oq yoki deyarli oq rangli mayda kristall kukun. Gigroskopik.

Penisillinlar (Beta-laktam)

J01CA01

Ampitsillin – keng taʼsir doirasiga ega boʼlgan yarimsintetik penitsillinlar guruhiga mansub antibiotik. Mikroorganizmlarning hujayra devori sintezini toʼxtatib, bakteritsid taʼsir qiladi. Penitsillinaza taʼsirida parchalanadi. Preparatga quyidagi mikroorganizmlar doimo sezgir: Staphylococcus spp., Streptococci A, B, C, F, G; Str. pneumoniae penitsillinaza ishlab chiqarmaydiganlari: L. monocytogenes, Corynebacterium diphtheriae, Erysipelotrix rhusopathiae, Eikenela, N.meningitidis, Bordetella pertussis, Clostridium spp., Propionibacterium acnes, Peptostreptococcus spp., Actinomyces spp., Leptospira spp., Treponema; Enterococcus faecalis, E.coli, Proteus mirabilis, Salmonella spp., Vibrio cholerae, H.Influenzae, N.gonorrhoeae, Fusobacterium spp., Prevotella spp. lar doimo sezgir emas. Preparatga chidamli mikroorganizmlar: D.catarrhalis, Klebsiella spp., Enterobacter spp., C.diversus, C.freundi, Proteus vulgaris, Providencia rettgeri, Morganella morganii, Y.enterocolitica, Pseudommonas spp., Acinetabacter spp., Xanthomonas spp., Flavobacterium spp., Alcaligenes spp., Nocardia spp., Campylobacter spp., Legionella pneumophila, Mycobacterium spp., Bacteroides spp., Mycoplasma spp., Chlamydia spp.

Preparat parenteral yuborilgandan keyin organizmning toʼqima va suyuqliklariga kiradi, terapevtik kontsentratsiyalarda plevral, peritoneal va sinovial suyuqliklarida, safroda aniqlanadi. Preparat yoʼldosh toʼsigʼi orqali oʼtadi, koʼkrak sutiga ajralib chiqariladi. Yarim chiqarilish davri (T1/2) taxminan 1 soat, anuriyada bu davr 12-20 soatgacha uzayadi. Preparatning asosiy qismi organizmdan buyrak orqali chiqariladi, shuning uchun siydikda antibiotikning juda yuqori kontsentratsiyasi hosil boʼladi. Preparat takror yuborilganda, organizmda toʼplanib qolmaydi, bu uni yuqori dozalarda va uzoq vaqt qoʼllash imkonini beradi.

Bakterial infektsiyalar: bronxit, pnevmoniya, dizenteriya, salmonellyoz, salmonellalarni uzoq vaqt tashuvchanlik, xoletsistit, koʼk yoʼtal, pielonefrit, uretrit, endokardit, teri va yumshoq toʼqimalar infektsiyalari, ginekologik infektsiyalar, quloq, burun, tomoq infektsiyalari, odontogen infektsiyalar, meningit, sepsis va preparatga sezgir mikroorganizmlar chaqirgan boshqa infektsiyalarda qoʼllaniladi.

Parenteral: mushak ichiga (m/i) va vena ichiga (v/i) (oqim bilan yoki tomchilab). Ikkala yuborish usullarida kattalarga 250-500 mg dan sutkada 4-6 marta buyuriladi; ogʼir infektsiyalarda (sepsisda, meningitda, endokarditda) sutkalik doza 10 g gacha va undan ortiqqa oshirilishi mumkin; bolalarga yoshiga qarab: yangi tugʼilgan chaqaloqlarga – 100 mg/kg, 1 yoshgacha – 50 mg/kg, 1 yoshdan 4 yoshgacha 50-75 mg/kg, 4 yoshdan kattalarga 50 mg/kg sutkalik dozada buyurilishi mumkin. 2 g dan oshadigan bir martalik doza v/i tomchilab yuboriladi. Buning uchun 2-4 g ni muvofiq 7,5-15,0 ml inʼektsiya uchun suvda eritiladi, keyin tayyorlangan eritmaga 125- 250 ml natriy xloridi eritmasi yoki 5-10% li glyukoza eritmasini qoʼshiladi, minutiga 60-80 tomchi tezligida yuboriladi. V/i tomchilab yuborilganda bolalarga erituvchi sifatida 5-10% li glyukoza eritmasi (bolaning yoshiga qarab 30-50 ml) qoʼllanadi. Davolash davomiyligi patsientning holatini ogʼirligi va davolash samaradorligiga bogʼliq (5-10 kundan 2-3 haftagacha va undan koʼp) boʼladi. Mushak ichiga yuborish uchun eritmani ex tempore, flakon ichidagisiga 2 ml steril inʼektsiya uchun suv yoki 0,5% li novokainning inʼektsiya uchun eritmasini qoʼshib tayyorlanadi (novokainga yuqori sezuvchanligi boʼlgan patsientlar bundan istisnodir). Vena ichiga oqim bilan yuborish uchun preparatning bir martalik dozasini (koʼpi bilan 2 g) 5-10 ml steril inʼektsiya uchun suv yoki natriy xloridining izotonik eritmasida eritiladi va sekin yuboriladi.

Allergik reaktsiyalar (eshakemi, eritema, Kvinke shishi, rinit, konʼyunktivit; kam hollarda – isitmalash, boʼgʼimlarda ogʼriqlar, eozinofiliya, juda kam hollarda anafilaktik shok). Markaziy nerv tizimiga toksik taʼsir koʼrsatishi mumkin (buyrak yetishmovchiligi boʼlgan bemorlarda preparatning yuqori dozalari qoʼllanilganda), dispepsik holatlar (diareya, koʼngil aynishi, qusish), kandidoz, ichak disbakteriozi kuzatilishi mumkin.

Oʼta yuqori sezuvchanlik (shu jumladan boshqa penitsillinlarga, sefalosporinlarga, karbapenemlarga), jigar faoliyatini ogʼir buzilishlari, infektsion mononukleoz, bronxial astma, pichan isitmasi, emizish (davolash vaqtida emizishni toʼxtatish lozim) davrida qoʼllash mumkin emas.

Bakteriostatik antibiotiklar (tetratsiklin, xloramfenikol, eritromitsin va boshqalar) bilan bir vaqtda qoʼllanilganda oʼzaro antagonizm yuz beradi. Aminoglikozid antibiotiklar bilan birga qoʼllanganda, preparatning mikroblarga qarshi samaradorligida sinergizm kuzatiladi. Probenetsid bilan birga qoʼllanishi preparatni siydik bilan ajralishini kamaytiradi va qon zardobida uning miqdorini oshishiga olib keladi, allopurinol bilan esa – preparatning metabolizmini sekinlashtiradi va teri toshmasini paydo boʼlish tezligini oshiradi. Kam hollarda preparat peroral kontratseptivlarning taʼsirini susaytiradi.

Allergik reaktsiyalar paydo boʼlganda, preparatni qabul qilishni toʼxtatish va desensibilizatsiyalovchi davolash choralarini oʼtkazish lozim. Preparatni sepsisli bemorlarda qoʼllanganda bakterioliz reaktsiyasi (Yarish-Gerksgeymer reaktsiyasi) yuz berishi mumkin. Holsizlangan bemorlarda uzoq vaqt davolanishda, preparatga chidamli mikroorganizmlar (achitqisimon zamburugʼlar, grammanfiy mikroblar) chaqirgan superinfektsiya rivojlanishi mumkin. Bu guruh bemorlarga davolash davrida V guruhi vitaminlarini va S vitaminini, buyurish, zarurati boʼlganda nistatin va levorin dori vositalarini berish maqsadga muvofiqdir. Bronxial astmada, pichan isitmasida va boshqa allergik kasalliklarda, zarur boʼlganda preparat desensibilizatsiyalovchi vositalar bilan birga qoʼllanadi. Buyrak, jigar faoliyatini va qon manzarasini muntazam nazorat qilish lozim. Preparatni buyrak yetishmovchiligi boʼlgan bemorlarga buyurilganda ehtiyotkorlikka rioya qilish lozim. Preparat bolalar olaolmaydigan joyda saqlansin va yaroqlilik muddati oʼtgach qoʼllanilmasin.

Quruq, yorugʼlikdan himoyalangan joyda, 30oS dan yuqori boʼlmagan haroratda saqlansin.

Doza oshirib yuborilganida markaziy nerv tizimiga toksik taʼsiri (bosh aylanishi, bosh ogʼrigʼi), dispepsik holatlar (koʼngil aynishi, qusish, ich suyuq kelishi), teri toshmasi koʼrinishidagi allergik reaktsiyalar boʼlishi mumkin. Dozani oshirib yuborilishining simptomlari paydo boʼlganida preparatni darhol bekor qilish va zarurati boʼlganida simptomatik davolash: meʼdani yuvish, faollashtirilgan koʼmir, tuzli surgi vositalarini qoʼllash, suv-elektrolit muvozanatini muvofiqlashtirish, gemodializ oʼtkazish kerak. Allergiyada antigistamin va desensibilizatsiyalovchi vositalar qoʼllanadi.

Retsept boʼyicha.

Inʼektsion eritma tayyorlash uchun kukun 500 mg va 1000 mg.

3 yil.