oq yoki sarg‘ish-oq rangligacha bo‘lgan kristall kukun.

penitsillinlarning beta-laktamaza ingibitorlari bilan majmuasi.

J01CR02.

Amoksitsillin va klavulanat kislotasi rN ning fiziologik ko‘rsatkichida suvda to‘liq eriydi. Preparatning ikkala komponenti ham ichga qabul qilingandan keyin tez va yaxshi so‘riladi. Ichga qabul qilinganda amoksitsillin va klavulanat kislotasining biokiraolishligi taxminan 70% ga yetadi. Ikkala komponentning xam plazmadagi kontsentratsiyasining profili bir xil bo‘lib, har bir modda uchun cho‘qqi kontsentratsiyasiga (Tmax) erishish vaqti taxminan bir soatni tashkil qiladi.

Amoksiklav kattalar va bolalarda quyidagi infektsiyalarni davolash uchun qo‘llanadi: o‘tkir bakterial sinusit (muvofiq ravishda tashxis qo‘yilganida);o‘tkir o‘rta otit;surunkali bronxitni zo‘rayishi (muvofiq ravishda tashxis qo‘yilganida);kasalxonadan tashqari pnevmoniya;tsistit;piyelonefrit;teri va yumshoq to‘qimalarning infektsiyalari, xususan teri osti yog‘ kletchatkasini yallig‘lanishi, hashorotlarni chaqishi, tishlarning tarqalgan flegmonali og‘ir abstsesslari;suyak va bo‘g‘imlar infektsiyalari, xususan osteomiyelit.

Agar dozasi alohida komponentining miqdoriga mos kelishi ko‘rsatilmagan bo‘lsa, dozalar amoksitsillin/klavulanat kislotasining miqdorini aks ettiradi. Alohida infektsiyalarni davolash uchun dozalar tanlanganida quyidagilarni: taxmin qilingan qo‘zg‘atuvchilar va ularni antibakterial preparatlarga sezuvchanligi;infektsiyaning og‘irligi va lokalizatsiyasi;patsiyentning yoshi, og‘irligi va buyraklar faoliyati, quyida ko‘rsatilgani kabi omillar hisobga olinishi kerak. Amoksiklavning boshqa dori shakllarini (masalan, amoksitsillinning yuqoriroq dozalari va/yoki amoksitsillin/klavulanat kislotasining boshqacha nisbati) qo‘llash mumkinligi zaruratga qarab ko‘rib chiqiladi. Kattalar va tana vazni ³40 kg bo‘lgan bolalar uchun Amoksiklavning ushbu dori shakli quyida keltirilgan tavsiyalarga muvofiq sutkada ikki marta qabul qilinganda 1750 mg amoksitsillin/250 mg klavulanat kislotasiga teng bo‘lgan umumiy sutkalik dozani ta’minlaydi, preparatni sutkada uch marta qabul qilinganda esa – 2625 mg amoksitsillin/375 mg klavulanat kislotasini ta’minlaydi. Tana vazni 40 kg dan kam bo‘lgan bolalar uchun esa, Amoksiklavning ushbu dori shakli quyida keltirilgan tavsiyalarga muvofiq qabul qilinganda 1000-2800 mg amoksitsillin/143-400 mg klavulanat kislotasiga teng bo‘lgan umumiy sutkalik dozani ta’minlaydi. Amoksitsillinning yuqori sutkalik dozalarini qo‘llash zarurati tug‘ilganida, klavulanat kislotasining ko‘zda tutilmagan yuqori sutkalik dozalarini yuborishni oldini olish maqsadida, preparatning boshqa dori shaklini ishlatish tavsiya qilinadi. Davolash davomiyligi preparatning dozasini qayta ko‘rib chiqmasdan 14 kundan oshmasligi kerak (“Maxsus ko‘rsatmalar” bo‘limidagi uzoq muddatli davolash haqidagi ma’lumotga qarang). Tana vazni < 40 kg bo‘lgan bolalar Bolalar preparatni suspenziya yoki tabletka qo‘rinishida qabul qilishlari mumkin. Tavsiya qilingan dozalar: tana vazniga 25 mg/3,6 mg/kg dan 45 mg/6,4 mg/kg gacha dozalar, ikki marta qabul qilishga bo‘lingan holda;ayrim infektsiyalarni davolashda sutkada tana vazniga 70 mg/10 mg/kg gacha bo‘lgan dozani ikki marta qabul qilishga bo‘lingan holda (masalan, o‘rta otitda, sinusitda va quyi nafas yo‘llarining infektsiyalarida) qo‘llash mumkin; Ikki yoshgacha bo‘lgan bolalarni davolash uchun sutkada 45 mg/6,4 mg/kg dan yuqori dozalardagi preparatning faol komponentlarni 7:1 nisbatidagi dori shakllarini qo‘llash to‘g‘risida klinik ma’lumotlar yo‘q. Ikki oylikdan kichik bolalarda preparatni qo‘llash to‘g‘risida klinik ma’lumotlar yo‘q. Shuning uchun ushbu patsiyentlar guruhi uchun preparatni dozalash bo‘yicha tavsiyalarni keltirishning iloji yo‘q. Kattalar va tana vazni ≥ 40 kg bolalar Ushbu suspenziya kattalar va tana vazni ≥ 40 kg bolalarni davolash uchun odatda tavsiya qilinmaydi. Zarurat tug‘ilganda tavsiya qilingan doza quyidagi mezonlarga muvofiq kelishi kerak: standart doza (barcha ko‘rsatmalar uchun) – 875 mg/125 mg sutkada ikki marta;yuqoriroq doza (ayniqsa o‘rta otit, sinusit, quyi nafas yo‘llari va siydik chiqarish yo‘llarining infektsiyalari kabi infektsiyalarni davolash uchun) – 875 mg/125 mg sutkada uch marta buyuriladi. Keksa yoshdagi patsiyentlar Dozaga tuzatish kiritish talab qilinmaydi. Buyrak yetishmovchiligi bo‘lgan patsiyentlar Kreatinin klirensi (KK) minutiga 30 ml dan yuqori bo‘lgan patsiyentlarga dozaga tuzatish kiritish talab qilinmaydi. Ushbu (amoksitsillinni klavulanat kislotasiga nisbati 7:1 bo‘lgan) dori preparatini kreatinin klirensi minutiga 30 ml (sekundiga 0,5 ml) dan kam bo‘lgan patsiyentlarni davolash uchun qo‘llash tavsiya qilinmaydi, chunki dozaga tuzatish kiritish bo‘yicha tavsiyalar yo‘q. Jigar faoliyatini buzilishi bo‘lgan patsiyentlar Ehtiyotkorlik bilan qo‘llash kerak. Jigar faoliyatini muntazam nazorat qilish kerak. (“Qo‘llash mumkin bo‘lmagan holatlar” va “Maxsus ko‘rsatmalar” ga qarang).

Nojo‘ya samaralarni rivojlanish chastotasini tasniflash uchun quyidagi mezonlardan foydalanilgan: juda tez-tez (≥ 1/10), tez-tez (≥ 1/100 dan < 1/10 gacha), tez-tez emas (≥ 1/1000 dan < 1/100 gacha), kam hollarda (≥ 1/10000 dan < 1/1000 gacha), juda kam hollarda (< 1/10000), tez-tezligi noma’lum (ma’lum bo‘lgan ma’lumotlar bo‘yicha baholash mumkin emas). Eng ko‘p kuzatiladigan nojo‘ya nojo‘ya reaktsiyalariga diareya, ko‘ngil aynishi va qusish kiradi.

Preparatning ta’sir etuvchi yoki yordamchi moddalariga, shuningdek har qanday penitsillinlarga yuqori sezuvchanlik. Anamnezda boshqa beta-laktam preparatlariga (masalan, tsefalosporinlar, karbapenemlar yoki monobaktamlarga) zudlik bilan kechuvchi og‘ir o‘ta yuqori sezuvchanlik reaktsiyalari. Sariqlik yoki anamnezida amoksitsillin/klavulanat kislotasini qo‘llash fonida jigarni boshqa shikastlanishida qo‘llash mumkin emas.

Oral antikoagulyantlar Amoksitsillinning davolash kursi fonida atsenokumarol yoki varfarin bilan tutib turuvchi davolanayotgan patsiyentlarda xalqaro me’yorlashtirilgan nisbatni oshish hollari ta’riflangan. Preparatlarni bir vaqtda buyurish zarurati tug‘ilganda davolashni boshlash vaqtida va amoksitsillin bilan davolash to‘xtatilganidan keyin protrombin vaqti yoki xalqaro me’yorlashtirilgan nisbatni sinchkovlab nazorat qilinadi. Oral antikoagulyantlarning dozalariga tuzatish kiritish talab qilinishi mumkin. Metotreksat Penitsillinlar metotreksatning chiqarilishini pasaytirishi mumkin, bu toksiklikni kuchayishiga olib kelishi mumkin. Probenetsid Probenetsidni bir vaqtda qo‘llash tavsiya etilmaydi. U buyrak kanalchalarida amoksitsillinni sekretsiyasini pasaytiradi. Probenetsidni Amoksiklav bilan bir vaqtda qo‘llash qonda amoksitsillinning darajasini oshishiga (ammo klavulan kislotasini emas) va ularni uzoq vaqt ushlanib qolishiga olib kelishi mumkin. Mikofenolat mofetili Mikofenolat mofetilini qabul qilayotgan patsiyentlarda amoksitsillin va klavulanat kislotasi preparatini peroral qabul qilingandan keyin faol metabolit mikofenol kislotasi (MFK) kontsentratsiyasini mikofenolat mofetilining keyingi dozasini qabul qilishdan oldin taxminan 50% ga pasayishi aniqlangan. Navbatdagi dozani qabul qilishdan oldin MFK kontsentratsiyasini bunday o‘zgarishi MFK ning umumiy ekspozitsiyasini o‘zgarishlaridan to‘liq dalolat bermasligi mumkin. Shuning uchun transplantat disfunktsiyasining klinik belgilari bo‘lmaganida mikofenolat mofetilining dozasini o‘zgarishga odatda zarurat yo‘q. Shunga qaramasdan, bunday majmuaviy davolash vaqtida antibiotikoterapiya tugaganidan keyin bir muncha vaqt davomida sinchkovlik bilan tibbiy kuzatuv amalga oshirish kerak.

Antibakterial preparatlarni tegishli qo‘llash bo‘yicha rasmiy tavsiyalarga amal qilish kerak. Amoksiklav bilan davolashni boshlashdan oldin penitsillinlar, tsefalosporinlar yoki boshqa beta-laktam preparatlariga o‘ta yuqori sezuvchanlik reaktsiyalarini borligi yuzasidan anamnezni sinchkovlik bilan yig‘ish kerak. Penitsillinlar bilan davolash fonida jiddiy va gohida o‘limga olib keluvchi o‘ta yuqori sezuvchanlik reaktsiyalari (anafilaktoid reaktsiyalar) kuzatilgan. Ular ko‘proq anamnezida atopiyasi va penitsillinlarga o‘ta yuqori sezuvchanlik reaktsiyalari bo‘lgan patsiyentlarda rivojlanadi. Allergik reaktsiyalar rivojlanganida Amoksiklav bilan davolashni to‘xtatish va boshqa muvofiq keluvchi antibakterial preparatlarni buyurish kerak. Amoksitsillinga infektsiya qo‘zg‘atuvchilarning sezuvchanligi isbotlangan hollarda rasmiy qo‘llanmalarga muvofiq Amoksiklavdan amoksitsillinga o‘tish variantini ko‘rib chiqish kerak. Agar taxmin qilinayotgan qo‘zg‘atuvchilar klavulan kislotasining ingibitsiya qiluvchi ta’siriga sezgir bo‘lgan, beta-laktamazalar bilan bog‘liq bo‘lmagan, beta-laktam preparatlarga rezistentlik havfi yuqori bo‘lsa, Amoksiklavning ushbu dori shakli qo‘llash uchun yaroqsizdir. Ushbu dori shakli S.pneumoniae ning penitsillinga rezistent shtammlari chaqirgan infektsiyalarni davolash uchun qo‘llamaslik kerak. Buyrak faoliyati buzilishi bo‘lgan yoki preparatning yuqori dozalari bilan davolanayotgan patsiyentlarda tirishishlar rivojlanishi mumkin (“Nojo‘ya ta’sirlari” ga qarang). Infektsion mononukleozga gumon qilingan hollarda, Amoksiklav bilan davolashga yo‘l qo‘ymaslik kerak, chunki kasallanish vaqtida amoksitsillin qo‘llangandan so‘ng qizamiqqa o‘xshash toshmalarni paydo bo‘lishi kuzatilgan. Amoksitsillin bilan davolash vaqtida allopurinolni yondosh qo‘llanishi terida allergik reaktsiyalarni rivojlanish ehtimolini potentsial oshiradi. Preparatni uzoq vaqt qo‘llash ba’zan sezuvchan bo‘lmagan mikroorganizmlarni haddan tashqari rivojlanishiga olib kelishi mumkin. Davolashni boshlanishida pustulali infektsion tarqoq eritemani rivojlanishi o‘tkir tarqoq ekzantematoz pustulezning potentsial simptomi hisoblanadi. Bunday reaktsiya Amoksiklav bilan davolashni to‘xtatishni talab qiladi va keyinchalik amoksitsillinni yuborishga qarshi ko‘rsatma hisoblanadi. Jigar yetishmovchiligi bo‘lgan patsiyentlarda preparat bilan davolash ehtiyotkorlik bilan o‘tkazilishi kerak. Jigar tomonidan kuzatiladigan noxush ko‘rinishlar asosan erkaklar va keksa yoshdagi patsiyentlarda kuzatilgan va uzoq muddatli davolash bilan potentsial bog‘liq bo‘lgan. Bu noxush ko‘rinishlar bolalarda juda kam hollarda kuzatilgan. Barcha guruh patsiyentlarda belgilar va simptomlar odatda davolash vaqtida yoki davolashdan so‘ng qisqa muddatda kuzatiladi, biroq ayrim hollarda ular davolash to‘xtatilganidan so‘ng bir necha hafta davomida namoyon bo‘lmaydi. Odatda ular qaytuvchan xarakterga ega. Jigar tomonidan og‘ir noxush ko‘rinishlar rivojlanishi mumkin, juda kam hollarda o‘lim hollari kuzatilgan. Ular deyarli hamisha jiddiy asosiy kasalliklari bo‘lgan yoki jigarni shikastlash qobiliyatiga ega yondosh dori preparatlarni qabul qilgan patsiyentlar orasida kuzatilgan. Deyarli barcha antibakterial preparatlar, shu jumladan amoksitsillin bilan davolash fonida kuzatiladigan antibiotikni qo‘llanishi bilan bog‘liq kolit, og‘irligi bo‘yicha yengildan hayotga xavf soluvchi darajagacha bo‘lishi mumkin. Shuning uchun, bu tashxisni antibiotiklar bilan davolash vaqtida yoki har qanday davolash kursi tugaganidan so‘ng diareya bo‘lgan patsiyentlarda bo‘lishiga taxmin qilish muhimdir. Antibiotiklarni qo‘llanishi bilan bog‘liq kolit rivojlanganda Amoksiklav bilan davolashni zudlik bilan to‘xtatish kerak; shifokorning maslahati olinadi va tegishli davolash choralari buyuriladi. Ushbu vaziyatlarda ichak peristaltikasini susaytiruvchi vositalarni qabul qilish mumkin emas. Uzoq muddat davolash vaqtida turli a’zolar tizimini, shu jumladan, buyraklar, jigar va qon yaratish a’zolari faoliyatini vaqti-vaqti bilan baholash tavsiya qilinadi. Kam hollarda amoksitsillin/klavulanat kislotasini qabul qilish fonida protrombin vaqtini uzayishi kuzatilgan. Antikoagulyantlarni bir vaqtda qabul qilinganda albatta yaxshi monitoring o‘tkazilishi shart. Antikoagulyatsiyaning istalgan darajasiga erishish uchun peroral antikoagulyantlarning dozalariga tuzatish kiritish talab qilinishi mumkin. Buyrak yetishmovchiligi bo‘lgan patsiyentlarda, yetishmovchilik darajasiga muvofiq ravishda preparatning dozasiga tuzatish kiritish kerak (“Qo‘llash usuli va dozalari”ga qarang). Diurezi pasaygan patsiyentlarda kam hollarda, asosan parenteral davolash fonida kristalluriya kuzatilgan. Amoksitsillinning yuqori dozalari bilan davolash vaqtida amoksitsillinni qo‘llanishi bilan bog‘liq kristalluriyani rivojlanish ehtimolini pasaytirish maqsadida yetarli miqdorda suyuqlik ichish tavsiya qilingan. Qovug‘iga kateter o‘rnatilgan patsiyentlarda uning o‘tkazuvchanligini muntazam ravishda nazorat qilish kerak. Amoksitsillin bilan davolanish vaqtida glyukozaning siydikdagi darajasini baholash zarurati tug‘ilganda, glyukozooksidaza bilan o‘tkazilgan fermentativ usullardan foydalanish kerak, chunki nofermentativ usullar ba’zan soxta musbat natijalarni berishi mumkin. Amoksiklavda klavulanat kislotasini bo‘lishi IgG va albuminni eritrotsitlarning membranalari bilan nospetsifik bog‘lanishini chaqirishi mumkin, bu Kumbs sinamasining soxta musbat natijalariga sabab bo‘lishi mumkin. Preparatni qabul qilgan patsiyentlarda Aspergillus ni aniqlashda immunoferment analiz (IFA) sinamalarida musbat natijalar kuzatilgan, keyinchalik patsiyentlarda Aspergillus chaqirgan infektsiyani yo‘qligi aniqlangan. Aspergillus ni aniqlash uchun IFA sinamalari doirasida aspergilez bo‘lmagan polisaxaridlar va polifuranozlar bilan kesishgan reaktsiyalar kuzatilgan. Amoksiklav bilan davolanayotgan patsiyentlarda musbat natijalar ehtiyotkorlik bilan taxlil qilinishi va boshqa diagnostika usullari bilan tasdiqlanishi kerak.

Homiladorlik davrida preparatni qo‘llash yuzasidan cheklangan ma’lumotlar tug‘ma nuqsonlar rivojlanish xavfi oshganini qayd etmaganlar. Homila pardalarini muddatidan oldin yorilishi qayd qilingan ayollar ishtirokidagi yagona tadqiqot doirasida amoksitsillin/klavulanat kislotasi bilan profilaktik davolash yangi tug‘ilgan chaqaloqlarda nekrotik enterokolitning yuqori havfi bilan potentsial bog‘liqlik aniqlanmagan. Agar shifokor homiladorlik davrida preparatni qo‘llashni zarur deb hisoblamasa, uni qo‘llashdan saqlanish kerak. Har ikkala faol moddasi ko‘krak sutiga ajraladi (emizikli bolalarga klavulanat kislotasining ta’siri bo‘yicha ma’lumotlar yo‘q). Shunday qilib, emizikli bolalarda diareya va shilliq qavatlarni zamburug‘li infektsiyalari rivojlanishi mumkin, bu emizishni to‘xtatishni talab qilishi mumkin. Emizish davrida shifokor tomonidan foyda/havf nisbatini baholangandan so‘ngina preparat bilan davolash mumkin.

Transportni boshqarish va mexanizmlar bilan ishlash qobiliyatiga ta’siri bo‘yicha tekshirilmagan. Biroq ushbu faoliyatlarni bajarish qobiliyatiga potentsial ta’sir qiluvchi nojo‘ya samaralar (masalan, allergik reaktsiyalar, bosh aylanishi, tirishishlar) rivojlanishi mumkin. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq joyda, 25oS dan yuqori bo‘lmagan xaroratda saqlansin. Tayyor suspenziyani zich berkitilgan flakonda 2 dan 8oS haroratda ko‘pi bilan 7 kun saqlansin. Preparatni qabul qilingandan keyin flakonni darhol zich yopish kerak.

Me’da-ichak yo‘llari tomonidan buzilishlar, shuningdek suv-elektrolit muvozanatini buzilishi rivojlanishi mumkin. Ba’zan buyrak yetishmovchiligiga olib keluvchi, amoksitsillin qo‘llanishi bilan bog‘liq kristalluriya kuzatilgan. Tirishishlar buyrak faoliyatini buzilishi bo‘lgan yoki yuqori dozalarda davolangan patsiyentlarda kuzatilishi mumkin. Asosan vena ichiga yuqori dozalarda yuborilganidan so‘ng amoksitsillinn siydik kateterlarida cho‘kmalar hosil qiladi. Kateterlarning o‘tkazuvchanligini muntazam nazorat qilish kerak. Me’da-ichak yo‘llarini buzilish simptomlari yuzasidan suv-elektrolit muvozanatini tiklash bilan birga simptomatik davolash o‘tkazish mumkin. Amoksitsillin va klavulanat kaliy organizmdan gemodializ yordamida chiqarilishi mumkin.

Retsept bo‘yicha beriladi

Buraladigan polimer qopqoqchali flakonlar (qahrabo rangli fasonli shisha, III gidrolitik sinf) joylangan qutilar, flakonda ichga qabul qilish uchun 35 ml yoki 70 ml suspenziya tayyorlash uchun kukun bor. Flakonga 5 ml li dozalovchi pipetka ilova qilinadi.

3 yil.