Sarg‘ish tusli oq rangli kukun. Gigroskopik.

majmuaviy yarimsintetik antibiotik (penitsillinlar guruhi)

J01CR50.

Qonda ikkala antibiotikning maksimal kontsentratsiyaga erishish vaqti (TSmax) mushak ichiga yuborishdan keyin 0,5-1 soat. Ikkala antibiotiklar buyrak orqali, qisman safro bilan chiqariladi. Takroriy yuborishlarda to‘planmaydi.

Sezgir qo‘zg‘atuvchilar chaqirgan bakterial infektsiyalar: sinusit, tonzillit, o‘rta otit; bronxit, pnevmoniya; xolangit, xoletsistit; piyelonefrit, piyelit, tsistit, uretrit, gonoreya, tservitsit; teri va yumshoq to‘qimalarning infektsiyalari: saramas, impetigo, ikkilamchi infektsiyalangan dermatozlar va boshqalar. Jarrohlik aralashuvlarida operatsiyadan keyingi asoratlarni oldini olish (shu jumladan, immun tanqisligi fonida), yangi tug‘ilgan chaqaloqlardagi infektsiyalar (homila atrofidagi suyuqlikni infektsiyalanishi; yangi tug‘ilgan chaqaloqlarda reanimatsion choralarni talab qiluvchi nafas buzilishlari). Og‘ir kechuvchi infektsiyalar (sepsis, endokardit, meningit, tug‘ruqdan keyingi infektsiya).

Mushak ichiga qo‘llanadi. Quyida ko‘rsatilgan preparatning dozalari ampitsillin va oksatsillinning (natriyli tuzi) 2:1 o‘zgarmas nisbatidagi (ya’ni quyida ko‘rsatilgan dozalashda 0,5 g preparat 333,5 mg ampitsillin + 166,5 mg oksatsillin yig‘indisiga teng) dozasining yig‘indisi hisoblanadi. Kattalar va 14 yoshdan oshgan bolalar uchun sutkalik doza – 3-6 g; yangi tug‘ilgan, chala tug‘ilgan chaqaloq va 1 yoshgacha bo‘lgan bolalar uchun – sutkada 100-200 mg/kg; 1-6 yosh – sutkada 100 mg/kg; 7-14 yosh – sutkada 100 mg/kg. Sutkalik dozani 6-8 soatlik interval bilan 3-4 marta qabul qilishda yuboriladi. Zarurati bo‘lganida ko‘rsatilgan dozalar 1,5-2 marta oshirilishi mumkin. Davolash davomiyligi kasallikning og‘ir darajasiga bog‘liq (5-10 kundan 2-3 haftagacha, surunkali jarayonlarda esa – bir necha oylar davomida). Mushak ichiga yuborish uchun flakon ichidagisi (133,4 mg+66,6 mg yoki 333,5 mg+166,5 mg) muvofiq 2 ml yoki 5 ml inyektsiya uchun suvda eritiladi. Eritma tayyorlanganidan keyin darhol ishlatiladi.

Allergik reaktsiyalar: eshakemi, teri giperemiyasi, Kvinke shishi, rinit, kon’yunktivit; isitma, artralgiya, eozinofiliya, ayrim hollarda anafilaktik shok; superinfektsiya; disbakterioz, ta’mni buzilishi, qusish, ko‘ngil aynishi, diareya, kam soxtamembranoz enterokolit; leykopeniya, neytropeniya, anemiya. Yuborish joyida infiltrat, og‘riq. Anafilaktik shok belgilari paydo bo‘lishida bemorni ushbu holatdan chiqarish uchun shoshilinch choralar ko‘rilishi kerak: epinefrin, KGS (gidrokortizon yoki prednizolon) va antigistamin vositalarni yuborish, zarurati bo‘lganida o‘pkaning sun’iy ventilyatsiyasi amalga oshiriladi.

O‘ta yuqori sezuvchanlik, infektsion mononukleoz, limfoleykoz. Ehtiyotkorlik bilan Penitsillinlarga o‘ta yuqori sezuvchanligi bo‘lgan onalardan tug‘ilgan bolalar.

Antatsidlar, glyukozamin, surgi vositalar, ovqat, aminoglikozidlar (enteral buyurishda) so‘rilishni sekinlashtiradi va pasaytiradi; askorbin kislotasi so‘rilishni oshiradi. Bakteritsid antibiotiklar (shu jumladan, aminoglikozidlar, tsefalosporinlar, vankomitsin, rifampitsin) sinergik ta’sir ko‘rsatadi; bakteriostatik preparatlar (makrolidlar, xloramfenikol, linkozamidlar, tetratsiklinlar, sulfanilamidlar) – antagonistik ta’sir ko‘rsatadi. Bilvosita antikoagulyantlarning (ichak mikroflorasini susaytirib, K vitaminini sintezini va protrombin indeksini pasaytiradi) samaradorligini oshiradi; peroral kontratseptivlar, metabolizmi jarayonida paraaminobenzoy kislotasi hosil bo‘ladigan dori vositalari samaradorligini kamaytiradi, etinilestradiol – “shiddatli” qon ketishni rivojlanish xavfi paydo bo‘ladi. Diuretiklar, allopurinol, kanalchalar sekretsiyasini blokatorlari, fenilbutazon, nosteroid yallig‘lanishga qarshi preparatlar va kanalchalar sekretsiyasini bloklovchi boshqa dori vositalari plazmada preparatning kontsentratsiyasini oshiradi, bu toksik ta’sirini rivojlanish xavfini oshiradi. Allopurinol terida toshma rivojlanishi xavfini oshiradi.

Kursli davolashda qon yaratish a’zolari, jigar va buyrak faoliyati holatini nazorat qilish kerak. Superinfektsiya rivojlanishi ehtimoli (unga sezuvchan bo‘lmagan mikroflorani o‘sishi sababli) antibakterial davolashni muvofiq o‘zgartirishni talab qiladi. Penitsillinlarga yuqori sezuvchanligi bo‘lgan patsiyentlarda tsefalosporin antibiotiklari bilan kesishgan allergik reaktsiyalari bo‘lishi mumkin. Buyrak yetishmovchiligi bo‘lgan bemorlarda yuqori dozalarda qo‘llashda MNTga toksik ta’siri bo‘lishi mumkin. Homiladorlik va laktatsiya davri Preparatni homiladorlik va laktatsiya davrida faqatgina ona uchun kutilayotgan foyda homila uchun potentsial xavfdan yuqori bo‘lgan hollarda qo‘llash mumkin. Preparat ona suti bilan chiqariladi, shuning uchun emizish davrida preparatni buyurish zarurati bo‘lganida emizishni to‘xtatish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 20oS dan yuqori bo‘lmagan haroratda saqlansin.

Shifokor retsepti bo‘yicha

333,5 mg+166,5 mg dan mushak ichiga yuborish uchun eritma tayyorlash uchun kukun 333,5 mg+166,5 mg dan 10 ml sig‘imli flakonlarda. 50 flakon 1-5 rus va o‘zbek (davlat) tilidagi qo‘llash bo‘yicha yo‘riqnomasi bilan statsionarga yetkazish uchun karton qutiga joylanadi.

2 yil.