Aminoselmenretsept bilan

Preparatning savdo nomi:

Aminoselmen

Farmakalogik guruhi:

Plazma o‘rnini bosuvchi va perfuzion eritmalar. Parenteral oziqlantirish uchun preparatlar.

Dori shakli:

inyektsiya uchun eritma Tarkibi: 1000 ml eritma quyidagilarni saqlaydi: faol moddalar: L-prolin                                                      – 1 g L-serin                                                         – 1 g L-alanin                                                       – 2 g L-izoleytsin                                                – 3,52 g L-leytsin                                                      – 4,9 g asparagin kislotasi                                   – 2,5 g tirocin                                                        – 0,25 g L-glyutamin kislotasi                               – 0,75 g L-fenilalanin                                            – 5,33 g L-arginin gidroxlorid                             – 5 g L-litsinmonogidroxloridi                                   – 4,3 g L-gistidin gidroxloridi                         – 2,5 g L-valin                                                        – 3,6 g L-treonin                                                     – 2,5 g L-triptofan                                                 – 0,9 g L-metionin                                                  – 2,25 g L-tsistein                                                     – 0,1 g Glitsin                                                         – 7,6 g corbitol                                                        – 50 g natriy gidrosulfiti                               – 0,5 g yordamchi moddalar: inyektsiya uchun suv. Ta’rifi: tiniq, rangsiz yoki deyarli rangsiz suyuqlik.

Plazma o‘rnini bosuvchi va perfuzion eritmalar. Parenteral oziqlantirish uchun preparatlar.

Aminoselmen preparatining biokiraolishligi 100% ni tashkil etadi. Plazmadagi erkin aminokislotalarning kontsentratsiyasi sezilarli o‘zgarishlarga uchraydi, bu ham alohida aminokislotalarga, ham ularning umumiy kontsentratsiyasiga taalluqlidir. Preparat yuborilgandan so‘ng aminokislotalar darhol oqsillar sintezi jarayoniga va organizmning metabolik jarayonlarga kirishadi. Aminokislotalarning protein yoki boshqa biomolekulalar sintezida ishtirok etmaydigan ortiqcha miqdori to‘planmaydi (yog‘ kislotalari va glyukozadan farqli ravishda), balki α-aminoguruhni dezaminlanishi yo‘li bilan parchalanadi, keyin metabolizmga uchraydi va mochevina hosil qiladi. Oxirgisi buyrak orqali chiqariladi. Aminokislotalarning ozgina qismi (5%) o‘zgarmagan holda chiqariladi. Sorbitol insulinga bog‘liq bo‘lmagan uglevod manbaidir. Natriy atsetati, kaliy atsetati, magniy atsetati va natriy gidrofosfati, eritmada kationlar va anionlarga dissotsiatsiya qilib, gemostazni saqlab turish uchun element hisoblanib, eritmaning giperosmolyarliligini ta’minlaydi.

To‘liq yoki qisman parenteral oziqlantirish;enteral oziqlantirishning imkoni bo‘lmaganda suyuqlik va elektrolitlar yo‘qotilganda, oqsillarni to‘ldirish uchun;turli genezli oqsil tanqisligi holatlarini (kuyishlar, operatsiyalar, qon yo‘qotishda) davolash va oldini olish;gastrointestinal kasalliklarning og‘ir holatlari (ichak tutilishi, peritonit, malabsorbtsiya sindromi, ichak oqma yaralari, ingichka ichakning yallig‘lanish kasalliklari, pankreatit);parenteral oziqlantirishni talab qiluvchi boshqa holatlarda (xavfli o‘smalar, jarrohlik aralashuvlaridan oldingi va keyingi holatlarda) qo‘llaniladi.

Preparat vena ichiga tomchilab, bemor holatini sinchiklab nazorat qilib turgan holatda, asta-sekin yuboriladi. Aminoselmen preparatining dozasi patsiyentning yoshi, tana vazni va bemor holatining og‘irligiga qarab, har bir patsiyent uchun shaxsiy ravishda tanlanadi. Aminoselmen kattalarga quyidagi hisobdan kelib chiqib buyuriladi: soatiga 100-150 mg aminokislotalar/kg bemor tana vazni hisobida buyuriladi, bu sutkada 20-30 ml/kg ga to‘g‘ri keladi.  Yuborish tezligi: minutiga 60 tomchi, bu soatiga 180 ml ga to‘g‘ri keladi. Maksimal sutkalik doza: 2 g aminokislotalar/kg (bu sutkada 40 ml/kg ga to‘g‘ri keladi). Jigar va buyrak yetishmovchiligida dozalash tartibiga tuzatish kiritish talab etiladi: oqsillarga talab sutkada 0,8-1,1g/kg (sutkada 16-22 ml/kg) ni tashkil etadi. Qo‘llash davomiyligi: enteral yoki peroral ozuqlantirishga to‘liq o‘tguncha davom etadi.

Yuz berishi mumkin bo‘lgan ta’sirlar qon quyilishlari, igna kiritilayotganda venani shikastlanishi oqibatida yuzaga kelgan bakterial yoki zamburug‘li tramboflebitlar;eshakemi, anafilaktik reaktsiyalar. Kam hollarda kuchli terlash, ko‘ngil aynishi, qusish, et uvishishi (ayniqsa preparatni yuqori tezlikda yuborilganda);folatlar tanqisligi (folat kislotasini har kuni qabul qilish zarur);jigar fermentlari faolligini oshishi;giperbilirubinemiya.

Gemodinamikani hayot uchun xavfli bo‘lgan noturg‘unligi (shok);gipoksiya;dekompensatsiya bosqichidagi yurak yetishmovchiligi;og‘ir buyrak va jigar yetishmovchiligi;aminokislotalar almashinuvini buzilishi;gipergidratatsiya;giperkaliyemiya;gipernatriyemiya;metabolik atsidoz;homiladorlik va laktatsiya davri;18 yoshgacha bo‘lgan bolalar.

Boshqa dori vositalari bilan nomutanosib (boshqa dori vositalari bilan nazoratsiz aralashtirish mumkin emas). Argininni tiazidli diuretiklar va aminofillin bilan bir vaqtda yuborish qonda insulin miqdorini oshiradi. Argininni spironolakton bilan bir vaqtda qo‘llanganda og‘ir giperkaliyemiya rivojlanishi mumkin. Estrogenlar va peroral kontratseptivlar Aminoselmen bilan bir vaqtda qo‘llanganda arginin bilan chaqirilgan o‘sish gormoni darajasi oshishini kuchaytiradi, va argininga bo‘lgan glyukagonli va insulinli javobni pasaytiradi. Insulin arginin chaqirishi mumkin bo‘lgan giperkaliyemiyaga qarshilik qiladi. Preparatni yuborishda arginin natriy tiopental bilan nomutanosib ekanligini hisobga olish lozim.

Zardob osmolyarligi yuqori bo‘lganda ehtiyotkorlik bilan qo‘llash kerak. Inyektsiyani asta-sekinlik bilan yuborish lozim, chunki aminokislotalarni tez yuborish ularni organizmdan o‘zgarmagan holda tez chiqib ketishiga olib keladi va ularni qo‘llanishi natijasidagi samara yo‘qoladi. Qondagi suv-elektrolit muvozanatini, glyukozaning qondagi miqdorini, kislota-ishqoriy tarkibni  va jigar va buyrak faoliyatini nazorat qilish kerak. To‘liq parenteral oziqlantirish uchun bir vaqtda vitaminlar va mikroelementlar qo‘shish zarur. Preparatni aminokislotalarning katta miqdorini yuborilishi jigar entsefalopatiyasi rivojlanishini chaqirishi mumkin bo‘lgan patsiyentlarda; sepsisda; etiologiyasi noaniq bo‘lgan gipertermiyada; suyuqlikni qabul qilish cheklangan patsiyentlarda, jumladan arterial gipertenziyada; natriy tiopental, spironolakton, tiazidli diuretiklar, aminofillin bilan bir vaqtda  qo‘llanganda ehtiyotkorlikka rioya qilish lozim. Aminokislotalarni saqlovchi eritmalarni mikrobli ifloslanish xavfi yuqori bo‘lganligi sababli boshqa dori vositalari bilan aralashtirish mumkin emas. Transport vositalari va potentsial xavfli mexanizmlarni boshqarish qobiliyatiga ta’sir etish xususiyati Preparat faqat statsionar sharoitlarda qo‘llaniladi. Preparat bolalar ololmaydigan joyda saqlansin va yaroqlilik muddati o‘tganidan so‘ng ishlatilmasin.

Quruq, yorug‘likdan himoyalangan joyda 25ºS dan yuqori bo‘lmagan haroratda saqlansin. Faqat zararlanmagan flakonlardagi tiniq eritmalar qo‘llanilsin. Flakon ochilgandan so‘ng preparat darhol qo‘llanilsin.

Simptomlari: preparatni katta dozalarda buyurish yoki juda tez yuborish atsidoz, jigar va buyrak faoliyatini buzilishi, yurakning  chap qorinchasini o‘tkir yetishmovchiligi, o‘pka shishi, giperammoniyemiya, giperkaliyemiyaga olib kelishi mumkin. Davolash: preparatni yuborishni to‘xtatish lozim. Simptomatik davolash. Maxsus antidot yo‘q. Giperkaliyemiyani bartaraf etish uchun 10% li glyukoza eritmasining 200-500 ml har 3-5 g glyukozaga 1-3 TB insulin qo‘shib yuboriladi. Hayot uchun xavfli bo‘lgan holatlarda dializ o‘tkazilishi lozim.

Retsept bo‘yicha

Preparat 250 ml va 500 ml dan shisha flakonlarda chiqariladi.

Barcha yangi dorilar