oqdan deyarli oq rangligacha bo‘lgan gigroskopik kukun.

antibiotik (penitsillinlar guruhi)

J01CA01

Ampitsillin organizmning ko‘p a’zo va to‘qimalariga taqsimlanadi. Yo‘ldosh to‘sig‘i orqali o‘tadi, Gematoentsefalik to‘siq (GET) orqali yomon o‘tadi. Miya qobig‘ini yallig‘lanishida GET o‘tuvchanligi keskin oshadi. Ampitsillinning 30% jigarda metabolizmga uchraydi. Siydik va safro bilan chiqariladi.

Ampitsillinga sezgir mikroorganizmlar tomonidan chaqirilgan infektsion­yallig‘lanish kasalliklari: shu jumladan quloq, tomoq, burun infektsiyalari, odontogen infektsiyalar, bronx-o‘pka infektsiyalari, siydik tanosil yo‘llarining o‘tkir va surunkali infektsiyalari, MIY ning infektsiyalari (shuningdek salmonellez, xoletsistit), ginekologik infektsiyalar, meningit, endokardit, septitsemiya, sepsis, revmatizm, saramas, qizilcha, teri va yumshoq to‘qimalarning infektsiyalarida qo‘llaniladi.

Dozalash tartibi kasallikni kechish og‘irligiga, infektsiya joyi va qo‘zg‘atuvchining sezuvchanligiga qarab, shaxsiy ravishda belgilanadi. Mushak ichiga va vena ichiga yuborish uchun kattalar uchun bir martalik doza 0,25­0,5 g ni; sutkalik doza 1­3 g ni tashkil qiladi. Og‘ir infektsiyalarda sutkalik doza 10 g va undan ortiqqa oshirilishi mumkin. Yangi tug‘ilgan chaqaloqlarga preparatni sutkada 100 mg/kg dozada, boshqa yoshdagi bolalarga 50 mg/kg dozada buyuriladi. Infektsion kasallikni og‘ir kechishida ko‘rsatilgan dozalar ikki barobar oshirilishi mumkin. Sutkalik doza 4­6 soatlik interval bilan 4­6 marta yuboriladi. Mushak ichiga yuborish uchun eritma flakon ichidagi moddaga 2 ml inyektsiya uchun steril suv qo‘shib, ex tempore tayyorlanadi. Davolash davomiyligi 7­14 kun va undan ko‘proqni tashkil qiladi. Vena ichiga oqim bilan yuborish uchun preparatning bir martalik dozasi (2 g dan ko‘p bo‘lmagan) inyektsiya uchun steril suv yoki natriy xloridi izotonik eritmasining 5­10 ml da eritiladi va 3­5 minut davomida sekin yuboriladi (1-2 g 10-15 minut davomida yuboriladi). 2 g dan ortiq bir martalik dozada, preparat vena ichiga tomchilab yuboriladi. Vena ichiga tomchili yuborish uchun preparatning bir martalik dozasini (2­4 g) ko‘p bo‘lmagan hajmdagi (muvofiq ravishda 7,5­15,0 ml) inyektsiya uchun steril suvda  eritiladi, keyin antibiotikning olingan eritmasi 125­250 ml natriy xloridining izotonik eritmasiga yoki 5­10% li glyukoza eritmasiga qo‘shiladi va minutiga 60­80 tomchi tezlikda yuboriladi. Bolalarga tomchilab yuborilganida erituvchi sifatida 5­10% li glyukoza eritmasi (yoshga qarab 30­50 ml) qo‘llaniladi. Eritmalarni tayyorlanishi bilanoq darhol qo‘llaniladi.

Allergik reaktsiyalar: eshakemi, eritema, Kvinke shishi, rinit, kon’yunktivit; kam hollarda ­ isitma, bo‘g‘inlarda og‘riq, eozinofiliya; juda kam hollarda ­ anafilaktik shok bo‘lishi mumkin. Ovqat hazm qilish tizimi tomonidan: ko‘ngil aynishi, qusish. Kimyoterapevtik ta’siriga asoslangan samaralari: C. difficale chaqirgan og‘iz bo‘shlig‘ining kandidozi, vaginal kandidoz, ichak disbakteriozi, kolit bo‘lishi mumkin.

Infektsion mononukleoz, limfoleykoz, ampitsillinga yoki boshqa penitsillinlarga yuqori sezuvchanlik, jigar faoliyatini buzilishida qo‘llash mumkin emas.

Ampitsillinni bakteritsid antibiotiklar (shu jumladan aminoglikozidlar, tsefalosporinlar, tsikloserin, vankomitsin, rifampitsin) bilan bir vaqtda qo‘llanganda  sinergizm; bakteriostatik antibiotiklar (shu jumladan makrolidlar, xloramfenikol, linkozamidlar, tetratsiklinlar, sulfanilamidlar) bilan bir vaqtda qo‘llanganda   antagonizm namoyon bo‘ladi. Ampitsillin ichak mikroflorasini susaytirib, bilvosita antikoagulyantlarning samaradorligini oshiradi, K vitaminining sintezini va protrombin indeksni pasaytiradi. Ampitsillin, metabolizmi jarayonida paraaminobenzoy kislotasi (PABK) hosil bo‘luvchi dori vositalarining ta’sirini kamaytiradi. Probenetsid, diuretiklar, allapurinol, oksifenbutazon, fenilbutazon, nosteroid yallig‘lanishga qarshi vositalar ampitsillinning buyrak naychalari orqali sekretsiyasini kamaytiradi, bu uning qondagi kontsentratsiyasini oshiradi. Antatsidlar, glyukozamin, surgi vositalari, aminoglikozidlar ampitsillini so‘rilishini sekinlashtiradi va kamaytiradi, askorbin kislotasi esa oshiradi. Ampitsillin ichga qabul qilish uchun kontratseptivlarning samarasini kamaytiradi.

Ampitsillin bilan davolash jarayonida buyrak faoliyatini, jigar faoliyatini va periferik qon manzarasini nazorat qilish kerak. Buyrak faoliyatini buzilishi bo‘lgan patsiyentlarga kreatinin klirensi (KK) ning ko‘rsatkichlariga mos ravishda dozalash tartibini to‘g‘rilash talab qilinadi. Buyrak yetishmovchiligi bo‘lgan bemorlarda yuqori dozalarda qo‘llanganida markaziy nerv tizimi  (MNT) ga toksik ta’sir bo‘lishi mumkin. Bakterimiyasi (sepsis) bo‘lgan bemorlarda ampitsillin qo‘llanganida bakterioliz reaktsiyasi (Yarish­Gerksgeymer reaktsiyasi) bo‘lishi mumkin.

Preparat quruq va yorug‘likdan himoyalangan joyda, 25°S dan yuqori bo‘lmagan haroratda saqlansin.

Retsept bo‘yicha

Rezina tiqin va alyumin qopqoqli rangsiz tiniq shisha flakon. 10 yoki 50 flakon qo‘llash bo‘yicha yo‘riqnomasi bilan birga ikkilamchi o‘ramda chiqariladi.

3 yil.