ikki yoqlama qavariq shaklli, sarg‘ish tusli oq rangli qobiq bilan qoplangan tabletkalar.

antibiotik (penitsillinlar guruhi)

J01CR02

So‘rilishi. Amoksitsillin va klavulonat kislotasi rN fiziologik qiymatlaridagi suvli eritmalarda yaxshi eriydi. Ikkala komponent ichga qabul qilingandan keyin yaxshi so‘riladi, preparatni ovqat qabul qilishni boshida qabul qilganda faol ingrediyentlarni so‘rilishi optimal bo‘ladi. Peroral qabul qilingandan keyin amoksitsillin va klavulonat kislotasining biokiraolishligi taxminan 70% ni tashkil etadi. Plazmadagi cho‘qqi kontsentratsiyasiga qabul qilingandan keyin 1 soat o‘tgach erishiladi va amoksitsillin uchun 3,7 mg/l va klavulonat kislotasi uchun 2,2 mg/l ni tashkil etadi. Quyida amoksitsillin/klavulonat kislotasini och qoringa (1 tabletka 250 mg/125 mg kuniga 3 marta) qabul qilgan sog‘lom ko‘ngillilar ishtirok etgan tadqiqotda olingan farmakokinetik ko‘rsatkichlar keltirilgan.

Amklav kattalar va bolalarda quyidagi infektsiyalarni davolash uchun ko‘rsatilgan: o‘tkir bakterial sinusit (adekvat diagnostika qilingan);tsistit;piyelonefrit;teri osti kletchatkasini yallig‘lanishi;hayvonlarni chaqishi;yallig‘lanish jarayonini teri osti kletchatkasiga tarqalishi bilan kechuvchi og‘ir dental abstsess. Antibakterial preparatlarni tegishli qo‘llish yuzasidan rasmiy yo‘riqnomalarni e’tiborga olish kerak.

Dozalar Dozalar komponentlardan birining miqdoriga qarab belgilanadigan holatlardan tashqari, preparatdagi amoksitsillin va klavulonat kislotasining miqdoriga qarab belgilanadi. Ayrim infektsiyalarni davolash uchun Amklavning dozasini tanlaganda quyidagilarni e’tiborga olish kerak: taxmin qilinayotgan qo‘zg‘atuvchilar va ularning antibakterial preparatlarga sezgirligini;infektsiyaning og‘irligi va joylashishini;patsiyentning yoshi, tana vazni va buyrak funktsiyasini. Zarurati bo‘lganida Amklavning boshqa dozalarini, shu jumladan amoksitsillinning yuqoriroq dozalarini va/yoki amoksitsillin va klavulonat kislotasining turli nisbatlarini qo‘llash mumkin. Kattalar va tana vazni 40 kg va undan yuqori bo‘lgan bolalara uchun Amklavning umumiy sutkalik dozasi quyidagi tavsiyalarga muvofiq qo‘llanilanda 750 mg amoksitsillin/375 mg klavulonat kislotasini tashkil etadi. Amoksitsillinning yuqoriroq sutkalik dozasini qo‘llash zarurati bo‘lganida, klavulonat kislotasining oqlanmagan yuqori sutkalik dozalarini qabul qilishdan saqlanish uchun Amklavning boshqa dozalarini qo‘llash tavsiya etiladi. Davolash kursi 5-14 kunni tashkil etadi. Davolash kursining davomiyligi individual ravishda aniqlanadi va takroriy shifokor ko‘rigisiz 14 kundan oshmasligi kerak.

Noxush samaralarni rivojlanish tez-tezligini tasniflash uchun quyidagi toifalar ishlatiladi: juda tez-tez (>1/10), tez-tez (>1/100 dan <1/10 gacha), tez-tez emas (>1/1000 dan <1/100 gacha), kam hollarda (>1/10000 dan <1/1000 gacha), juda kam hollarda (<1/10000), tez-tezligi noma’lum (mavjud ma’lumotlar asosida baholab bo‘lmaydi). Infektsion va parazitar kasalliklar: tez-tez: teri va shilliq qavatlar kandidozi; tez-tezligi noma’lum: sezgir bo‘lmagan mikroorganizmlarni haddan tashqari ko‘payishi. Me’da-ichak yo‘llari tomonidan: tez-tez: diareya; tez-tez emas: ko‘ngil aynishi, qusish, dispepsiya; tez-tezligi noma’lum: antibiotiko-assotsiatsiyalangan kolit (shu jumladan gemorragik/soxtamembranoz kolit). Jigar tomonidan: tez-tez emas: AST va/yoki ALT darajasini oshishi (beta-laktam sinfiga mansub antibiotiklar qabul qilgan patsiyentlarda o‘rtacha darajada oshishi, lekin bu kuzatuvlarning ahamiyati noma’lum); tez-tezligi noma’lum: gepatit va xolestatik sariqlik (bu noxush ko‘rinishlar boshqa penitsillinlarni va tsefalosporinlarni qo‘llash fonida kuzatilgan). Qon yaratish tizimi tomonidan: kam hollarda: tranzitor leykopeniya (shu jumladan neytropeniya), trombotsitopeniya; tez-tezligi noma’lum: qaytuvchan agranulotsitoz va gemolitik anemiya, qon ketish vaqti va protrombin vaqtini oshishi. Teri va teri osti to‘qimalari tomonidan: tez-tez emas: teri toshmasi, qichishish, eshakemi; kam hollarda: ko‘p shaklli eritema; tez-tezligi noma’lum: Stivens-Djonson sindromi, toksik epidermal nekroliz, bullyoz eksfoliativ dermatit, o‘tkir tarqalgan ekzantematoz pustulyoz. O‘ta yuqori sezuvchanlikning har qanday teri reaktsiyalari rivojlangan hollarda davolash to‘xtatiladi. Buyrak va siydik chiqarish yo‘llari tomonidan: tez-tezligi noma’lum: interstitsial nefrit, kristalluriya. Amoksitsillinning kristallarini hosil bo‘lishini kamaytirish uchun suyuqlikni yetarli darajada qabul qilish va adekvat diurezni tutib turish kerak. Markaziy nerv tizimi tomonidan: tez-tez emas: bosh og‘rig‘i, bosh aylanishi; tez-tezligi noma’lum: tirishishlar. Immun tizimi tomonidan: tez-tezligi noma’lum – angionevrotik shish, anafilaksiya, zardob kasalligiga o‘xshash sindrom, allergik vaskulit.

anamnezida beta-laktam antibiotiklariga (penitsillinlar va tsefalosporinlarga) o‘ta yuqori sezuvchanlik;patsiyentlarning anamnezida amoksitsillinni klavulonat kislotasi bilan majmuada qo‘llash bilan bog‘liq sariqlik yoki jigar funktsiyasini buzilishlari;infektsion mononukleozda qo‘llash mumkin emas;homiladorlik, laktatsiya davri, me’da-ichak yo‘llari kasalliklari (shu jumladan penitsillinlarni qo‘llash bilan bog‘liq kolit), surunkali buyrak yetishmovchiligida ehtiyotkorlik bilan qo‘llanadi.

Peroral antikoagulyantlar Amoksitsillin bilan davolash kursi fonida atsenokumarol yoki varfarin bilan samarani bir maromda ushlab turuvchi davolanayotgan patsiyentlarda halqaro normallashgan nisbat (XNN) ni oshishi holatlari ta’riflangan. Preparatlarni bir vaqtda buyurish zarurati bo‘lganida, davolashni boshida va amoksitsillin bilan davolash to‘xtatilagandan keyin protrombin vaqti yoki XNN ni sinchkovlik bilan nazorat qilish kerak. Peroral antikoagulyantlarning dozasiga tuzatish kiritish talab etilishi mumkin. Metotreksat Penitsillinlar metotreksatni chiqarilishini kamaytirishi mumkin, bu toksiklikni oshishi bilan kechadi. Probenetsid Probenetsidni bir vaqtda qo‘llash tavsiya etilmaydi. U buyrak kanalchalarida amoksitsillin sekretsiyasini kamaytiradi. Amklavni probenetsid bilan bir vaqtda qo‘llash qonda amoksitsillinning (lekin klavulonat kislotasining emas) kontsentratsiyasini oshishiga va ularni ko‘proq vaqt tutib turilishiga olib kelishi mumkin.

Amklav bilan davolashni boshlashdan oldin penitsillinlar, tsefalosporinlar yoki boshqa beta-laktam preparatlariga o‘ta yuqori sezuvchanlik reaktsiyalariga taalluqli to‘liq anamnez yig‘ish kerak. Jiddiy, ayrim hollarda o‘lim bilan ham yakunlanuvchi penitsillinlarga o‘ta yuqori sezuvchanlik reaktsiyalari (anafilaktoid reaktsiyalar) ta’riflangan. Penitsillinlarga o‘ta yuqori sezuvchanligi va anamnezida atopiyasi bo‘lgan patsiyentlarda bunday reaktsiyalar rivojlanish xavfi yuqori. Allergik reaktsiya rivojlangan hollarda preparat bilan davolashni to‘xtatish va muqobil davolashni boshlash kerak. Jiddiy anafilaktoid holatlarda patsiyentga darhol adrenalin yuborish kerak. Shuningdek oksigenoterapiya, vena ichiga steroidlarni yuborish va intubatsiyani o‘z ichiga oluvchi nafas yo‘llarining o‘tkazuvchanligini ta’minlash talab etilishi mumkin. Infektsiya qo‘zg‘atuvchisining amoksitsillinga sezgirligi isbotlangan hollarda rasmiy yo‘riqnomalarga muvofiq Amklavdan amoksitsillinga o‘tish masalasini ko‘rib chiqish kerak. Agar taxmin qilinayotgan qo‘zg‘atuvchilar klavulonat kislotasining ingibitsiya qiluvchi ta’siriga sezgir beta-laktamazalarga bog‘liq beta-laktam preparatlarga rezistentlikka ega bo‘lishining yuqori xavfi mavjud bo‘lsa, preparatning ushbu dori shaklini qo‘llab bo‘lmaydi. T>MIK (minimal ingibitsiya qiluvchi kontsentratsiya) bo‘yicha xususiy ma’lumotlar yo‘qligi tufayli, o‘xshash peroral dori shakllarini baholash natijalari esa chegaraviy ahamiyatga egaligi tufayli, ushbu dori shakli (qo‘shimcha amoksitsillinsiz) S.pheumoniae ning penitsillinga rezistent shtammlari chaqirgan infektsiyalarni davolash uchun potentsial to‘g‘ri kelmaydi. Buyrak funktsiyasini buzilishi yoki yuqori dozalarda davolanayotgan patsiyentlarda tirishishlar rivojlanishi mumkin. Infektsion mononukleozga gumon bo‘lgan hollarda Amklav bilan davolashdan saqlanish kerak, chunki ko‘rsatilgan kasallik fonida amoksitsillin qo‘llanilgandan keyin qizamiqsimon toshmalar kuzatilgan. Amoksitsillin bilan davolash vaqtida allopurinolni yondosh davolash teri allergik reaktsiyalarini rivojlanishi ehtimolini potentsial oshiradi. Preparatni uzoq vaqt qo‘llash sezgir bo‘lmagan mikroorganizmlarni haddan tashqari o‘sishiga olib kelishi mumkin. Davolashni boshida isitma va pustulalarni paydo bo‘lishi bilan kechuvchi tarqalgan eritema rivojlanishi o‘tkir tarqalgan ekzantematoz pustulyoz (O‘TEP) ning potentsial simptomi bo‘lib hisoblanadi. Bunday reaktsiya Amklav bilan davolashni to‘xtatishni talab etadi va amoksitsillinni keyingi yuborishlari uchun qarshi ko‘rsatma bo‘lib hisoblanadi. Jigar yetishmovchiligi bo‘lgan patsiyentlarni ehtiyotkorlik bilan davolanadi. Jigar tomonidan noxush ko‘rinishlar asosan erkaklar va keksa patsiyentlarda kuzatilgan va uzoq vaqt davolash bilan potentsial bog‘liq bo‘lgan. Bu noxush ko‘rinishlarlar bolalarda juda kam hollarda kuzatilgan. Patsiyentlarning barcha guruhlarida belgilar va simptomlar asosan davolash vaqtida yoki davolagandan keyin yaqin orada rivojlanadi, lekin ayrim hollarda ular davolash to‘xtatilgandan keyin bir necha xafta o‘tgach namoyon bo‘ladi. Odatda ular qaytuvchan xarakterga ega. Juda kam hollarda o‘lim bilan yakunlanuvchi jigar tomonidan og‘ir noxush ko‘rinishlar rivojlanishi mumkin. Ular deyarli har doim jiddiy asosiy kasalligi yoki jigarni shikastlovchi dori preparatlarni yondosh qabul qilgan patsiyentlar orasida kuzatilgan. Deyarli barcha antibakterial preparatlar, shu jumladan amoksitsillin bilan davolash fonida kuzatiladigan antibiotik-assotsiatsiyalangan kolit holatlari yengildan xayotga xavf soluvchi og‘irlik darajasigacha o‘zgarishi mumkin. Antibiotikoterapiyaning har qanday kursi vaqtida yoki u yakunlangandan keyin diareyasi bo‘lgan patsiyentlarda bu tashhisni taxmin qilish muhim. Antibiotiko-assotsiatsiyalangan kolit rivojlangan hollarda Amklav bilan davolash darhol to‘xtatiladi, shifokorga murojaat etiladi va tegishli davolash o‘tkaziladi. Bunday hollarda peristaltikani susaytiruvchi vositalarni qo‘llash mumkin emas. Uzoq vaqt davolash vaqtida a’zolarning turli tizimlarini, shu jumladan buyark, jigar va qon yaratish a’zolari funktsiyasini muntazam baholash tavsiya etiladi. Protrombin vaqtini qaytuvchan oshishi mumkinligini e’tiborga olish kerak (antikoagulyantlar bilan qabul qilganda qon ivishi ko‘rsatkichlarini nazorat qilish kerak). Antikoagulyatsiyaning kutilgan darajasiga erishish uchun peroral antikoagulyantlarning dozasiga tuzatish kiritish talab etilishi mumkin. Buyrak yetishmovchiligi bo‘lgan patsiyentlarda yetishmovchilik darajasiga qarab dozaga tuzatish kiritish kerak. Asosan parenteral davolash fonida diurezi pasaygan patsiyentlarda kam hollarda kristalluriya kuzatilgan. Amoksitsillinning yuqori dozalari bilan davolash vaqtida amoksitsillin-assotsiatsiyalangan kristalluriya ehtimolini kamaytirish uchun suyuqlikni yetarli darajada iste’mol qilish tavsiya etiladi. Qovuqqa kateter o‘rnatilgan patsiyentlarda uning o‘tkazuvchanligini muntazam tekshirish kerak. Glyukozuriyani davolash vaqtida glyukozaning darajasini baholash glyukooksidaza bilan fermentativ usullar yordamida amalga oshiriladi, chunki nofermentativ usullar ba’zida soxta musbat natijalar beradi. Amklav tarkibida klavulonat kislotasini mavjudligi eritrotsit membranalari tomonidan IgG va albuminni nospetsifik bog‘lanishini chaqirishi mumkin, bu Kumbs sinamasining soxta musbat natijalariga olib kelishi mumkin. Preparatni qabul qilgan patsiyentlarda Aspergillus ga immunoferment tahlil (IFT) natijalarini musbat natijalari kuzatilgan, ularda keyinchalik Aspergillus chaqirgan infektsiyalarni yo‘qligi aniqlangan. Aspergillus ga immunoferment tahlil doirasida noaspergillyoz polisaxaridlar va polifuranozlar o‘rtasida kesishgan reaktsiyalar kuzatilgan. Amklav qabul qilayotgan patsiyentlarda tahlillarning ijobiy natijasi ehtiyotkorlik bilan interpretatsiya qilinishi va boshqa diagnostik usullar yordamida tasdiqlanishi kerak. Homiladorlik va laktatsiya davrida qo‘llanishi. Hayvonlarda o‘tkazilgan tadqiqotlar Amklavda teratogen samaralarni aniqlamagan. Preparatni homiladorlikda, ayniqsa birinchi uch oylikda buyurishdan saqlanish kerak, faqat agar shifokor buni zarur deb hisoblamasa. Amklavni laktatsiya davrida buyurish mumkin. Sensibilizatsiya xavfdan tashqari, Amklav emizikli bolalarda hech qanday boshqa noxush samaralarni chaqirmaydi. Avtotransportni va boshqa potentsial xavfli mexanizmlarni boshqarish qobiliyatiga ta’siri. Preparat avtotransport yoki boshqa harakatlanuvchi mexanizmlarni boshqarganda reaktsiya tezligiga ta’sir ko‘rsatmaydi. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Namlik va yorug‘likdan himoyalangan joyda, 25°S dan yuqori bo‘lmagan haroratda. Flakon zich yopilgan bo‘lishi kerak. Flakon ichiga joylangan namyutgich iste’molga yaroqsiz.

Me’da-ichak yo‘llari tomonidan simptomlar (qorinda og‘riq, diareya, qusish), shuningdek suv-elektrolit muvozanatini buzilishi rivojlanishi mumkin. Ayrim hollarda buyrak yetishmovchiligiga olib keluvchi amoksitsillin-assotsiatsiyalangan kristalluriya holatlari kuzatilgan. Buyrak funktsiyasini buzilishi yoki yuqori dozada davolanayotgan patsiyentlarda tirishishlar rivojlanishi mumkin. Me’da-ichak tomonidan simptomlar yuzasidan suv-elektrolit muvozanatini tiklash bilan bir qatorda simptomatik davolash o‘tkazilishi mumkin. Amoksitsillin va kaliy klavulonati organizmdan gemodializ yordamida chiqarilishi mumkin.

Retsept bo‘yicha

15 tabletkadan flakonda. Har bir flakon qo‘llash bo‘yicha yo‘riqnomasi bilan karton qutiga joylanadi.

2 yil.