘rsatadi. 10 kun davomida umeklidiniyning takroriy ingalyatsiyalaridan keyin plazmadan yarim chiqarilish davri o‘rtacha 19 soatni tashkil etgan, bunda o‘zgarmagan moddaning 3-4 foizi muvozanat holatida buyraklar orqali chiqarilgan. Vilanterol Vena ichiga yuborilganidan keyin vilanterolning plazmadagi klirensi soatiga 108 l ni tashkil etgan. Radiofaol izotop bilan nishonlangan vilanterolni peroral qabul qilinganidan keyin massalar muvozanati radiofaol moddaning 70 foizi buyraklar orqali va 30 foizi ichak orqali chiqarilishini ko‘rsatgan. Vilanterolning chiqarilishi eng avvalo asosan metabolik yo‘l bilan yuz bergan bo‘lib, keyinchalik metabolitlar buyraklar va ichak orqali chiqarilgan. 10 kun davomida vilanterolning ingalyatsiyalaridan keyin plazmadan yarim chiqarilish davri o‘rtacha 11 soatni tashkil etgan. Patsiyentlarning alohida guruhlari Keksa yoshdagi patsiyentlar Populyatsiyalardagi farmakokinetik tahlil 65 yosh va undan katta yoshdagi O‘SOK bo‘lgan patsiyentlarda va 65 yoshdan kichik bo‘lgan patsiyentlarda umeklidiniy va vilanterol farmakokinetikasini o‘xshashligini ko‘rsatdi. Buyrak funktsiyasini buzilishi bo‘lgan patsiyentlar Og‘ir darajada buyrak funktsiyasini buzilishi bo‘lgan patsiyentlarni o‘rganilganida umeklidiniy yoki vilanterolning tizimli ekspozitsiyasi (Cmax va AUC) oshishini ko‘rsatuvchi ma’lumotlar olinmagan, shuningdek og‘ir darajada buyrak funktsiyasini buzilishi bo‘lgan patsiyentlarda sog‘lom ko‘ngillilar bilan taqqoslanganda oqsillar bilan bog‘lanishining o‘zgarishlari haqidagi dalillar mavjud emas.

Anoro® Ellipta® preparati o‘pkaning surunkali obstruktiv kasalligi (O‘SOK) simptomlarini yengillashtirishga qaratilgan, bronxlarni kengaytiruvchi samarani bir maromda ushlab turuvchi davolash sifatida buyuriladi.

Anoro® Ellipta® preparati faqat ingalyatsiyada qo‘llanilishi uchun mo‘ljallangan. Kattalar Sutkada bir marta, aynan bir vaqtda ishlatilishi uchun umeklidiniy/vilanterolni 62,5/25 mkg dozada saqlaydigan bitta ingalyatsiya tavsiya etilgan va eng yuqori doza bo‘lib hisoblanadi. Bolalar Mazkur preparatni qo‘llash uchun ko‘rsatmani inobatga olgan holda, undan 18 yoshgacha bo‘lgan patsiyentlarda foydalanilmaydi. Keksa yoshdagi patsiyentlar 65 yoshdan katta bo‘lgan patsiyentlarda dozaga tuzatish kiritish talab qilinmaydi (“Farmakokinetikasi – Patsiyentlarning alohida guruhlari” bo‘limiga qarang). Buyrak funktsiyasini buzilishlari bo‘lgan patsiyentlar Buyrak funktsiyasini buzilishlari bo‘lgan patsiyentlarda dozaga tuzatish kiritish talab qilinmaydi (“Farmakokinetikasi – Patsiyentlarning alohida guruhlari” bo‘limiga qarang). Jigar funktsiyasini buzilishlari bo‘lgan patsiyentlar Yengil va o‘rtacha darajada jigar funktsiyasini buzilishlari bo‘lgan patsiyentlarda dozaga tuzatish kiritish talab qilinmaydi. Og‘ir darajada jigar funktsiyasini buzilishlari bo‘lgan patsiyentlarda umeklidiniy/vilanterol majmuasining qo‘llanilishi o‘rganilmagan (“Farmakokinetikasi – Patsiyentlarning alohida guruhlari” bo‘limiga qarang).

Klinik tadqiqotlarning ma’lumotlari Anoro® Ellipta® preparatining xavfsizlik profili Anoro® Ellipta® preparatini eng ko‘pi bilan 1 yil davomida 62,5/25 mkg dozada qo‘llagan O‘SOK bo‘lgan 3000 ga yaqin patsiyentlar ishtirokidagi klinik tadqiqotlarning ma’lumotlariga asoslangan. Ularga preparatni 62,5/25 mkg dozada qabul qilgan 1600 ga yaqin patsiyent va 125/25 mkg dozada qabul qilgan 1300 ga yaqin patsiyent taalluqli bo‘lib, har ikkala hollarda preparat sutkada bir marta qo‘llanilgan. Noxush dori reaktsiyalari MedDRA a’zolar tizimi sinflariga va ularning uchrash tez-tezligiga muvofiq ravishda sanab o‘tilgan. Noxush reaktsiyalarning tasniflash uchun quyidagi aniqlashlardan foydalanilgan: Juda tez-tez: ≥1/10 Tez-tez: ≥1/100, ammo <1/10 Tez-tez emas: ≥1/1000, ammo <1/100 Kam hollarda: ≥1/10000, ammo <1/1000 Juda kam hollarda: <1/10000

Anoro® Ellipta® preparatini sut oqsiliga nisbatan og‘ir allergik reaktsiyalari bo‘lgan patsiyentlarda qo‘llash mumkin emas.

Beta-blokatorlar bilan o‘zaro ta’siri Beta-blokatorlar vilanterol kabi beta2-agonistlar ta’sirini susaytirishi yoki samaraga to‘sqinlik qilishi mumkin. Ularni qo‘llash uchun jiddiy asoslar mavjud bo‘lmaganida noselektiv yoki selektiv beta-adrenoblokatorlardan bir vaqtda foydalanishdan saqlanish lozim. CYP3A4 izofermenti ingibitorlari bilan o‘zaro ta’siri Anoro® Ellipta® preparatining komponenti bo‘lgan Vilanterol me’da-ichak yo‘llarida va jigarda CYP3A4 izofermenti yordamida tezda yuqori tizimli metabolizmga uchraydi. Preparatni CYP3A4 kuchli ingibitorlari (masalan ketokonazol) bilan bir vaqtda qo‘llanilganida ehtiyotkorlikka rioya qilish zarur, chunki bu vilanterolning tizimli ekspozitsiyasini oshirishi va nojo‘ya reaktsiyalar rivojlanishi xavfi oshishiga yordam berishi mumkin (“Farmakokinetikasi” bo‘limiga qarang).

Bronxial astmasi bo‘lgan patsiyentlarda Anoro® Ellipta® preparatini qo‘llash bo‘yicha tadqiqotlar o‘tkazilmagan, shu sababli ushbu preparatni patsiyentlarning mazkur guruhida foydalanish tavsiya etilmaydi. Anoro® Ellipta® preparati O‘SOK ni samarani bir maromda ushlab turuvchi davolash uchun mo‘ljallangan. Mazkur preparatni o‘tkir simptomlarni bostirish uchun, ya’ni bronxospazmning o‘tkir epizodida shoshilinch yordam ko‘rsatish sifatida qo‘llash mumkin emas. O‘tkir simptomlar qisqa ta’sir etuvchi ingalyatsion bronxodilatatorlar yordamida bostirilishi kerak. Simptomlarni bostirish uchun qisqa ta’sir etuvchi bronxodilatatorlarni qo‘llash tez-tezligini oshishi kasallik ustidan nazoratning yomonlashganidan dalolat beradi, ushbu holatda patsiyentga shifokor maslahati talab etiladi. Boshqa ingalyatsion davolashdagi kabi Anoro® Ellipta® preparatini qo‘llanilishi hayot uchun xavfli bo‘lishi mumkin bo‘lgan parodoksal bronxospazmni keltirib chiqarishi mumkin. Parodoksal bronxospazm rivojlanganida Anoro® Ellipta® preparati bilan davolash bekor qilinishi va zarurat bo‘lganida muqobil davolash buyurilishi kerak. Simpatomimetiklarni va muskarin retseptorlari antagonistlarini, shu jumladan Anoro® Ellipta® preparatini qo‘llanilishi yurak-qon tomir tizimi tomonidan yurak ritmini buzilishlari, masalan yurak bo‘lmachalarining fibrillyatsiyasi va taxikardiya kabi reaktsiyalarning rivojlanishi bilan birga kechishi mumkin. Shu sababli Anoro® Ellipta® preparatidan og‘ir yurak-qon tomir kasalliklari bo‘lgan patsiyentlarda ehtiyotkorlik bilan foydalanish kerak. Muskaringa qarshi faollik mavjudligi oqibatida Anoro® Ellipta® preparatidan yopiq burchakli glaukomasi va siydik tutilishi bo‘lgan patsiyentlarda ehtiyotkorlik bilan foydalanish kerak. Anoro® Ellipta® preparati laktoza monogidratini saqlaydi. Galaktoza ta’sirini o‘zlashtiraolmaslik, Lapp laktaza yetishmovchiligi va glyukoza-galaktoza malabsorbtsiyasi sindromi kabi kam uchraydigan nasliy kasalliklari bo‘lgan patsiyentlar ushbu preparatni qabul qilmasliklari kerak.

Fertillik Anoro® Ellipta® preparatini odamning fertilligiga ta’siriga doir ma’lumotlar mavjud emas. Hayvonlarda o‘tkazilgan tadqiqotlarda umeklidiniy yoki vilanterolning fertillikka ta’siri mavjud emasligi ko‘rsatilgan. Homiladorlik Anoro® Ellipta® preparatini homilador ayollarda qo‘llanilishiga doir ma’lumotlar mavjud emas yoki cheklangan. Hayvonlarda o‘tkazilgan tadqiqotlarda vilanterolni ingalyatsion qo‘llanilganida reproduktiv toksikligi aniqlangan. Anoro® Ellipta® preparati homiladorlik davrida faqat ona uchun kutiladigan foyda homila uchun yetkazilishi mumkin bo‘lgan xavfni oqlagan taqdirda qo‘llanilishi kerak. Laktatsiya Umeklidiniy va vilanterol ko‘krak sutiga o‘tishi noma’lum. Shunga qaramay, boshqa beta2-agonistlar ko‘krak sutida aniqlanadi. Ko‘krak suti bilan emiziladigan yangi tug‘ilgan chaqaloqlar/go‘daklar uchun xavfni istisno etib bo‘lmaydi. Ona uchun davolashdan foyda va bola uchun ko‘krak suti bilan emizish muhimligi o‘rtasidagi nisbatni e’tiborga olgan holda yoki Anoro® Ellipta® preparati qo‘llanilishini bekor qilish haqida yoxud ko‘krak suti bilan emizishni to‘xtatish haqida qaror qabul qilish zarur. Mantiqiy xulosa chiqarish, harakatlanish va kognitiv ko‘nikmalarni talab qiluvchi vazifalarni bajarishga qodirligi Mantiqiy xulosa chiqarish, harakatlanish va kognitiv ko‘nikmalarni talab qiluvchi vazifalarni bajarishga qodirligiga Anoro® Ellipta® preparatining ta’siriga doir tadqiqotlar o‘tkazilmagan. Preparatni yaroqlilik muddati tugagach qo‘llash mumkin emas va bolalar ololmaydigan joyda saqlash lozim.

+30°S dan yuqori bo‘lmagan haroratda saqlansin. Muzlatkichda saqlanganida ishlatilishidan kamida bir soat oldin xona haroratigacha isishi uchun qo‘yiladi.

Simptomlari va belgilari Anoro® Ellipta® preparati dozasini oshirib yuborilishi preparatning ayrim komponentlarining ta’siridan kelib chiqadigan simptomlar va belgilarning rivojlanishini, shu jumladan muskarin retseptorlari antagonistlarini ingalyatsion qo‘llanilganida rivojlanadigan ma’lum noxush reaktsiyalarni (masalan, og‘izning qurishi, akkomodatsiyaning buzilishi va taxikardiya) hamda boshqa beta2-agonistlar bilan doza oshirib yuborilganida kuzatiladigan belgilarni (masalan, tremor, bosh og‘rig‘i va taxikardiya) keltirib chiqarishi mumkin. Davolash Doza oshirib yuborilganida zarurat bo‘lganida tegishli kuzatuv olib borilishi bilan simptomatik davolashni qo‘llash lozim. Bemorlarni keyingi parvarishlash klinik ko‘rsatmalarga yoki, agar mavjud bo‘lsa, milliy toksikologiya markazining tavsiyalariga mos kelishi kerak.

Retsept bo‘yicha

Ingalyatsiya uchun kukun, 62,5/25 mkg dozada Yorqin kul rang korpusli, qizil qopqoqli mundshtuk va dozalar hisoblagichi bo‘lgan plastik ingalyatorda 30 dozadan joylangan. Ingalyator ikkita laminatsiyalangan alyumin stripni o‘z ichiga olgan bo‘lib, ularning har biri oq rangli kukun saqlovchi 30 uyachadan tashkil topgan. Ingalyator namni yutuvchi paketchani saqlaydigan, alyumin folgadan tayyorlangan ko‘p qatlamli konteynerga joylashtirilgan. Konteyner yengil ochiluvchi folga bilan berkitilgan. 1 konteynerdan qo‘llash bo‘yicha yo‘riqnomasi bilan birga karton qutida.

24 oy. O‘rami ochilganidan keyin preparat eng ko‘pi bilan 6 hafta saqlanishi mumkin. Ingalyatorning utilizatsiya qilinishi sanasini etiketkadagi maxsus ajratilgan joyga yozib qo‘ying. Sanani ingalyator konteynerdan chiqarib olinganidan darhol keyin ko‘rsatish lozim.