burchaklari dumaloqlashtirilgan to‘g‘ri burchak shaklli, bir tomoni riskali, to‘q ko‘k rangli qobiq bilan qoplangan tabletkalar.

aminokislotalar, vitaminlar va minerallar.

A11AA02.

Preparatning farmakokinetikasi uning tarkibiga kiruvchi komponentlarning xususiyatlari bilan bog‘liq. Lizin. Ichga qabul qilinganda MIY dan yaxshi so‘riladi (biokiraolishligi 96% dan ko‘proqni tashkil qiladi). Aminokislotalar avval jigarning portal venasiga tushadi va keyinchalik tizimli qon oqimiga tushadi. Tomir ichidagi bo‘shliqdan aminokislotalar xujayralararo suyuqlikka qayta taqsimlanadi va turli to‘qimalarning xujayralariga tashiladi. Qon plazmasi va to‘qimalardagi erkin aminokislotalarning kontsentratsiyasi bemorning yoshi, oziqlanish darajasi va klinik holatiga bog‘liq bo‘lgan tor diapazondagi endogen mexanizmlar tomonidan boshqariladi. Aminokislotalarning metabolizmi buyraklar orqali chiqariladigan mochevinagacha metabolizmga uchraydigan alfa-aminoguruhni dezaminizatsiyasi yo‘li bilan amalga oshadi. Aminokislota asosan skelet mushaklarida (60-70%) va yog‘ to‘qimasida (15-20%) va juda kam miqdorda jigarda (10%) to‘planadi. Aminokislotalarning ortiqcha miqdori o‘zgarmagan ko‘rinishda buyraklar orqali chiqariladi. Piridoksin gidroxloridi (V6 vitamini). Butun ingichka ichak bo‘ylab tez so‘riladi, ko‘proq och ichakda so‘riladi. Farmakologik faol metabolitlarini (piridoksal fosfati va piridoksaminofosfat) hosil qilib jigarda metabolizmga uchraydi. Piridoksal fosfati plazma oqsillari bilan 90% bog‘lanadi. Barcha to‘qimalarga yaxshi kiradi; asosan jigarda, kamroq darajada – mushaklarda va markaziy nerv tizimida to‘planadi. Yo‘ldosh orqali kiradi, ko‘krak suti bilan ajraladi. Yarim chiqarilish davri 15-20 kun. Buyraklar orqali, shuningdek gemodializda chiqariladi. Xolekaltsiferol (D3 vitamini). Ingichka ichakda safro mavjudligida D vitaminining qabul qilingan dozasining 60-90% so‘riladi. Xolestazda so‘rilishi ahamiyatli darajada kamayadi. So‘rilgandan keyin kaltsiferol xilomikronlar va lipoproteidlar tarkibida limfa va qon plazmasida aniqlanadi. Organizmda faol metabolitlari hosil bo‘ladi: jigarda – kaltsidiol, buyraklarda – kaltsitriol. D vitamini va uning metabolitlari safro bilan ichakka chiqariladi, enterogepatik tsirkulyatsiyaga uchrashi mumkin. D vitamini va uning metabolitlari ayniqsa yog‘ to‘qimalarida uzoq saqlanadi. Kaltsiy. Kaltsiyning qabul qilingan dozasining taxminan 25-50% asosan ingichka ichakning proksimal qismida D-vitaminiga bog‘liq transport mexanizmi orqali faol so‘riladi, so‘ngra almashinadigan kaltsiy depolariga tushadi. Organizmdagi kaltsiy zahiralarining 99% suyak va tishlarda bo‘ladi, 1% xujayra ichidagi va xujayra tashqarisidagi suyuqlikda bo‘ladi. Qondagi katsiyning taxminan 55% fiziologik faol ionlashgan shaklda, taxminan 5% tsitratlar, fosfatlar va boshqa anionlar bilan kompleks hosil qiladi. Qon zardobidagi kaltsiyning qolgan 45% oqsillar, asosan albumin bilan bog‘lanadi. Kaltsiyning taxminan 20% buyraklar orqali va 80% – ichak orqali chiqariladi. Buyraklar orqali chiqarilish darajasi kalavachalar filtratsiyasi va kanalchalar reabsorbtsiyasiga bog‘liq. Ichak orqali so‘rilmagan kaltsiy ham, safro va pankreatik shira orqali ajraladigan so‘rilgan qismi ham chiqariladi. Magniy. MIY da magniyning so‘rilishi, magniy tuzlarini me’da-ichakda passiv so‘rilishi mexanizmi tufayli, qabul qilingan dozaning 50% ni tashkil qiladi. Organizmda magniyning 99% xujayra ichida bo‘ladi. Xujayra ichidagi magniyning taxminan 2/3 qismi suyak to‘qimasida taqsimlanadi, 1/3 qismi esa silliq va ko‘ndalang-targ‘il mushak to‘qimasida bo‘ladi. Magniy asosan siydik bilan chiqariladi. Magniyning qabul qilingan dozasining kamida 1/3 qismi buyraklar orqali chiqariladi. Rux. Ichga qabul qilingandan keyin ruxning taxminan 20% dan 65% gachasi o‘n ikki barmoq ichak va ingichka ichakda, 15% dan 21% gachasi – och ichak va yonbosh ichakda so‘riladi. Qon plazmasidagi mineral darajasining chegaraviy miqdori qabul qilingandan 120 minutdan keyin aniqlanadi. Eritrotsitlar, leykotsitlar, mushak tolalari, suyaklar, jigar va buyrak to‘qimalari, ko‘z to‘r pardasi, shuningdek bezlarda – me’da osti bezi va prostata bezida to‘planadi. Qon proteinlari (asosan albuminlar) bilan bog‘lanadi. Chiqarilishi asosan ichak orqali (qabul qilingan miqdorning taxminan 90%), shuningdek qisman ter bezlari va siydik chiqarish tizimi orqali amalga oshadi.

Kaltsiy va/yoki D3 vitaminini tanqisligini oldini olish va davolash;O‘smirlar, homiladorlik va emizish davridagi ayollarda kaltsiy va mikroelementlarni o‘rnini to‘ldirish;Osteoporozni (menopauzadagi, senil, steroid, idiopatik va boshqa) oldini olish va majmuaviy davolash;Osteoporoz asoratlari (suyaklarni sinishi) ni davolashda qo‘llanadi.

Ichga buyuriladi. 1 tabletkadan sutkada 2 marta. Kaltsiy va mikroelementlar tanqisligiga qarab. Kamida 3-4 oy qabul qilish tavsiya etiladi.

Preparatni ko‘rsatmalar va dozalash bo‘yicha tavsiyalarga muvofiq qo‘llanilganda nojo‘ya ko‘rinishlar kam hollarda kuzatiladi. Yuqori dozalarda qo‘llanilganda dispeptik buzilishlar (ko‘ngil aynishi, qusish, diareya, qabziyat, meteorizm, jig‘ildon qaynashi), degidratatsiya, terlash, letargiya, ishtahani yo‘qolishi, qorinda og‘riq, chanqoqlik, poliuriya, qon plazmasida elektrolitlar disbalansi, buyrak yetishmovchiligi kuzatiladi. Giperkaltsiyemiya, giperkaltsiuriya (qon va siydikda kaltsiyning darajasini oshishi) va alkaloz holatlari kuzatilishi mumkin.

Giperkaltsiyemiya (qonda kaltsiyning darajasini oshishi);Giperkaltsiuriya (siydikda kaltsiyning darajasini oshishi);Faol komponentlarga yuqori sezuvchanlik;D vitamini gipervitaminozi;Aminokislotalarning metabolizmini buzilishlari bo‘lgan patsiyentlarda qo‘llash mumkin emas;Nefrolitiaz, uremiya bilan kechuvchi buyrakning qaytmas shikastlanishi, og‘ir va o‘tkir buyrak yetishmovchiligi, buyrakning og‘ir parenximatoz shikastlanishi;Faol autoimmun jarayonlar, ayniqsa immun entsefalitda qo‘llash mumkin emas.

Tiazid qatori diuretiklari bilan bir vaqtda qabul qilinganda ruxni buyraklar orqali chiqarilishi tezlashadi, shuningdek giperkaltsiyemiya paydo bo‘lishi xavfi oshadi, chunki kaltsiyning kanalchalar reabsorbtsiyasini oshiradi. Furosemid va boshqa halqali diuretiklar aksincha, kaltsiyni buyraklar orqali chiqarilishini oshiradi. Yurak glikozidlari va/yoki diuretiklar bilan bir vaqtda davolaganda EKG  va klinik holatni nazorat qilish, shuningdek qon zardobida kaltsiy va kreatinin kontsentratsiyasini nazorat qilish kerak, chunki kaltsiy preparatlari yurak glikozidlarining terapevtik va toksik samaralarini kuchaytirishi mumkin. Glyukokortikosteroidlar kaltsiyning so‘rilishini kamaytiradi, shuning uchun glyukokortikosteroidlar bilan davolash AMINOKAL preparatining dozasini oshirishni talab etishi mumkin. Kolestiramin preparatlari yoki mineral yoki o‘simlik moylari asosidagi surgi vositalari bilan bir vaqtda davolash AMINOKAL preparatining so‘rilishini kamaytirishi mumkin. Fenitoin yoki barbituratlar bilan bir vaqtda qo‘llaganda xolekaltsiferolning faolligini kamayishi mumkin. Levodopaning faolligini piridoksin tomonidan ingibitsiya qilinadi. Preparat atenolol, bifosfonatlar, natriy ftoridi, xinolonlar va tetratsiklinlarning so‘rilishini kamaytiradi, shuningdek verapamilning ta’sirini susaytiradi. Xelatatsiya qiluvchi vositalar, shu jumladan temir va penitsillinamin bilan birga qo‘llanilganda ruxning so‘rilishi pasayadi. AMINOKAL preparatini shunga o‘xshash komponentlar saqlovchi vitamin-mineral komplekslar bilan birga qo‘llash tavsiya etilmaydi (dozani oshirib yuborilishi xavfi tufayli). Boshqa preparatni qabul qilish orasidagi interval kamida 3 soat bo‘lishi kerak.

Surgi vositalari, alkogolni tez-tez iste’mol qilganda, jadal jismoniy va ruhiy yuklamalarda magniyga bo‘lgan ehtiyoj oshadi, bu organizmda magniy tanqisligiga olib kelishi mumkin. Oksalatlar (shovul, ismaloq) va fitin (yormalar) saqlovchi oziq-ovqat mahsulotlari iste’mol qilish kaltsiyning so‘rilishini kamaytiradi, shuning uchun AMINOKAL ni shovul, ismaloq, yormalarni qabul qilgandan keyin 2 soat o‘tgach qabul qilish kerak. Giperkaltsiyemiya rivojlanishi xavfi tufayli, osteoporoz bo‘lgan immobilizatsiya qilingan bemorlarda ehtiyotkorlik bilan qo‘llanishi kerak. Homiladorlik va laktatsiya davri Homiladorlik va laktatsiya davrida AMINOKAL preparatini ehtiyotkorlik bilan qo‘llash kerak, qo‘llashdan oldin shifokor bilan maslahatlashish kerak. Pediatriyada qo‘llanishi Bolalarda qo‘llash mumkin bo‘lmagan holatlar yo‘q. 3 yoshgacha bo‘lgan bolalarda tabletkalar qo‘llanilmaydi. Avtotransportni haydash va mexanizmlarni boshqarish qobiliyatiga ta’siri Ta’sir qilmaydi. Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 30°S dan yuqori bo‘lmagan haroratda saqlansin.

Buyrak faoliyati normal bo‘lganda magniyni ichga qabul qilganda dozani oshirib yuborilishi odatda toksik reaktsiyalar paydo bo‘lishiga olib kelmaydi. Dozani oshirib yuborilishidan saqlanish uchun boshqa manbalardan xolekaltsiferolni qo‘shimcha tushishini e’tiborga olish kerak. Simptomlari: anoreksiya, chanqoqlik, poliuriya, ishtahani pasayishi, bosh aylanishi, hushdan ketish holatlari, xolsizlik, ko‘ngil aynishi, qusish, giperkaltsiuriya, giperkaltsiyemiya, giperkreatinemiya. Yuqori dozalarda uzoq vaqt qo‘llanilganda qon tomirlar va to‘qimalar kaltsinozi. Davolash: regidratatsiya (organizmga ko‘p miqdorda suyuqlik yuborish), halqali diuretiklar (masalan, furosemid), glyukokortikosteroidlar, kaltsitonin, bifosfonatlarni qo‘llash. Buyrak yetishmovchiligida gemodializ yoki peritoneal dializ zarur. Dozani oshirib yuborilishi belgilari paydo bo‘lganda shifokorga murojaat eting. Dozani oshirib yuborilishining klinik simptomlari rivojlangan hollarda qonda kaltsiy va kreatinin kontsentratsiyasini aniqlash kerak. Qon zardobida kaltsiy va kreatinin kontsentratsiyasi oshgan hollarda preparatning dozasini kamaytirish yoki davolashni vaqtincha to‘xtatish kerak. Sutkada 7,5 mmol (sutkada 300 mg) dan yuqori giperkaltsiuriya holatlarida dozani kamaytirish yoki qabul qilishni to‘xtatish kerak.

Retsept bo‘yicha

10 tabletkadan tegishli markirovkaga ega ikki qavatli alyumin blisterda. 3 blister va tibbiyotda qo‘llash bo‘yicha yo‘riqnomasi joylangan karton quti.

2 yil.