oq yoki deyarli oq rangli, oval, chetlari kesilgan ikki yoqlama qavariq, bir tomonida oʼyiq va “875/125” oʼyib yozilgan, boshqa tomonida “AMS” oʼyib yozilgan, plyonka qobiq bilan qoplangan tabletkalar.

tizimli qoʼllash uchun antibakterial vositalar; penitsillinlar majmuasi, shu jumladan beta-laktamaza ingibitorlari.

J01CR02.

Amoksitsillin bakteriyalarning hujayra devorini integral struktur komponenti hisoblangan peptidoglikan biosintezi jarayonida ishtirok etuvchi bir yoki undan ortiq fermentlarni (koʼpincha penitsillinni bogʼlovchi deb nomlanuvchi oqsillarni) ingibitsiya qiluvchi yarim sintetik penitsillindir (beta-laktam antibiotikdir). Peptidoglikanning sintezini ingibitsiya qilinishi hujayra devorining mustahkamligini buzilishiga olib keladi, bu odatda hujayrani lizisi va nobud boʼlishiga olib keladi. Klavulanat kislotasi tuzilishi jihatidan penitsillinlarga oʼxshash beta-laktam hisoblanadi. U ayrim beta-laktamazalarni faolsizlantiradi va amoksitsillinni faolsizlanishini oldini oladi. Klavulanat kislotasining oʼzi klinik jihatdan foydali antibakterial samara koʼrsatmaydi. Minimal bostiruvchi kontsentratsiya (MBK) dan yuqori kontsentratsiyada samarani bir maromda saqlab turish vaqti (T>MBK) amoksitsillinning asosiy determinant samaradorligi sifatida qabul qilingan. Mikroorganizmlarning ayrim turlari uchun chidamlilikni tarqalishi geografik va vaqt bogʼliqligi bilan xarakterlanadi, shu sababli davolashni boshlashdan oldin, ayniqsa ogʼir infektsiyalarda antibiotikka chidamlilik boʼyicha mahalliy maʼlumotlarni olish maqsadga muvofiqdir. Antibiotiklarga chidamlilik xususidagi mahalliy koʼrsatkichlar xech boʼlmaganda baʼzi turdagi infektsiyalarda preparatning foydasi shubha ostida boʼlgan hollarda yordam uchun tegishli mutaxassislarga murojaat qilish kerak. Odatdagi sezgir turlar Grammusbat aeroblar: Enterococcus faecalis, Gardnerella vaginalis, Staphylococcus aureus (metitsillinga sezgir shtammlari)£, Streptococcus agalactisae, Streptococcus pneumonia1, Streptococcus pyogenes va boshqa beta-gemolitik streptokokklar, Streptococcus viridans guruhi. Grammanfiy aeroblar: Capnocytophaga spp., Eikenella corrodens, Haemophilus influenza2, Moraxella catarrhalis, Pasteurella multocida. Anaeroblar: Bacteroides fragilis, Fusobacterium nucleatum, Prevotella spp. Orttirilgan chidamlilik rivojlanishi mumkin boʼlgan turlar Grammusbat aeroblar: Enterococcus faecium$ Grammanfiy aeroblar: Escherichia coli, Klebsiella oxytoca, Klebsiella pneumonia, Proteus mirabilis, Proteus vulgaris Tabiiy chidamliligi boʼlgan turlar Grammanfiy aeroblar: Acinetobacter spp. Citrobacter freundii, Enterobacter spp., Legionella pneumopnila, Morganella morganii, Providencia spp., Pseudomonas spp., Serratia spp., Stenotrophomas maltophilia Boshqa mikroorganizmlar: Chlamydia pneumonia, Chlamydia psittaci, Caxiella burnetti, Mycoplasma pneumoniae. $ Orttirilgan chidamlilik mexanizmi yoʼqligida, tabiiy oraliq sezuvchanlik. £ Metitsillinga chidamli barcha stafilokokklar amoksitsillin/klavulanat kislotasiga ham chidamlidir. Beta-laktamazalarga bogʼliq boʼlmagan, amoksitsillinga chidamliligi boʼlgan barcha shtammlar amoksitsillin/klavulanat kislotasiga chidamlidir. 1 Streptococcus pneumonia ning penitsillinga chidamli shtammlari chaqirgan infektsiyalarni, preparatning ushbu dori shakli bilan davolash mumkin emas. 2 Yevropa Ittifoqining ayrim mamlakatlarida 10% dan yuqori tez-tezlikda uchraydigan, sezuvchanligi past shtammlari aniqlangan.

Amoksitsillin va klavulanat kislotasi rN ning fiziologik koʼrsatkichida suvda toʼliq eriydi. Preparatning ikkala komponenti ham ichga qabul qilingandan keyin tez va yaxshi soʼriladi. Ichga qabul qilinganda amoksitsillin va klavulanat kislotasining biokiraolishligi taxminan 70% ga yetadi. Ikkala komponentning ham plazmadagi kontsentratsiyasining profili bir xil boʼlib, har bir modda uchun choʼqqi kontsentratsiyasiga (Tmax) erishish vaqti taxminan bir soatni tashkil qiladi. Sogʼlom koʼngillilar guruhi 875 mg/125 mg tabletkalari koʼrinishida majmuaviy preparatni och qoringa kuniga ikki marta qabul qilganlarida, zardobda maksimal kontsentratsiyalar (Smax) amoksitsillin uchun 11,64±2,78 mkg/ml ni va klavulanat kislotasi uchun 2,18±0,99 mkg/ml ni tashkil qilgan. Zardobda maksimal kontsentratsiyalarga erishish vaqti (Tmax) amoksitsillin uchun 1,5 soatni (diapazon 1,0-2,5) va klavulanat kislotasi uchun 1,25 soatni (diapazon 1,0-2,0) tashkil qilgan. Yarim chiqarilish davri – T1/2 ning oʼrtacha koʼrsatkichlari amoksitsillin uchun 1,19±0,21 soatni va klavulanat kislotasi uchun 0,96±0,12 soatni tashkil qildi. Plazmadagi klavulanat kislotasining umumiy miqdorini taxminan 25% va amoksitsillinning umumiy miqdorini taxminan 18% oqsillar bilan bogʼlangan holda boʼladi. Vena ichiga yuborilganidan soʼng amoksitsillin va klavulanat kislotasi oʼt pufagi, qorin devori toʼqimalari, teri, yogʼ toʼqimasi, mushak toʼqimalari, sinovial va peritoneal suyuqliklarda, safro va yiringda aniqlanadi. Amoksitsillin orqa miya suyuqligiga juda oz miqdorda kiradi xolos. Amoksitsillin koʼkrak sutiga oʼtadi. Klavulanat kislotasining juda oz miqdori koʼkrak sutida aniqlanadi. Amoksitsillin ham, klavulan kislotasi ham yoʼldosh toʼsigʼi orqali oʼtadi. Amoksitsillin faol boʼlmagan penitsillin kislotasi shaklida (dastlabki dozasining koʼpi bilan 10-25%) siydik bilan qisman chiqariladi. Klavulanat kislotasi odam organizmida jadal metabolizmga uchraydi, siydik va axlat bilan, shuningdek nafas yoʼllari orqali karbonat angidridi holida chiqariladi. Amoksitsillinni asosiy chiqarilish yoʼli buyraklar orqali boʼlsa, ayni paytda klavulanat kislotasi organizmdan buyrak va buyrakdan tashqari mexanizmlar yordamida chiqariladi. Yosh Uch oylikdan ikki yoshgacha boʼlgan bolalar, kattaroq yoshdagi bolalar va kattalarda amoksitsillinning yarim chiqarilish davri bir xil. Juda kichik yoshdagi bolalarga (shu jumladan, chala tugʼilgan chaqaloqlarga) hayotining birinchi haftasida buyraklar orqali chiqarish yoʼli yetilmaganligi sababli, preparatni kuniga ikki martadan ortiq yuborish mumkin emas. Keksa yoshdagi shaxslarda buyrak faoliyatini pasayishi mumkinligini nazarda tutib, preparatning dozasini ehtiyotkorlik bilan tanlanadi va zarurat tugʼilganida buyrak faoliyatini muntazam tekshirib turiladi. Buyrak faoliyatini buzilishi Amoksitsillin va klavulanat kislotasining plazmadan umumiy klirensi buyrak faoliyatini pasayishiga proportsional ravishda pasayadi. Klirensini pasayishi klavulanat kislotasiga nisbatan amoksitsillinda yaqqolroq kuzatiladi, chunki amoksitsillinning koʼproq qismi buyraklar orqali chiqariladi. Buyrak yetishmovchiligida dozalar shunday tanlanadiki, unda klavulanat kislotasining adekvat darajalarini tutib turish bilan birga, amoksitsillinni haddan tashqari koʼp toʼplanishiga yoʼl qoʼymaslik kerak (“Dozalari va qoʼllash usuli” ga qarang). Jigar yetishmovchiligi Jigar yetishmovchiligi boʼlgan patsientlarga preparat ehtiyotkorlik bilan buyuriladi va jigar faoliyatini muntazam nazorat qilinadi.

Amoksiklav kattalar va bolalarda quyidagi infektsiyalarni davolash uchun qoʼllanadi: oʼtkir bakterial sinusit (muvofiq ravishda tashxis qoʼyilganida); oʼtkir oʼrta otit; surunkali bronxitni zoʼrayishi (muvofiq ravishda tashxis qoʼyilganida); kasalxonadan tashqari pnevmoniya; sistit; pielonefrit; teri va yumshoq toʼqimalarning infektsiyalari, xususan teri osti yogʼ kletchatkasini yalligʼlanishi, hayvonlarni tishlashi oqibatidagi jarohatlar, tishlarning tarqalgan flegmonali ogʼir abstsesslari; suyak va boʼgʼimlar infektsiyalari, xususan osteomielitda qoʼllanad

rilishini uDozalar amoksitsillin/klavulanat kislotasining miqdorini koʼrsatadi. Alohida infektsiyalarni davolash uchun dozani tanlashda quyidagi omillarni hisobga olish kerak: taxmin qilingan qoʼzgʼatuvchilar va ularni antibakterial preparatlarga sezuvchanligi; infektsiyaning ogʼirligi va lokalizatsiyasi; patsientning yoshi, ogʼirligi va buyraklar faoliyati, quyida koʼrsatilgani kabi omillarni hisobga olish kerak. Preparatning boshqa dori shakllarini (masalan, amoksitsillinning yuqoriroq dozalari va/yoki amoksitsillin/klavulanat kislotasining boshqacha nisbati) qoʼllash mumkinligi zaruratga qarab koʼrib chiqiladi. Kattalar va tana vazni ≥40 kg boʼlgan bolalar ushbu preparatni quyida keltirilgan tavsiyalarga muvofiq sutkada ikki marta qabul qilinganda 1750 mg amoksitsillin/250 mg klavulanat kislotasiga teng boʼlgan umumiy sutkalik dozani qabul qiladilar, preparatni sutkada uch marta qabul qilganlarida esa – 2625 mg amoksitsillin/375 mg klavulanat kislotasini qabul qiladilar. Tana vazni 40 kg dan kam boʼlgan bolalar esa, ushbu preparatni quyida keltirilgan tavsiyalarga muvofiq qabul qilinganda 1000- 2800 mg amoksitsillin/143-400 mg klavulanat kislotasiga teng boʼlgan umumiy sutkalik dozani qabul qiladilar. Amoksitsillinning yuqori sutkalik dozalarini qoʼllash zarurati tugʼilganida, klavulanat kislotasining koʼzda tutilmagan yuqori sutkalik dozalarini yuborishni oldini olish maqsadida, preparatning boshqa dori shaklini ishlatish tavsiya qilinadi. Davolash davomiyligi patsientning davolashga javob reaktsiyasiga qarab aniqlanadi. Ayrim infektsiyalar (masalan, osteomielit) uzoqroq davolashni talab etadi. Davolash davomiyligi preparatning dozasini qayta koʼrib chiqmasdan 14 kundan oshmasligi kerak (“Maxsus koʼrsatmalar” boʼlimidagi uzoq muddatli davolash haqidagi maʼlumotga qarang). Kattalar Tavsiya qilingan dozalar: standart doza (barcha koʼrsatmalar uchun) – bir tabletkadan sutkada ikki marta; yuqoriroq doza (ayniqsa oʼrta otit, sinusit, quyi nafas yoʼllari va siydik chiqarish yoʼllarining infektsiyalari kabi infektsiyalarni davolash uchun) – bir tabletkadan sutkada uch marta buyuriladi. Tana vazni < 40 kg boʼlgan bolalar Bolalarni davolash uchun tabletkalar va preparatning boshqa dori shakllari, masalan suspenziya ishlatiladi. Olti yoshgacha boʼlgan bolalarni davolash uchun suspenziyani ishlatgan afzal. Tavsiya qilingan dozalar: sutkada 25 mg/3,6 mg/kg dan 45 mg/6,4 mg/kg gacha dozalarda, ikki marta qabul qilishga buyuriladi. ayrim infektsiyalarni davolashda (masalan, oʼrta otitda, sinusitda va quyi nafas yoʼllarining infektsiyalarida) ikki marta qabul qilishga boʼlingan holda sutkada 70 mg/10 mg/kg gacha dozalarni qabul qilish mumkin. Keksa yoshdagi bemorlar Dozaga tuzatish kiritish talab qilinmaydi. Buyrak faoliyatini buzilishi boʼlgan patsientlar Kreatinin klirensi koʼrsatkichlari minutiga 30 ml dan yuqori boʼlgan patsientlarga dozaga tuzatish kiritish talab qilinmaydi. 1000 mg dan Amoksiklav tabletkalari kreatinin klirensi <30 ml/minut boʼlgan patsientlarni davolash uchun qoʼllanmaydi, chunki bu patsientlar uchun preparatning dozasini tanlash boʼyicha tavsiyalar ishlab chiqilmagan. Jigar faoliyatini buzilishi boʼlgan patsientlar Ehtiyotkorlik bilan qoʼllash kerak. Jigar faoliyatini muntazam nazorat qilish kerak. (“Qoʼllash mumkin boʼlmagan holatlar” va “Maxsus koʼrsatmalar” ga qarang). Qoʼllash usuli Ichga qabul qilish uchun buyuriladi. Meʼda-ichak yoʼllari tomonidan oʼzlashtiraolmaslik koʼrinishlarini minimumga yetkazish va amoksitsillin/klavulanat kislotasini soʼygʼunlashtirish uchun bevosita ovqatdan oldin qabul qilish kerak.

Noxush samaralarni rivojlanish tez-tezligini tasniflash uchun quyidagi mezonlardan foydalanilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam xollarda (≥1/10000 dan <1/1000 gacha), juda kam xollarda (<1/10000), tez-tezligi nomaʼlum (maʼlum boʼlgan maʼlumotlar boʼyicha baholash mumkin emas). Preparat qabul qilinganida eng koʼp kuzatiladigan nojoʼya nojoʼya reaktsiyalari: diareya, koʼngil aynishi va qusish. Infektsion va parazitar kasalliklar: Tez-tez: teri va shilliq qavatlar kandidozi. Tez-tezligi nomaʼlum: sezgir boʼlmagan mikroorganizmlarni haddan tashqari koʼpayishi. Qon va limfatik tizim tomonidan buzilishlar: Kam hollarda: qaytuvchan leykopeniya (shu jumladan neytropeniya), trombotsitopeniya. Tez-tezligi nomaʼlum: qaytuvchan agranulotsitoz, gemolitik anemiya, qon ketish vaqti va protrombin vaqtini uzayishi. Immun tizim tomonidan buzilishlar. Tez-tezligi nomaʼlum: angionevrotik shish, anafilaksiya, zardob kasalligiga oʼxshash sindrom, allergik vaskulit. Nerv tizimi tomonidan buzilishlar: Tez-tez emas: bosh aylanishi, bosh ogʼrigʼi. Tez-tezligi nomaʼlum: qaytuvchan giperreaktivlik, tirishishlar, aseptik meningit. Meʼda-ichak yoʼllari tomonidan buzilishlar: Juda tez-tez: diareya; Tez-tez: koʼngil aynishi (koʼpincha bu yuqori dozalarni ichga qabul qilish bilan bogʼliq; meʼda-ichak yoʼllari tomonidan reaktsiyalarni, preparatni ovqatni qabul qilishni boshida qabul qilib minimumga yetkazish mumkin), qusish. Tez-tez emas: ovqat hazm qilishni buzilishi. Tez-tezligi nomaʼlum: antibiotiklarni qoʼllanishi bilan assotsiatsiyalangan kolit (shu jumladan, soxta membranoz kolit va gemorragik kolit, “Maxsus koʼrsatmalar”ga qarang), “qora tukli” til. Jigar va oʼt chiqarish yoʼllari tomonidan buzilishlar Tez-tez emas: AST va/yoki ALT darajalarini oshishi (oʼrtacha oshishi beta-laktam sinfi antibiotiklari bilan davolangan patsientlarda kuzatilgan, biroq bu kuzatishlarning ahamiyati nomaʼlum); Tez-tezligi nomaʼlum: gepatit, xolestatik sariqlik (bu noxush koʼrinishlar boshqa penitsillinlar va sefalosporinlarni qoʼllash fonida kuzatilgan, “Maxsus koʼrsatmalar”ga qarang); Teri va teri osti toʼqimalari tomonidan buzilishlar Har qanday teri allergik reaktsiyalari rivojlanganida davolashni toʼxtatish kerak Tez-tez emas: teri toshmalari, qichishish, eshakemi. Kam xollarda: koʼp shaklli eritema. Tez-tezligi nomaʼlum: Stivens-Djonson sindromi, toksik epidermal nekroliz, bullyoz eksfoliativ dermatit, oʼtkir tarqoq ekzantematoz pustulyoz. Buyrak va siydik chiqarish yoʼllari tomonidan buzilishlar: Tez-tezligi nomaʼlum: interstitsial nefrit, kristalluriya.

Preparatning taʼsir etuvchi yoki yordamchi moddalariga, shuningdek har qanday penitsillinlarga yuqori sezuvchanlik. Boshqa beta-laktam preparatlariga (masalan, sefalosporinlar, karbapenemlar yoki monobaktamlarga) zudlik bilan kechuvchi ogʼir yuqori sezuvchanlik reaktsiyalari. Sariqlik yoki anamnezida amoksitsillin/klavulanat kislotasini qoʼllash fonida jigarni boshqa shikastlanishida qoʼllash mumkin emas.

Oral antikoagulyantlar Amoksitsillinning davolash kursi fonida atsenokumarol yoki varfarin bilan samarani bir maromda saqlab turuvchi davolanayotgan patsientlarda xalqaro meʼyorlashtirilgan nisbatni oshish hollari taʼriflangan. Preparatlarni bir vaqtda buyurish zarurati tugʼilganda, davolashni boshlash vaqtida va amoksitsillin bilan davolash toʼxtatilganidan keyin protrombin vaqti yoki xalqaro meʼyorlashtirilgan nisbatni sinchkovlab nazorat qilinadi. Oral antikoagulyantlarning dozalariga tuzatish kiritish talab qilinishi mumkin. Metotreksat Penitsillinlar metotreksatning chiqarilishini pasaytirishi mumkin, bu toksikni kuchayishiga olib kelishi mumkin. Probenetsid Probenetsidni bir vaqtda qoʼllash tavsiya etilmaydi. U buyrak kanalchalarida amoksitsillinni sekretsiyasini pasaytiradi. Probenetsidni Amoksiklav bilan bir vaqtda qoʼllash qonda amoksitsillinning darajasini oshishiga (ammo klavulanat kislotasini emas) va ularni uzoq vaqt ushlanib qolishiga olib kelishi mumkin. Mikofenolat mofetil Mikofenolat mofetil qabul qilayotgan patsientlarda amoksitsillin va klavulanat kislotasining peroral preparatini qoʼllash boshlanganidan keyin mikofenolat mofetilning navbatdagi dozasini qabul qilishdan oldin faol metabolit – mikofenol kislotasining (MFK) kontsentratsiyasini taxminan 50% ga kamayishi kuzatilgan. Navbatdagi dozadan oldin MFK ning kontsentratsiyasini bunday oʼzgarishi MFK ning umumiy ekspozitsiyasini oʼzgarishidan dalolat bermasligi mumkin. Shuning uchun transplantat disfunktsiyasining klinik belgilari boʼlmaganida mikofenolat mofetilning dozani oʼzgartirish zarurati yoʼq. Shunga qaramasdan, bunday majmuaviy davolash vaqtida va antibiotikoterapiya tugaganidan keyin bir qancha vaqt sinchkovlik bilan tibbiy kuzatuv zarur.

Antibakterial vositalarni tegishli qoʼllash boʼyicha rasmiy tavsiyalarni hisobga olish kerak. Preparat bilan davolashni boshlashdan oldin penitsillinlar, sefalosporinlar yoki boshqa beta-laktam preparatlariga oʼta yuqori sezuvchanlik reaktsiyalarini borligi yuzasidan anamnezni sinchkovlik bilan yigʼish kerak. Penitsillinlar bilan davolash fonida jiddiy va baʼzida oʼlimga olib keluvchi yuqori sezuvchanlik reaktsiyalari (anafilaktoid reaktsiyalar) kuzatilgan. Ular koʼproq anamnezida atopiyasi va penitsillinlarga yuqori sezuvchanlik reaktsiyalari boʼlgan patsientlarda rivojlanadi. Allergik reaktsiyalar rivojlanganida Amoksiklav bilan davolashni toʼxtatish va boshqa muvofiq keluvchi antibakterial preparatlar buyurilishi kerak. Amoksitsillinga infektsiya qoʼzgʼatuvchilarning sezuvchanligi isbotlangan hollarda rasmiy qoʼllanmalarga muvofiq Amoksiklavdan amoksitsillinga oʼtishni koʼrib chiqish kerak. Agar taxmin qilinayotgan qoʼzgʼatuvchilar klavulanat kislotasining ingibitsiya qiluvchi taʼsiriga sezgir boʼlgan, beta-laktamazalar bilan bogʼliq boʼlmagan, beta-laktam preparatlarga chidamlilik xavfi yuqori boʼlsa, preparatning ushbu dori shakli qoʼllash uchun yaroqsizdir. Ushbu dori shakli S.pneumoniae ning penitsillinga chidamli shtammlari chaqirgan infektsiyalarni davolash uchun qoʼllamaslik kerak. Buyrak faoliyatini buzilishi boʼlgan yoki preparatning yuqori dozalari bilan davolanayotgan patsientlarda tirishishlar rivojlanishi mumkin (“Nojoʼya taʼsirlari” ga qarang). Infektsion mononukleozga gumon qilingan hollarda, Amoksiklav bilan davolashga yoʼl qoʼymaslik kerak, chunki kasallanish vaqtida amoksitsillin qoʼllangandan soʼng qizamiqqa oʼxshash toshmalarni paydo boʼlishi kuzatilgan. Amoksitsillin bilan davolash vaqtida allopurinolni bir vaqtda qoʼllanishi terida allergik reaktsiyalarni rivojlanish ehtimolini potentsial oshiradi. Amoksiklavni uzoq vaqt qoʼllash baʼzan sezuvchan boʼlmagan mikroorganizmlarni haddan tashqari rivojlanishiga olib kelishi mumkin. Davolashni boshlanishida pustulali infektsion tarqoq eritemani rivojlanishi oʼtkir tarqoq ekzantematoz pustulyozning potentsial simptomi hisoblanadi. Bunday reaktsiya Amoksiklav bilan davolashni toʼxtatishni talab qiladi va keyinchalik amoksitsillinni yuborishga qarshi koʼrsatma hisoblanadi. Jigar yetishmovchiligi boʼlgan patsientlarda preparat bilan davolash ehtiyotkorlik bilan oʼtkazilishi kerak. Jigar tomonidan kuzatiladigan noxush koʼrinishlar asosan erkaklar va keksa yoshdagi patsientlarda kuzatilgan va uzoq muddatli davolash bilan potentsial bogʼliq boʼlgan. Bu noxush koʼrinishlar bolalarda juda kam hollarda kuzatilgan. Barcha guruh patsientlarda belgilar va simptomlar odatda davolash vaqtida yoki davolashdan soʼng qisqa muddatda kuzatiladi, biroq ayrim hollarda ular davolash toʼxtatilganidan soʼng bir necha hafta davomida namoyon boʼlmaydi. Odatda ular qaytuvchan xarakterga ega. Jigar tomonidan ogʼir noxush koʼrinishlar rivojlanishi mumkin, juda kam hollarda oʼlim hollari kuzatilgan. Ular deyarli hamisha jiddiy asosiy kasalliklari boʼlgan yoki jigarni shikastlash qobiliyatiga ega yondosh dori preparatlarni qabul qilgan patsientlar orasida kuzatilgan. Deyarli barcha antibakterial preparatlar, jumladan amoksitsillin bilan davolash fonida kuzatiladigan antibiotikni qoʼllanishi bilan bogʼliq kolit, ogʼirligi boʼyicha yengildan hayotga xavf soluvchi darajagacha oʼzgarishi mumkin. Shuning uchun, bu tashxisni antibiotiklar bilan davolash vaqtida yoki har qanday davolash kursi tugaganidan soʼng diareya boʼlgan patsientlarda boʼlishiga taxmin qilish muhimdir. Antibiotiklarni qoʼllanishi bilan bogʼliq kolit rivojlanganda Amoksiklav bilan davolashni zudlik bilan toʼxtatish kerak; shifokorning maslahati olinadi va tegishli davolash choralari buyuriladi. Ushbu vaziyatlarda ichak peristaltikasini susaytiruvchi vositalarni qabul qilish mumkin emas. Uzoq muddat davolash vaqtida turli aʼzolar tizimini, shu jumladan, buyraklar, jigar va qon yaratish aʼzolari faoliyatini vaqti-vaqti bilan baholash tavsiya qilinadi. Kam hollarda preparatni qabul qilish fonida protrombin vaqtini uzayishi kuzatilgan. Antikoagulyantlarni bir vaqtda qabul qilinganda qon ivishi koʼrsatkichlarini tegishli nazorat qilish shart. Antikoagulyatsiyaning istalgan darajasiga erishish uchun peroral antikoagulyantlarning dozalariga tuzatish kiritish talab qilinishi mumkin. Buyrak yetishmovchiligi boʼlgan patsientlarda, yetishmovchilik darajasiga muvofiq ravishda preparatning dozasiga tuzatish kiritish kerak (“Qoʼllash usuli va dozalari”ga qarang). Diurezi pasaygan patsientlarda kam hollarda, asosan parenteral davolash fonida kristalluriya kuzatilgan. Amoksitsillinning yuqori dozalari bilan davolash vaqtida amoksitsillinni qoʼllanishi bilan bogʼliq kristalluriyani rivojlanish ehtimolini pasaytirish maqsadida yetarli miqdorda suyuqlik ichish va diurezni nazorat qilish tavsiya qilingan. Qovugʼiga kateter oʼrnatilgan patsientlarda uning oʼtkazuvchanligini muntazam ravishda nazorat qilish kerak. Amoksitsillin bilan davolanish vaqtida glyukozaning siydikdagi darajasini baholash zarurati tugʼilganda, glyukozooksidaza bilan oʼtkazilgan fermentativ usullardan foydalanish kerak, chunki fermentativ boʼlmagan usullar baʼzan soxta musbat natijalarni berishi mumkin. Amoksiklavda klavulanat kislotasini boʼlishi IgG va albuminni eritrotsitlarning membranalari bilan nospetsifik bogʼlanishini chaqirishi mumkin, bu Kumbs sinamasining soxta musbat natijalariga sabab boʼlishi mumkin. Preparatni qabul qilgan patsientlarda Aspergillus ni aniqlashda immunoferment analiz (IFA) sinamalarida musbat natijalar kuzatilgan, keyinchalik patsientlarda Aspergillus chaqirgan infektsiyani yoʼqligi aniqlangan. Aspergillus ni aniqlash uchun IFA sinamalari doirasida aspergilyoz boʼlmagan polisaxaridlar va polifuranozlar bilan kesishgan reaktsiyalar kuzatilgan. Amoksiklav bilan davolanayotgan patsientlarda musbat natijalar ehtiyotkorlik bilan tahlil qilinishi va boshqa diagnostika usullari bilan tasdiqlanishi kerak.

Homiladorlik davrida preparatni qoʼllash yuzasidan cheklangan maʼlumotlar tugʼma nuqsonlar rivojlanish havfi oshganini qayd etmaganlar. Homila pardalarini muddatidan oldin yorilishi qayd qilingan ayollar ishtirokidagi yagona tadqiqot doirasida amoksitsillin/klavulanat kislotasi bilan profilaktik davolash yangi tugʼilgan chaqaloqlarda nekrotik enterokolitning yuqori xavfi bilan potentsial bogʼliqlik aniqlanmagan. Agar shifokor homiladorlik davrida preparatni qoʼllashni zarur deb hisoblamasa, uni qoʼllashdan saqlanish kerak. Har ikkala faol moddasi koʼkrak sutiga ajraladi (emizikli bolalarga klavulanat kislotasining taʼsiri boʼyicha maʼlumotlar yoʼq). Emizikli bolalarda diareya va shilliq qavatlarni zamburugʼli infektsiyalari rivojlanishi mumkin, bu emizishni toʼxtatishni talab qilishi mumkin. Emizish davrida shifokor tomonidan foyda/xavf nisbatini baholangandan soʼngina preparat bilan davolash mumkin.

Ushbu faoliyatni bajarishga potentsial taʼsir qiluvchi noxush samaralar (masalan, allergik reaktsiyalar, bosh aylanishi, tirishishlar) rivojlanishi mumkin. Preparat bolalar ololmaydigan joyda saqlansin va yaroqlilik muddati oʼtgach qoʼllanilmasin.

Namlikdan himoyalangan joyda, 25*S dan yuqori boʼlmagan xaroratda saqlansin.

Meʼda-ichak yoʼllari tomonidan buzilishlar, shuningdek suv-elektrolit muvozanatini buzilishi rivojlanishi mumkin. Baʼzan buyrak yetishmovchiligiga olib keluvchi, amoksitsillin qoʼllanishi bilan bogʼliq kristalluriya kuzatilgan. Buyrak faoliyati buzilgan yoki katta dozalarda davolangan patsientlarda tirishishlar kuzatilishi mumkin. Asosan vena ichiga katta dozalarda yuborilganidan soʼng amoksitsillin siydik kateterlarida choʼkmalar hosil qiladi. Kateterlarning oʼtkazuvchanligini muntazam nazorat qilish kerak. Meʼda-ichak yoʼllarini buzilish simptomlari yuzasidan suv-elektrolit muvozanatini tiklash bilan birga simptomatik davolash oʼtkazish mumkin. Amoksitsillin va klavulanat kislotasi organizmdan gemodializ yordamida chiqarilishi mumkin.

lek Sandoz

retsep bilan

10 (2 x 5) yoki 14 (2 x 7) tabletkadan blisterlar (alyuminiy/alyuminiy folga) qutida.

2 yil