Oq deyarli oq rangli suspenziya. Saqlanganda sirtida tiniq suyuqlik qavati ajralib chiqishi mumkin. Flakonni yaxshilab chayqatilganda suspenziyaning gomogenligi tiklanadi.

Me’da va o‘nikki barmoq ichak yarasiga qarshi vosita (antatsid)

Og‘riq, ko‘ngil aynishi va qusish bilan kechuvchi me’da va/yoki o‘nikki barmoqli ichakning yallig‘lanish va eroziv kasalliklarni qisqa muddatli simptomatik davolash, qizilo‘ngach, me’da va o‘nikki barmoq ichakning shilliq qavatini o‘tkir yoki surunkali yallig‘lanishi yoki boshqa buzilishlari.

Almagel A ni ushbu yo‘riqnomaga muvofiq qo‘llang. Kattalarga: 5-10 ml (1-2 o‘lchov qoshiq) dan kuniga 3-4 marta ovqatdan 10-15 minut oldin buyuriladi. Davolashning maksimal davomiyligi 6-7 kunni tashkil qiladi, so‘ngra Almagel bilan davolashga o‘tiladi. Almagel A ni qabul qilingandan keyin 15 minut davomida suyuqliklar qabul qilish tavsiya qilinmaydi. Har bir qabul qilishdan oldin flakonni chayqatib, suspenziyani gomogenlashtirish lozim. Agarda Siz Almagel A ni navbatdagi qabulini o‘tkazib yuborgan bo‘lsangiz, uni keyingi muntazam qabul qilish vaqti kelganda, dozasini oshirmay qabul qiling.

preparatning tarkibiga kiruvchi qanday bo‘lmasin bir komponentiga o‘ta yuqori sezuvchanlik;buyrak yetishmovchiligining og‘ir shakli (gipermagniyemiya va alyuminiyli intoksikatsiyani rivojlanish xavfi tufayli);bolalarga buyurilmaydi, chunki metgemoglobinemiyani rivojlanish xavfi mavjud;homiladorlik va emizish.

Siz qandaydir boshqa dori preparatlarni qabul qilayotganingiz to‘g‘risida davolovchi shifokorga darhol xabar bering! Boshqa dori vositalar bilan bir vaqtda davolanishda, ularni Almagel A ni qabul qilishdan 1-2 soat oldin yoki keyin qabul qilish lozim. Almagel A me’da shirasining kislotali muhitini kamaytiradi, bu esa bir vaqtda qabul qilinganda ko‘p sonli dori vositalarning ta’siriga ta’sir qilishi mumkin. Almagel A N2-blokatorlar (tsimetidin, ranitidin, famotidin), digitalis glikozidlari, temir tuzlari, litiy preparatlari, xinidin, meksiletin, fenotiazin preparatlari, tetratsiklin qatori antibiotiklari, tsiprofloksatsin, izoniazid va ketokonazolning davolovchi ta’sirini pasaytiradi. Almagel A sulfonamidlarning davolovchi samarasini kamaytiradi va shuning uchun bunday preparatlar bilan davolash o‘tkazilganda, uni qabul qilish mumkin emas. Ichakda eruvchi tabletkalar ko‘rinishida taklif etilayotgan dori vositalari bilan bir vaqtda qabul qilinganda, me’da shirasining pasaygan kislotali muhiti, uning qobig‘ini tez buzilishiga olib kelishi va me’da va o‘nikki barmoq ichakning ta’sirlanishini chaqirishi mumkin. Almagel A bioximik tahlil natijalariga ta’sir qilishi mumkin; u me’da sekretsiyasi darajasini pasaytiradi va shunday qilib, uning kislotaliligini aniqlash uchun funktsional tekshirishlarning natijalarini o‘zgartiradi; texnetsiy (Ts99) ni ishlatilishi bilan o‘tkaziladigan testlarning, masalan suyaklarning stsintografiyasi va qizilo‘ngachni tekshirish uchun ayrim testlarning natijalarini o‘zgartiradi, zardobdagi fosfor darajasini, zardobdagi va siydikdagi rN ko‘rsatkichini oshiradi.

Quyidagilarda preparatni qo‘llash tavsiya qilinmaydi: og‘ir odatiy qabziyati bo‘lgan bemorlarda; o‘tkir appenditsitning simptomlarida, yarali kolit mavjud bo‘lsa, divertikulezlar, kolostomalar yoki ileostomalar (suv-elektrolit muvozanati buzilishlarini rivojlanishini yuqori xavfi), surunkali ich ketishi, o‘tkir gemorroy;organizmda kislota-ishqor muvozanatini o‘zgarishida va asosan metabolik alakalozni mavjudligida;jigar tsirrozida;og‘ir yurak yetishmovchiligida;buyrak faoliyatini buzilishlarida (gipermagniyemiya va alyuminiyli intoksikatsiyani rivojlanish xavfi). Alyuminiy nerv to‘qimasida to‘planishi tufayli, alyuminiy saqlovchi antatsidlarni qo‘llashni keksa yoshdagi patsiyentlarda va Altsgeymer kasalligi bo‘lgan patsiyentlarda, ularning holatini yomonlashishi mumkinligi xavfi tufayli, keskin cheklash lozim. Keksa yoshdagi bemorlar tomonidan qabul qilinganida suyaklar va bo‘g‘imlarning mavjud kasalliklari yomonlashishi mumkin. Homiladorlik va emizish davrida qo‘llanishi. Almagel A homiladorlik va emizish vaqtida buyurilmaydi, chunki u benzokain saqlaydi. Avtomobilni boshqarish va texnikadan foydalanish qobiliyatiga ta’siri. Mashinani haydash va texnika bilan ishlash qobiliyatiga preparatning salbiy ta’siriga oid ma’lumotlar yo‘q. Preparatning tarkibidagi etanol, tavsiya qilingan sutkalik dozalar qabul qilinganida, avtomobilni boshqarish va texnikadan foydalanish qobiliyatiga ta’sir qilmaydigan miqdorlarda saqlanadi. Yordamchi moddalar to‘g‘risida ma’lumot. Dori vositasi sorbitol saqlaydi, bu uni qandli diabeti bo‘lgan bemorlar tomonidan qabul qilish imkonini beradi, lekin fruktozani tug‘ma o‘zlashtiraolmasligi bo‘lgan patsiyentlarni davolash uchun to‘g‘ri kelmaydi, chunki me’dani ta’sirlanishi va diareyani chaqirishi mumkin. Suspenziya parabenlarni saqlaydi, ular eshakemi va kam hollarda tezkor turdagi allergik reaktsiyalar – bronxospazm chaqirishi ma’lum. Almagel A etanol saqlaydi, buning natijasida jigar va miya kasalliklari bo‘lgan, alkogolizm va tutqanoq bilan xastalangan patsiyentlarda, homiladorlarda va 14 yoshdan kichik bolalarda asoratlar paydo bo‘lishi mumkin. Preparat bolalar olaolmaydigan joyda saqlansin va yaroqlilik muddati o‘tganidan keyin ishlatilmasin.

Yorug‘likdan himoyalangan joyda, 250S dan yuqori bo‘lmagan haroratda saqlansin.

Shifokor tomonidan buyurilgan dozadan ortiq dozani bir marta qabul qilinganda, qabziyat, meteorizm (ichakda gazni hosil bo‘lishini oshishi), metall ta’mini his qilish va preparatda benzokainni mavjudligi tufayli yutganda sezuvchanlikni yo‘qolishidan tashqari, odatda boshqa belgilar kuzatilmaydi. Yuqoriroq dozalarni davomli qabul qilinganida yutishni buzilishi (tez-tez tiqilib qolish), buyraklarda toshlarni hosil bo‘lishi, og‘ir darajadagi qabziyat, yengil darajali uyquchanlik, qonda magniy miqdorini oshishi kuzatilishi mumkin. Shuningdek metabolik alkaloz (organizmda kislota-ishqor muvozanatini buzilishi) ning belgilari: kayfiyatni yoki aqliy faollikni o‘zgarishi, mushaklarda uvishish yoki og‘riq, asabiylik va tez toliqish, nafasni sekinlashishi, noxush ta’mni his qilishlar kuzatilishi mumkin. Darhol organizmdan dori vositasini chiqarib yuborish bo‘yicha tezkor choralarni ko‘rish lozim: qusishni chaqirish, me’dani yuvish, faollashtirilgan ko‘mir qabul qilish kerak. Dozani oshirib yuborilishi simptomlari paydo bo‘lganida darhol shifokorga murojaat qiling!

Retseptsiz

Ichga qabul qilish uchun suspenziya, 50 ml, 100 ml, 170 ml, 200 ml dan flakonlarda.

2 yil.