Antibiotiklar (penitsillinlar guruhi).

Preparat parenteral yuborilgandan keyin organizmning to‘qima va suyuqliklariga kiradi, terapevtik kontsentratsiyalarda plevral, peritoneal va sinovial suyuqliklarida, o‘t-safroda aniqlanadi. Preparat yo‘ldosh to‘sig‘i orqali o‘tadi, ona sutiga ajralib chiqariladi. Yarimchiqarilish davri (T1/2) taxminan 1 soat, anuriyada bu davr 12-20 soatgacha uzayadi. Preparatning asosiy qismi organizmdan buyraklar orqali chiqariladi, shuning uchun siydikda antibiotikning juda yuqori kontsentratsiyasi hosil bo‘ladi. Preparat takror yuborilganda, organizmda to‘planib qolmaydi, bu uni katta dozalarda va uzoq vaqt qo‘llash imkonini beradi.

Bakterial infektsiyalar: bronxit, pnevmoniya, dizenteriya, salmonellyoz, salmonellalarni uzoq vaqt tashuvchanlik, xoletsistit, ko‘kyo‘tal, piyelonefrit, uretrit, endokardit, teri va yumshoq to‘qimalar infektsiyalari, ginekologik infektsiyalar, quloq, burun, tomoq infektsiyalari, odontogen infektsiyalar, meningit, sepsis va preparatga sezgir mikroorganizmlar chaqirgan boshqa infektsiyalar.

Parenteral: mushak ichiga (m/i) va vena ichiga (v/i) (oqim bilan yoki tomchilab). Ikkala yuborish usullarida kattalarga 250-500 mg dan sutkada 4-6 marta buyuriladi; og‘ir infektsiyalarda (sepsisda, meningitda, endokarditda) sutkalik doza 10 g gacha va undan ortiqqa oshirilishi mumkin; bolalarga yoshiga qarab: yangi tug‘ilgan chaqaloqlarga – 100 mg/kg, 1 yoshgacha – 50 mg/kg, 1 yoshdan 4 yoshgacha 50-75 mg/kg, 4 yoshdan kattalarga 50 mg/kg sutkalik dozada buyurilishi mumkin. 2 g dan oshadigan bir martalik doza v/i tomchilab yuboriladi. Buning uchun 2-4 g ni muvofiq 7,5-15,0 ml inyektsiya uchun suvda eritiladi, keyin tayyorlangan eritmani 125-250 ml natriy xloridi eritmasi yoki 5-10% glyukoza eritmasiga qo‘shiladi, minutiga 60-80 tomchi tezligida yuboriladi. V/i tomchilab yuborilganda bolalarga erituvchi sifatida 5-10% glyukoza eritmasi (bolaning yoshiga qarab 30-50 ml) qo‘llanadi. Davolash davomiyligi patsiyentning holatini og‘irligi va davolash samaradorligiga bog‘liq (5-10 kundan 2-3 haftagacha va undan ko‘p) bo‘ladi. Mushak ichiga yuborish uchun eritmani ex tempore, flakon ichidagisiga 2 ml steril inyektsiya uchun suv yoki 0,5% novokainning inyektsiya uchun eritmasini qo‘shib tayyorlanadi (novokainga yuqori sezuvchanligi bo‘lgan patsiyentlar istisnodir. Vena ichiga oqim bilan yuborish uchun preparatning bir martalik dozasini (ko‘pi bilan 2 g) 5-10 ml steril inyektsiya uchun suv yoki natriy xloridining izotonik eritmasida eritiladi va sekin yuboriladi.

Allergik reaktsiyalar (eshakemi, eritema, Kvinke shishi, rinit, kon’yunktivit; kam hollarda – isitmalash, bo‘g‘imlarda og‘riqlar, eozinofiliya, juda kam hollarda anafilaktik shok). Markaziy nerv tizimiga toksik ta’sir ko‘rsatishi mumkin (buyrak yetishmovchiligi bo‘lgan bemorlarda preparatning yuqori dozalari qo‘llanilganda), dispepsik holatlar (diareya, ko‘ngil aynishi, qusish), kandidoz, ichak disbakteriozi kuzatilishi mumkin.

O‘ta yuqori sezuvchanlik (shu jumladan boshqa penitsillinlarga, tsefalosporinlarga, karbapenemlarga), jigar faoliyatining og‘ir buzilishlari, infektsion mononukleoz, bronxial astma, pichan isitmasi, emizish (davolash vaqtida emizishni to‘xtatish lozim).

Bakteriostatik antibiotiklar (tetratsiklin, xloramfenikol, eritromitsin va boshqalar) bilan bir vaqtda qo‘llanilganda o‘zaro antagonizm yuz beradi. Aminoglikozid antibiotiklar bilan birga qo‘llanganda, preparatning mikroblarga qarshi samaradorligida sinergizm kuzatiladi. Probenetsid bilan birga qo‘llanishi preparatni siydik bilan ajralishini kamaytiradi va qon zardobida uning miqdorini oshishiga olib keladi, allopurinol bilan esa – preparatning metabolizmini sekinlashtiradi va teri toshmasini paydo bo‘lish tezligini oshiradi. Kam hollarda preparat peroral kontratseptivlarning ta’sirini susaytiradi.

Allergik reaktsiyalar yuz berganda, preparatni qabul qilishni to‘xtatish, desensibilizatsiyalovchi davolash choralarini o‘tkazish lozim. Preparatni sepsisli bemorlarda qo‘llanganda bakterioliz reaktsiyasi (Yarish-Gerksgeymer reaktsiyasi) yuz berishi mumkin. Holsizlangan bemorlarda uzoq vaqt davolanishda, preparatga chidamli mikroorganizmlar (achitqisimon zamburug‘lar, grammanfiy mikroblar) superinfektsiyani chaqirishi mumkin. Bu guruh bemorlarga davolash davrida V guruhi va S vitaminlarini, buyurish, zarurati bo‘lganda nistatin va levorin dori vositalarini berish maqsadga muvofiqdir. Bronxial astmada, pichan isitmasida va boshqa allergik kasalliklarda, kerakli xollarda preparat desensibilizatsiyalovchi vositalar bilan birga qo‘llanadi. Buyrak, jigar faoliyatini va qon manzarasini muntazam nazorat qilish lozim. Buyrak yetishmovchiligi bo‘lgan bemorlarga preparatni buyurilganda ehtiyotkorlikka rioya qilish lozim. Preparat bolalar olaolmaydigan joyda saqlansin va uni yaroqlilik muddati o‘tganidan keyin ishlatilmasin.

Quruq va yorug‘likdan himoyalangan joyda 250Sdan yuqori bo‘lmagan haroratda saqlansin.

Retsept bo‘yicha

Inyektsion eritma tayyorlash uchun kukun, 0,5 g yoki 1,0 g dan flakonlarda.

2,5 yil.