oq va to‘q sariq rangli granulalar saqlovchi, “2” o‘lchamli pushti rangli qalpoqcha va tiniq korpusli qattiq jelatin kapsulalar.

me’da-ichak yarasiga qarshi vositalar, proton nasosining ingibitorlari.

A02VX

Domperidon ichga qabul qilinganidan so‘ng tez so‘riladi. Past biokiraolishlikka ega (15% ga yaqin). Plazmadagi maksimal kontsentratsiyasiga 1 soatdan so‘ng erishiladi. Domperidon turli to‘qimalarda keng tarqaladi, bosh miya to‘qimalarida uning kontsentratsiyasi yuqori emas. Plazma oqsillari bilan bog‘lanishi 91-93%. Ichak devorida va jigarda jadal metabolizmga uchraydi. Ichak orqali (66%) va buyraklar orqali (33%) chiqariladi, dozaning kattaligiga qarab, mos ravishda 0% va 1% o‘zgarmagan holda chiqariladi. Yarim chiqarilish davri 7-9 soat, yaqqol buyrak yetishmovchiligida bu muddat  uzayadi. Omeprazol ichga qabul qilingandan so‘ng me’da-ichak yo‘llaridan tez va yetarli darajada to‘liq so‘riladi, biroq biokiraolishligi ko‘pi bilan 50-55% ni tashkil qiladi (jigar orqali “birinchi o‘tish” samarasi tufayli). Qon plazmasi oqsillari (albumin va nordon alfa1-glikoprotein) bilan bog‘lanishi juda yuqori – 95% ni tashkil qiladi. 20 mg omeprazol bir marta qabul qilinganidan so‘ng me’da sekretsiyasining susayishi birinchi soat davomida yuz beradi, maksimumiga 2 soatdan so‘ng yetadi va taxminan 24 soat davom etadi. Samarasining yaqqolligi dozaga bog‘liq. Pariyetal xujayralarning xlorid kislotasini ishlab chiqarish xususiyati davolash tugaganidan so‘ng 3-5 kun davomida tiklanadi. Preparat jigarda, amalda antisekretor faolligini yo‘qligi bilan xarakterlanadigan, hech bo‘lmaganda 6 ta metabolitini hosil bo‘lish bilan biotransformatsiyaga uchraydi. Asosan buyraklar orqali metabolitlari ko‘rinishida (72-80%) va ichak orqali (18-23%) chiqariladi. Yarim chiqarilish davri 0,5-1 soatga (jigarning normal funktsiyasida) yoki          3 soatga (jigarning surunkali kasalliklarida) teng. Keksa yoshdagi patsiyentlarda biokiraolishligi biroz oshishi va organizmdan chiqarilish tezligi kamayishi mumkin.

Alizol-D domperidon va omeprazol saqlovchi majmuaviy preparat, dispepsiya bilan kechuvchi reflyuks-ezofagitda proton nasosi ingibitorlari yoki N2-retseptorlari antagonistlarini qo‘shimcha buyurilmasdan tavsiya etiladi.

Kattalar va 14 yoshdan oshgan bolalarga, kasallik belgilarining yaqqolligiga qarab, Alizol-D  ertalab och qoringa, bir yoki ikki kapsuladan buyuriladi.

Domperidon – Ovqat hazm qilish tizimi tomonidan: og‘izni qurishi, qabziyat, ichak spazmlari; – Markaziy nerv tizimi tomonidan: ekstrapiramid buzilishlar; – Allergik reaktsiyalar: kam hollarda – toshma, eshakemi; – Boshqalar: bosh og‘rig‘i, qon plazmasida prolaktin miqdorini oshishi; kam hollarda – galaktoreya, ginekomastiya. Omeprazol – Ovqat hazm qilish tizimi tomonidan: ko‘ngil aynishi, diareya, qabziyat, qorin og‘rig‘i, meteorizm, og‘izni qurishi, ishtahani yo‘qolishi; – Markaziy nerv tizimi tomonidan: bosh og‘rig‘i, bosh aylanishi, holsizlik (shu jumladan mushak), uyquni buzilishi, uyquchanlik, depressiya, havotirlik; – Suyak-mushak tizimi tomonidan: ayrim hollarda – artralgiya, mushaklar kuchsizligi, mialgiya; – Qon yaratish tizimi tomonidan: ayrim hollarda – anemiya, eozinofiliya, trombotsitopeniya; – Allergik reaktsiyalar: teri toshmasi; Ushbu belgilar yoki boshqa noxush holatlar paydo bo‘lsa, dori vositasini qabul qilishni to‘xtatish, me’dani yuvish va shifokorga murojaat qilish lozim.

– me’da-ichak qon ketishlari; – me’da yoki ichakni tutilishi; – me’daning teshilishi; – prolaktinoma; – dori vositasining komponentlariga yuqori sezuvchanlik; – 14 yoshgacha bo‘lgan bolalar; – homiladorlik, laktatsiya davri; – buyrak/jigar yetishmovchiligida qo‘llash mumkin emas.

Domperidon. Bir vaqtda qo‘llanganda antixolinergik preparatlar domperidonning ta’sirini neytrallashi mumkin. Domperidon bilan bir vaqtda qo‘llanganida antatsid va antisekretor preparatlar uning biokiraolishligini pasaytiradi. In vitro sharoitidagi tadqiqotlar asosida domperidon tsitoxrom CYP3A4 fermentini ahamiyatli ingibitsiya qiluvchi preparatlar (azollar guruhi zamburug‘larga qarshi preparatlar, makrolidlar guruhi antibiotiklari, OITV proteaza ingibitorlari, antidepressant (nefazodon) bilan bir vaqtda qo‘llanganida, plazmada domperidonning miqdorini oshishi kuzatilishi mumkinligini taxmin qilish mumkin. Domperidon qonda paratsetamol va digoksinning miqdoriga ta’sir qilmaydi. Domperidon faol moddasi asta-sekin ajralib chiqadigan yoki ichakda eruvchi qobiq bilan qoplangan, ichga bir vaqtda qabul qilinadigan preparatlarning so‘rilishiga ta’sir qilishini mumkinligi istisno qilinmaydi. Omeprazol So‘rilishi rN ga bog‘liq bo‘lgan har qanday dori vositasining (ketokonazol, temir tuzlari) biokiraolishligini o‘zgartiradi. Omeprazol jigarda oksidlanish yo‘li bilan metabolizmga uchraydigan dori vositalarining (diazepam, varfarin) yarim chiqarilish davrini va ta’siri davomiyligini oshirishi mumkin; kumarin antikoagulyantlari va difeninning ta’sirini kuchaytiradi; benzadiazepin trankvilizatorlarining (sibazon) chiqarilishini sekinlashtiradi. Qonda klaritromitsinning kontsentratsiyasini oshiradi. Omeprazol antatsidlar bilan bir vaqtda qo‘llanganida dorilarning o‘zaro ta’siri aniqlanmagan.

Preparatni faqat shifokorning nazorati ostida buyurish tavsiya qilinadi. Preparatni bolalarga, Alizol-D ni bu toifa patsiyentlarida qo‘llashning klinik tajribasi yo‘qligi tufayli, buyurish tavsiya etilmaydi. Davolashni boshlashdan oldin, ayniqsa anamnezida me’da yarasi bo‘lganda, me’da-ichak yo‘llarida xavfli o‘smalar borligini istisno qilish lozim. Og‘ir jigar yetishmovchiligi bo‘lgan bemorlarda doza sutkada 20 mg dan oshmasligi kerak (biokiraolishligi va yarim chiqarilish davrining oshishi tufayli).

Quruq, yorug‘likdan himoyalangan joyda, 30°S dan yuqori bo‘lmagan haroratda.

Simptomlari: domperidon tomonidan – qorin og‘rig‘i, ko‘ngil aynishi, qusish, tormozlanish, depressiya, bosh og‘rig‘i, quloqlarda shovqin, metabolik atsidoz, koma, o‘tkir buyrak yetishmovchiligi, arterial bosimni pasayishi, bradikardiya, taxikardiya, bo‘lmachalar fibrillyatsiyasi, nafasni to‘xtab qolishi. Omeprazol tomonidan – ko‘rishni noaniqligi, ongni chalkashishi, bosh og‘rig‘i, terlashni kuchayishi, uyquchanlik, og‘izni qurishi, ko‘ngil aynishi, taxikardiya. Davolash: me’dani yuvish (qabul qilgandan so‘ng faqat bir soat davomida ishqoriy suyuqlik ichish), kuchaytirilgan diurez, simptomatik davolash.

Retsept bo‘yicha

10 kapsula alyumin striplarda. 1 yoki 10 stripdan qo‘llash bo‘yicha yo‘riqnomasi bilan birga karton qutida.

2 yil.