Tiniq yoki biroz tovlanuvchi rangsiz suyuqlik yoki biroz sarg‘ish suyuqlik.

Zamburug‘larga qarshi vosita.

J02AC01

Vena ichiga yuborilgandan so‘ng Amikosol organizmning to‘qima va suyuqliklariga yaxshi kiradi. Preparatning so‘lak va balg‘amdagi kontsentratsiyasi uning plazmadagi darajasi bilan bir xil. Zamburug‘li meningiti bo‘lgan bemorlarda Amikosolning orqa miya suyuqligidagi miqdori plazmadagi darajasining muvofiq ravishda 80% ga yetadi. Plazmadagi kontsentratsiyasi dozaga to‘g‘ri proportsional bog‘liq bo‘ladi. To‘qson foizli muvozanatli kontsentratsiyasiga sutkada bir dozadan bir necha marta yuborilgandan so‘ng 4-5 kunga kelib erishiladi. Birinchi kuni odatdagi sutkalik dozadan ikki marta yuqori dozani qo‘llanilishi, ikkinchi kunga kelib, plazmada preparatning 90% li muvozanatli kontsentratsiyasiga yaqin darajasiga erishish imkonini beradi. Taxminiy taqsimlanish hajmi organizmdagi suyuqlikning umumiy miqdoriga yaqinlashadi. Plazma oqsillari bilan Amikosolning ozgina qismi (11-12%) bog‘lanadi. Yarim chiqarilish davri – ancha uzoq (30 soat). Amikosol organizmdan asosan buyrak orqali chiqariladi; bunda yuborilgan dozaning taxminan 80% o‘zgarmagan holda chiqariladi. Amikosolning klirensi kreatinin klirensi bilan to‘g‘ri proportsional bog‘liqlikka ega. Periferik qonda metobolitlari aniqlanmagan.

Amikosol quyidagi kasalliklarni davolash uchun qo‘llaniladi: Kriptokokkoz: kriptokokkli meningit, o‘pka va terining kriptokokkli infektsiyalari: OITS bilan xastalangan bemorlarda kriptokokkoz qaytalanishlarini oldini olish, a’zolarni ko‘chirib o‘tkazishda yoki immunitet tanqisligining boshqa holatlarida. Tarqalgan kandidomikoz: kandidemiya, disseminatsiyalangan kandidomikoz va invaziv kandioz infektsiyalarining boshqa shakllari (qorin bo‘shlig‘i, endokard, ko‘z, nafas va siydik yo‘llarining infektsiyalari). Shilliq qavatlar kondidomikozi: og‘iz bo‘shlig‘i, xalqum, qizilo‘ngach bronx va o‘pkaning noinvaziv infektsiyalari, kandiduriya. Vaginal kandidoz: o‘tkir yoki surunkali qaytalanuvchi shakli. Tsitostatiklar yordamida kimyoterapiya va nur muolajasi natijasida shunday infekitsyalarga chalinishga moyil bo‘lgan xavfli o‘smalari bo‘lgan bemorlarda zamburug‘li infektsiyalarni olidini olishda qo‘llaniladi.

Amikosol inyektsiya uchun eritma ko‘rinishida vena ichiga tomchilab, minutiga ko‘pi bilan 20 mg (10 ml) tezlikda yuboriladi. Vena ichiga yuborishdan kapsulalarni qabul qilishga o‘tishda va aksincha sutkalik dozani o‘zgartirishning zarurati yo‘q. Infuziya uchun eritma quyidagi erituvchilar bilan mutanosib: 20% li glyukoza eritmasi, Ringer eritmasi, Xartman eritmasi, kaliy xloridining glyukoza eritmasidagi eritmasi, aminofuzin, natriy xloridning izotonik eritmasi. Amikosolning infuziyalarini transfuziyalar uchun mo‘ljallangan oddiy tizimlar orqali, yuqorida sanab o‘tilgan suyuqliklardan foydalanilgan holda o‘tkazish mumkin.

Ovqat hazm qilish tizimi tomonidan: ko‘ngil aynishi, ich ketishi, meteorizm, qorinda og‘riq, ta’mni o‘zgarishi, qusish, kam hollarda – jigar faoliyatini buzilishi (sariqlik, giperbilirubinemiya, aminotransferazalar va ishqoriy fosfotaza faolligini oshishi, gepatit, gepatotsellyulyar nekroz), shu jumladan o‘lim bilan yakunlanadigan holatlar. Nerv tizimi tomonidan: bosh og‘rig‘i, bosh aylanishi, kam hollarda – tirishishlar. Qon yaratish tizimi a’zolari tomonidan: kam hollarda – leykopeniya, trombotsitopeniya, neytropeniya, agranulotsitoz. Allergik reaktsiyalar: teri toshmalari, kam hollarda – ko‘p shaklli ekssudativ eritema (jumladan, Stivens-Djonson sindromi), toksik epidermal nekroliz (Layell sindromi), anafilaktoid reaktsiyalar (jumladan, angionevrotik shish, yuz shishi, eshakemi, terini qichishishi). Yurak-qon tomir tizimi tomonidan: Q-T intervalini uzayishi, yurak qorinchalari xilpillashi/lipillashi. Boshqalar: kam hollarda – buyrak faoliyatini buzilishi, alopetsiya, giperxolesterinemiya, gipertriglitseridemiya, gipokaliyemiya.

Amikosolni prerparatga yoki tuzilishi bo‘yicha unga yaqin bo‘lgan azol birikmalarga yuqori sezuvchanligi bo‘lgan bemorlarda qo‘llash mumkin emas. Terfenadin, astemizol va tsizapridni bir vaqtda qo‘llash mumkin emas. Laktatsiya davrida qo‘llash mumkin emas.

Antikoagulyantlar: Amikosol va kumarinli antikougulyantlar qabul qilayotgan bemorlarda protrombin vaqti sinchkov nazorat qilinishi kerak, chunki bu ko‘rsatkich oshishi mumkin. Peroral gipoglikemik vositalar (sulfonilmochevina hosilalari): Amikosol sulfonilmochevina hosilalarini yarim chiqarilish davrini uzaytirishi mumkin, shuning uchun ular birga qo‘llanganda gipoglikemiyani rivojlanish ehtimolini hisobga olish kerak. Fenitoin: Amikosol va fenitoinni bir vaqtda qo‘llanishi fenitoinning kontsentratsiyasini klinik ahamiyatli oshishi bilan kechishi mumkin, bu esa uning dozasini pasaytirishni talab etadi. Rifampitsin: rifampitsin va Amikosol bir vaqtda qabul qilinganda, Amikosolning maksimal kontsentratsiyasi kamayadi va uni yarim chiqarilish davri qisqaradi, shuning uchun birga qo‘llash zarurati  tug‘ilganda Amikosolning dozasini oshirish lozim. Rifabutin: Amikosol va rifabutinni bir vaqtda qo‘llanishi rifabutinning zardobdagi darajasini oshishi bilan kechadi, uveit rivojlanish ehtimoli bor. Tsiklosporin: Amikosol va tsiklosporin bir vaqtda qo‘llanganda, tsiklosporining qondagi kontsentratsiyasini nazorat qilish tavsiya etiladi, chunki bu oshib ketishi mumkin. Terfenadin va astemizol: terfenadin yoki astemizol bilan birga azol tuzilishiga ega zamburug‘larga qarshi vositalarni qabul qilgan bemorlarda jiddiy, hayotga xavf tug‘diruvchi aritmiyalar vujudga kelishini hisobga olib, ularni birga qo‘llash mumkin emas. Tsizaprid: Amikosol va tsizapridni bir vaqtda qabul qiliganda yurak tomonidan nohush reaktsiyalar, shu jumladan yurak qorinchalari taxikardiyasi paroksizmlari ta’riflangan. Bir vaqtda qabul qilish mumkin emas. Zidovudin: birga qo‘llanganda zidovudinning qon plazmasidagi kontsentratsiyasi oshishi mumkin. Bunday majmuani qabul qilayotgan bemorlarni, zidovudinning nojo‘ya ta’sirlarini aniqlash maqsadida kuzatish lozim. Teofillin: Amikosolni qabul qilish kreatininni qon plazmasidan klirensining o‘rtacha tezligini pasayishiga olib keladi, demak, teofillinning toksik ta’sirini rivojlanishi va dozasini oshirib yuborilishi xavfi oshadi. Garchi farmatsevtik nomutanosiblikning aniq holatlari keltirilmagan bo‘lsada, infuziyadan oldin Amikosol eritmasini boshqa preparatlarning eritmasi bilan aralashtirish tavsiya etilmaydi. Tsitoxrom R450 tizimi yordamida metobolizmga uchraydigan boshqa preparatlarni bir vaqtda qabul qilayotgan bemorlarda Amikosol qo‘llanganda ehtiyotkorlikka amal qilish lozim.

Kam hollarda Amikosolni qo‘llanishi jigarga toksik ta’sir bilan, jumladan jiddiy yondosh kasalliklari bo‘lgan bemorlarda o‘lim bilan kechgan. Jigar faoliyatini nazorat qilish lozim. Amikosolni qo‘llanishi bilan bog‘liq bo‘lishi mumkin bo‘lgan jigarni shikastlanish belgilari namoyon bo‘lganda preparatni qo‘llashni to‘xtatish kerak. Davolash jarayonida qon ko‘rsatkichlari, buyrak faoliyatini nazorat qilib turish kerak. Buyrak faoliyatini buzilishi yuz bergan hollarda preparatni qabul qilishni to‘xtatish kerak. Immunodepressiyasi bo‘lgan bemorlarda teri toshmalari paydo bo‘lganida patsiyentni sinchkov kuzatish lozim, teri reaktsiyasi avj olgan hollarda (Stivens-Djonson sindromi, Layell sindromini rivojlanish xavfi) davolashni to‘xtatish kerak. Preparat bolalar olaolmaydigan joyda saqlansin va yaroqlilik muddati tugagandan so‘ng ishlatilmasin.

preparatni homiladorlik davrida, og‘ir, tarqalgan va hayot uchun potentsial xavfli bo‘lgan zamburug‘li infektsiyalardan tashqari holatlarda qo‘llash mumkin emas.

Simptomlari: gallyutsinatsiya, paranoidal xulq. Preparatning dozasini oshirib yuborilgan hollarida simptomatik davolashning o‘zi yetarli bo‘lishi mumkin. Amikosol asosan buyrak orqali chiqariladi: jadallashtirilgan diurez preparatni organizmdan chiqarilishini tezlashtirishi mumkin. Uch soatlik gemodializdan so‘ng Amikosolning qon plazmasidagi kontsentratsiyasi taxminan 50% ga kamayadi.

Retsept bo‘yicha

3 yil.