tiniq, rangsiz yoki och – sariq rangli, yoki och-jigarrang rangli eritma.

parenteral oziqlantirish vositasi – aminokislotalar.

[V05VA01].

Parenteral yuborilgan aminokislotalar organizmda oqsil sintezida ishlatiladi. Bu jarayonda ishlatilmagan aminokislotalar, dezaminlanish yo‘li bilan mochevinani hosil qiladi va dezaminlanadi, so‘ngra u siydik bilan chiqariladi. Sog‘lom insonlarda aminokislotalarning yarim chiqarilish davri 5-15 minutni tashkil qiladi. Aminokislotalarning bir qismi biotransfarmatsiyaga uchramasdan va o‘zgarmagan holda chiqarilishi mumkin. Bunday holatlarda preparatni qo‘llashdan, kutilgan samaraga erishilmasligi mumkin. Bu farmakokinetik o‘ziga xos xususiyatini, qonda aminokislotalarning kontsentratsiyasi keskin oshib ketmasligini oldini olish uchun preparatni yetarli darajada sekin yuborish yo‘li bilan yo‘qotish mumkin. Bunday  yuborish yo‘li aminokislotalarni buyraklar orqali o‘zgarmagan holda chiqarilishidan saqlaydi.

Aminasol–Neo infuziya uchun eritma to‘liq yoki qisman parenteral oziqlantirish uchun yog‘ emulsiyalarini, uglevodlar va elektrolitlar bilan birga qo‘llaniladi, shuningdek enteral oziqlantirishning iloji bo‘lmagan hollarda, oqsil va suyuqlik tanqisligini oldini olish va bartaraf etish uchun qo‘llaniladi: me’da-ichak yo‘llarining og‘ir kasalliklari (ichak tutilishi, peritonit, malabsorbtsiya, ichakning og‘ir yallig‘lanish kasalliklari, pankreatit, ichak oqma yo‘llari);gipermetabolik holatlar (jarohatlar, kuyishlar, sepsis);peroral yoki enteral oziqlantirishning iloji bo‘lmagan, yoki yetarli bo‘lmagan boshqa holatlar (asabiy anoreksiya, onkologik kasalliklar, operatsiyaga tayyorlash davri, operatsiyadan keyingi davr).

Aminosol-Neo vena ichiga infuziya ko‘rinishida biron bir markaziy venalar orqali yuborib qo‘llanadi. Doza metabolik buzilishlarning og‘irligi va organizmning aminokislotalarga bo‘lgan  ehtiyojiga muvofiq shaxsiy ravishda belgilanadi. 10% li eritma: Kattalar uchun o‘rtacha sutkalik doza sutkada 10-20 ml/kg ni tashkil qiladi, bu sutkada      1-2 g aminokislota/kg ga muvofiqdir. Maksimal ruxsat etilgan yuborish tezligi soatiga 1 ml /kg, maksimal sutkalik doza esa, 20 ml/kg ni tashkil qiladi. 15% li eritma: Kattalar uchun o‘rtacha sutkalik doza sutkada 6,7-13,3 ml/kg ni tashkil qiladi, bu sutkada 1-2 g aminokislota/kg ga muvofiqdir. Maksimal ruxsat etilgan yuborish tezligi soatiga 0,67 ml /kg, maksimal sutkalik doza esa, 13,3 ml/kg ni tashkil qiladi. 70 kg vaznli odam uchun preparatning maksimal sutkalik dozasi 470-930 ml ni, tavsiya etilgan yuborish tezligi minutiga 16 tomchini tashkil qiladi. Buyrak yetishmovchiligida dozalash: gemodializda bo‘lmagan patsiyentlarga sutkada oqsillarni 0,6-1,0 g/kg dozada yuborish tavsiya etiladi. Gemodializda bo‘lganlarga esa- sutkada 1,2-2,7 g/kg dozada yuboriladi. Jigar yetishmovchiligida dozalash: jigar yetishmovchiligi bo‘lgan patsiyentlar aminokislotalarning yuqori miqdorini o‘zlashtiraolmaydilar va shuning uchun ularning oqsillarga bo‘lgan ehtiyoji – sutkada 0,8–1,1 g/kg ni tashkil qiladi (10% li eritma sutkada 8-11 ml/kg yoki 155% li eritma sutkada 5,3-7,3 ml/kg).

Metabolik atsidoz, og‘ir buyrak va jigar yetishmovchiligi, shok, gipoksiya, dekompensatsiyalangan yurak yetishmovchiligi, homiladorlik va laktatsiya davri, 18 yoshgacha bo‘lgan bolalar (samaradorligi va xavfsizligi aniqlanmagan).

Preparat tarkibiga kiruvchi arginin fosfatlar kontsentratsiyasini kamayishiga va plazmada kaliy kontsentratsiyasini oshishiga olib kelishi mumkin. Ushbu o‘zgarishlar ayniqsa qandli diabeti bo‘lgan bemorlarda yaqqol namoyon bo‘ladi. Insulin arginin tomonidan chaqirilgan giperkaliyemiyaga to‘sqinlik qiladi, shuning uchun stress holatdagi bemorlarga, shuningdek qandli diabeti (1 tur va 2 turi kabi) bo‘lgan bemorlarga zarurati bo‘lganida qisqa ta’sirli insulinni 5-20% dekstroza eritmasi bilan 0,25-0,5 TB ni 1 g dekstroza hisobida yuborish lozim. Kateterizatsiya vaqtida markaziy venani qon quyilishi bilan kechuvchi shikastlanishida bakterial va zamburug‘li tromboflebit yuz berishi mumkin. Shikastlanmagan flakondan faqat tiniq eritmani qo‘llash lozim! Faqat statsionarda qo‘llanilsin!

Homiladorlik va laktatsiya davrida preparatning samaradorligi va xavfsizligi aniqlanmagan.

Yorug‘likdan himoyalangan, 15ºS dan 25ºS gacha bo‘lgan haroratda saqlansin. Bolalar ololmaydigan joyda saqlansin.

Simptomlari: ko‘ngil aynishi, qusish, titroq, “qon quyilishlari”, ko‘p terlash, isitma, taxikardiya. Yuqori tezlikda yuborilganida gipervolemiya va plazmaning elektrolit tarkibi buzilishi mumkin. Davolash: infuziyani darhol to‘xtatish lozim; bioximik ko‘rsatkichlar, nafas va yurak – qon tomir tizimi faoliyatini monitoringini ta’minlash kerak. Davolash simptomatik. Dozani oshirib yuborilishning belgilarini to‘liq yo‘qolganidan keyin, quyish tezligini va dozani kamaytirib, infuziyani qaytadan davom ettirish mumkin.

Retsept bo‘yicha

10% yoki 15%  li infuziya uchun eritma. II gidrolitik guruhi shisha flakoni metall, rezinali va plastmassali, qopqoq bilan mahkamlangan birinchi ochish nazorati bo‘lgan 500 ml dan eritma. 1 flakon plastik tutgichi va qo‘llash bo‘yicha yo‘riqnomasi bilan birga karton qutida.

2 yil. O‘ramida ko‘rsatilgan yaroqlilik muddati o‘tganidan so‘ng ishlatilmasin.