plyonka qobiq bilan qoplangan, dumaloq, ikki tomonlama qavariq, pushti rangli tabletkalar.

antibiotik, rifaksimin.

A07AA11.

Farmakokinetik tadqiqotlar α polimorf shaklidagi rifaksimin og‘iz orqali qabul qilinganida deyarli so‘rilmasligini (1% dan kam) ko‘rsatdi. Rifaksiminning terapevtik dozalarini sog‘lom ko‘ngillilarga va ichak shilliq qavatlari shikastlangan (ichakning yallig‘lanish kasalligi mavjud) bemorlarga takroran yuborilganida preparatning qon plazmasidagi miqdori juda ham kam (10 ng/ml dan kam) bo‘lgan. Ahlat ekstraktlari tahlili o‘zgarmagan rifaksiminni mavjudligini ko‘rsatdi, bu esa me’da-ichak yo‘li orqali o‘tishi jarayonida uning parchalanishi yoki metabolizmi yo‘qligidan dalolat beradi. Nishonlangan rifaksimindan foydalangan holda o‘tkazilgan tadqiqot 14C-rifaksimin ahlat bilan mutloq va deyarli to‘liq (kiritilgan dozaning 96,9%) chiqarilishini taxmin qilish uchun asos bo‘ladi. Siydik bilan ajratib chiqarilgan 14S-rifaksimin yuborilgan dozaning 0,4% dan oshmaydi.

Rifaksiminga sezgir bakteriyalar keltirib chiqaradigan me’da-ichak yo‘llari infektsiyalarini davolash, ular jumlasiga quyidagilar kiradi: me’da-ichak yo‘llarining o‘tkir infektsiyalari;sayyohlar diareyasi;ichakda mikroorganizmlarning ortiqcha ko‘payishi sindromi;jigar entsefalopatiyasi;chambar ichakning simptomatik asoratsiz divertikulezi;ichakning surunkali yallig‘lanishi. Kolorektal jarrohlik aralashuvida infektsion asoratlarni profilaktika qilishda qo‘llaniladi.

Preparatni postmarketing davri mobaynida qo‘llash tajribasi Postregistratsion (Ro‘yxatdan o‘tkazilganidan keyingi) davrda rifaksiminni qo‘llash oqibatidagi yangi nojo‘ya ta’sirlari to‘g‘risida xabar berilgan. Bunday ta’sirlarni yuz berish tez-tezligi noma’lum (ya’ni uni mavjud ma’lumotlar asosida baholash mumkin emas). Nojo‘ya ta’sirlar o‘z tez-tezligiga ko‘ra quyidagicha tasniflanadi: Juda tez-tez (>1/10), tez-tez (>1/100– <1/10), tez-tez emas (>1/1,000 – <1/100), kam hollarda (>1/10,000 – <1/1,000), juda kam hollarda (<1/10,000), noma’lum (tez-tezligi mavjud ma’lumotlar asosida baholash mumkin emas).

Faol moddaga, rifamitsin hosilalariga yoki preparatning har qanday yordamchi moddalariga yuqori sezuvchanlik. Ichak tutilishi. Yuqori harorat yoki ahlatda qon bo‘lishi bilan kechuvchi diareyada rifamitsinni qabul qilish mumkin emas.

Tizimli bakterial infektsiyani davolash uchun rifaksimin guruhidagi boshqa antibakterial preparatlarni qabul qilgan bemorlar tomonidan rifaksiminni qabul qilish tajribasi yo‘q. Sog‘lom insonlardan farqli ravishda, jigar faoliyatini buzilishi bo‘lgan bemorlar tomonidan preparat qo‘llanilganida bunday bemorlarning yuqori tizimli ekspozitsiyasi oqibatida rifaksiminni CYP3A4tsitoxromi yordamida metabolizmga uchraydigandori vositalarining (masalan, varfarin, tutqanoqqa qarshi va antiritmik preparatlarning) farmakinetikasiga ta’sir etishi mumkinligini inkor etish mumkin emas, bunda CYP3A4 tsitoxromi rifaksimin tomonidan kuchsiz faollashishga uchraydi. Faollashtirilgan ko‘mir qo‘llanilganida rifaksiminnibunday vosita qo‘llanganidan keyin kamida 2 soat o‘tgach qo‘llash lozim.

Agar infektsion diareyani davolashda (o‘tkir me’da-ichak infektsiyasi va sayyohlar diareyasi holatida) diareya simptomlari kuchayib borsa yoki 48 soatdan ortiq davr mobaynida saqlanib qolsa, rifaksiminni qabul qilishni to‘xtatish va boshqa antibiotiklarni buyurish lozim. Preparatning mutloq past so‘riluvchanligiga qaramay (1% dan kam) rifaksiminning barcha boshqa hosilalari kabi mazkur preparat siydikni qizg‘ish rangga bo‘yashi mumkinligi haqida bemorlarni xabardor qilish lozim. Rifaksimin va R-glikoproteiningibitorlarini, masalan, tsiklosporinni birgalikda qo‘llash zarurati yuzaga kelganida ehtiyotkorlikni namoyon etish lozim. Ichak mikroflorasiga ta’sir etishi oqibatida rifaksimin qabul qilinganidan keyin tarkibida estrogen saqlovchi oral kontratseptivlarning samaradorligi pasayishi mumkin. Biroq bunday o‘zaro ta’sir haqida kam xabar berilgan. Agar, ayniqsa oral kontratseptivda estrogenning miqdori 50 mkg dan kam bo‘lsa, homila paydo bo‘lishiga qarshi qo‘shimcha ehtiyotkorlik choralari ko‘rilishi tavsiya etiladi.

Homiladorlik Rifamitsinni homiladorlik davrida qo‘llanishiga doir axborot mavjud emas yoki juda kam. Hayvonlarda o‘tkazilgan eksperimentlarda suyak paydo bo‘lishi jarayoniga va homilada skelet o‘zgarishlariga preparatning o‘tkinchi ta’siri aniqlangan. Ushbu ma’lumotlarning inson uchun klinik ahamiyati aniqlanmagan. Rifaksiminni ehtiyotkorlik nuqtai nazaridan, homiladorlik vaqtida qo‘llash tavsiya etilmaydi. Laktatsiya Rifaksimin yoki uning metabolitlari ko‘krak suti bilan ajralib chiqishi noma’lum. Emizilayotgan go‘dak uchun xavfni inkor etib bo‘lmaydi. Bola uchun emizishdan kutilayotgan foydani ona uchun va preparat bilan davolash berayotgan foydani taqqoslab, qaysi birini – emizishni yoki rifaksimin bilan davolashni to‘xtatish kerakligini tanlash zarur. Fertillik Hayvonlarda o‘tkazilgan eksperimentlar preparatning erkaklar yoki ayollarda fertillikka bevosita yoki bilvosita ta’siri borligini ko‘rsatmaydi.

30oS dan yuqori bo‘lmagan haroratda saqlansin.

Sayyohlar diareyasidan aziyat chekayotgan bemorlar ishtirokidagi klinik sinovlarda preparatni kuniga 1800 mg gacha dozada qo‘llanilishi hech qanday jiddiy klinik holatlarni keltirib chiqarmagan. Hatto normal mikroflorali shaxslar/patsiyentlarda rifaksiminni kuniga 2400 mg gacha dozada 7 kun davomida qo‘llanilishi preparatning yuqori dozalarini qabul qilish bilan bog‘liq jiddiy klinik simptomlarni rivojlanishiga olib kelmagan. Tasodifan dozani oshirib yuborilgan taqdirda, simptomatik davolash va qo‘llab-quvvatlovchi parvarish tavsiya etiladi.

Retsept bo‘yicha

200 mg li plyonka qobiq bilan qoplangan tabletkalar. Plyonka qobiq bilan qoplangan 12 tabletka blisterda karton qutiga joylangan.

3 yil.