rangsiz yoki biroz sarg‘ish, yertuti hidli tiniq suyuqlik.

balg‘am ko‘chiruvchi vosita.

K05SV06 Farmakologik xususiyatlari Yaqqol balg‘am ko‘chiruvchi ta’sirga ega mukolitik preparat. Preparat bronxlarning shilliq qavatining seroz hujayralarini rag‘batlantirishi hisobiga balg‘amni suyultiradi. Balg‘amning qovushqoqligini pasayishi balg‘amdagi mukopolisaxaridlarning depolimerizatsiyasi natijasida yuz beradi. Mukopolisaxaridlarning depolimerizatsiyasi, eng avvalo ularning molekulasidagi disulfid bog‘larni uzilishi bilan bog‘liq. Ambroksol xilpillovchi epiteliyning harakat faolligini kuchaytiradi, mukotsiliar transportni oshiradi, balg‘amning seroz va shilliq komponentlarining nisbatini me’yorlashtiradi. Gidrolizlovchi fermentlarni faollashtirib va Klark hujayralaridan lizosomalarni ajralib chiqishini kuchaytirib, balg‘amning qovushqoqligini pasaytiradi. Nafas yo‘llaridan balg‘amni chiqarilishini yengillashtiradi. Ambroksol alveolalarda surfaktant sintezi va sekretsiyasini oshirish yo‘li bilan o‘pkalarni prenatal rivojlanishini rag‘batlantiradi. Surfaktantning sintezi nafas tizimining surunkali kasalliklari natijasida pasayadi. Bundan tashqari, sirt faolligiga ega fosfolipidlar va yallig‘lanish oqsillari orasida hosil bo‘ladigan bog‘lar tufayli surfaktantning xususiyatlari o‘zgaradi. Surfaktant hosil bo‘lishini oshishi hisobiga preparat yallig‘lanishga qarshi ta’sir ko‘rsatadi, antioksidant hususiyatlarga ega va mahalliy immunitetni oshiradi. Ambroksolning ta’siri 30 minut davomida namoyon bo‘ladi va 6-12 soat davomida saqlanib turadi.

Ichga qabul qilinganidan keyin ambroksol me’da-ichak yo‘llaridan deyarli to‘liq so‘riladi. Qon plazmasidagi maksimal kontsentratsiyasiga (Smax) taxminan 0,3-0,5 soatdan keyin erishiladi. Biokiraolishligi 70-80% ni tashkil qiladi. Preparatning to‘planishi aniqlanmagan. Plazma oqsillari bilan bog‘lanishi taxminan 90% ni tashkil etadi. To‘qimalarga tez kiradi va eng yuqori kontsentratsiyasi o‘pkada aniqlanadi. Gematoentsefalik to‘siq (GET) va yo‘ldosh to‘sig‘i orqali o‘tadi va ko‘krak suti bilan chiqariladi. Jigarda kon’yugatsiya yo‘li bilan farmakologik faol bo‘lmagan metabolitlarni hosil qilib metabolizmga uchraydi. Plazmadan yarim chiqarilish davri (T1/2) – 7-12 soat. Buyraklar orqali preparatning taxminan 90% chiqariladi. Qo‘llanilishi Nafas yo‘llarining qovushqoq balg‘amni ajralib chiqishi bilan kechuvchi o‘tkir va surunkali kasalliklarini (o‘tkir va surunkali bronxit, obstruktiv bronxit, pnevmoniya, balg‘amning ajralib chiqishi buzilgan bronxial astma, bronxoektatik kasallik, shuningdek burun-tomoq bo‘shlig‘i yallig‘lanishida shilliqni suyulishini yaxshilash uchun) mukolitik davolashda qo‘llanadi. O‘pkada o‘tkazilgan operatsiyadan keyingi asoratlarni oldini olish va davolashda, bronxoskopiyadan oldin va keyin, o‘pka mukovistsidozida qo‘llanadi. Qo‘llash usuli va dozalari Preparatni ovqatdan keyin ichga qabul qilish lozim. Davolash vaqtida ko‘p miqdorda suyuqlik (sharbat, choy, suv) iste’mol qilish kerak, chunki u preparatning mukolitik samarasini kuchaytiradi. 2 yoshgacha bo‘lgan bolalarga 2,5 ml (1/2 choy qoshiq) dan kuniga 2 marta; 2 dan 5 yoshgacha 2,5 ml (1/2 choy qoshiq) dan kuniga 3 marta; 5 dan 12 yoshgacha 5 ml (1 choy qoshiq) dan kuniga 2-3 marta buyuriladi; 12 yoshdan oshgan bolalar va kattalarga birinchi 2-3 kunlari 10 ml (2 choy qoshiq) dan kuniga 2 marta, so‘ngra xuddi shunday yoki 5 ml (1 choy qoshiq) dan kuniga 3 marta buyurib davom ettiriladi. Davolash davomiyligi kasallikning og‘irligiga bog‘liq va uni davolovchi shifokor belgilaydi. Shifokorning tavsiyasisiz preparatni 4-5 kundan ortiq qabul qilish mumkin emas. Nojo‘ya ta’sirlari Preparat odatda yaxshi o‘zlashtiriladi. Markaziy nerv tizimi tomonidan: bosh og‘rig‘i. Ovqat hazm qilish yo‘llari tomonidan: og‘izni qurishi, jig‘ildon qaynashi, gastralgiya, ko‘ngil aynishi, qusish, qabziyat. Nafas tizimi tomonidan: rinoreya, nafas yo‘llarining shilliq qavatini quruqligi. Allergik reaktsiyalar: teri toshmasi, qichishish, eshakemi, Kvinke shishi, angionevrotik shishi, alohida hollarda allergik kontakt dermatit, juda kam hollarda – anafilaktik turdagi o‘tkir og‘ir reaktsiyalar (anafilaktik shok Stivens-Djonson sindromi va Layell sindromi). Boshqalar: holsizlik, siyishni qiyinlashishi. Qo‘llash mumkin bo‘lmagan holatlar ambroksolga va preparatning boshqa komponentlariga yuqori sezuvchanlik;homiladorlik (I uch oyligi) davri;laktatsiya davri;me’da va 12-barmoq ichak yara kasalligi;yo‘talga qarshi preparatlar bilan bir vaqtda qabul qilish mumkin emas.

Preparatni va antibakterial vositalarni (amoksitsillin, tsefuroksim, doksitsiklin, eritromitsin) bir vaqtda qabul qilish antibiotiklarni o‘pka to‘qimasiga kirishiga yordam beradi. Tug‘ruq faoliyatini susaytiruvchi preparatlar bilan mutanosib. Preparat yo‘talga qarshi preparatlar bilan majmuaviy qo‘llanganida yo‘tal refleksini susaytirishi tufayli, suyultirilgan sekret xavfli dimlanishi mumkin. Shuning uchun yo‘talga qarshi vositalarni qabul qilish faqat davolovchi shifokor ko‘rsatmasiga ko‘ra o‘tkazilishi kerak. Maxsus ko‘rsatmalar Bronxlarning motorikasi izdan chiqqan va sekret miqdori oshgan hollarda (masalan, xavfli kipriksimon epiteliy sindromida), bronxlarda shilliqni to‘planib qolish xavfi tufayli, siropni faqat davolovchi shifokor maslahatidan so‘ng va shifokor nazorati ostida qabul qilish mumkin. Buyrak yoki jigar faoliyatini og‘ir buzilishida preparatni qabul qilish orasidagi intervalni oshirish kerak. Qandli diabeti bo‘lgan bemorlarga siropni buyurilganda 1 o‘lchov qoshig‘i (5 ml) 1,75 g sorbitol saqlashini, bu esa 0,15 NB muvofiq kelishini hisobga olish kerak.

Siropni emizish vaqtida va homiladorlikning birinchi I uch oyligida qabul qilish mumkin emas. Homiladorlikning II va III oyliklarida ambroksolni faqat davolovchi shifokor tavsiyasi bo‘yicha qabul qilish mumkin.

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin. Yaroqlilik muddati 2 yil.

Simptomlari: hozirgi vaqtgacha preparatning dozasi oshirib yuborilganida zaharlanish hollari kuzatilmagan. Ammo ba’zida: qisqa muddatli bezovtalik, ich ketishi, doza kuchli oshirib yuborilganida arterial bosimni pasayishi, qusish, so‘lakni ko‘p ajralishi kuzatilishi mumkin Davolash: bunday hollarda, ayniqsa dozani kuchli oshirib yuborilganida shifokorga murojaat qilish va uning tavsiyasi bo‘yicha me’dani yuvish, yog‘ saqlovchi mahsulotlarni qabul qilish, gemodinamik ko‘rsatkichlarni nazorat qilish, zarurati bo‘lganda simptomatik davolashni o‘tkazish kerak.

“REMEDY GROUP” MCHJ  O‘zbekiston-Buyuk Britaniya QK O‘zbekiston Respublikasi, Toshkent sh., 100069, Olmazor tumani, Yangi Olmazor ko‘ch, 51. tel./faks (99871) 248 02 05.

“REMEDY GROUP” MCHJ  O‘zbekiston-Buyuk Britaniya QK O‘zbekiston Respublikasi, Toshkent sh., 100069, Olmazor tumani, Yangi Olmazor ko‘ch, 51. tel./faks (99871) 248 02 05.

Retseptsiz

Sirop 40 ml, 50 ml, 80 ml, 90 ml, 100 ml va 125 ml dan flakonlarda.