Amaril 1 mg: Uzunchoq, ikki tomoni yassi, ikkala tomonida bo‘lish chiziqchasi bo‘lgan pushti rangli tabletkalar. Yuqori shtampi: NMK/firma belgisi. Quyi shtampi: Firma belgisi/NMK. Amaril 2 mg: Uzunchoq, ikki tomoni yassi, ikkala tomonida bo‘lish chiziqchasi bo‘lgan yashil rangli tabletkalar. Yuqori shtampi: NMM/firma belgisi. Quyi shtampi: Firma belgisi/NMM. Amaril 3 mg: Uzunchoq, ikki tomoni yassi, ikkala tomonida bo‘lish chiziqchasi bo‘lgan och sariq rangli tabletkalar. Yuqori shtampi: NMN/firma belgisi. Quyi shtampi: Firma belgisi/NMN. Amaril 4 mg: Uzunchoq, ikki tomoni yassi, ikkala tomonida bo‘lish chiziqchasi bo‘lgan havo rangli tabletkalar. Yuqori shtampi: NMO/firma belgisi. Quyi shtampi: Firma belgisi/NMO. Zarur bo‘lganda Amaril® tabletkalarini chiziqcha bo‘ylab ikkita teng qismga bo‘lsa bo‘ladi.

peroral qo‘llash uchun gipoglikemik vosita, insulindan tashqari: sulfonilmochevina hosilasi.

A10VV12.

So‘rilishi Glimepirid ichga qabul qilinganda uning biokiraolishligi to‘liq. Ovqat qabul qilish so‘rilishiga, so‘rilish tezligining biroz sekinlashishidan tashqari sezilarli ta’sir ko‘rsatmaydi. Glimepirid 4 mg sutkalik dozasi ko‘p marta qabul qilinganda, taxminan 2,5 soatda qon zardobida maksimal kontsentratsiyasi (Cmax) ga yetadi va 309 ng/ml ni tashkil qiladi; doza va Cmax o‘rtasida, shuningdek doza va AUC (kontsentratsiya vaqt egri chizig‘i ostidagi maydon) o‘rtasida to‘g‘ri chiziqli nisban mavjud. Taqsimlanishi Glimepirid uchun taxminan albuminning taqsimlanish hajmiga teng juda past taqsimlanish  hajmi (taxminan 8,8 l), plazma oqsillari bilan yuqori bog‘lanish darajasi (99% dan ortiq) va past klirens (taxminan 48 ml/min) xarakterlidir. Hayvonlarda glimepirid ko‘krak suti bilan chiqariladi. Glimepirid yo‘ldosh to‘sig‘i orqali o‘tadi. Gematoentsefalik to‘siq orqali yomon o‘tadi. Biotransformatsiyasi va chiqarilishi Glimepirid bir marta ichga qabul qilingandan keyin siydik bilan 58% va ahlat bilan 35% chiqariladi. Siydikda o‘zgarmagan modda aniqlanmagan. Preparatning plazmadagi kontsentratsiyasi ko‘p martalik dozalash tartibiga mos keluvchi yarim chiqarilish vaqti 5-8 soatni tashkil etadi. Yuqori dozalar qabul qilingandan so‘ng yarim chiqarilish davri biroz oshadi. Siydik va ahlatda jigardagi metabolizmi natijasida (asosiy ferment – CYP2C9) hosil bo‘ladigan ikkita nofaol metaboliti aniqlanadi, ularda bittasi gidroksi hosila, ikkinchisi – karboksi hosiladir. Glimepiridni ichga qabul qilingandan keyin bu metabolitlarning yarim chiqarilish davri muvofiq ravishda 3-5 soatni va 5-6 soatni tashkil qiladi. Glimepirid ko‘krak suti bilan chiqariladi va yo‘ldosh to‘sig‘i orqali o‘tadi. Preparat gematoentsefalik to‘siqdan yomon o‘tadi. Glimepiridni bir martalik va ko‘p martalik (sutkada bir marta) qabul qilishni solishtirilganda farmakokinetik ko‘rsatkichlarda hech qanday ishonchli farqlar aniqlanmagan va turli patsiyentlar orasida ularning past o‘zgaruvchanligi kuzatilgan. Preparatni organizmda to‘planishi kuzatilmagan. Alohida guruh patsiyentlari Turli jins va turli yosh guruhlaridagi patsiyentlarda farmakokinetik ko‘rsatkichlar o‘xshash bo‘lgan. Buyrak faoliyatini buzilishi (kreatinin klirensi past bo‘lgan) bo‘lgan patsiyentlarda glimepiridning klirensini oshishiga va uning qon zardobidagi o‘rtacha kontsentratsiyasini pasayishiga tendentsiya kuzatiladi, bu ehtimol preparatning oqsillar bilan kamroq bog‘lanishi oqibatidagi tez chiqarilishi bilan bog‘liqdir. Shunday qilib, ushbu toifa patsiyentlarda preparatni to‘planib qolish xavfi mavjud emas. Qandli diabetning 2 tipi bilan kasallangan 30 ta pediatrik bemorlarda (10-12 yoshli 4 nafar bola va 12-17 yoshli 26 nafar bolalar) glimepiridning 1 mg li bir martalik dozasini farmakokinetikasi, xavfsizligi va o‘zlashtiraolinishini o‘rganish yuzasidan klinik sinovlar, AUC0-last, Cmax va t1/2 ning o‘rtacha ko‘rsatkichlari, ilgari kattalarda kuzatilgan ko‘rsatkichlar bilan bir xilligini ko‘rsatdi.

Qandli diabet 2 tipi (monoterapiyada yoki metformin va insulin bilan majmuaviy davolash tarkibida) davolash uchun, faqat parhez, jismoniy mashg‘ulotlar yoki vaznni kamaytirish yordamida adekvat nazorat qilish imkoni bo‘lmagan hollarda qo‘llaniladi

Glimepirid va sulfanilmochevinaning boshqa hosilalarini qo‘llashda yuzaga kelgan nojo‘ya ta’sirlar to‘g‘risida klinik tadqiqotlar vaqtida olingan ma’lumotlar quyida keltirilgan. Nojo‘ya ta’sirlar a’zolar tizimi sinfi bo‘yicha guruhlanib, uchrashi mumkin bo‘lgan kamayish tartibida guruhlanib, taqsimlangan (juda tez-tez: ≥1/10; tez-tez: ≥1/100, <1/10; tez-tez emas: ≥1/1000, <1/100; kam hollarda: ≥1/10000, <1/1000; juda kam hollarda: <1/10000; tez-tezligi noma’lum (uchrash tez-tezligi amalda bo‘lgan ma’lumotlarga asosan baholana olmaydi)).

Glimepiridni  quyidagilarda qo‘llash mumkin emas: glimepirid yoki preparatning qaysidir komponentiga, boshqa sulfonilmochevina hosilalariga yoki sulfanilamid preparatlariga yuqori sezuvchanlik (o‘ta yuqori sezuvchanlik rivojlanishi xavfi bor);qandli diabetning 1 tipida;diabetik komada;ketoatsidozda;jigar faoliyatini og‘ir buzilishlari;buyrak faoliyatini og‘ir buzilishlari ( shu jumladan, gemodializdagi bemorlar);homiladorlik va laktatsiya davrida qo‘llash mumkin emas.

Glimepirid bilan birga ayrim boshqa dori vositalari qabul qilinganda glimepiridning gipoglikemik ta’siri kutilmagan holda yoki noxush pasayishi yoki noxush oshishi mumkin. Shu sababli boshqa dori vositalari shifokor ruxsati (yoki ko‘rsatmasi) bilan qabul qilinishi lozim. Glimepirid tsitoxrom R4502S9 ishtirokida metabolizmga uchraydi, buni induktorlar (masalan, rifampitsin) yoki ingibitorlar (flukonazol) bilan bir vaqtda qo‘llaganda hisobga olish kerak. Adabiyotlarda chop etilgan in vivo sharoitidagi o‘zaro ta’sirlarning natijalari, flukonazol eng kuchli SYR2C9 ingibitori hisoblanib, glimepiridning AUC ni taxminan 2 martaga oshiradi. Glimepiridning boshqa sulfonilmochevina hosilalari bilan qo‘llanilishi tajribalarida quyidagilar aniqlangan: Gipoglikemik ta’sirni kuchayishi va u bilan bog‘liq gipoglikemiyani mumkin bo‘lgan rivojlanishi glimepiridni quyidagi dori vositalari bilan birga qo‘llanganida kuzatiladi: fenilbutazon, azapropazon, oksifenbutazon,insulin va boshqa gipoglikemik preparatlar, masalan, metformin,salitsilatlar va aminosalitsilat kislotasi.anabolik steroidlar va erkaklar jinsiy gormonlari.xloramfenikol, ayrim uzoq ta’sirga ega sulfanilamidlar, tetratsiklinlar, xinolonlar va klaritromitsin,kumarin antikoagulyantlar.fenfluramin,dizopiramid,fibratlar,angiotenzinga aylanuvchi ferment (AAF) ingibitorlari,fluoksetin, monoaminooksidaza (MAO) ingibitorlari,allopurinol, probenitsid, sulfinpirazon,simpatolitiklar,tsiklo-, tro- va ifosfamidlar,mikonazol ,flukonazol,pentoksifillin (yuqori dozada parenteral yuborilganda),tritokvalin. Gipoglikemik ta’sirini susayishi va u bilan bog‘liq glyukozaning qondagi kontsentratsiyasini oshishi glimepiridni quyidagi dori vositalari bilan birga qo‘llaganda kuzatiladi: estrogenlar va progestogenlar,saluretiklar va tiazid diuretiklar,qalqonsimon bezi gormonlari, glyukokortikoidlar,fenotiazinlar, xlorpromazinlar,epinefrin va boshqa simpatomimetik vositalar,nikotin kislotasi (yuqori dozada) va nikotin kislotasi hosilalari,surgi vositalari (uzoq vaqt qo‘llaganda),fenition, diazoksid,glyukagon, barbituratlar va rifampitsin,atsetazolamid. N2-retseptorlarning blokatorlari, klonidin va rezerpin glimepiridning gipoglikemik ta’sirini kuchaytirishi ham, susaytirishi ham mumkin. Beta-adrenoblokatorlar kabi simpatolitik vositalar, klonidin, guanetidin va rezerpin ta’sirida adrenergik kontrregulyatsiya belgilari gipoglikemiyaga javoban kuchayishi yoki susayishi mumkin. Glimepiridni qabul qilish fonida kumarin hosilalari ta’sirini kuchayishi yoki susayishi mumkin. Alkogolni bir marta yoki surunkali iste’mol qilish glimepiridning gipoglikemik ta’sirini kuchaytirishi yoki susaytirishi mumkin. O‘t kislotalarining sekvestrantlari: kolesevelam glimepirid bilan bog‘lanib glimepiridni me’da ichak yo‘lidan so‘rilishini kamaytiradi. Glimepiridni kolesevelam qabul qilinishidan kamida 4 soat oldin qo‘llanilishi holatida hech qanday o‘zaro ta’siriga olib kelmagan. Shuning uchun glimepiridni kolesevelam qabul qilinishidan kamida 4 soat oldin qo‘llash kerak.

Glimepiridni bevosita ovqatlanishdan oldin yoki ovqatlanish vaqtida qabul qilish kerak. Ovqat qabul qilish nomuntazam vaqt oralig‘ida bo‘lsa yoki ovqat qabul qilish umuman o‘tkazib yuborilsa, glimepirid qabul qiluvchi patsiyentda gipoglikemiya rivojlanishi mumkin. Gipoglikemiyaning kuzatilishi mumkin bo‘lgan belgilari: bosh og‘rig‘i, kuchli ochlik hissi, ko‘ngil aynishi, qusish, toliqish hissi, uyquchanlik, uyquni buzilishi, bezovtalik, tajovuzkorlik, diqqat va reaktsiyani buzilishi, depressiya, ongni chalkashishi, nutq va ko‘rishni buzilishi, afaziya, tremor, parez, sensor buzilishlar, bosh aylanishi, yordamga muhtojlik hissi, o‘zini nazorat qilish hissini yo‘qolishi, deliriy, tserebral tirishish, ongni chalkashishi va yo‘qolishi, komatoz holat, yuza nafas olish, bradikardiya. Bundan tashqari, orqaga yo‘nalgan bog‘liklik turidagi adrenergik mexanizm natijasida muzdek, yopishqoq ter ajralishi, bezovtalik, taxikardiya, arterial gipertenziya, yurak urishini tezlashishi, stenokardiya va yurak ritmini buzilishi kabi simptomlar yuz berishi mumkin. Kuchli gipoglikemiyaning klinik manzarasi insultning klinik manzarasini eslatishi mumkin. Deyarli barcha holatlarda simptomlar uglevodlar (qand) ni darhol qabul qilish bilan  tezkor nazorat qilinishi mumkin. Sun’iy qand o‘rnini bosuvchi vositalar bunday holatda samarasizdir. Sulfonilmochevinaning boshqa hosilalari qo‘llash tajribasidan ma’lumki, davolash boshida qarshi choralarni muvaffaqiyatli qo‘llanishiga qaramay, keyinchalik gipoglikemiya takroran namoyon bo‘lishi mumkin. Qandning odatdagi miqdorini qabul qilish bilan vaqtincha  nazorat qilinadigan kuchli yoki uzoq davom etuvchi gipoglikemiya  darhol tibbiy yordam yoki gospitalizatsiyani talab etadi. Gipoglikemiyaning rivojlanishga yordam beruvchi omillarga quyidagilar kiradi: patsiyentlarning shifokor bilan hamkorlik qilishga hoxishini yo‘qligi (ayniqsa keksa yoshda) yoki yetarli emasligi, to‘liq bo‘lmagan, nomuntazam ovqatlanish, ovqat qabul qilishni o‘tkazib yuborish, ochlik;odatdagi parhezni o‘zgarishi,jismoniy yuklama va uglevodlar iste’mol qilish orasidagi disbalans,alkogolni, ayniqsa ovqat qabul qilishni o‘tkazib yuborilganda iste’mol qilish,buyrak faoliyatini buzilishi, jigar faoliyatini og‘ir buzilishi,glimepiridning dozasini oshirib yuborilishi,endokrin tizimining uglevod almashinuviga ta’sir ko‘rsatuvchi yoki qarshi turdagi bog‘lanish gipoglikemiyasi (masalan, qalqonsimon bezi faoliyatini buzilishi, gipofizar yetishmovchiligi yoki buyrak usti po‘stlog‘i bezlarining yetishmovchiligi) ba’zi kompensatsiyalanmagan kasalliklarida boshqa dori vositalarini qabul qilish (Dorilarning o‘zaro ta’siri bo‘limiga qarang). Glimepirid bilan davolash glyukozaning qon va siydikdagi kontsentratsiyasi muntazam monitoringini talab etadi. Shuningdek, glikozillangan gemoglobin miqdorini aniqlash tavsiya etiladi. Shuningdek glimepirid bilan davolashda jigar faoliyatini muntazam tekshirish va qon elementlari (asosan leykotsitlar va trombotsitlar) sonini hisoblash zarur. Stress vaziyatlarda (masalan, baxtsiz xodisalar, jarrohlik operatsiyalari, isitma bilan birga keluvchi infektsion kasalliklar va b.) vaqtincha insulinga o‘tish buyurilishi mumkin. Og‘ir buyrak yetishmovchiligi bo‘lgan patsiyentlarda yoki gemodializ o‘tkaziladigan patsiyentlarda glimepiridni qo‘llash tajribasi mavjud emas. Og‘ir buyrak yoki jigar yetishmovchiligi bo‘lgan patsiyentlarga insulinga o‘tish buyurilgan. Glyukozo-6-fosfatdegidrogenaza tanqisligi bo‘lgan patsiyentlarda sulfonilmochevina hosilalarini qo‘llash gemolitik anemiyaga olib kelishi mumkin. Glimepirid sulfonilmochevina hosilalari sinfiga kirishi sababli glyukozo-6-fosfatdegidrogenaza tanqisligi bo‘lgan patsiyentlarda uni ehtiyotkorlik bilan qo‘llash zarur. Bundan tashqari, sulfonilmochevina hosilari saqlamagan muqobil dori vositalari bilan davolash variantini ko‘rib chiqish kerak. Amaril laktoza monogidrati saqlaydi, shuning uchun laktozani nasliy o‘zlashtiraolmaslik, laktoza tanqisligi yoki glyukoza-laktoza so‘rilishi buzilgan patsiyentlarda uni qo‘llash mumkin emas. Homiladorlik va laktatsiya davrida qo‘llanishi Glimepiridni homilador ayollarda qo‘lash mumkin emas. Homiladorlik rejalashtirilayogan bo‘lsa yoki homiladorlik boshlanganida ayollarni insulin bilan davolashga o‘tkazish zarur. Glimepiridni insonlarda ko‘krak suti bilan ajralib chiqarilishi noma’lum. Kalamushlarda glimepirid ko‘krak suti bilan ajralib chiqariladi. Sulfonilmochevining boshqa hosilalari insonda ko‘krak suti bilan chiqarilganligi tufayli va emizikli go‘daklarda gipoglikemiya rivojlanish xavfi mavjudligi sababli, glimepiridni emizikli davrdagi ayollarga buyurish tavsiya etilmaydi. Bolalar va o‘smirlar 8 yoshdan kichik patsiyentlarda glimepiridni qo‘llash bo‘yicha ma’lumotlar mavjud emas. 8 yoshdan 17 yoshgacha bo‘lgan bolalarda glimepiridni monoterapiyada qo‘llash bo‘yicha cheklangan ma’lumotlar mavjud. (5.1. va 5.2. bo‘limlarga qarang). Mavjud bo‘lgan ma’lumotlar glimepiridning samaradorligi va bezararligi bo‘yicha yetarli emasligi sababli, pediatriyada bunday qo‘llash tavsiya etilmaydi. Avtotransport va mexanizmlar boshqarishga ta’siri Glimepiridni avtotransport va mexanizmlar boshqarishga ta’siri bo‘yicha tadqiqotlar o‘tkazilmagan. Patsiyentning diqqatni jamlash reaktsiyasi gipoglikemiya yoki giperglikemiya rivojlanishi yoki masalan, ko‘rish qobiliyatini buzilishi natijasida kamayishi mumkin. Ushbu ta’sirlar bunday ko‘rinishlar asosan zarur bo‘lganda (masalan, avtomobil boshqarish yoki texnika) holatlarda xavf tug‘dirishi mumkin. Patsiyentlarni avtomobil xaydash vaqtida gipoglikemiya yuzaga kelishini oldini oluvchi choralar zarurati to‘g‘risida xabardor qilish lozim. Asosan, gipoglikemiya epizodlari ko‘p takrorlanuvchi patsiyentlar, shuningdek gipoglikemiyaning boshlang‘ich belgilari to‘g‘risida mutqalo ma’lumotga ega bo‘lmagan yoki kam ma’lumotga ega bo‘lgan patsiyentlar uchun o‘ta zarurdir. Bunday hollarda avtotransport xaydash yoki texnika boshqarish maqsadga muvofiqligi to‘g‘risida o‘ylab ko‘rish zarur. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

25oS dan yuqori bo‘lmagan haroratda saqlansin.

Glimepiridning yuqori dozasi qabul qilinganda 12 soatdan 72 soatgacha bo‘lgan davomiylikda gipoglikemiya rivojlanishi mumkin, u glyukozaning qondagi kontsentratsiyasi boshlang‘ich davrda tiklangandan so‘ng takrorlanishi mumkin. Gipoglikemiya deyarli har doim uglevodlarni (glyukoza yoki qand, masalan, bir bo‘lak qand, mevaning shirin sharbati yoki choy) qabul qilish bilan darhol bartaraf etilishi mumkin. Shu boisdan bemor yonida 20 g glyukoza (4 bo‘lak qand) olib yurishi kerak. Gipoglikemiyani davolashda qand o‘rnini bosuvchilar samarador emas. Qo‘p holatlarda statsionarda kuzatish tavsiya etiladi. Davolash qusishni chaqirishni, suyuqlik (suv yoki faollashtirilgan ko‘mirli (adsorbent) limonad) va natriy sulfatini (surgi) qabul qilishni o‘z ichiga oladi. Preparat katta miqdorda qabul qilinganda me’dani faollashtirilgan ko‘mir va natriy sulfat bilan yuvish tayinlangan. Og‘ir gipoglikemiyaning klinik manzarasi miyada qon aylanishini o‘tkir buzilishi (MQO‘B) ning klinik manzarasiga o‘xshash bo‘lishi mumkin, shuning uchun u shifokor kuzatuvi ostida darhol davolashni, ayrim hollarda esa bemorni gospitalizatsiya qilishni talab etadi. Glyukozani yuborishni iloji boricha tezroq boshlash, zarurat bo‘lganida v/i oqim bilan 50 ml 40% eritmani, keyinchalik 10% li eritmani infuzion yuborishni glyukozaning qondagi kontsentratsiyasini sinchkov monitoringi bilan boshlash kerak. Keyinchalik davolash simtomatik bo‘lishi kerak. Gipoglikemiya belgilari keksa bemorlarda, vegetativ neyropatiya bilan kasallangan va β-adrenoblokatorlar, klonidin, rezerpin, guanetidin va boshqa simpatolitik vositalar bilan bir vaqtda davolanayotgan bemorlarda yuzaki bo‘lishi yoki umuman bo‘lmasligi mumkin. Agar qandli diabet bilan og‘rigan bemorlarni turli shifokorlar davolasa (masalan, baxtsiz xodisadan keyin shifoxonada bo‘lgan vaqtda yoki dam olish kunlari kasallanganda), bemor albatta o‘z kasalligi va avvalgi davolanish to‘g‘risida xabar berishi kerak. Emizikli ayollar yoki kichik bolalar tasodifan Amaril qabul qilishi natijasidagi gipoglikemiyani davolashda dekstrozaning ko‘rsatilgan dozalari (50 ml 40% eritma) xavfli giperglikemiyani oldini olish maqsadida sinchkov nazorat qilinishi kerak. Shuning uchun glyukozaning qondagi kontsentratsiyasi uzluksiz va sinchkov monitoring qilinishi zarur.

Retsept bo‘yicha

1 mg, 2 mg, 3 mg , 4 g glimepirid saqlovchi tabletkalar. 15 tabletkadan blisterlarda. 2 tadan blister qo‘llash bo‘yicha yo‘riqnomasi bilan birga karton qutilarda. Amaril 1 mg li tabletkalari: 15 tabletkadan blisterda, 2 blisterdan karton qutida qo‘llash bo‘yicha yo‘riqnoma bilan birga yoki 30 tabletkadan blisterda, 1 blisterdan karton qutida qo‘llash bo‘yicha yo‘riqnoma bilan birga. 2 mg, 3 mg , 4 g glimepirid saqlovchi tabletkalar: 15 tabletkadan blisterlarda, 2 tadan blister qo‘llash bo‘yicha yo‘riqnomasi bilan birga karton qutilarda.

3 yil.